雞味濃

營業中

休息中

龍鳳配秘製叉燒配豉油雞雞既外皮上哂色 豉油味道好特出 可能真係用左頭抽？自家調配過? 同平日普通燒味店既截然不同 肉唔鞋口 肥瘦適中 整體感覺中上 唯獨份量較少個叉燒..... Er...大家有目共睹 就係集瘦 乾 硬於一身😖 嗯 食左兩舊放棄左 飯係粒粒分明 軟硬適中既 仲加左菜脯 提升整體口感幾同層次 有驚喜👌個湯值得推介 粉葛赤小豆 足料 有家的感覺 唔似有味精 飲完唔會渴 😋總結: 真係要試既話 原味頭抽豉油雞飯好啦 叉燒呢？睇路吧 希望唔好彩既只係我

早在別區試過雞味濃的同事，向小人力推此店。一打開盒子，第一道衝擊乃是蒜的香氣直撲而上！再來是那海量的鮮蔥，是另一道香氣的來源！雖則如此，雞肉並沒有被掩蓋下去，在炸蒜之下，雞肉反而仍能保持光滑細緻，真的一如其名：味濃富彈性，瞬間在嘴裏爆開鹹鮮滋味。辣椒豉油隨雞提供，不過小人認為無需沾點豉油已經夠味。龍鳳配等於叉雞飯套餐，有湯有飯，油菜需另加8個大洋。叉燒是走肥似的，瘦的叉燒少不免顯得乾柴。豉油雞跟一般燒臘店的不同，以頭抽製作而成，食味較鹹。沒有指明是甚麼材料的老火湯，湯身質感尚算濃稠，溫和香甜，呷一口暖入心扉。再叫龍鳳配，小人寧願試沙薑雞。

好耐無寫食評了，但今餐真心想寫。第一次幫襯，唔知佢係咩餐廳、由於已經接近佢收舖，試唔到蒸魚、於是叫咗個「龍鳳配」套餐，睇下佢嘅「秘製叉燒」有幾好食。個餐有霸王花豬骨湯、叉燒拼油雞、油菜、開胃菜甫、同埋我轉咗菜飯。叉燒好稔好軟熟、唔會太肥、完全無豬腥味、油雞同樣好稔、無雪味、重點係個汁好好味、唔會死鹹或太油、總之就好好味啦。$69加咗$3轉菜飯、今餐真係好滿足、捧住個肚走，臨走前忍唔住同阿姐講，好好食呀！

蒜香蔥爆霸王雞 $68套餐朋友嗌左呢個 個汁甜甜地唔會好鹹 加埋大量蔥蒜一齊食 好夾💯值得一食個湯應該比例上用比較多蘿蔔黎煲 少啲雞腳 所以個嘴冇話漿住咁 都幾清甜 飲完冇話好口渴 湯料唔多～跟餐仲有細細碟菜 不過朋友就食到有啲白色發泡膠粒粒 應該冇洗過啲菜或者洗唔乾淨 但係出街/返工出去食有啲菜食下算係咁～麻辣惹味口水雞 $68套餐一落枱好香 同樣好多辣椒香蒜係面 冇特別點好多辣油食 唔會好麻 的確好惹味 送飯一流💯🔥不過有下唔知食到辣椒定辣油落左喉嚨 都真係會辣親本身想食瀨粉(已經唔多地方有！)比錯左菜飯 但趕時間就冇再改 唯有下次有機會再試 菜飯冇咩特別 不過總比白飯健康啲嘅🫣

今日Lunch行行下 見到內街有呢間野，望一望Menu…間野叫「雞味濃」，正常就應該是雞出名啲，但我揀左另類 叉燒炒滑蛋飯😂😂外賣黎講，飯嘅份量差唔多。我嗌左菜飯，略嫌飯有啲乾硬不夠淋。 滑蛋份量亦少得可憐… 叉燒我本身都唔Expect 會多，但滑蛋寶在太少了！而且蛋無乜蛋味 都係好乾無乜口感。叉燒亦都好硬身。 下次我諗黎呢度嗌返佢拿手嘅雞會穩陣啲😅😅最後值得一提，當日係南瓜湯,超級好飲 無味精！ 而且由落單到攞外賣，只係等左5分鐘左右,亦可能正正就是這個原因，啲野食大多硬哂吧🤔

朋友介紹，所以中午過來買外賣。既然主打雞，就試試雞飯。霸王雞味道的確非常好，雞肉嫩滑，有翼有髀，都幾入味，唔算太鹹，葱蒜味道適中，送飯一流，另外白飯加了少許菜脯，都值得加分。例湯可以轉甜品，一心想試吓有咩甜品，最後都係攞咗個例湯俾我，雖然唔鍾意飲中湯，不過都覺得呢個花生雞腳湯幾好，唔算好足料，有花生、眉豆、肉絲，應該冇味精。不過加咗$6例湯轉甜品，最後返公司見到都係見到一碗湯，餐廳應多加留意店面管理。

中午嚟到灣仔食晏喺大王東街見到一間叫雞味濃嘅小店見到都有幾多人食緊就決定入去試吓小店主打雞味濃王牌套餐、另有住家餸套餐、全日早餐（唔同時間唔同價錢）、下午茶餐、斬料精選等等今日試咗雞味濃王牌套餐之一嘅麻辣惹味口水雞（$68）和土魷蒸肉餅套餐（$58）套餐配老火湯及油菜，白飯/菜飯（$3）/瀨粉/米粉/米線/出前一丁（$5）❇️食物選擇多，標榜冇味精，但我哋覺得兩味餸嘅味道比較鹹。雞味濃灣仔大王東街22-30號樹德大廈地下1號舖

