雅典娜

營業中

休息中

好日都唔去深水埗，一去就成日，未醫肚點捱，同個friend去左西九food court搵食，點知成二三十間食檔都唔知點選擇，最後去左間叫雅典娜，食焗飯焗意粉，叫左個焗肉醬意粉同焗豬扒飯試下，廿幾蚊食個焗飯焗意粉，其實都幾化算，諗住味道唔會好得去邊，點知食落又幾好噃......焗肉醬意粉 - 好味過豬扒飯，芝士味重，唔會有好多油聚係底，食落唔會太肥膩焗豬扒飯 - 豬扒唔會好似出面咁乾身，唔錯........其實焗飯焗意粉一街都係，呢間算唔錯，好過D幾間大形快餐廳先，下次去西九龍中心會再食過.........

哩間其實我食第三次, 最新哩次叫咗焗雞球意粉, 真係幾好味, 對比第一次既吉列魚柳飯 (整體太乾身, 只有沙律醬), 同第二次叫焗豬扒飯 (整體個味都係好好食, 比普通快餐店出色, 只係賣相同實物出黎唔似, 相永遠都係最靚仔既). 再加埋只係$9既綿綿冰, 真係唔錯, 今次食芒果味, 下次都試吓朱古力.服務幾好, 不禁要開account讚, 因為個靚仔(迫住用靚仔,因為用d較輕鬆既名係唔比出既,哩度既處理係比較死板) 次次都好識介紹人哋食咩, 令客人幫襯得好接受.

前日同朋友行開深水埗, 大概到下午三四點到開始肚餓要搵食, 因為本人食完野比較快要去廁所, 但係個區除非係食貴野, 否則間食店廁所都唔會好得去邊, 之後朋友就提意去西九話個到有冷氣而且廁所都唔會污糟得去邊, 最重要係朋友話有個大 food court 好多野食揀, 咁就上咗去.個 food court 真係好大好新, 我哋行咗個圈就揀咗"雅典娜", 其實去得 food court 都冇乜要求, 食飽就算, 點知道 打單個肥仔幾 nice 見我諗唔到食乜就比意見我? 我冇諗過一間快餐店會咁好, 所以我估佢係老細.... 不過點都好, 都值得一讚就細心同有誠意已經夠.至於野食我同朋友都點咗個餐 "焗豬扒飯" 我覺得個 "焗豬扒飯"同平時响大家樂食個啲好唔同, 不論係塊扒定飯, 最值得一讚係佢個汁好正, 完全唔同出面啲開汁.可能個段時間唔太多人呱...個肥仔老細就出咗嚟問我意見, 好彩我覺得好味, 如果唔係都唔知道點答, 不過佢嘅野食同態度都好好, 我咪同佢講都幾好食, 特別係啲汁, 肥仔老細話啲汁係用鮮茄整, 而且入面見唔到樣嘅師父係做開酒店, 所以同出面食開快餐店唔同.因為過幾日約咗朋友