隱世雞 (裝修中)

呢間隱世雞真係難得 keep 到水準好好食嘅小店！雖然地方細小，座位唔多，但食物真係好高質！重點係佢地嘅下午茶係由 2pm 做到 9pm，而且仲要係勁大碗！有時做晚餐確實唔錯~！😋 隱世醉雞米線 ~ 好濃嘅花雕酒味，雞肉嫩滑，浸住d雞好入味！😋 鹹雞米線 ~ 好有鹹香味！用餐期間一直有好多人嚟叫外賣，店員突然問我食唔食雞翼尖，我話食呀~ 然後佢就拎咗碗醉雞翼尖俾我，好驚喜！呢度係充滿人情味嘅小店！

平時喺附近返學，如果落堂見到隱世雞有位嘅話，就一定會入去食。次次都係食呢到嘅蒜香草雞扒米線，每次食都覺得好好食😋今次同朋友一齊食雞扒米線，不過店員話雞扒得一份係full set，另一份可能要雞扒拼豬扒，所以問我地咁樣得唔得。我地就覺得無乜所謂，所以唔理照要🫡唔知佢地係咪想為表歉意，所以就送左一碗雞湯浸娃娃菜（？🤣送上嚟個陣我呆左，因為我見到啲豬扒好似好多咁，仲送左碗好好食嘅菜😙個刻覺得佢地好似當我地豬咁喂咁🐷開心！滿足！同時亦很飽！最後臨走前，同店員講左聲多謝 hahaha😼

屋企人住喺附近，差唔多每次經過都會食！推介口水雞米線，米線啲湯好好飲，好清甜，食完唔口渴，口水雞有大量蒜同芫荽(唔鍾意嘅話，亦都可以叫佢走芫荽)。下午茶只係$36！呢個價錢真係冇得頂，正價貴啲但係雞份量多差唔多一倍。以前亦都試過鹹雞同埋醉雞，都唔錯，但係都係口水雞最好食(注: 少少重口味)。熟客佢仲每次都會送一小碗菜，非常有人情味！有時喺附近嘅話都會心思思專登去食。真係好好味同好抵食，希望佢哋繼續做落去！

喺大角咀呢一度有一間超抵食食雞嘅舖頭，如果可以，我推介大家一定要嚟堂食😍一行四人嚟呢一度食下午茶🤣 我哋食盡好多唔同款式嘅雞，隱世口水雞、鹹雞、醉雞、隱世蔥油雞扒，朋友介紹食佢嘅米線，係可以夾啲雞味😋雞件非常滑，而且非常入味😎如果唔太鍾意食鹹食嘅，建議唔好點鹹雞🫢嚟得到食堂食，一定要食佢嘅炸物，我哋點咗椒鹽豆腐同埋隱世柚子雞翼配薯角，即叫即炸，麵粉唔厚，有子雞翼係我哋次次嚟親都一定叫嘅🤩仲有一樣係一定要點，就係佢嘅雞湯學斗，只係加$5，就有一碗用雞湯浸嘅菜，本身嘅菜味加上雞湯，係真係會連埋碗湯一齊飲晒😆重點係食物足料到咁，但係一啲味精都冇，食完好耐都冇口渴嘅感覺，淨係呢一點已經非常之難得🥳老闆阿胡超親民，咩話題都可以同佢傾，煮嘅嘢食又好食。如果有機會想食佢嘅龍躉籠仔飯或者其他嘢食，可以早啲喺WhatsApp落訂單，一去到就食得😍我哋幫襯係平日下午，嗰日都有唔少街坊幫襯，證明人緣好好啦👍🏻

大角嘴一向都好多好野食，不過第一次嚟富榮花園呢邊食，隱世雞位置少少偏，離地鐵站唔算近，但都幾多人食，6點幾去到已經滿座。小店位置細，坐得逼，個地板唔係濕但勁跣。最招牌應該係花雕醉雞，但見佢仲有個咸雞，於是兩個都叫嚟試吓。花雕醉雞米線雞會有花雕酒浸住，好濃花雕味，雞肉都幾滑米線份量好少咸雞米線咸雞就係乾的，配蔥蓉食，都好夠味好咸想食小食只有下午茶餐有，下午茶餐供應到2100，雞翼+薯角$30，冇嘢飲，所以2個人一人一個套餐再share都冇問題。雞翼同薯角炸得脆，唔錯

