雞翼山 (T.O.P This is Our Place)

營業中

休息中

呢間雞翼山就係我屋附近，所以間唔中都有幫襯前排見佢出咗新野，一於去試試順便俾個好評佢主要係多咗套餐，虹吸式飲品，聽個名好勁咁以往都只係買幾件雞翼自私食，呢d真係未叫過連呢到都有埋自助點餐機，毒男們唔怕要同人講野啦由於我係外賣既，所以等緊期間就周圍望下食雞翼呢d咁唔elegant既野，雞翼山都準備得好充足，等大家唔洗咁狼狽污糟然後呢個就係個飲品，咩萃取喇，真係有新鮮水果整成拎到返屋拿拿林開餐文青風玫瑰雞翼呢個真係無論出咩新口味都好，其中一款鐵膽黎蜜糖加上少許玫瑰瓣，甜脆既外皮入面係嫩滑雞肉，一炮過可以食十幾隻即刻生鬚輕鬆濃口櫻花蝦蝦醬雞翼第一次，估唔到櫻花蝦乾都幾足料，加上濃濃既蝦醬包覆住每隻雞翼每一啖都好重口味！呢隻口味可以encore一人餐有蝦多士，雞翼三隻，溫泉蛋蘑菇飯咁多野加埋其實兩個人食都勁飽雞翼就維持一樣咁高水準主要想講個蝦多士，出乎我意料之外咁高質多士外脆，入面舊蝦大大隻，呢個size分兩啖擺入面最食到滋味覺得熱氣呢個餐仲送埋飲品

先前都有好多人介紹過雞翼山嘅雞翼有好多種口味今日行過有啲肚餓就叫唔同口味黎試吓門市座位唔多所以嗌咗外賣返屋企食揀咗$128有12隻雞翼加飲品一杯口味方面: 文青風玫瑰 / 宮崎南蠻他他 / 港式鹹檸七雞翼 雞翼全部都係現炸 然後再炒醬汁三隻口味之中我最鍾意就係文青風玫瑰淡淡的蜜糖夾住玫瑰嘅香味 好上癮😍再者港式鹹檸七雞翼都係酸酸甜甜 食完好開胃鹹檸七味道都好突出 估唔到同雞翼都比較夾最後他他醬係另上嘅 醬汁係平時日本居酒屋食開嘅味道 因為覺得會唔夠飽 另外叫多咗2樣野😂一人A餐溫泉蛋蘑菇飯蝦多士 再有三隻原味雞翼溫泉蛋整得啱啱好 撈落啲飯都食一流明太子無骨雞翼croffle包即係牛角包變咗做格仔餅 個人最鍾意食牛角包點可以唔叫埋呢😍牛角包夠鬆軟 熱辣辣好好味今餐食咗好多隻雞翼真係可以砌出雞翼山😂😂😂

雞翼山啲雞翼做得真係好好！全部都好大隻啖啖肉，入邊嘅肉汁仲要好夠，食咗咁多隻味冇一隻失手！文青風玫瑰雞翼玫瑰雞翼係咁多款口味入邊我最鍾意嘅！佢有一般蜜糖雞翼嘅香味，再加上玫瑰嘅淡淡清香（唔係好俗個隻玫瑰味！），聞落去已經好吸引！港式鹹檸七雞翼鹹檸七味果然好重🫣，食落都真係好似食緊鹹檸檬😂😂韓風吉士鹹蛋醬雞翼通常配鹹蛋黃醬我哋都會覺得好滯，但係佢加埋韓國吉士，令到鹹蛋醬嘅比例唔會太多，而且兩者味道都好夾，係一個唔錯又幾創新既口味😋一人餐：原味雞翼+蝦多士+溫泉蛋蘑菇飯最抵食嘅一人餐，有得揀招牌玫瑰雞翼架！啲蝦多士都好好味好彈牙架😆

行開MK，都見到好多人幫襯呢間。T.O.P小店，地方唔大，只得少量吧枱位，但依然難擋各位大人小朋友鐘意食雞翼噶心。店如其名，真系雞翼專門店，有9款唔同口味雞翼任你搭配，仲可以自選套餐加飲品添。因為吧枱無位，只可以外賣拎走。我地揀左12件，可以一次過試唔同口味。外賣包裝真系出奇地好，要俾like距啦！原味脆香雞翼，試到真功夫。肉質鮮嫩，夠曬入味，仲有肉汁添。系阿媽的味道！玫瑰雞翼，灑左香草同玫瑰花瓣系面頭，雞皮外包裹豐富的蜜糖，入口真系有淡淡的玫瑰香味，好鬼得意，的確少少文青feel。但系味道都十分唔錯，蜜糖唔會太甜，仲帶有少少花香，亦唔會搶左雞翼味道。避風塘雞翼，蒜香味好足，皮脆肉嫩，唔會柴，微辣，又好OK喔。做鸡翼的确有一套，可以encore。

