雲南桂林過橋米線 (已結業)

自從葵涌多左呢間雲南米線店, 最開心的莫過於我了,因為我一向鍾情辣野, 所以呢間野就變左我同老公的新飯堂.今日因為下午同老公飲茶食到好飽, 所以晚飯就決定返黎葵芳食呢間雲南米線:腩肉係我既指定餸,今日叫左腩肉魚腐米線, 當然係中辣啦, 老公叫左腩肉紅腸米線,另叫了杯豆漿, 米線加了腩肉特別好味, 尤其的湯,真係好好味,所以就算叫到一半巳覺飽,我都要再食落去,好滿意的一餐!

我第一次食酸辣米線係係銅鑼灣既南記到試嫁,,因為係附近做野既關係我同同事一個星期去食一次慢慢咁就鍾意左啦!!可惜依家要返學,,冇返工..我仲以為自己如果要食返咁好食既野,,要返返去銅鑼灣果面仙食到!!點知有次係葵廣到同d fd去左間又係食酸辣米線既小雨天到,,咁就鍾意左去小雨天到食啦!!直止近排,,有個fd話不如去試下neway下面果間野啦!!咁就入左去試啦!記得第一次黎試果陣覺得湯底好咸,,而且好熱又我叫左個肥牛小鍋米線中辣, 覺得d米線就好好食,,特別係口感low,,,第一次俾我既印象都幾好既而今次就係第二次黎試啦!!直係尋日, 由於我地係12點果時黎到,,所以5洗等位,,而且又可以任坐, 我地坐左個4人位, 嘩...舒服過第一次好多!!今次我就叫左個冬茹同墨魚丸小鍋米線中辣, 食落又覺得都5差下咁wo,,而且味道有d似南記果間!!所以我決定以後都黎呢間食啦!!可以俾到我以前既味道!!

開頭見佢\係連鎖應該唔太差同埋門口咁多人等位...但係原來唔係lor....個日叫左雞絲雞翼米線...但要叫佢\走牙菜,但係佢\個伙記可以聽到全部走晒...點會好食...個湯d 好似味精湯咁,米線唔夠彈牙......但都ok o既...不過有更好o既choice

每星期都總有一日忍唔住要幫襯下而每次去水準都係令人滿意o係葵芳哩間未開之間我已經成日幫襯荃灣個間但荃灣個間水準好飄忽我一向都係食開中小辣但佢每次既辣度都好唔同有時辣到似大辣有時就一點辣味都冇所以真係好難預算同埋o個度o既環境真係有待改善又迫又多人又唔太乾淨每次都有"快o的食完快o的快"既感覺不過葵芳哩間真係唔錯可能新開環境舒適寬敞好多雖然一入去會覺得凍因為冷氣好大但食食下就會覺得溫度o岩o岩好基本上我每次都係點雞翼腩肉小鍋米線中小辣腩肉好好食好香好甜好入味雖然有時有o的老雞翼都唔錯普通滷水雞翼甜甜地湯底一流好濃好香好辣酸酸地咁好開胃極力推介

自從小x天d野漲晒價之後,,雲桂就變左我外賣米線ge新寵<<以米線+一個餸咁計..足足平成$3wo=.=不過佢呢到就要行遠d...呢次叫左腩肉朱皮米線中小辣,,,兩個餸都好味ar,但中小辣好多辣油,搞到成碗湯好油~下次都係叫番小辣好d,,

又去食米線,,,差唔多一星期一次,,今日試新野,,,叫左碗雲tun腩肉米線(小辣多青)...d湯都係咁啦,,,腩肉今次好似鞋左d...and雲tun我覺得真係唔多掂ar,,,好重薑味,,唔知係咩雲tun,,d朱肉佔8,9成!!好難食我覺得,,,仲要得兩隻,,唔係好抵!(不過見佢咁難食就算啦=.=)下次都唔會再叫!

今日買外賣番屋企食,,,又係腩肉朱皮米線(中小辣多青)賣相就真係一般,,食落都幾辣~感覺腩肉同朱皮的份量比堂食少...米線份量就差唔多咁啦...唔知係唔係食慣小雨天外賣,,好似好dd~下次都可能去番個度...不過堂食就會揀呢度,,坐都坐得舒服d~

