雞仔去骨海南雞專門店 (靄華大廈)

營業中

休息中

姐姐🧍‍♀️端午節連續兩日放假🏖️，連續兩日叫Deliveroo,今日叫雞仔🐣，免運費，用埋$40 coupon。叫咗招牌海南雞飯，轉白飯，口水雞汁，咬雞仔大脾，熱🔥檸檬🍋茶（$99），因為叫餐，有油菜，口水🤤都辣，可惜雞脾🍗唔夠滑，有埋椰子🥥雞湯，幾清，ok，普通雞有送埋三色醬。陳皮二妹食食下飯爆喊😭

平時附近返工經常系度食，今次海南雞麻麻，可能轉咗師傅，冇以前咁好食。以前食好滑，依家食冇以前咁滑，飯都硬。仲有中午過黎食，餐牌都未睇阿姐就催落單。服務態度差，嘢食麻麻，下次去第度食。

中午系度食飯，收銀橙色衫阿姐（欒毛，60歲左右，可能係事頭婆）態度惡劣，叫佢落單，要一人餐豬頸肉飯，落單落咗元蹄飯。黎咗元蹄飯，叫佢改返仲話冇落錯，明明聽到係元蹄。唔肯改返，中午趕住返工算啦，求其食，食物一般。唔知點解咁多好評。態度差！態度差！態度差！態度差！態度差！態度差！態度差！態度差！態度差！態度差！態度差！反正冇下次。希望見到呢條po嘅朋友千祁唔好去食，激都激飽出黎食飯仲要受氣，早d執笠好過啦

海南雞，係幾幼嫩滑， 可惜飯，好硬朋友食豬手飯，感覺都係一般已經唔係特別好食，仲要客人受氣，唔知個老闆，如何教導員工對待客人嘅態度呢？外賣自取，我唔明白收銀嘅阿姐，點解咁勞氣，冇嘢得罪佢，但係佢對待我同朋友嘅態度非常惡劣由於係外賣自取，我喺門口睇到 個餐牌，寫住， S1: 海南雞飯我同佢講要S1 ，然後佢就大力用原子筆，篤住餐牌，手指指，黑面， 咁冇禮貌….再指示，我要睇另一個餐牌點知你間嘢，咁多個餐牌啫？客人睇錯咗，唔使發爛渣呀嘛個阿姐，攣毛，大約60歲如果大家唔想受氣，真係唔好走入去我今晚就係，冇睇到食評，原來好多人都講，佢哋嘅侍應，態度惡劣慶幸自己，外賣自取，都只係叫兩個飯，拍一下八達通， 2分鐘 便完成嘅事情，都要令到我同朋友咁受氣可想而知，如果堂食，大約45分鐘嘅一餐飯，係幾咁可怕

侍應無禮貌 態度差 建議改用電話落單 不須要請一班晤想返工 圍住企吹水 晤理客 同廣東話都未識既阿姐 或者建議改成外賣店 方便快捷 工業區 大家都趕時間 食物好食 但晤想食餐飯都要受氣

由D2place行去都好快到神速上菜性價比高Keepfit出街最岩食海南雞飯招牌海南雞飯 一人餐$701.招牌海南雞飯一碟（轉白飯）⭐️⭐️⭐️⭐️🥜慣左白飯🥜雞滑份量多🥜紅汁辣d就好2.老母雞住家靚湯一碗⭐️⭐️⭐️⭐️⭐️🥜超足料🥜椰子味濃3.油菜一碟（全走）⭐️⭐️⭐️⭐️⭐️
4.熱飲一杯（凍齋啡走甜加$3）⭐️⭐️🥜係我飲過最濃嘅dry啡 濃得滯😂豬頸肉小食 $48⭐️⭐️⭐️⭐️⭐️🥜有焦邊👍🏻

雞好嫩滑，去骨係賣點，有三款醬汁自己選擇，如果唔點汁本身都夠味。店員會問你想要油飯定白飯，唔會default係油飯。但係雞嘅份量的確係好少，好扁，冇咩肉，呢個價錢黎講唔太抵