已經唔知第幾次嚟食雞翼啦🤩🔖黑松露武士雞翼、濃口櫻花蝦蝦醬雞翼及韓風吉士鹹蛋黃雞翼嗌12件雞翼拼盤，一個可以揀三款口味，而今次我就揀咗以下嘅口味🤗🌻黑松露武士雞翼: 雞翼嘅黑松露味係來自曬喺面頭嘅黑松露蒜粉，帶有陣陣嘅黑松露同蒜香味😌唔錯啊！🌻濃口櫻花蝦蝦醬雞翼: 蝦醬味好重🦐面頭亦都有唔少嘅櫻花蝦，加強咗雞翼嘅味道同口感😋建議呢款係適合偏重口味嘅人去試啊🐽🌻韓風吉士鹹蛋黃雞翼: 吉士醬甜甜哋，再加上鹹鹹哋嘅鹹蛋黃碎，好惹味啊😍💰128/12件💫推廣指數: 8.5/10🔖玫瑰雞翼、南蠻蝦多士配溫泉蛋蘑菇飯💰63想多元化啲？唔係淨係食雞翼？原來而家有唔同嘅一人餐🤗今次試呢個餐又幾正喎🤭玫瑰雞翼真係雞翼山嘅皇牌，係每次嚟都一定要嗌嘅口味😌南蠻蝦多士細細件，脆卜卜😙個飯有好多蘑菇汁，帶有少少辣，再撈埋溫泉蛋一齊食，口感更香滑啊😍💫推廣指數: 9/10

平時行街附近點都會經過下雞翼山，但都未試過，今日收工又幾肚餓就決定食佢！呢間旺角分店係top商場嘅出面，面向大馬路粉紅色的舖面，都幾少女心😂幾啱我，但舖面幾細，唔多座位，咁我去到嗰陣已經差唔多坐滿哂人再加下午3點幾，個太陽曬哂入嚟，就決定做外賣妹外賣埋俾屋企人做下午茶。可能係叫完即整嘅關係要等15mins🔸文青玫瑰雞翼 $43最期待的就是呢個了，果然食落去好有玫瑰香甜my favourite🌹🔸黑松露雞翼 $43唔算太重黑松露味🔸吉士咸蛋黃醬雞翼 $43佢個醬點落好似奶黃醬，幾得意🔸一人餐C有件croffle包，小飯同兩件雞翼。個Croffle夠鬆脆，入面夾無骨雞翼，配搭上黎都幾神奇

終於有機會買到呢間出名食雞翼嘅外賣啦由於全部都係雞翼, 所以只係需要諗下要咩味haha揀左12件三併餐, 三款口味分別係有d辣又好香口嘅港式避風塘蒜香,另外兩款就係原味炸雞配韓風吉士咸蛋同宮崎南蠻他他前者偏甜, 後者就酸酸甜甜比較清新!另外再點左個一人餐,溫泉蛋洋蔥雞翼有巨量嘅洋蔥! D雞翼全部都好大隻啖啖肉,而且好入味~+甜芥辣雞軟骨, 呢個就好爽口配返杯啤酒睇波就岩哂+唐揚蝦又估唔到幾好味, d 蝦係有咬口連殼食都唔會霉

辛苦左成個禮拜要食返d Comfort food 慰勞下自己，見雞翼山好多次都未得閒試下，今次經過呢間店，一於買外賣返屋企慢慢嘆。 雞翼口味五花八門，有d 仲幾創新，聽都未聽過，要試曬全部口味都要分幾次，今日決定試3種。避風塘雞翼一拿到手，佢香噴噴嘅避風塘味就撲鼻而來，令人忍唔住想快d 食， 呢隻口味有點辣，d 辣味浸透曬落d 雞肉。外皮好脆，雞肉都算唔老，好香口嘢未，食唔停口。 黑松露雞翼呢隻係新口味之一，佢松露味唔算好勁，淡淡地，食得出佢唔係加左勁多松露油，味道唔錯,無我最討厭嘅假松露油味。雞翼上面仲有點紫菜作為點綴。濃口櫻花蝦蝦醬雞翼新口味之一，面頭有d 櫻花蝦，個醬係濃郁嘅醬油味，夾埋d 櫻花蝦嘅鮮味，幾特別，但係食多一隻就有d 重口味，建議同人分享。 推介鐘意重口味嘅人食。加埋罐氣泡檸檬茶，簡直正到爽不過下次應該都係堂食好d, 外賣拿返屋企d 倒汗水整濕少少d 雞翼，不過都好好味。或者堂食仲好味，熱辣辣。

