雞皇 (已結業)

午市學生超優惠 套餐$33 小菜+白飯+老火湯+飲品飲品: 樽裝可樂豆漿/凍奶茶/檸茶可惜我唔係學生 要食正價價錢都相差一大截……午市套餐 小菜+白飯+老火湯 $48~$62飲品要+$5元大廚休息 餐牌選擇唔多香煎黃花魚 +白飯+例湯 $62 乾煎魚1支8吋細 原味冇薑冇蔥 唔腥嘅 但淡口 點豉油 冇伴菜唔吸引冇回味套餐~生煎咸魚肉餅 $48咸魚好香 肉餅煎脆口 餸飯1流份量都足老火湯~ 紅蘿蔔合掌瓜湯 細細碗 多謝侍應姐添飲 潤晒喉白飯用米係靚 唔硬 軟熟飯香

中秋做節食好d又順便去陳明記買麵,去左食雞皇都怕冇位所以打左去訂座先，訂座時哥哥已經好熱心問我要唔要留d海鮮同牛肉，長輩唔食牛，咁就留海鮮啦哥哥就話海鮮價錢180至280蚊一位，只食新鮮同靚的，食咩由哥哥決定，一直深信打邊爐信者得好野食，既然哥哥誠意推薦，又做節，毫不猶豫啦喂去到食完椰子雞煲的嫩滑雞肉，個海鮮要等一等先上到黎，好野係要等下架啦，唔好甘急啦香港人個日有蝦，帶子，貴妃蚌，龍躉，蜆，一小蝶象拔蚌小妹唔係相機食先既人，只係影左一張相小處成大事，一直都覺得打邊爐食蝦好雞助，一係就雪藏貨又霉，一係就好細隻，今次完全推翻晒，蝦肉好彈，冇雪味又爆膏貝殼類鮮甜，冇咩沙重點係龍躉，我唔係太食魚都覺得好好味，除左冇骨，身為資深食魚專家的長輩都一直好評，仲話鮮甜到加豉油都浪費左舊魚食埋必食的響鈴，墨魚滑同蝦丸，皇帝菜，3個人15xx，食多不如食好，食好不如食精，食物絕對出得住價錢期待下次encore

火鍋店林立，大家都話自己湯底如何如何，幾百至幾千不等，不計麻辣湯底在內，其實大多數都是不外如是，呢到就反之，我每次都會叫既胡椒鮮豬肚雞煲真係不得了，胡椒夠香，本身雞湯底夠曬濃甜，豬肚則選用新鮮豬肚，唔會有雪味，非常正，建議大家可以叫埋豬粉腸一同入煲。呢到打邊爐比較特別，由於湯底太正既關係，大家務必先飲清佢一煲湯再加湯先開始打邊爐😝。火鍋料同樣上等新鮮，牛根丸為第一推薦食物，超級香濃juicy，我可以簡單地形容為香港牛丸第一☝🏼，呢到更有香港火鍋店小有既牛爽肉，不妨試一下。午餐肉更預先炸左，就咁食已經好正啦🤤。響鈴同樣為新鮮炸，附設埋甜酸汁，真係非常掂檔👍🏻。強烈推薦此店。

今天一直想吃雞煲,剛巧路經九龍城獅子石道,此店以往經營吃台灣料理的, 後來更改了經營"雞煲". 所以跟老公路經此鋪來試試, 怎料 一試就愛上。湯底打開餐牌, 有多款火鍋湯底, 每一款都很吸引.最後我們選了藥膳花雕雞煲, 喝一口湯, 湯底充滿藥材 & 花雕酒, 非常濃郁, 很進補,沒有偷工減料 😌 *兩個人吃了1隻雞雞肉表面看上沒什麼特別, 但是經過湯底淆製後,雞肉非常非常滑, 很彈牙! 這個是無得輸! 👍🏻👍🏻👍🏻👍🏻*手打墨魚滑很爽口, 很有墨魚的味道, 很鮮味, 絕對是手打的.*大致上所有食物很新鮮, 每款都想試, 只是眼闊肚窄😝*另外, 食店正在推出優惠, 1664 啤酒 500ML 買一送一, 非常化算🍻👍🏻 *❗晚上9:00 前入座可享有8折優惠 及 ❗晚上9:00 後入座享有7折優惠.

I was brought here by my colleague as it was close by to the office. A great little place and enjoyable food.We had a selection of various meets and all was fresh and very tasty. Would come back if i was in the area again. It was a 30mins walk to get here from the MTR station.

