雞味濃

營業中

休息中

收工出到油麻地買嘢，順便係呢頭食晚餐。原本睇岩想食個間大排長龍，於是就附近轉個圈見到呢間食雞好吸引就來試了。價錢很親民，而店舖就很細一間，坐得唔太舒服，而且仲要搭枱，好在食完味道系good。有興趣的朋友如未能接受堂食環境較差可選擇外賣番去吃，是不錯的值得一試。💚瑤柱火腿沙薑雞套餐 $50配：無味精老火湯、新鮮油菜、米線-雞肉大份，肉質嫩-配上蒜蓉/沙薑汁來吃-沙薑汁味道夠濃💚蒜香蔥爆霸皇雞套餐 $53配：無味精老火湯、新鮮油菜、米線-表面大量蔥花蒜蓉-雞肉大份，肉質嫩-醬汁入味還帶點辣-底下芽菜吸晒啲蔥油汁😋我們兩個套餐都揀咗米線，份量足夠。另外老火湯調味亦剛剛好。除米線外，套餐亦可選擇白飯/瀨粉/米粉等等。🌟Encore 指數：7.8/10——————————————————————Total $103 （2人）

油麻地地鐵一出就見到 小店入面唔係好多位 好多人買外賣龍鳳配叉燒配豉油雞配米粉 ($55)成個餐仲附送老火湯同菜 好豐富叉燒肥瘦均勻 幾好食 豉油雞都好入味👍🏼另外仲有薑蓉點黎食同埋菜圃碗米粉都好大碗 食極都唔完咁湯都好足料 應該真係冇味精 唔錯😎龍鳳配叉燒配沙薑雞配白飯 ($55)呢個就唯獨個沙薑雞係唔同都入味 另外有醬再點👌🏼整體呢個價錢食得飽又唔貴非常好😁

味道正正常常 最大優點係好滿足好抵 一個set $60都唔使就有齊湯菜肉飯菜脯仲有個蔥油撈飯😋😋 如果開喺屋企樓下會想成日食嘅餐廳🙂‍↕️ 下次想試埋瀨粉btw 如果嗌雙拼啲餸會少啲 所以最後唔好嗌雙拼 嗌霸王雞就ok 菜飯+$3個菜飯好似冇落咩鹽 食落冇乜鹹味同埋飯量有啲少 唔知有冇得加底 另外我嗰日嗌嘅豉油雞皮厚過肉😞 叉燒都麻麻（有啲瘦）但同枱嗰個嗌霸王雞又唔錯😌 份量ok 味道都好 所以會想試多次菜脯係有少少辣嘅 都幾好食👍🏻個湯都好好味👍🏻👍🏻豉油雞拼叉燒餐 轉菜飯 $58霸王雞餐轉菜飯 $53

今日行到大王東街食tea ，呢間都幾次都係食過幾次唔錯，我覺得幾經濟抵食，個套餐有飯，燉湯，前菜，油菜，主食…下午茶時段都多人，三點鐘左右都坐咗六成客，都有吧枱前面可以望住外面食！座位唔算太多，大概20個左右，通常都係食完就走！叫咗個龍鳳配秘製叉燒配沙薑雞套餐$73，叉燒不會太瘦，亦不會太肥，鋪上蜜汁，食落去幾Juicy，送飯一流！另外沙薑雞，雞肉幾嫩滑，沙薑汁味幾濃，另外仲有薑蓉可以點！燉湯係花生眉豆瘦肉湯，都係老火湯，冇味精！另外加$10芋頭西米露，不過我覺得甜品麻麻哋，唔係好濃椰汁味😅

雞味濃燒味餐、蒸魚餐價錢相當親民💕一直都係雞味濃FANS，荃灣、油麻地兩邊走。荃灣個間執咗唯有嚟油麻地食啦(´･_･`)餐廳店面小，只不過麻雀雖小、五臟俱全， 無論係堂食，抑或外賣人流都一樣多。今次我哋兩個人叫左兩份餐點，每份餐點都包左例湯、生菜🥬。老火湯老火湯味道剛剛好，最緊要係裝出嚟熱燙燙(´･ω･`)岩曬鍾意飲熱湯嘅我。原味頭抽豉油雞雞的份量比同類型店舖多，雞肉肉質好嫩口，咬落去完全唔會「實的的」，食曬成碟好滿足。原味頭抽豉油雞拼叉燒雙併份量一樣誠意十足，叉燒比較瘦 對肥叉無追求既我覺得幾好☺️，蜜汁甜度亦都岩岩好。我哋額外加左一隻咸蛋+$6。埋單結算：$119人均消費：$59.5

