雄記粉麵 (已結業)

兩個人....食左:春卷牛肚河同春卷牛腩河.....呢間舖的招牌菜就係春卷....自家製.....兩頭相連....似阿拉伯數字 0......有魚味....好味....正過南記果D....但係估唔到佢D牛腩都咁鬼好味.....鬆化.....入味.....加碟油菜.....飽!!

佢地d特制春卷係幾好味架. 但我就認同態度差....酸菜Good. 一定要叫多酸菜... 仲有牛展都係好好味呀!個人覺得比南記好D門口睇報紙.... 個 咪雄記Law

小妹今日與朋友去雄記晚膳，竟想不到會遇到如此對待，真係唔知佢哋咩態度，這種是待客的態度嗎？事源小妹和友人其實都算是雄記的熟客仔（４－５年），因為我們每月都總會去上三幾次，除了一般食物外，我們其實最欣賞它的辣椒醬，貪其辣中帶甜，真是令我朋友食上癮。點知今晚我們如是叫了２碗米線及一碗紫菜淨春卷後，春卷一到，竟然有伙計出嚟叫我朋友唔好食咁多辣椒醬，佢話咁樣佢哋成本好高，我朋友嬲嬲地於是同佢埋論兩句，點知連佢老闆都走埋出嚟嘈，攪到成間鋪啲客都望住我哋，真係無面！最後朋友真係好嬲，問個老闆：「不如你收錢啦！辣椒醬你收幾錢？你一係收錢，一係唔好放出嚟，如果唔係你就唔好出聲！」老實講，朋友比一般人係真係食多少少辣椒醬，每次都會食小半細碗（酒樓裝豉油果種），但我哋叫三碗嘢，就算每碗落２－３茶匙也不算好過份，計落都有８－９茶匙啦！如果佢要咁計，咁食米線大中小辣係咪要唔同收費，咁唔食辣醬果啲係咪要收平啲？做得生意，邊可以咁計，醬料嘅嘢，有人唔食，有人食多，有人食少，永遠都係拉上補下！如果咁巴閉，學朋友講不如收錢啦！其實有客欣賞佢哋嘅出品，佢哋應該開心至係，有咩理由唔俾人食！而且我哋每次都唔係叫得好少嘢果種

唔知點解,我有時都認同呢一點.不過雄記又唔係我食過好味道,而又態度最差的一間....值得一讚,它的魚肉春卷好正~皮爽,好有口感,夠魚肉味.而粉面煮的時間剛剛好,唔會太林...不過它比以前加左價,感覺上一碗麵唔係好抵.

積奇：鍾意食米線就一定要試下係荃灣路德圍嘅雄記粉麵。積奇推介：酸菜麻辣大腸米線、春卷、腐乳通菜、冰凍豆漿。1) 酸菜麻辣大腸米線加春卷> 唔食得辣嘅同阿姐講要正常就得，因正常已經少少辣，仲有少少麻嘅雲南風味。而啲大腸整得非常乾淨，去哂啲肥膏，每一舊都擺得入口，而且醃得非常入味。加埋腐皮、芽菜，同唔太淋嘅米線，份量十足。加埋出哂名嘅春卷，即係炸魚肉卷(好似Q太郎個咀咁架！) 好好味、好滿足喔！2) 腐乳通菜> 好奇怪，幾時嚟食嘅通菜都係咁嫩。加埋調較過嘅腐乳，不太咸，好野味！正呀！ 3) 冰凍豆漿> 食咗幾濃味嘅米線同通菜，飲杯冰凍豆漿就最Perfect！呢度嘅豆漿唔係特別有豆味，而係非常咁冰凍！超夾呀！PS : 腩肉都唔錯，記得試埋！http://hk.myblog.yahoo.com/julie.jacky

好耐之前食咗一次....食咗乜無乜印象.....今日路過，可能太早無乜人，走入去再試.....坐在最近門口一張枱，當時有幾枱食客，侍應全企在麵檔旁，完全沒有人理會，諗住等有侍應行過來，但佢哋就好似死守麵檔旁.....等咗數分鐘，正盤算係咪應該走.....一個亞姐在麵檔旁叫出嚟問我食乜，我話要腩肉米線加春卷....佢又吓吓吓？大姐....聽唔到就行過嚟啦！你估個個食客好似你咁訓練有數，全世界都聽到你講乜咩！終於叫咗，食落都 ok，米線算爽，腩肉略 "'鞋" ，春卷就.....以為有乜特別，其實只係腐皮包著魚肉炸過....味道不差，但明顯魚肉加了很多粟粉之類打到好似好彈牙，但感覺有點假......湯底都 ok，可能因為我鍾意食酸啦！原本都可以再嚟試其他.....但 d 服務態度咁，實在會重新考慮！

女友話呢度既春卷好好食,於是入去試下~因為係宵夜既時間去食,所以都唔係嗌左好多野,我嗌左魚皮餃米,女友既係春卷+墨丸米~魚皮餃,米,墨丸普通到唔普通~個春卷就.....因為個份量小,所以淨係食左一啖,彈彈地牙咁,味道要下次去試真d先講到~不過不得不提既係個湯底!個人覺得有好重既雞肉味!清但濃郁!估唔到~!幾正~2個米都$20左右,不過份量好少呢.........如果唔係食宵夜,3碗都食得落...~同埋.....個d阿姐.....個樣好似好兇狠咁.......不過又唔會好冇禮貌既..........

