雅高·33

營業中

休息中

如果鍾意食西餐，但係又唔想去價格太高嘅西餐廳，呢度就啱晒你～雅高33位於荃灣，貌似係港式嘅冰室，但提供性價比高嘅西餐，價錢平民化，鋸扒意粉當然唔少得，更加驚喜嘅係連生蠔都有！1️⃣生蠔⭐️⭐️⭐️生蠔價格有貴有平，任君選擇，今次比餐廳大推嘅跟餐$15一隻生蠔吸引咗，最多可以叫半打。餐廳內價格較高嘅生蠔就無試過，而特價生蠔比平時價格較高嘅日本美國珍珠蠔較為細隻少少，但係過下口癮又唔想花費太多可以考慮下～2️⃣香草烤燒春雞⭐️⭐️⭐️燒春雞燒得外皮頗脆，內裏肉質嫩滑，鎖住肉汁喺裏頭份外juicy。點少少特製醬汁味道更加配襯，用嚟送飯一流！3️⃣藍青口海鮮焗意粉⭐️⭐️⭐️青口都幾多隻～焗到意粉都入晒味，吸晒青口嘅鮮味。意粉口感亦都一流，唔會話太硬身或者太乾。一個餐仲要有埋餐湯餐包餐飲，實在超值！平時食個米線都要呢個價錢。總括而言，餐廳價錢豐儉由人，由80多元一個餐，到三百幾蚊嘅牛扒都有。生蠔亦都由15蚊一隻到40幾蚊都有，大家如果有不值不妨試吓價錢較高嘅食材😋

首先店的位置好容易搵到就係大馬路當眼位，一入去就以經見到好多人光顧，幾乎坐滿晒，覺得食物質素較一定有保證，就去試下。今日試下餐廳的套餐是日湯餐係忌廉粟米🌽湯，好濃郁的忌廉湯德國咸豬手配蜜糖芥末醬 （有得揀配薯菜、飯定意粉）今次我就揀左薯菜，係粗條美式薯條，咸豬手比起我平時食開既巨型，咸豬手的味道好夠味亦唔會太咸，證明醃製時間掌握到非常好。而且，用刀去切個陣都好易分開肉和骨，個皮仲要好脆，火喉控制得非常好，鐘意食咸豬手，值得一試😋叫左正餐想睇下有咩小食，點知見到有小驚喜法式田螺焗薯蓉同特式焗蠔,平時好少會係lunch 見到，田螺粒粒係大大粒，薯蓉上面仲有芝士，仲可以做到拉絲效果🤤特式焗蠔配上煙肉的口感真心唔錯👍

午飯時間經過荃灣呢一間西餐廳，望一望menus見都多選擇，於是就入咗去試下，午飯時間餐廳入面都坐滿人，餐廳內空間都算闊落同環境舒適。午市餐牌有商務午餐同埋普通嘅午餐牌，於是我地叫咗一份商務午餐同一份普通午餐，而追加小食嘅價錢亦都好優惠，所以都忍唔住叫咗幾個小食試吓餐湯餐包餐飲Lunch set配有餐湯餐包同飲品，是日餐湯係羅宋湯，牛油餐包非常鬆軟。餐飲叫左檸檬橘蜜同檸檬柚子蜜茶，值得一題既係檸檬橘蜜入而檸檬和橘子的酸味和甜味完美融合，再加上蜜糖的甜味，味道好特別。香草烤西冷羊扒配法式芥末醬薯菜🥩羊扒肉質好嫩滑，而且香草的味道恰到好處，唔會太濃亦唔會太淡，薯條都炸得好香脆BBQ醬菠蘿煙鴨胸薄餅🍕Pizza嘅餅底係薄身，焗得好香脆，煙鴨胸的肉質非常鮮嫩，搭配上酸甜的菠蘿，非常開胃追加小食 - 法式田螺焗薯蓉🥔熱辣辣嘅田螺味道好濃郁，芝士仲有拉絲效果，再配上薯蓉既質感非常順滑，食落好有驚喜追加小食 - 特色焗蠔🦪蠔肉好鮮同好Juicy，配上一啲煙肉同芝士覆蓋，非常惹味追加小食 - 香煎雞翼雞翼煎得外皮酥脆，內裡肉質好嫩滑整體黎講，餐廳環境舒適，菜式款式多，價錢親民，食物亦都好高質。⭐️