這幾年一直每隔幾個月就嚟雞味濃油麻地分店食雞，亦經常帶同親友過來吃，有一年疫情時甚至過來吃生日飯。總覺得這小店不比出名的網紅雞店差，亦油麻地分店比荃灣分店更優勝。今日離港前特登出去油麻地分店食霸王雞餐，結果失望而回，雞嘅肉質非常嚡口，同一直以來嘅嫩滑口感根本差天共地，感覺比大家樂還要差，湯也是淡而無味的，真心覺得有點可惜，一向的水準未能維持，可能是換了一批雞，因為分別實在太明顯了。上個月才來過吃豉油雞餐，當時也還是非常美味，肉質鮮美的，希望只是個別例子。有圖有真相，大家可以自己看看。

油麻地價錢親民港式燒味 今次試試油麻地叫雞見到外賣自取$38起 超抵 今次試試堂食.⭐️蒜香蔥爆霸皇雞$53本身套餐已經有老火湯 油菜可以揀白飯 瀨粉 米線 菜飯加$3表面大量蔥花蒜蓉 雞肉都嫩底下芽菜吸晒醬汁都係重點.⭐️秘制叉燒配沙薑雞$55叉燒乾噌噌 都幾硬（鐘意瘦叉 可以試試）沙薑雞個沙薑汁都唔錯.對比起旺角全日雞貴好多 雞味濃大份d抵d全日雞肉質更嫩 但人哋係海南雞做法 同港式燒味做法唔同 唔可以直接比較.#hkfunfoodrecord窮遊香港#hkfunfoodrecord_油麻地.#雞味濃 (油麻地)地址：油麻地上海街378A號得如樓大廈地舖.⭐評分：味道：3.8/5環境：2.5/5 店舖細細服務：3/5 自己落單抵食：4/5 外賣自取超平.（記住分享比朋友 追蹤/like 感謝你哋支持🙏🏻）..#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #燒味 #豉油

D雞係好食，夠滑夠淋，如果你剩係食雞可以食呢間，如果食其他野就不了。但我就貪心，叫左雞同叉燒，幾時都好，做人就係唔可以貪心，呢間D叉燒就好唔掂，好鞋好柴，個皮係橙色，差過茶記用黎整叉燒意D隔夜叉燒，又冇味，可能見我好蝦先比呢件叉燒我。我望到隔離有D遊客，佢地件叉燒係好正常嘅叉燒。我隔離個靚仔就話佢一定係叫肥叉。事實證明香港食飯係智商稅，我係外國食叉燒飯，冇特別要求都好食過呢間。但外國食要80蚊，呢間都 60幾，我寧願比多少少係外國食正常嘅叉燒，仲要外國係比大大份，驚你唔飽咁。有圖有真相，見個色就知唔掂

舖頭細細，坐得不舒服收銀姐姐態度惡劣，眼見對內地遊客提問時不耐煩，佢要多啲睇劉德華嘅廣告啦幸好啲食物還可以，補返少少評分，不過我絕對唔會再去幫襯，會告知親朋戚友不要再去此間舖頭

無意間做完運動肚餓竟然比我遇到呢間餐廳，正確啲來講呢間應該係燒味鋪，上網睇返先知呢間啲豉油雞都出名 ，間鋪係幾細小 得4-5張枱晏就4點幾都要等1-2張枱係入面坐低左期間都見到keep 住有人黎買外賣燒味返屋企加餸，睇得出都幾受附近街坊喜愛！咁同朋友叫左兩個套餐好足料 有菜仲有湯仲要唔貴 ，好抵食！袐製叉燒配豉油雞套餐$52有湯又有菜既套餐先係$52 蚊 ，豉油雞好入味，叉燒就普通但都好食，仲有菜飯或者白飯比你揀口水雞套餐$52雞好大碟，唔使驚唔夠食，就算唔係主打都可以川味十足！

