雪人圓 (已搬遷) 新店位置

近排元朗開左好間新嘅甜品舖，就約左朋友黎試下呢間雪人圓食梳乎厘做下午茶。舖頭裝修同店名一樣好有聖誕氣氛，無論牆身定裝飾都充滿住雪人或聖誕老人。 我和友人點了兩個mini set（香蕉味及朱古力） ，當中包括一份梳乎厘及一杯飲料，份量適合一人，唔會太多。香蕉味pancake 充滿蛋香，質感輕盈又帶蛋糕濕潤感，甜味適中，完條香蕉在旁。朱古力pancake 朱古力醬濃厚，旁邊麥提莎增加crunchy 口感。每份pancake 上都有椰子味雪糕，有別一般pancake 店的雲尼拿味雪糕，非常清新。至於飲料方面，由於今日無珍珠供應，所以雪人珍珠烤奶，只有奶部份。一飲入口唔太甜有淡淡炭烤味，非常特別。另一杯是芝士奶蓋芒果綠茶，奶蓋濃厚有少少咸味加上芒果綠茶的酸甜味，十分清新。 店主選用餐具每set都不同，非常精緻和有心思，好適合打卡。每份pancake 即叫即做，等待期間可到樓上bouquet 行下，上面有日韓服飾及精品，十分推薦大家去這間店。加上付款方式多元化，有8達通，Alipay ....十分方便。

同朋友喺元朗一帶度搵嘢食，見到一間裝修都幾別緻，入邊好多聖誕節嘅裝飾，同埋用咗一啲名畫嘅明信片去裝飾，都幾特別，俾人一種好溫暖同埋好colorful嘅感覺，相信店主想喺呢度俾人感受到當日嘅溫暖。呢一間入到去就發現係食一啲疏乎厘pancake嘅，餐牌選擇唔係好多，但係個名都充滿心思，我同朋友叫咗個Oreo溝抹茶同埋芒果專家。另外叫咗珍珠奶茶飲。芒果專家都幾多芒果，同埋個疏乎厘好得意，加埋個雪糕球三種嘅口味一齊食，口感唔錯，可惜疏乎厘唔係好夠熱。Oreo溝抹茶係雪人咁嘅樣嘅，好得意，幾夢幻，幾有心思，幾好食。可惜個綠茶味唔係好濃，而且Oreo只係就咁擺喺隔離，冇嗰種「溝」埋一齊嘅感覺。叫咗杯雪人珍珠烤奶。奶味幾香濃，珍珠都幾煙韌，個杯睇落好靚，好啱打卡。

八號風號下收工周圍已經冇晒嘢食 唯獨係呢一間重點亮着溫暖嘅燈光 吸引之後得閒入咗呢間充滿冬天氣氛嘅雪人圓舖頭專賣梳乎厘所以選擇並唔多 佢仲有一個套餐配埋嘢飲 不過係迷你疏乎厘所以我就冇揀啦雪人珍珠烤奶 $26佢既飲法都好似珍珠奶茶一樣，不過特別在佢配埋左烤奶，呢個感覺加埋珍珠又有香濃既味道，真係特別不同。水蜜桃益力多梳打 $34梳打反而有點水蜜桃太過重味，小左益力多既味，不過加埋左水蜜桃生果又有小小驚喜。疏乎厘🍫在夢入邊偷點朱古力藏入心 $88疏乎厘既設計令食客都會心微笑一下，食落兩個疏乎厘都夠晒入味，小小空氣感覺令你食落唔會太滯，加上食用時要溝埋週邊既朱古力同忌廉會更加好味！🍵OREO溝抹茶 $88呢個組合既搭配都比較小見，濃烈既抹茶加埋疏乎厘又幾搭，加埋Oreo餅既咬口食落又幾特別！最緊要每個疏乎厘都有水準，唔會一次過就有分別！餐廳嘅2樓係服飾專門店專賣一啲牌子野，就算係全新嘅都平過專門店買添

好好味嘅梳乎厘班戟因為囡囡同我都好鐘意食芒果，所以我哋嗌咗個芒果雪人梳乎厘班戟，同一杯Strawberry梳打，個梳乎厘超鬆軟、芒果又好甜，囡囡超鐘意食，一啖接一啖，杯Strawberry梳打一口氣飲曬，樓上仲有好靚嘅男女時裝可以揀，仲有好多好靚嘅飾物又可以食嘢又可以shopping啱哂我！間鋪啲裝飾超靚，每一個角落都好啱影相，趁時間比較早無咩人可以任意打卡同囡囡影咗超多靚靚相，下次一定要带埋爸B黎食梳乎厘同shopping

雪人圓，元朗隱世嘅梳乎厘店！餐廳擺放咗各色各樣嘅雪人裝飾物，令客人猶如置身係雪國之中，感受住溫馨嘅異國風情。先放幾張相俾大家欣賞下依個咁精美嘅佈置~回歸正題，餐廳主打梳乎厘，唔同款式任君選擇。要知道製作一個高水準嘅梳乎厘唔係一件容易嘅事，但係佢地就做到令人無論係賣相定味道都有種被治癒嘅感覺。2件梳乎厘拼成雪人，以珍珠作為佢嘅眼睛同扭扣，再畫上嘴巴，一個睇得又食得嘅雪人就出黎喇~ 梳乎厘非常蓬鬆，入口就溶化成濃濃嘅蛋香味。上面係在等入面偷點朱古力藏入心，下面係Oreo溝抹茶。除咗梳孚厘，仲有各種輕式飲品。雪人珍珠烤奶，烤奶飲起黎帶點微微嘅焦香味，而珍珠嘅口感煙韌。芒果益力多梳打，新鮮嘅芒果粒粒，再加上益力多同梳打，有種戀愛中嘅酸甜味~走上魔幻嘅樓梯，餐廳搖身一變成為飾品店，放咗唔少文青衣裳同飾物，俾客人欣賞同購買~總括黎講，餐廳設計用心，無論係食物定裝飾，都令人賞心悅目。不妨黎依度一邊歎甜品一邊享受人生，為忙碌嘅生活加加油~

有一日經過元朗 發現開咗一間充滿特色嘅cafe店 大概開業咗一個星期左右 我常常被店內的擺設所吸引 終於等到放假天 有機會去光顧打卡 享受一個優閒的下午茶時光這間小小的cafe是由一對小情侶所開設的 把愛和溫馨的感覺都融入在cafe中 就像一個小小的家 可能本人的年紀與女店主的年紀相約 所以特別投緣特別好傾 出於好奇之下問咗女店主為何餐廳會有這個構思 原因是女店主很喜歡的一套韓劇 女主角很喜歡水晶球，很喜歡雪人，很喜歡聖誕 這些共通點正與女店主相符 於是就把自己喜歡的東西放進店內 聽完後 我心內有一點莫名的感動 能夠把自己喜歡的東西呈現出來 並成為自己的事業 是一件很美好的事情地舖是cafe 是用餐的地方 二樓購物的地方 非常適合一眾文青人任 享受一站式的體驗 食得，飲得，hea得 ，行得，買得，最緊要影得餐牌簡單易明 主要係食梳乎厘 梳乎厘有多種口味提供選擇 並有特色飲品提供 店主非常推介自家製的咖啡 用心炮製 必定要一試香蕉味聖誕老人 $78 梳乎厘烘焙後質感輕而蓬鬆 軟綿富彈性的梳乎厘空氣感十足 好香蛋味 奶味 而且味道不會太甜 相當出色 吃過後真的讚不絕口 這可以說是我吃過最出