去過外國留學，外國有專食雞翼嘅餐廳，有成百幾款口味，但係香港就唔係好多舖頭主打食雞翼。所以留意左雞翼山依間餐廳好耐，一直都想食下。餐廳座位唔多，所以選擇咗買外賣。有9款唔同嘅味道，當中嘅口味係集合左唔同亞洲地區嘅風味。外賣包裝得幾好，有專屬嘅餐廳環保袋袋住所有外賣盒，亦都有自助區可以攞手套同餐具嗰啲。我哋點咗$128/12隻雞翼再加一杯嘢飲。港式避風塘蒜香雞翼So far 係我叫嘅幾款雞翼入面，自己最鍾意食嘅嗰款。炸蒜落得足，外皮炸得好香口、微脆。雞翼嘅肉質都幾嫩滑，入面唔乾有汁。泰式冬蔭酸辣雞翼依款雞翼表面係比較濕身嘅，有好香濃冬蔭公味，香茅味好出。韓風吉士鹹蛋醬雞翼本身想像佢會係鹹蛋味比較濃啲，但係因為原來係吉士醬嘅關係，入口甜甜地。另外仲買咗個不要儀態一人餐A餐$63入面包咗三隻玫瑰雞翼、南蠻蝦多士、溫泉蛋蘑菇飯同嘢飲。溫泉蛋仲係流心嘅，蘑菇飯如果有多啲汁就更好啦。玫瑰雞翼外皮仲有少少玫瑰花瓣，食到好香嘅玫瑰酒味。蝦多士唔會太重油感，不過不失啦。

過一個悠閒星期日, 同朋友去咗旺角中心買嘢,再行去隔離T.O.P.行下, 見到”雞翼山”無人排隊, 就決定入去坐低食雞翼傾下偈。我地點咗一個$128/12件雞翼餐, 可以選3款不同口味嘅雞翼+ 1罐氣泡茶濃口櫻花蝦蝦醬雞翼: 呢款係新口味, 我好鍾意蝦醬味, 配上炸到卜卜脆雞翼,真係好夾, 雞翼面加上少量櫻花蝦,更加有蝦嘅香味, 好滿意。韓風吉士鹹蛋醬雞翼: 呢款都係新口味, 吉士鹹蛋醬略嫌鹹蛋不算多,將雞翼沾上吉士鹹蛋醬, 帶點咸咸甜甜嘅味道宮崎南蠻他他雞翼: 之前已經食過呢款醬, 少少酸酸甜甜咁, 好得意我個人心水排好味程度: 第一: 濃口櫻花蝦蝦醬>第二: 宮崎南蠻他他>第三: 韓風吉士鹹蛋醬

「燒雞翼～我細個最鐘意食」細細個成日都聽呢句歌歌但其實雞翼唔止細細個鐘意食大人都好鐘意食難得有一間成間埋雞翼嘅舖頭仲要有好多唔同口味嘅雞翼緊係要試下啦呢間喺新商場T.O.P. 地舖嘅雞翼山其實就係旺中附近開左一段時間但我都冇機會去試下今次終於有機會啦佢推出左實惠嘅一人套餐同埋雞翼套餐比客人去揀我見佢有好多我從來沒見過嘅口味緊係揀三款口味嗰個套餐啦❤️$128/12件+飲品可以選擇三款口味每種口味各四件包一罐飲品佢地嘅口味有成九種真係花多眼亂每一隻味都好吸引我揀左黑松露武士雞翼、港式鹹檸七雞翼同埋宮崎南蠻他他雞翼港式鹹檸七口味好特別真係好似飲緊鹹檸七咁上面仲有鹹檸檬添黑松露嘅味道加埋炸雞翼原來都幾夾我最鐘意他他雞翼因為佢有兩款醬料兩款各有特式🧡一人套餐A餐$63三件雞翼+南蠻蝦多士+温泉蛋蘑菇飯+飲品本身想揀玫瑰雞翼但又想試下原汁原味所以就選擇左原味雞翼果然冇令我失望原味雞翼仍然保持到嗰種juicy嘅感覺加上佢炸得乾身唔油膩食多幾隻都唔會膩啊南蠻多士整到細細件咁方便進食成個飯擺得好靚好吸睛📍 雞翼山 (T.O.P This is Our Place) (旺角)旺角彌敦道700號 T.O.P