呢間舖頭唔大，裝修唔係靚，但佢夠膽三十幾蚊下午茶做到夜晚收工，已經幫到好多人，仲要食物水準遠高過你喺任何地方比$35食到嘅嘢。米線係打雞湯上，食完唔口渴，雞亦都夠滑，開咗就快2年，已經無再發現有碎骨，味道亦一路同客人傾過之後做調整，好似我叫醉雞，由最初超重酒味，我鍾意但我太太頂唔順，慢慢校到比較大眾化嘅口味，係有heart嘅小店仲有柚子雞翼都要推介，糧頭我就叫兩份下午茶，好似成枱都係餸，埋單都係六十零蚊，係爽嘅

隱世雞地址: 大角咀海庭道8號富榮花園地下46號舖今日試下大角咀小店先😌。隱世蒜蓉海蝦籠仔飯🦐$118蒜蓉海蝦籠仔啲白飯吸盡海蝦和蒜蓉嘅精華，但略嫌海蝦就較為鞋咗啲😗。隱世招牌花雕醉雞🐔$52鋪面雖然平平無奇，但估唔到個花雕醉雞都幾有驚喜。雞無骨，好滑好入味，仲好重花雕味☺️又唔會好油，幾好🤪，呢個價錢真係CP值幾高🤘🏻。#nicefoodie大角咀—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #大角咀美食 #打卡  #大角咀#香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #中餐 #中菜

今日嚟到大角咀，發現咗呢間隱世雞！主打醉雞，仲有豬扒、肉骨茶出邊都唔少人等緊外賣，下午茶$30起，多選擇價錢經濟，一於試下！由於趕時間，快快手叫咗個醉雞米線外賣😋整體份量足夠，外賣自取送油菜但油菜唔多，真係得幾棵菜🙈下次可以用OpenRice 落單仲平5蚊醉雞食到中間開始覺得酒味太濃太重，浸落去湯米度一齊食較好，湯麵湯底較淡味雞都嫩口，少碎骨，有一舊雞髀仔整體來講，$56醉雞米線算係咁快靚正！多啲菜會更好

🍲燉雞湯王牌套餐（燉雞湯 + 醉雞翼米線）$78🍲隱世花膠響螺瑤柱燉雞湯 - 超驚喜🤩！所以第一個想講左先。雞湯入口已經知道好足料，味道勁清甜勁濃郁！每一盅入邊都有花膠、響螺、瑤柱同雞腳，呢個價錢飲到呢一碗湯，真係諗都諗唔到咁抵食同好食。小編覺得呢個湯係必試嘅，沒有之一！🍜醉雞翼勁好食，雞翼勁滑嫩，醉雞汁好濃郁， 花雕味濃之餘又唔會搶曬啲雞味，平衡得啱啱好。炎炎夏日食醉雞米線真係好推薦俾大家。🌶️🐥口水雞米線$35口水雞米線試左下午茶套餐，雖然店員話下午茶餐嘅份量會比平常嘅餐少啲，但小編想講其實份量都唔少嘢。口水雞的醬料有勁多蒜茸、花生同芫茜。雖然餐牌上有3隻辣椒仔，但小編覺得佢辣到級別算係微辣，雞肉配埋口水雞汁非常惹味！😋口水雞嘅肉質非常嫩，而且唔會啖啖都係肥膏。米線用左雞湯底，清甜又唔油，小編食哂個米線兼飲埋個湯。當然呢個就冇燉雞湯咁濃啦，但係作為一個米線湯底，呢一個都好出色。☺️🧆炸物拼盤（小）$40炸物拼盤有炸春卷、兩粒炸墨魚丸同雞軟骨。雞軟骨嘅份量好多，而且炸得香脆入味，墨魚丸爽口彈牙。🥗雞湯學斗（跟餐價$5）小編見到個菜名咁得意而且價錢又唔係貴，就叫咗過嚟試吓。雖然好似只係一個

小店空間不大，卻人情味滿滿👍🏻👍🏻第一次光顧呢間小店，入到去感覺老闆同店員禮貌極好，好有人情味！幫襯左碗醉雞米線，同埋天婦羅龍躉米粉。老闆會問客人醉雞想要乜嘢部位，真係好細心👍🏻👍🏻 而且見到老闆會同客人傾偈，而家香港好少食店會見到好多老闆同個客傾偈!下午茶時段，由14:00-21:00，係我見過最長嘅下午茶時段，30幾蚊就有一碗米線加醉雞，真心好抵👍🏻 米線湯底感覺係用雞殼熬，原汁原味嘅感覺👍🏻呢間小店，值得一試再試！