放假來荃灣逛街，在沙咀道寶石大廈地下，看見這家西餐廳，裝修精緻，裡面食客都頗多，於是決定入去試試美式BBQ醬烤豬肋骨(暑條)豬肋骨好大塊，有五條肋骨，條條都好滿肉，烤過的豬肋骨，外蕉里嫩，加上bbq醬，好吃到簡直停不下來，薯條全部還熱辣辣，即炸的！香草烤西冷羊扒配法式芥末醬(米飯)西冷羊扒厚切，一點也不乾柴，沒有羊膻味，烤得非常有水準，肉質軟腍而且多汁，配上法式芥末醬更滋味我們叫的是套餐，還附送了餐湯，餐包和熱飲，還免收加一😁這樣的環境，這樣的食物質素，價格真是非常親民👍👍非常值得一試！

荃灣真係勁多野食經上次係荃灣揾食後，心思思再去去食好西😙今次揾左間食西餐既，餐廳位置唔難揾，係寶石大廈地下位置☺️我哋5點幾入座，餐廳非常闊落😍好開心啊！5點幾仲可以食lunch set，仲要免收加一！抵食！食個扒都係百幾蚊！完全無考慮下就叫左2份扒香煎澳洲肉眼牛扒（可選飯/意粉/薯菜）$123另外追加2份小食（炸吉列大蝦$18）及（煙肉洋蔥芝士焗大蘑菇$28）先有餐湯及餐包，餐包嘅牛油已經一早幫客人搽咗喺裏面，唔使客人自己在另外搽都好夠味😉餐湯係好香濃嘅忌廉蘑菇湯😋一入口勁香濃既蘑菇味，而且餐點份量都好大份，完全唔會唔夠飲！小食-煙肉洋蔥芝士焗大蘑菇切開係勁多芝士煙肉😍超級好食，而且拌碟嘅沙律菜都係可以食㗎，仲有加上胡麻醬，配上大啡菇，口感清新，中和芝士既邪惡😝吉列炸蝦好香脆，似係即叫即炸嘅😍同樣都有沙律菜拌碟，一拼食用口感更清新👍🏻👍🏻呢塊肉眼扒，真係唔好睇小！超級大塊我諗一個成年男士食到應該會夠飽，我哋點左薯條，薯條份量勁多，而且係好脆，無淋到😍同樣有胡麻醬沙律菜，可以邊食邊清除平日食肉既膩感👍🏻👍🏻我哋既牛扒五成熟，切開後牛扒好嫩滑，完全合格，冇Overcooked😙整體嚟講，餐

今日放假，見間餐廳咁多人排隊，諗住試一試，餐廳入邊嘅空間闊落，好多卡位，所以排咗一陣就可以入得😜望完餐牌後，見商務餐既性價比高，叫咗兩份，分別係「香煎加拿大西冷牛扒」和「香煎澳洲肉眼牛扒」，分別都係$123，跟餐會送埋西湯、麵包以及飲品🍵，如果有興趣，可以追加不同的小食。牛扒：整體嚟講，肉質鮮嫩香甜，由於吾太好生野，叫左七成熟，完全冇血水，可以放心食用🥳，份量大，性價比高，薯菜就有少少失望，咬落去偏硬特色焗蠔：生蠔非常新鮮，加上少少的煙肉以及芝士，焗嘅時間掌握得啱啱好，完全唔會過老，可以生蠔的鮮甜味煙肉洋蔥芝士焗大蘑菇：少許的洋蔥粒及煙肉，配上芝士大蘑菇，完全唔慳料，很喜歡大蘑菇的新甜味下次可以再試其他！😙

朋友搬咗嚟荃灣住，今日幫手搬完屋，就要佢請我嚟佢屋企附近呢間食餐飯，梗係唔客氣食牛扒，我地都要咗個澳洲肉眼扒，我就揀咗薯菜，佢就要意粉。呢度晚餐有跟餐湯同埋蒜蓉包，羅宋湯都幾足料，蒜蓉包非常有驚喜，雖然跟餐但係質素一啲都唔差，焗得香脆，上面滿滿牛油同蒜粒，十分香口！主菜轉頭送到，大大塊肉眼扒，估唔到伴碟都唔馬虎，意粉有用茄醬炒過，仲要係好味道，讚！我嘅薯菜份量都唔少，係有皮薯角，漲卜卜夠香口。仲有意式香醋汁沙律，成個碟擺到滿晒，真係流晒口水！主角肉眼扒同樣好食，外皮煎香，內面夠嫩亦滿有牛脂香，肉味濃郁。雖然佢可以揀醬汁（我地揀蒜蓉同黑椒），不過基本上都唔洗點用，牛味已經好豐富！大大塊扒連埋咁多伴碟真係好飽，佢呢到仲有即開生蠔，下次多幾個朋友仔嚟一定要試下！我餐飲加錢點左杯紅豆冰，有跟個雪糕放最上，實在太邪惡，好味到癲！餐廳裝修好新，晚餐時間燈光唔會太光有氣氛，店面位置好闊落，有好多卡位，中間有長檯，情侶同一家大細都啱！