今日行過企出面望下佢餐牌 然後比個叫姐叫入嚟食咁就試吓啦，我就叫外賣嘅。首先我本來係想食下午茶 。佢哋話有ok 個阿姐比我睇嗰個餐牌係外賣紙嚟完全唔見有下午茶。另一個阿姐就負責打單就問我要白飯定油飯，但係我未揀到㗎喎，連食咩餐我都未講。因為我仲未見到有下午茶。咁我問佢呢個餐牌冇下午茶喎。然後佢望一望就見冇，先拎返一個有下午茶嘅餐牌俾我睇。我叫咗一個豬頸肉飯，然後再坐低等外賣啦，望返張單發現佢打咗肉餅飯。同返佢講話佢哋打錯，另一個阿姐話打錯咪改返啦，反正都一樣價錢㗎喇。可想言之佢哋啲阿姐發緊夢之餘做錯事又唔認🤮🤮🤢有得揀其他我勸咁多位唔好過嚟呢一間食物都唔掂🥱

哎呀，今次真係食到寶了！入到去，首先係嗰碗無骨海南雞飯，雞肉滑嫩得嚟有彈性，啖啖肉咬落去又多汁。配上果碟陣陣香醬料，真係叫我流晒口水！😍跟住啲泰國特色豬頸肉，我話你知，辣味夠晒kick，外邊微脆，啖啖都係肉汁，喺咀裡面四圍爆，超正！🌶️無骨鳳爪同青瓜送咗上嚟，我第一下覺得一般嗰陣，點知試咗之後，啲鳳爪腍到化，青瓜嗰份酸酸地係真係開胃到不得了，唔食都得個Like。🥒呢個地方真係有心機，啲食物唔止味美，連環境都算舒服，等人食得心靈面面俱到，下次還要再嚟，揾日帶埋屋企人一齊嚟嘆！

一間結合泰國🇹🇭同馬來西亞🇲🇾風味的餐廳。即使係街坊小店，食物依然有質素同用心製作的餐廳，價錢唔貴，性價比高👍🏽。每次做完運動都會黎食😋，同時食到肉骨茶同海南雞非常滿足志，補充好蛋白質又正氣養生，十分推推薦。天氣開始涼，食飯碗肉骨茶就暖身啦🥰。餐廳提供多款飯餐，仲有一人餐連油菜同飲品。除左主打既菜式，仲有多款小食供應。A1🐔 招牌海南雞飯 $57去骨的海南雞幾嫩滑，配上3款醬，有豉油、泰式辣醬同薑蔥油，仲有小食涼拌青瓜🥒。可以配油飯或白飯，油飯好香雞油味。附送無味精老母雞湯，用南瓜🎃、青紅蘿蔔🥕同雞煲成，清甜解渴。C1🐷 大碗肉骨茶套餐 $58肉骨茶係一大湯碗，一個人飲曬湯食埋材料好有滿足感🥰。肉骨茶用一字排骨配上中藥材，仲有香菇、豆卜、玉竹、紅棗、杞子熬製，材料豐富色。飲落易入口，溫和唔苦澀念，養生調理身體一流🫶🏽。

擒日中午跟屋企人去食雞仔，家人非常強調佢嘅海南雞係滑溜到不得了。去到坐低，叫咗海南雞油飯+例湯。雞上檯全部去晒骨，真係好滑溜，雞皮仲要好爽口。但係呢，見到啲雞粉紅色，就係要食得滑溜嘅代價。三款醬都唔係行貨，應該都係自家製，唔錯，唔錯！戰戰兢兢咁食咗d雞，一路食一路驚。幸好過咗一日後都無肚痛。佢碗例湯大大碗，標榜無味精家庭例湯。每日不同，擒日係木瓜湯。湯渣夠，湯味夠濃，絕對唔係茶記例水。絕對要飲晒佢👍🏻👍🏻👍🏻Conclusion，下次再去一定請店員指定要熟雞