真心食過呢間舖頭好多次了！今次的起心肝寫返個食評佢嘅雞真係堅好食！真係好滑，我次次都係食醉雞佢嘅醉雞汁好濃郁😭好入味😭😭食過一次雞扒，好脆好炸！鍾意食炸嘢嘅可以一試同埋老闆好好人，好nice！佢嘅嘢飲都係無糖，我本身就好鍾意飲甜嘢所以係飲品方面我覺得淡。同埋喺下午茶時段好平，份量足夠亦都飽。最後真係強烈推介醉雞醉雞醉雞！我真心覺得佢係富榮最好食！真係食極唔厭最後祝老闆生意興隆 最後都要講多次，大家試吓醉雞！😭😭😭😭仲有呀佢係11:30開舖我次次放早咗我都甘願去等🤣🤣

其實成日都食呢間，一星期至少一次的，睇番我之前都寫過食評，當是只比了「OK」，經過咁多次之後，想比返個「好評」我特別鍾意食「椒鹽雞翼飯」因為真係炸得好香脆椒鹽、蔥、蒜粒都極惹味送飯一流！外賣加$2，但係有時菜跟埋，營養均衡啲！不過最主要係因為我想外賣返去慢慢食，一邊煲劇🤣🤣外賣一般都要等15分鐘左右，要有啲耐性呢！其實呢間仲有好多其他雞嘅整法，例如鹹雞、醉雞有機會都會想試但一直食慣咗，又會好想食返椒鹽$57 有埋野飲，性價比高！尤其琴晚喺其他地方食過劣質雞，今日一定要來返呢到食啲優質雞，先滿足番

其實響2月份我寫過一篇食評，事隔半年多之後我忍唔住再寫多篇食評。我諗依家應該好街坊己經試過呢間隱世雞，亦覺得佢所整嘅雞真係名不虛傳。 雖然好多時好食店啱啱新開果陣好似好好食，整整下就越做越差嘅。但係呢一間隱世雞，到目前為止都一樣咁好食，cp值保持一直咁高。佢所有款式嘅雞都做得好好嘅，包括主打嘅。口水雞，鹹雞同埋醉雞。各位未試過嘅真係要試，好欣賞一間咁有心做菜式嘅小店，以呢個價錢，食物嘅質素同埋味道，你會感受到佢哋真係用心去做菜式，即使就算係一份下午茶都好，假若你食過你會知我講乜嘢。題外我成日去買外賣嘅時候，有時會見到一個好開心嘅老闆（即是大廚）同埋入面d後生仔同事響度同人客傾計，你會感受到除咗做菜式之外，仲係一間好有人情味嘅小店，希望隱世雞長做長有，等我有得繼續幫襯🤭😂❤️👍

如果講以雞掛帥嘅食店，海富富榮區已經有好幾間。當中都以海南雞同口水雞做signature dish。其實另外嗰幾間都食過晒，唯獨呢間隱世雞一直都未有機會食到。同佢有啲有緣無份第一次： 太晏已cut order第二次： 星期六休息第三次： 今日特登六點未夠就叫外賣，終於食到啦⋯⋯叫咗口水雞湯飯$58+$2外賣，雞件數唔少，半雞胸、半雞髀但好有雞味又滑口水雞汁有蘿蔔蓉，脆花生🥜、食落口好有口感。而麻辣汁又香又麻，但驚喜地味精唔算多，食完都唔會好頸渴仲有個湯飯，雞湯食得出係老火雞湯，仲要無咩味精。雖然價錢唔算係平，但一分錢一分貨，性價比係全區最高。終於可以多一間本區飯堂。

今日大角嘴午餐遊行去遠啲，再遠啲！去到奧運大角嘴既邊緣，富榮花園巴士站旁既《隱世鷄》！呢個時勢，有邊個吾想隱世吖，咁有共鳴咪順便試吓佢！鋪頭細細，大約坐五張二人檯；點左推薦既《隱世口水鷄》，等左大約十分鐘前後上菜。自製既口水醬只係微辣，跟蘿蔔蓉，花生，荽茜，午餐份量用細碟上。不過，今次有脾食！鷄冇走骨但係非常滑，鷄脾肉亦非常冧，一咬落去，鷄肉拍得住豆腐既軟度，俾老人家食都冇問題。呢點十分讚。其實，大角嘴附近吾少鷄飯店，《隱世》絕對拍得住大角嘴另一邊大全街埃華街既海南雞專門店，亦平過好味過奧海城商場入面嗰啲。見餐牌有吾少菜式，期待返嚟再試。等候上菜嗰十幾分鐘，見小店外賣不斷，舖頭未夠十二點半已經坐滿人； 似乎好食既野，點《隱世》都會被發掘的！總結： 正常價位，口水鷄質素十分吾錯。裝修環境可以改善。