這間灣仔分店雞味濃是近年少數令食客開心滿意的食店。食品質素有保證高水準外，服務絕對專業、有禮👍👍👍👍👍。雞、餸、飯、湯、以至糖水都超級好味。蒜香蔥爆霸皇雞是媽媽的至愛，加上香濃菜飯及大師級正料例湯，每次食過都心情變好。其他住家餸都是高水準之作，絕對有品質保證。沒有想到糖水都比一般糖水舖更高水準。每一次都令我及家人食得開心滿意！每次等外賣的時候，看到所有員工都勤力認真工作，相信一間食店可以保持各方面高水準是一定有原因的。很少寫食評，真心想表揚一下。大家多多支持這少有的良心食店。

好好食，豉油雞好滑，沙薑雞好有誠意，因為係用沙薑粉去醃製隻雞架，香蒜霸王雞真係好有霸氣，勁多蔥，雞皮有很多炸蒜。連然雞胸都係滑的其他位置更出色👍👍個餐有好多菜🥬無味精湯🥣仲有碟菜甫仔😋，地方細，但勝在乾淨。＠大王東街＃灣仔

早上打算隨便找個地方吃早餐，路經見有新茶記，雖然主打雞，但有吸引我的祕制义燒，故也願意一試。點了highlight雞味濃祕制义燒米線，火腿配香滑牛乳炒旦，丹麥多士及港式奶茶。食物一上枱已經心知不妙，那四件甚麼祕制义燒瘦孟孟，沒半點油潤，未吃已知又乾又鞋又韌，吃了一口已經放棄，完全不到。那個牛乳炒旦不香亦不滑，食品像放久了才奉客似的，奶茶就比渴清水好一點點，$42元一份早餐稱不上便宜，但食品沒有一款達標。更恐怖是全場唯一的一位女侍應全無清潔意識，見她坐在我前方吃東西時把除下的口罩沒有用袋或紙包一吓便正接放在枱上，十分嚇人，以後即使不用付款也不會再回頭

當日做完野大約四點幾，本身想去旁邊既鋪頭食碗拉麵，點知撞正落場時間無得食。太餓既關係就入左呢度食左個下午茶醫下肚，簡單地叫左個口水雞公仔面下午茶餐，有小小後悔無嗌出前一丁，因為佢個普通公仔麵食起黎真係無乜味道，至於雞肉方面，味道肉質尚可，但係醬汁方面如果呢個係口水雞的話我略覺得味道不夠香辣，可能因為雞件下面有菜底相隔，d菜吸收曬大部份既汁同油，我諗如果可以將d菜擺返係麵入面食應該會較好，不過如果下次唔趕時間我要食雞可能我會選擇其他餐廳。

It was the name of the restaurant that caught my eye. Chicken Fantasia (Chinese name: 雞味濃). Located in Wanchai, it was new and fairly clean.Menu is in Chinese only. There is no English and no 10% service charge. There are photos of most of the food. They serve various chicken rice or noodle sets. You can choose soysauce chicken or salt baked or poached.They also have other dishes as well.They also have an afternoon tea menu which we decided to order from there. Sets come with a drink.I had the s

荃灣分店食得多！今日同同事係灣仔分店叫外賣食！叉油雞飯（龍鳳配）係我必食既！油雞真係冇得輸，Keep到水準！雞肉滑，順口既豉油味！今次試菜飯，唔錯！例湯好住家Feel，一D都唔似平時嘅例水！

龍鳳配（秘制叉燒配沙薑雞）所謂嘅龍鳳配其實就係叉雞飯。送埋湯，好足料。叉燒肥瘦適中，肉質遍淋，帶有些少肉汁。雖然未去到令人驚豔嘅地步，但係都不失為佳作。佢既沙薑雞比較特別，直接用沙薑汁浸住雞件。食落好鹹，即使配埋白飯黎食，都係好鹹，令人難以下嚥。

灣仔大王東街新開食肆顧名思義係食雞見到有人話佢嘅豉油雞係世一而且仲有叉燒（我係叉燒迷）即管來試一試$68 龍鳳配套餐豉油雞 + 叉燒有碗湯，有碗飯，有碟菜啱晒啲鍾意食菜同飲湯嘅OL我就唔鍾意飲湯所以加咗$10要杯凍檸茶再加$3轉菜飯再加$10要雞髀 （真係唔想食雞胸）其實如果唔係要加咁多嘢係幾抵食，又有湯又有菜。對面搭枱嘅OL飲湯飲到津津有味，我都飲咗幾啖，係唔錯嘅。隻雞來講確實係幾嫩滑，不過我係要雞髀，正常都應該唔會鞋😂都幾好味，係唔錯，不過講到世一就誇張咗。至於叉燒真係麻麻哋啦講明要半肥瘦都係好乾好柴同埋我唔鍾意佢呢隻味係醃咗好鹹嘅醬橙紅色邊嗰款冇咗叉燒種甜，同埋冇燶邊係我最唔鍾意嗰種叉燒味作為叉燒迷真係失望但係見到OpenRice竟然有人話好食同好淋，其實睇張相都知唔對路。如果想食好味叉燒都係去返大班竺夫啦😆總括嚟講，算係幾唔錯幾抵食嘅，我鍾意佢有得食菜飯又有碟菜，感覺幾好，總之記住食雞就算啦，唔使叫叉燒。😂