行到嚟荃灣大鴻輝依邊又唔想食打邊爐放題燒肉，去完旅行返嚟又好耐冇食過西餐，一於就試下依間街坊店西餐先👍🏻👍🏻隨餐附送嘅蒜蓉多士同餐湯🥖🍲蒜蓉多士焗得十分香脆又熱辣辣。而是日餐湯係蘑菇湯，蘑菇湯有香噴噴嘅忌廉味，仲有大大粒蘑菇粒👍🏻👍🏻😋😋🐥香草烤春雞(半隻)配薯菜烤春雞肉質嫩滑，仲有香草嘅味道，配埋特製嘅醬汁都幾match。揀左薯菜，薯角炸得脆身，好香口🤤🤤🤤🐏香草烤西冷羊扒配法式芥末醬(意粉)厚切西冷羊扒肉質軟身，唔係乾乾柴柴。本身羊扒亦唔羶，配埋附送嘅醬汁更加滋味。意粉份量較多配埋新鮮沙律菜，完美嘅一餐🤪🤪隨餐嘅飲品，凍好立克&凍檸茶🍹最後，見到有得叫心太軟，都即刻叫返一個嚟做飯後甜品。心太軟外脆內軟，配埋vanilla 雪糕啱啱好🍫🍦

而家開始多茶餐廳行西式路線，坐得比較舒服又多食物選擇，但性價比又高，上菜速度又快，staff嘅服務都好好又應得快手。今次就想食個豐富少少又快嘅晚餐，見到呢間餐廳坐得幾舒服，所以叫咗一個肉眼扒餐同大蜆墨魚汁意粉。首先餐包好脆好香，肉眼扒嘅肉質正常，容易入口，薯條好脆好多。而大蜆墨魚汁意粉係真係有驚喜，大大份得黎又好多蜆肉，最鍾意蜆肉嘅我係非常興奮，加上意粉有咬口，唔會太淋，亦吸收到墨魚汁嘅味道。另外叫多咗個心太軟做甜品，本身對呢類餐廳嘅甜品都有保留，但心太軟嘅皮好脆，好有曲奇嘅感覺，入面嘅朱古力好流心，配搭埋個雪糕又唔會太漏。整體而言食物大大份CP值好高，甜品亦值得一試，好適合想平平地食餐西餐嘅人。

同朋友係荃灣行完街，大家都想食西餐想食下牛扒😋咁岩就經過呢間地鋪係沙咀道～見到門外都有好多人睇有咩食！鋪內仲望到對外開放既茶水部🤣呢度啲位都坐得好寬敞！朋友聚會6-8個人都冇問題👍🏽同朋友去試呢間既dinner set～發現都有唔同款式既野食！有雞、有牛、海鮮！首先，前菜一嚟到既有蘑菇湯同蒜蓉飽😛蒜蓉飽熱辣辣 好脆～呢個蘑菇湯真係有料架～有蘑菇粒係入面😍香草醬煙三文魚薄餅（12吋）呢個pizza係薄批嚟，薄到好似薯片咁食落口感都唔錯，所以我同朋友食都唔會話太多👍🏽一拉起芝士仲要有拉絲既效果😍鐘意食芝士既我覺得唔夠喉～餐廳都有芝士粉提供，可以自己再落🤪香煎澳洲肉眼牛扒蒜茸汁 配薯菜🐂食完pizza當然唔少得試下呢度既扒餐啦～叫左七成熟！切開睇到肉質岩岩好！肉質鮮嫩 唔會太老～仲見到有新鮮生蠔可以堂食！都只係$15一隻！不過只限堂食！不過今次有啲full，下次一定要試下先得！仲有3款甜品食！跟餐仲會-$10

消費卷今個月到期，同事們約埋一齊去荃灣買嘢和食飯用咗佢，有同事知道我喜歡食蠔，話沙咀道有間餐廳叫雅高·33，生蠔新鮮又抵食，今日一齊去試吓！餐廳裝潢設計有點像懷舊式西餐廳。特價生蠔真係好受歡迎，今日去到餐廳已經估清，女兒話改食餐廳的特式焗蠔也一樣出色。焗蠔即叫即做，生蠔加上芝士和煙肉焗至金黃色，蠔肉非常飽滿，蠔味好濃，完全吾會有腥味，加上芝士和煙肉，非常惹味！另外叫咗個晚餐，奉送是日餐湯，黑松露忌廉湯香濃creamy,蒜蓉包又香又脆。香草烤西冷羊扒配法式芥末醬、薯菜：用香草醃過的羊扒，烤至外層焦脆時，會產生催化效果，令香草的味道發揮到極致，並滲入羊肉內，更為入味。厚切羊扒不但唔鞋口，肉質重好鮮嫩，點些法式芥末醬，肉味更濃郁。配沙律菜好新鮮，薯角亦好香脆！日本紅豆雪糕：甜美的日本紅豆粉糯柔軟，雪糕口感香滑，層次感豐富！

