雲吞成麵食

營業中

休息中

今晚口痕落咗街搵宵夜食, 之前知道雲吞成裝修, 裝修後第一次去試吓有冇跌Watt先入到去叫咗碗牛腩河, 我問老闆有咩腩?佢話得普通嗰隻同埋崩沙腩,崩沙腩河要$38,有點貴, 加埋杯凍奶茶(跟餐$8), 不過都想試吓其他正常粉河都好平,好似雲吞麵只係$18,牛腩都係$201-2分鐘就攪掂,牛腩望落去賣相吸引,咬落超淋! 每塊牛腩邊邊有牛根好爽好脆完全唔駛撩牙,真係入口即溶!辣椒油都唔講得笑,好足料好香!!!以後有個好地方宵夜啦!

網上流傳深水埗有不小平民抵食小店，今次專程到深水埗行一轉，會一會這人稱良心小店嘅麵店。當天點了牛腩麵及油菜，可能下午茶時間，比較小人，好快已經有得食。外觀上牛腩有點怪怪，好似燒鴨同上面有層脂肪黏住咁，湯底味道一般大路，反而個油菜(芥蘭)新鮮爽脆，值得一贊！價錢方面牛腩麵18蚊，油菜10蚊，兩樣一齊叫賣25蚊，都算抵食。

這店的招牌很顯眼, 遠遠也可看得清楚.   門前更掛有的"五香牛什" 和"招牌雲吞" 兩個大牌. 那就不得不點.一看餐牌, 以為時光倒流, 每碗只售HK16-18,  四寶及雙拼才HKD23.   真的有點擔心中伏, 但見高朋滿座, 大家也吃得津津有味, 我就大胆些, 點了 牛雜雲吞河, 再加 淨雙丸.   先來了河粉, 兩餸舖滿面,  牛什超多, 腸. 肚. 肺. 膀樣樣齊, 而且每樣都有兩件, 驚喜得很, 吃一口, 很鬆軟, 又入味, 咸味剛好, 雲吞則有兩顆, 用豬肉和蝦做饀.  剛好一口一件.  河粉很滑, 很吸湯汁, 超水準之作.雙丸的魚蛋很彈牙, 不會有腥味,  牛丸中規中距, 沒有騷味.吃過飽飽, 大滿足也!

每次經過呢間鋪都想入去試一試，因為見到都幾多人幫襯，而且鋪面D牛什香味，經過都聞到。率之有日早D放工可以同男朋友入黎試下喇嘩，一入去坐底已經覺得好老字號個D感覺，望埋個餐牌，心諗乜仲有咁抵食嘅雲吞麵？又諗咁抵，好唔好食架？最後我叫左個牛腩雲吞麵，男朋友就叫韭菜餃牛腩河。其實唔係太多地方有韭菜餃架，所以值得期待雖然佢個碗等左幾耐，因為韭菜餃即整嘅。結果都冇令我地失望，湯底加腩汁，好有牛什香味，牛腩又整得好夠入味好夠"琳"，雲吞都唔細粒架，又有見得到嘅蝦肉，D麺又爽身，我冇試到男朋友D韭菜餃，不過一定好好食，因為佢平時會留一舊半舊同我分享，但個日冇><!佢仲話要再黎食，而且我地雙併都只係21蚊碗，真係超抵食

昨日係附近睇醫生, 同樣地明知等候時間長, 所以空檔時間走左出去醫肚先.無咩選擇之下去左雲吞成叫左個淨水餃及通菜醫肚.原本都係無咩期望之下入店, 估唔到此店既水餃咁好味.皮薄餡亦算豐富, 有蝦肉, 豬肉, 木耳絲等蝦肉亦夠彈牙味道唔錯.反而碟通菜落腐乳醬汁偏咸

去到深水埗行街, 想搵D平平哋醫肚, 但近黃金果邊一定貴仲要等位好多人.過返黎雲吞成呢邊, 你就可以唔使等又可以用14蚊就食碗麵.佢果度多人叫開就牛什面, 今次試下叫左牛筋河, menu 都冇寫.個面黎到, D 牛筋有成6件, 炆到好入味好諗, 估唔到深水埗都有個隱世牛腩.加埋個油菜, 落樓先19, 真係幾抵吓!

黃昏同同學係石峽尾以迷路狀態行到去深水埗，先醒覺原來附近係我熟悉的地方！首先空肚吃完個甜品後，就向係甜品店附近既雲吞麵舖坐低先。叫左個牛雜米粉，其實質素唔會要求好好，不過好抵既係１４個大洋咋，真係好平對比起呢家身邊既食肆，有咁平真係買少見少，我諗最平已經係學校餐廳份量都岩岩好，唔會太多，但又唔會少。牛雜我覺得份量都算多，其實都幾有味架不過係嫌舖頭真係細左ｄ，仲細過甜品店坐都坐得唔舒服

阿爸去開石硤尾，回家經過呢間野。呢間野以前係買$10碗，而家加咗$1。要了碗牛什米外賣。先試湯底，非常清淡，完全無腩汁的味道。牛什亦係相當淡口，全部食材都唔入味。牛肚最多，肺x2，膀只得一件。米粉不過不失，不會太淋。除咗平之外，我真係食唔出有咩好。