😋行過油麻地，見到呢間餐廳叫「雞味濃」，感覺好親民，心諗今晚就食雞啦！店鋪唔大但係昏黃嘅燈光好有情調，一入去坐低，環境感覺都算舒服。餐牌幾唔錯，有三款雞飯可以揀，霸王雞、豉油雞同沙薑雞真係每款都勁吸引眼球！🍲揀咗沙薑雞嘅話，雞肉送上嚟又嫩又滑，啖啖肉咁滿足；沙薑味道嗆鼻，真係超惹味！而家諗番起都仲覺得口水直流。再加埋炒微辣嘅薑蔥碟，清新開胃，夾雜雞肉一齊嘆，真係太正喇！雖然個豉油雞煮到略嫌碎骨多咗啲，但個味道係真係跌冧！雞皮入味，肉質鮮嫩，個肉汁辣辣哋嘅，食落有種暖笠笠嘅滿足感。咁啱嚟，我又問中意食雞腿，嗰啲滑嘅雞皮黏嘴，與雞肉嘅黃金配搭真係無得輸。👀最後，一碗熱辣辣嘅老火湯收尾，無味精真係飲落去正宗清甜。食完成個晚上都覺得肚子暖笠笠，心情都跟住好晒。嗰種屋企煲湯嘅感覺，食一次就忘唔記得。下回路過再要試下其它嘅雞，真係太過癮喇！

糧尾恩物 雞味濃霸皇雞舖頭都叫「雞味濃」，證明對自己啲雞幾有信心主打三款雞，霸王雞、豉油雞、沙薑雞✨霸皇雞套餐（$53）晚市既雞套餐真係糧尾恩物有雞、有飯、有菜，仲有湯，份量十分有誠意而且，真係好多街坊嚟幫襯～霸皇雞肉質鮮嫩，有雞味配埋香蔥、辣椒、炸蒜，夠惹味底下仲有芽菜墊底老火湯冇味精，好滋潤～加多$3仲可以轉菜飯，更加健康套餐真係超抵食‼️‼️大推唔想食雞，仲有住家菜套餐選擇例如蒸肉餅、蒸魚餐等等

已經幫襯了幾年 ,價格一向親民, 味道濃郁，也可以叫 偏鹹, 最欣賞是蔥油雞(霸王雞) 配料有芽菜，很多蔥，喜歡吃配料的人就十分高興。 另外，乳鴿都好好味， 單叫一隻乳鴿 加餸都好抵食。午餐有 蒸魚 配菜飯， 有幾種魚揀，算唔錯， 健康之選 。 今日老闆娘心情好 ，仲介紹乜嘢魚啱小朋友食，少骨啲， 即時 外賣自取，企係門口 幾分鐘就有得攞， 算好有效率。 總括嚟講 ，喜歡吃濃味的人就會讚不绝口，喜歡吃清淡的就 不合口味了。 性價比高， 最啱外賣，堂食就環境 狹窄， 不太好了。

被人呃到試呢間垃圾，嗌咗外賣自取，問個Staff大概幾耐有得拎我可以預時間行過去，個阿嬸勁冇禮貌：「你十分鐘之內好黎了喎。」然後就秒速Cut線，冇提及過任何付款方式嘅野。去到舖頭見到大大部八達通機擺係檯面，就諗住俾八達通，然後個阿嬸又呼呼喝喝咁：「唔收八達通喎，淨係現金。」唔收又擺部八達通機出黎？仲拗堂食先可以俾八達通，外賣唔得。輪到野食嘅部分啦，嗌咗兩份雞都係雞骨居多，得2舊仔五蚊銀咁大嘅肉，重點係死鹹，鹹到要洗腎嘅程度；碗例湯直頭成碗抌咗，鹹海水扮雞湯，間野叫雞味濃唔知係指啲咩呢，不如改名做味精濃啦！

見到佢個名講得出「雞味濃」，就知佢對自己嘅雞味幾有信心！呢間好近地鐵站出口，成日都行過，有幾次係附近經過，都有嚟幫襯過。佢堂食唔多位，個人建議外賣比堂食好，試過幾次俾佢安排係近洗碗位置，唔係太舒適。另外我都見到佢後巷有D位，唔介意都OK。今次就叫咗蔥爆霸王雞，雞味老實講就唔太濃，但佢$40有飯有雞有湯，我覺得算係佛心價。你都可以加錢轉菜飯，不過我通常都係食白飯XD除咗雞飯，佢仲有小菜（例如蒸肉餅之類），口味都係比較住家。