隱茶 (已結業)

在深圳試過手打檸檬好香好飲，見到香港有就試試，可惜可能試營業關係員工不懂得手打，基本上就是普通港式檸檬茶，檸檬完全沒有打過或榨過的感覺，要自己dok返，但又不是切片檸檬不方便dok，導致無乜檸檬味呢個價錢我不如茶餐廳加3蚊買凍檸茶

行過灣仔見有間新開既廢水鋪頭, 打算買黎試下先. 見到個鴨屎香檸檬茶好似幾正窩, 即刻買佐. 不過可能天時太熱唔夠五分鐘啲冰全部融嗮😂, 即刻試下個味先, 感覺個茶底唔係咁好飲同埋冇乜檸檬味, 應該係我飲過最難飲既檸檬茶了🙊. 不過鋪頭可能其他會好飲啲

去開灣仔嗰頭 ，經過地鐵站旁邊無意中發現到依間「隱」茶， 「隱」 係因為真係唔易發覺到 。Menu上除左一般既益力多、奶茶等飲品外，點少得最近大熱既香水檸檬茶。價錢跟一般茶飲店差不多。 除飲品外，仲有好似牛角包窩夫等等的食品選擇。不過今次就簡左「綠茶益力多」（M size) ($29) 新開張期間仲有折扣。綠茶多多，即係綠茶加益力多咁簡單。 味道上飲得出真係好濃茶味，唔會係糖水咁味道或者係得益力多味。 叫左少甜，味道就岩岩好

天氣開始熱，行到灣仔地鐵站附近發現新開張嘅飲品店，看到招牌香水檸檬茶，立馬試試。《招牌手打香水檸檬茶》👍🏻👍🏻👍🏻👍🏻👍🏻個人很喜歡此檸檬茶，香水檸檬比一般檸檬帶有香濃果香但不過分酸澀，配搭清甜甘爽帶有像銀花花香的鴨屎香茶底，味道清爽有回香。經過人手隔冰捶打後，新鮮果肉果皮更能散發香氣，味道清新，消暑之選！《檸檬多多》🍋🍋🍋益力多味濃郁，配搭檸檬清香，酸酸甜甜又一解渴消暑之選