2人分別差左:春卷魚旦米春卷四寶米 + 紫菜凍O蜜灼菜心味道一般; 但服務好差: 個個黑口黑面(咁多伙計/老世, 個個都比面色你睇咁); 講野好'掘'...不會再去了.

係荃灣路德圍、荃興徑個頭走個圈，食肆多到再多兩隻手都數唔晒，近年仲多咗好多食店進駐，有台灣，有泰國。老牌麵店「雄記」依然頂得住，佢哋嘅招牌牛腩、魚蛋、春卷，好多食評都有讚。今次幫襯，試試佢個腩肉米線（$23）……唔，中肯講句，OK嘅，不過不失，有齊雲南米線嘅珍，即係有齊所有配料如：芽菜、酸菜、腐皮等等，但無咗個實，味道（尤其個湯），似牛腩麵多D！個人覺得譚仔、南記啱自己口味D，故此，再幫襯都係揀番佢D老本夠穩陣。另外仲叫咗個金錢肚米粉，D金錢肚確實幾爽！

叫左碗春卷牛腩米...餐牌寫明$20 一碗碗野勁細碗...得2粒牛腩, 2條牛筋..仲有條春卷...點知收錢個陣收我$26...我地呢d精明既消費者梗係即刻問點解啦~佢話我地係叫牛腩加春卷...我問有咩唔同, 佢地話春卷牛腩得2粒牛腩, 而牛腩春卷有4粒牛腩!!! 有冇搞錯~ $6 多2粒牛腩??!! d阿姐態度仲勁差...明明拎住餐牌指住話要個碗...佢都話我地up錯...推卸責任!! 食野食到成肚氣...咁既服務態度以後都唔會黎食囉~

呢間雄記我食左好多次.佢係我食米線之中最鐘意食既一間..因為我好鐘意佢地個湯底. 個米線仲有好多料.有芽菜.酸菜.腐皮,我之前食都係叫牛展米線.牛展超多.好好味.一碗米線好大碗.唔加辣已經有少少辣...而家轉左食大腸米線.大腸好林.又多.不過最衰佢地d汽水係用機汽水.唔係罐裝..另外有時唔係太肚餓會食普通細碗果d麵.通常會食墨丸春卷米或河粉.河粉好食d.我會加埋係面既東菜.^^

今晚經過這店,見几多人,咪入去試下,叫牛腩春卷米,牛腩唔好食,又少,得两件,春卷一条,湯同味精水一樣,食咗一半,突然同枱一位小姐大叫一聲,筷子也掉落,原來她發現麵里有異物唉,我看見也不食就走了

好耐無食過，之前食過二次簡直一試難忘。昨天是情人節，千里迢迢由將軍澳入荃灣食一碗粉，都算激，但食完都覺值得。男友說覺得退步了，但我依然覺得好好味。價錢比之前貴了，不過0係而家樣樣都貴0既情形下這是無可口非。昨天叫了牛展小鍋米線$23 +$7 春卷，春卷是必食的！男友點了酸菜麻辣肚絲小鍋米線$23 +$7春卷。我比較鍾意牛展，好'林。果度有隻醬，有0的蒜味，味道幾好，點春卷食一流。我見有0的人只食普通粉麵，我未試過，唔知好唔好食，但我試過小鍋酸辣米線後就唔想試其他。呢間0野都幾多客，需未至於等位，但次次去都要搭枱。唔知幾時先可以再食，特登搭車去好遠，如果有分店0係旺區如旺角之類的話，我實每月最少幫襯一次。但佢0地要改善下0的服務態度，0的阿姐講0野大大聲，沒有禮貌。

哩間鋪唔係出名食牛筋，但我果一刻好想食，結果叫左牛筋米。牛筋夠晒"林"，味又濃，湯加左腩汁。其實想食多碗，不過驚口渴。

放工係到食左個春卷墨魚河,oh!好味道不得了呀!一試難忘!下次要再食先得!仲唔算貴添喎!墨魚彈牙勁有口感,新鮮到不得了,魚肉春卷就必食a!唔食呢樣就唔需要來雄記啦!如果有豆漿供應就會更加好,但有汽水咯!ok啦!算係咁!舖頭好光鮮,燈火通明,感覺幾好,唔會污糟!另外可試小鍋米線!註:中辣程度經已好有難度啦!