今晚又嚟試下個雞煲咩情形， 店舖姐姐介紹我一定要嘗試椰子雞， 因為用原個椰子去 煲湯比較清甜 ，咁我就嘗試下啦 ，椰子同湯原汁原味清甜可口， 今日仲有一人一位 手切牛肉一碟， 估唔到真係一人一碟手切牛， 同出面啲肥牛唔一樣因為佢真正手切牛肉落去有牛味，記得入去搵四眼哥哥仔，好多新鮮推价或新小食，今次留嘩嘩海鮮盆一出來全塲都嘩，，，，，，，，，，，又靚又好食，好多人見到我張枱D野食，即時捉四眼哥哥 訂枱留海鮮盤， 如果大家想落嚟食記得打電話訂枱搵四眼哥哥留海鮮盤畀你哋。

一入到去環境唔錯!所有野算乾淨企理，餐具至少睇落冇乜油同污糟野先！令人意外係佢地侍應服務超好，一舉手即刻到，落單又幾有禮貌，唔會似其他火鍋店一忙就扮睇唔到，野食就比旺角兆萬啲垃圾好得多，搵野食真係黎九龍塘喇，唔好再比啲低質打手fake到啦求其影咗幾張相，雞煲食完就冇影到......不過野雞幾入味，又嫩，算中上水平喇！下次想食雞煲都會黎翻呢間，聽講佢地有做午市，食咩同好唔好食就唔知喇...九龍城選擇多，呢間幾推薦！

昨天我同朋友三個人 一齊去咗 雞皇食中午 飯 見到好多人問魚餐又見到蒸出嚟幾大條，我又叫了倉魚同海南雞，煎肉餅，我地三個認為抵食有得食， 條魚畀出面大條及新鮮， 雞又夠滑又有雞味 咸魚煎肉餅係我哋三個最愛 好食到我哋讚不絕口 店舖姐姐話店鋪推出呢個套餐好多人要預訂， 咁抵食咁好食嘅地方 梗係我哋三個代表報告畀大家啦

星期六的下午路過此店，見到雞皇兩字，即刻想入去試吓佢有幾堅！竟敢自稱雞皇 午市套餐好抵食，平均都係四五十蚊，最後叫咗兩款雞，海南雞同鹹香雞。仲要包一個湯同飯， $48真係抵食！湯味道偏淡，係普通嘅蕃茄薯仔煲雞腳，或者可能加得太多水去煲。飯餸嚟到一刻，我同朋友都以為送錯野，兩碟雞竟然係一樣！阿姐回答說：無論你叫所有雞，都係同一樣雞，只係個汁唔同。我落單嘅時候點解你唔講... 咁我會叫第二樣囉... 就係咁，最後嚟咗兩碟咸雞飯，飯唔錯，唔係太濕，雞... 其實冇乜味，都係點豉油食... 最後也吃不完，好乾，好頂胃 未食過其他餸菜，不知道其他食物如何，但可以肯定的是價錢算平，又夠冷氣，又有茶飲，又有電視，想中午平平地舒舒服服食飯可以選擇。

昨晚與太太兩人在家附近找尋食晚餐的地點時, 行經開了一段時間的 , 門口有女待應落力 hard sell , 又話依家現金找數有 8折優惠, 其實都經過好多次, 但每次見到入面客人都不多, 所以都無入過去嘗試, 尋晚就第一次去試下啦 ! 坐低睇完一輪餐紙, 女待應亦不厭其煩的介紹呢樣果樣, 最後我地就揀左要 雞煲] 一隻, 因為其他食物感覺價錢有點高了, 落單時再一次說明要一隻雞, 女待應都有再問明是否一隻 ! 上菜時先上藥膳煲, 之後就拿來一碟雞, 因為一般都無特別拿過來再認真看看, 都會相信食肆的, 不久就由女待應一手一腳的整碟倒進煲內, 還說湯再滾就可以食, 而且過來叮囑了幾次, 有點煩 ! 當我地繼續食既時候, 發現有些少唔對路, 點解得一邊雞翼, 再搵搵下連雞睥都係得一邊, 女待應係後面聽到, 即刻話可能個 40歲廚師有 D 老, 唔係好記性攪錯左, 我老婆即刻話佢, 40幾歲就話人地老, 之後另一女待應先講唔好意思話可能攪錯左單, 見 2位用咪俾半隻雞, 話轉頭再補返半隻 ! 到食完埋單, 我 check 張單時就見到, 落單係無落錯, 係 , 如果當時真係無留意就咁食完就