【CP值高🔥 去骨海南雞皮軟肉嫩！送足料老火靚湯💦】推薦程度：●●●●◐抵食程度：●●●●◐——— 🐔 招牌海南雞｜$57 (散叫)｜$67 (套餐)即使係散叫都包咗老火靚湯，當日係粉葛湯，好足料、冇味精，好有家嘅感覺🥹 套餐就包咗油菜同飲品～ 兩者CP值都好高，可以視乎當日肚餓程度選擇散叫定套餐🫶🏻海南雞個人鍾情去骨版，啖啖肉唔洗煩🤤 雞肉嫩滑，份量都OK👍🏻 近乎零脂肪，就算連皮食都唔會太油膩🔥 皮質同樣嫩滑、咬落柔軟✨ 油飯底香味撲鼻、粒粒分明，而且很大份！值得一提係坊間好多都得1-2款醬料，但呢間有齊3款，餸飯一流，真係超抵讚🥹 整體CP值都高！

招牌海南雞飯 $48★★★☆☆海南雞份量多，雞皮超級爽滑，雞皮偏肥同太咸，食多幾件都幾膩。而雞肉味道正常，整體食落似咸雞，雞肉正常唔算係超級滑口，有雞味唔重。個人超鍾意佢個酸辣醬汁，勁開胃，點雞撈雞都一流。金沙香蒜雞油飯 $59★★★☆☆金沙即係炸蒜，佈滿哂全部雞件，食落好香口，超級重口味。其實個雞肉同招牌海南雞冇分別，係多左炸蒜，但幾特別多左啲咬口，用黎撈飯食都一流。油飯食落唔夠乾蔥、香料、油香感，但個味道唔係啖，有陣陣黃薑粉味道。涼拌海蜇小食 $49★★☆☆☆份量多但食落似係一包包加用粉撈嘅口感，口感同味道都一般般，加上有少少腥，唔建議點。🌟總括：大份算係快靚正選擇，多街坊食。如果雞皮冇咁咸就剛好，唔係每啖都要餸飯食。

早前想食海南雞飯，經過長沙灣就去咗試吓依間專門食無骨海南雞飯嘅餐廳，啱晒懶鬼like me👩🏻。.（🌟為推薦菜式）.🌟招牌海南雞飯 一人餐 $65依個餐超值，包招牌海南雞飯、老母雞住家靚湯、油菜同港式熱飲一杯，男仔自己一個食真係夠晒飽！雖然價錢咁抵，但味道一啲都唔輸蝕！海南雞無骨，好方便食，雞皮爽，雞肉滑，都夠入味，好食，不過可能因為無骨，所以雞肉份量感覺略少。油飯顏色吸引，亦重香料味。自家靚湯無味精，啱晒經常外食人士。.🌟泰式特色豬頸肉飯 $58另外我哋仲叫咗依個豬頸肉飯，聽聞都係招牌之一，包一碗自家靚湯，$58都好抵食。豬頸肉份量都好多，燒得好香，味道唔會輸俾海南雞飯，唔怪之得都咁多人叫啦！.依個價錢同味道嚟講，的確係無得輸，特別係豬頸肉好出色🤩，會想再回訪！

之前一直聽同事話好好食今日中午終於同成班同事去左食我地個個都叫左一人餐。本身仲滿心期待，見到同事個幾個飯都好好，跟住一黎到我個個雞就少到好似比人食左一半咁。我幾個同事個雞飯我個雞飯咁我即刻想問個服務員點解大家叫同一樣既飯但可以咁參次服務員望左我一眼之後話等等，見佢行左去收銀個度撳電話，之後過咗成5分鐘先再行返過嚟。終於佢行過黎問我咩事，我就咁佢點解個雞飯會差咁遠。佢就話「呢幾個雞飯一樣㗎喎」。我林明眼人都會睇到係少好多。咁我問佢有冇得換過一個，佢就答「廚房斬出嚟係咁就咁，我都冇辦法」。之後又再去返收銀銀個邊撳電話。我地本身食飯食1:30pm，行到過黎已經成1:45pm，餐廳已經唔多人，仲要咁既態度。聽完佢咁講真係把幾火。講真個飯我覺得還可以，但佢咁既態度，講真一定冇下次囉。