ARTCO.33 —————雅寶33地址：荃灣沙咀道328號寶石大廈地下21號厚牛油多士 豬扒+煎蛋白 配 麻油出前一丁早餐尼講 滿意 最特別係佢有煎蛋白揀！仲要份量唔細 健康 增肌之選呢個好鍾意🥹 件牛油多士大塊夠厚 如果有埋花生醬+煉奶真係完美香煎加拿大西冷牛扒，七成熟配薯菜 黑椒汁西冷牛扒——作為一個牛肉愛好者 牛肉內部也煎得紅紅地 鮮嫩多汁 血紅蛋白 鐵質爆棚🤪牛肉香氣 搭配的黑椒醬汁 不會太鹹或太辣 提升左牛味 配菜有薯條以及沙律法式田螺焗薯蓉 面頭有好幾粒田螺以及鋪滿芝士 芝士大部份精華 油脂滲落去薯蓉到不過個人認為份量可以大少少🤪

今日去咗葵芳牙醫診所洗牙 之後順道去荃灣試食叫雅高餐廳， 荃灣地鐵站B1出口 沿住天橋落行十分鐘到算方便易搵， 裏面地方闊落乾淨企理， 我大概一點入去食飯已經差不多坐滿曬人， 這個時段只有午餐，商務午餐， 早晨全餐或什扒餐我叫咗午餐牌入面嘅蒲燒原條 鰻魚配粟米忌廉雞湯跟餐包 再加兩個小食焗生蠔及煙三文魚沙律另外仲叫咗杯雪糕紅豆冰， 自己平時鍾意食冇煮過嘅生蠔今次就試下叫一隻焗生蠔(12元)幸好都算幾好味食落去隻蠔都好新鮮用芝士焗好惹味， 煙三文魚沙律(20元)啲菜都好新鮮好爽口， 雲呢拿雪糕紅豆冰(18元)啲紅豆夠大粒 有咬口唔係太甜啱我口味， 蒲燒原隻鰻魚飯(80元)條鰻魚夠大條汁料夠足如果熱度再加就更加完美。總括嚟講地點易揾，室內環境舒適， 侍應禮貌及價錢平民化感覺良好。

阿女今日要去左荃灣交收，突然想起朋友介紹雅高·33餐廳食物唔錯，所以約埋我過嚟食晚飯。餐廳裝修簡潔，主打西式和意大利菜。晚市套餐有多款選擇，每款奉送餐湯及蒜蓉包。黑松露忌廉蘑菇湯，入口香滑濃郁，蒜蓉包香脆可口。香草烤春雞半隻配薯菜：春雞已經預先醃好，之後即叫即烤，熱辣辣上檯，食落有濃濃嘅香草味，雞皮脆口，肉質鮮嫩入味，配特製醬汁好惹味，薯角亦都好脆口。吉列豬扒焗飯，大大塊吉列豬扒炸好放上飯面再加上醬汁焗成。豬扒外脆肉嫩，加咗醬汁的飯略為濕潤，十分美味。白雪公主是雲尼拿雪糕加雪碧，上面又甜又滑的雪糕, 下面是有氣而帶點酸酸地的汽水,味道特別，不防試吓。

平時荃灣放工/放假，約朋友出街食飯又諗唔到有邊度特別想去，因為又多商場行街、又多嘢食！真係每次試唔同餐廳都有新發現🤣呢日同朋友行完街，去中南廣場買完嘢，行到好攰唔想周圍走😂😂 就睇吓附近寶石大廈有咩食😗 試咗呢ARTCO•33，門口望落好光猛闊落～我哋三個人諗住叫3個Set Share一齊食，佢啲食物份量好多！勁抵😂😂 早知叫2個餐+小食都夠🤣美國安格斯CAB級牛肉眼扒🥩 HK$278五成熟剛剛好👌🏻 冇諗到佢配嘅係薯角啊😍😍 咬落啖啖薯仔點黑椒汁食超滿足😈什扒餐 HK$78😍痴線㗎呢個！！雞扒、豬扒、德國香腸、雞翼、農場煎蛋、田園蔬菜、意粉、餐湯、蒜蓉包、餐飲78蚊有10樣嘢😱😱 仲要係勁大份🥹 雞扒豬扒都好大塊😝 而且咁平都冇揸流攤～仲煎得好香脆同軟熟🤤心太軟🍫 HK$46食完正餐必定想食埋甜品😛 呢個心太軟真係有夠驚喜！！一切開啲朱古力超流心😍 而且係外脆內軟🤤 配埋雪糕食一絕👍🏻