“雞皇"店鋪前身係"台灣牛肉麵“ 很懷念新店用番舊枱 櫈加咗墊 唔太舒服擺咗直枱 望住對面 背住上菜 有啲危咁新舊伙記 招呼都好好 ……初見雞皇餐牌 唔太吸引雞類佔大部份係正常 雞煲 火煱配料 ……又有南乳豬手 又有豬軟骨 家鄉炆鴨 牛腩手拍青瓜 醉旦 麻辣/酸辣米線 都幾雜亂咁午市見有新傳單 係 中式炒餸 餐送例湯 白飯 $48起 冇加一 價錢一般可轉湯米線 米粉 麵…… 問都畀例湯嘅例湯 ~ 蕃茄薯仔雞腳老火湯 普通飯碗份量 有蕃茄薯仔 ＆ 1只雞腳畀足料 但 個碗細湯水少……可以就轉番個碗大少少 就夠湯飲虾仁炒旦(餐)~ $48 碟頭飯嘅餸嘅份量得4隻中細虾仁虾爽旦滑香 但冇落鹽 淡而冇味 自家調味後麻婆豆腐(餐)~ $48細份量 完全唔麻唔辣 味清淡 應該名稱係叫"肉碎炒豆腐“ 較合適雞皇海南雞 米線 ~ $48招牌雞 失色 凍有雪味 淡口 肉唔滑有少少嚡骨內有血 雞皮冇油色 薑汁溝咗水 淡味米線煮未夠時間 硬 豬軟骨~ 唔夠熱 肉硬嚡

每次去都有驚喜👍最緊要價格💰唔算貴👏椰子雞煲🐓 - 清甜、雞軟滑，記得先喝湯😘干鍋🌶雞煲 🐔- 辣味分小、中、大辣自己點，麻麻辣辣，最緊要加豬片蘿蔔，夠惹味，之後加湯打邊爐，絕對優勢（怕辣有獨家解辣涼茶 🍹- 無有怕）😘😘胡椒豬肚雞 🐓- 先喝湯，飲完一碗又一碗，可以自己加椒，之後唔囗渴（簡直完美👍）醉雞🐔-相對較以上少了一些個性，品質都係有保證火鍋配料推介🤩：牛肉必吃（有朋友一人一次過食左4碟🐂🐂🐂🐂，唔係因為份量唔夠，實在太軟滑兼美味，絕對唔係得過肥，有肉味），牛丸頂瓜瓜，貴妃蚌新鮮又扺食，不時有特級兼扺食海鮮🦐🦀🦑🐙🐟（要問老板娘-雞媽媽推介），蔬菜都新鮮🥦🍆🥕🌽🥔，只係太多東西好食，經常忘記左佢啫🤪重點係海鮮有時係野生回來，不是養的，難求。（私家大船⛴即日即補即送）昨晚食左個炆班尾，我老公唔好魚都食到不停😘😘😘，有貨到一定要試😍趁唔係好多人知去多啲，怕將來要排大隊😅

朋友介紹說是最香港最好吃的雞煲。 和朋友去到點了兩個不同味道的雞煲， 還叫了一碟大牛頸脊， 還有很多配料。 真的超級好吃， 很久沒有吃過那麼有雞味的雞煲了。 裏面的雞真的又香又滑， 很快就全部都吃完， 之後加湯底打邊爐， 不到五分鐘整碟牛頸脊都給我吃掉了。 真的好食到不得了， 下次再來九龍城一定會再去。 忘記 還點了一碟口水雞， 味道真的超級好， 不是太辣有一點點麻辣， 吃完嘴唇有一點點麻痺， 感覺好像去了成都一樣， 喜歡吃辣的朋友一定要去嘗試。 還有店裏面有一種很奇怪的涼茶， 先苦後甜， 喝完那裏的涼茶口裏的辛辣感覺全部都沒有了， 真的十分新奇， 味道也不錯。

很少來到九龍城但知道餐廳種類繁多，這間專門吃雞的好像是新店，看門面十分吸引有一份中式優雅感覺，午市來吃價錢不貴而且雞飯的選擇很多。想試海南雞飯吃一下鮮味，但一上來的賣相不吸引，是很多件的帶骨雞胸肉，只是做法令雞件不會太硬，底部的雞件賣相更差，肥膏和雞肉難分，加上只有油沒有香的飯，只能沾些醬汁吃下去，最少，不是雪藏雞味還好。坐得算是舒服，環境的確是加分不少，希望下次午市再試一下帶辣的雞飯，而雞件部份能改善吧

天氣暖前最後一鍋黎緊個幾星期兩個星期都會開始暖返, 一於今晩要食個暖笠笠火鍋😁我地黎到九龍城雞皇, 門面同埋餐廳內裝修都乾淨四正! 火鍋配料選擇也很多, 湯底我地揀左清甜椰子雞煲, 包半隻雞 $188, 雞湯清甜, 很多新鮮椰子肉, 飲番兩碗先開始食火鍋配料, 👅推介手切本地牛頸脊, $238, 肉質鮮嫩爽口, 我地兩個女仔叫一份例牌剛剛好! 另外, 粟米餃 $58, 鮮甜好味, 大大隻!呢度Waitress服務不錯, 照顧周到!