哈=]上個星期6先去完tw間總店一飽口福,,今日又黎呢間再食番餐!!其實我係呢間店岩岩開ge時候買過一次外賣ge<<但個次俾我有不愉快ge經歷lor<<就係d湯底勁難食,,d肉碎又係d肥粒黎ge,,我食到一半已忍唔住,,丟左啦==咁我見佢平時lunch個時又真係好多人排隊ge,,又諗住睇下堂食會唔會好d??so,,我今日就入左去啦!睇下個價錢牌,,米線都係$18,每+一樣餸+$3姐..比起tw個兩間平$1wo~我叫左碗::腩肉朱皮酸辣米線(少辣多青)~可能個時仲早,,唔係好多人,,好快有得食~今次明顯個賣相好左好多,,平時先試湯ge我今次試左腩肉先,點知食落係凍ge,,立即浸佢落d湯到浸番熱,,但d腩肉ge味幾好,,辣辣地~幾醒胃,,且係少少肥肉黏住姐,,平時唔中意食肥肉ge我都接受到~跟住真係試湯啦...個湯酸辣度岩岩好,,我覺我總店濃d,,但我比較中意呢到,,唔使太濃~and朱皮都ok,,但有一兩塊好似冇切lor,,,成把ruler咁長><''and今次叫佢多青真係多左啦,,,p.s雖然呢間米線連鎖店d米線ge湯真係好讚!但我次次食到

禽晚去食, d味濃左好多，都好好味，小辣已經好辣喇。雖然冷氣好都大，但都吃到一身汗。

愛吃雲南米線，貪其酸酸辣辣夠醒胃。葵芳店已經開咗幾個月，亦幫襯過好幾次，一向食雲南米線都點"小辣"，該店初開張時的"小辣"比其他分店輕手，所以有一次試了"中小辣"，點知又辣過頭；星期六再幫襯時點番"小辣"，果然有改進，辣度恰好，同其他分店味道一樣咁出色。店內播放着國內流行曲，莫非想令客人有置身於雲南嘅感覺。

見這店新新地又從未幫襯過便試試.1.麻辣米線(中辣)$18 ~ 米線一到便傳來陣陣麻香,第一啖食落覺得好好味好入味,湯底也絕不欺場,食多幾啖也頂唔順,好辣好麻,下次我唔會叫中辣.2.酸辣豬軟骨葛粉(小辣)$28 ~ 反而叫酸辣就無咁辣,豬軟骨一般,粉是黑色粗切的,可能少食啦,很有口感.

不嬲都係食開尖咀樂道0個間，不過都係外賣多。唔係話好鍾意呢間野不過都覺得ok.發現葵芳新開，又起0個頭約左朋友，所以黎0左呢間試下。朋友未到先入去搵位，比左一張有一個人坐緊既我搭檯。算啦，以咖度度都要搭檯咖啦，冇所謂。坐左五分鐘，有六個唔同既waitress走埋黎問我食乜，我亦都分別講左六次我等緊朋友，一陣先叫。真係好識趕客走囉!講返碗麵，我叫0左炸醬同爆醬豬肉丸小辣飲凍檸茶，朋友叫左雞亦同貢丸唔辣飲凍檸茶。先講我個碗，辣味同湯低ok同尖咀0個間差唔多，一樣甘多油浮上面，配菜一樣係甘多，多過D麵。炸醬得少少但味道ok,豬肉丸有兩粒好難食，好乾冇爆醬出黎，我nur返出黎，個friend食左一粒佢話唔係好食不過唔係話太難食甘囉。朋友0個碗，雞亦有兩隻，比左一隻雞亦我，好難食，又係乾到爆，冇肉汁，都唔明點解放浸起湯入面既野會乾既，果然係秘方。朋友話貢丸ok0咼，都唔知信唔信佢好….凍檸茶，當然唔係好飲啦，冇一般茶餐聽既水準，但係都飲得落口囉。係覺得同樂道一樣既係D麵既味道同煙un度係差唔多，呢餐食飽係D米線囉。

環境污糟, 成間野散發一種油膩感.腩肉偏甜, 仲有怪味.炸醬肉太肥.米線咬落好似橡筋.男友碗涼拌米線食到最尾仲有粒2mm立方體既玻璃碎. 嚇死人! 好彩佢隻大牙夠硬.應該唔會再黎.

見新開,又食過厚福街果間好味,咪試下囉食左雙拼小鍋米線,都唔好味O既,米線欠缺口感,湯冇味,只有酸菜的酸等左1/2HR 先有位,都未必會再去

上星期平日見佢新開張，好多人，又似幾好坐，於是同男友仔入去試下。坐低之後發現佢入面都幾立立亂。已有D想走人。後尾終於落咗單，發現D米線一D唔好食。點講呢。D 米線煮得太"林"，又太辣。根本食唔到。個香草雞翼似"炸咖哩雞翼"，一D香草味都無，又油，唔好食同唔抵食囖。同男友仔兩個都好唔滿意咁走人。埋單要七十幾蚊，因為D嘢唔好食，又辣到食唔到，所以覺得好唔抵下。