My name is Wing, and I do love chicken Wings 😙 TOP 雞翼山的雞翼都幾過癮。有時食KFC食到悶，又等唔到新口味，雞翼山嘅口味都幾多 variety ~ 我食咗呢三款算係 favourite 😻 港式避風塘蒜香雞翼 🧄聽個名都知道冇得輸🤣 避風塘其實係炸蒜再加椒鹽嘅配搭😍 少少熱氣～ 所以只係12隻裏面做咗四隻，另外再叫咗四隻係比較清少少——比較上 only 😂嘅⋯⋯文青風玫瑰雞翼 🌹🍯因為有蜂蜜包裹住，所以就有啲似平時BBQ食嘅蜜糖燒雞翼～ 但係蜜糖就令到件事冇咁燥熱，入口少少潤～ 泰式冬陰酸辣雞翼 🍋冬陰功都唔算太辣🌶 反而酸味強一啲～ 我見醬汁裏面真係有個檸檬～ 味道幾好。Overall 三款雞翼嘅雞肉都幾鮮嫩，唔會太過乾身。Drinks: sparkling peach orange 🍑🍊🧃 taste good 要趁凍飲！

好耐之前已經聽過雞翼山呢個名，知道佢有好多唔同口味嘅雞翼可以試。今日終於約咗個同我一樣鍾意食雞翼嘅朋友，齊齊去食雞翼大餐。去到鋪面，可能舖頭都比較細，都有唔少人排緊隊。趁着排隊嘅時間我哋揀咗幾款雞翼，包括鹹蛋吉士吉士、鹹檸七、同埋黑松露蒜香味雞翼。（一邊等仲有得一邊聽K-Pop, 都算係咁）雞翼嚟到，又剛剛好等到有位，可以坐低慢慢食。首先是鹹蛋吉士味雞翼，估唔到會有咁多醬，鹹蛋味重，吉士creamy, 本身都擔心吉士會唔會整𣺉左隻雞翼，但原來只要本身隻雞翼夠脆，上面淋幾多醬都係脆嘅🤩，真心要俾個like佢再試鹹檸七味，味道真心似，如果要我揀，我會話呢款係我3隻味裏面最鍾意嘅，鹹鹹酸酸的味好開胃👍🏻，而且好juicy, 唔怪得佢會提供手套比客人最後就係黑松露蒜香味，可能蒜味較濃或者前面食得太多唔同口味，黑松露味未算突出...不過表現都不過不失嘅，有雞翼應要有的外脆內嫩。總結：可以一次過試咁多口味的雞翼，真係唔係周圍有，推薦給各位雞翼愛好者

身邊朋友十個有九個都去過雞翼山，偏偏身為雞翼控嘅我竟然未去過😅，唔得😤，難得今日身在旺角，一於要去試下。位於T.O.P 的雞翼山，店內只有少量座位，而且今日人又多🙈，所以我今次定決定外賣就算😅。雞翼山總共有9️⃣款唔同味嘅雞翼/雞槌可以選擇，另外仲有啲1️⃣人餐，2️⃣人餐和小食拼盤可以揀，我仲以為只有雞翼食添🤣🤣。今次我叫咗1️⃣2️⃣件雞翼和一個1️⃣人餐試下。返到屋企，急不及待要開箱啦😂。嘩😳！一開蓋，啲香味湧哂出嚟😍，仲要熱辣辣添，正喎😋。12件雞翼(三款口味)+1飲品 $128我就揀咗避風塘、吉士鹹蛋和蝦醬3️⃣款。港式避風塘蒜香雞翼：🔶️🔶️🔶️🔶️🔸️就好似橋底避風塘炒蟹咁😍，不過就換咗成雞翼，大量嘅炸蒜+辣椒令雞翼變得非常香口🤗，非常邪惡😂，但我就覺得辣味🌶有少少不足😶。韓風吉士鹹蛋醬雞翼：🔶️🔶️🔶️🔶️🔸️值得一讚嗰吉士鹹蛋醬係用個膠盒分開裝嘅。所以如果唔蘸醬，就變咗好似食緊原味炸雞翼🥰，變相試多款雞翼😂😂。不過當雞翼蘸上了醬汁，口感完全提升到另一個層次😍，甜甜嘅吉士醬加上鹹鹹嘅鹹蛋碎，塗在香脆juicy 嘅雞翼上面出奇地夾，豐富嘅層次感令這款雞翼出奇地好食😋。濃口櫻花蝦蝦醬雞翼：🔶️🔶️🔶️🔶️🔸️一個蝦蝦🦐🦐組合，蝦

今日終於有機會食到了，之前唔係唔經這邊，就是時候夾唔岩，今日陪完朋友，終於可以黎試下。雞翼味道既款式挺多，最後揀左個set，有得揀三樣味，連埋一罐汽水，最後，選左文青風玫瑰雞翼、港式鹹檸七雞翼跟港式避風塘蒜香雞翼。等左一陣，雞翼就ok了，最正係全部岩岩新鮮整，每隻雞翼都係熱辣辣的。三款雞翼味道都不錯，其中，玫瑰味的，微微甜之餘，佢既花香味挺香的，而鹹檸七味既，則有好香檸檬味，但又唔岩過酸，岩岩好。最鍾意既係避風塘蒜香味，鋪滿炸蒜既雞翼，帶點微辣，食落香口又好味😋