雲吞皇麵食

營業中

休息中

和朋友仔叫了肥腩河及雲吞，肥腩的確唔錯，連搭枱唔唔識既都直豎拇指！反而雲吞有待改善，舖頭名同雲吞，感覺有點誤導，不過價格實惠，冇投訴啦！忘記影雲吞所以沒圖片了，哈哈！

經過門口見到$22蚊一碗麵，當時店舖內都坐滿9成客人，心諗.......應該都ok嘅，就入黎碰碰運氣。環境雖然一般，衛生一般，但魚蛋河粉又唔差喎，魚蛋彈牙，有咬口湯底又會會太咸，值得一讚。

今晚長征，原本想在家附近外賣晚餐回家，但又想環保，最終在中途隨便一間食晚飯。唉，好很後悔！😭😭😭第一碗一放係我面前就見到隻昆蟲。我同阿姐講，佢話唔係，我話有腳喎，佢先死死氣咁換俾我。我想走架啦，見佢肯換就算了。點知就第二次後悔了。😭😭😭最衰係今次食到中途我先發現，立即將口中的都吐出來了🤮🤮🤮🤮現在感覺喉嚨有嘢行緊，當然是心理作用，但很想吐，我以後不會再來！！！這裏由外到內都很差，就是普通麵店格局，殘殘舊舊很污。有負分我一定俾。

今天在旺角上課，放學後好肚餓所以在付近食午餐，入咗雲吞皇麵食，叫咗兩碗牛筋麵，湯底超級無敵非常鹹，所以我倒咗d湯，用咗兩杯熱水洗過d麵，麵仍然好鹹而且d牛筋仲鹹，鹹到頂唔順又唔好意思再攞熱水維有攞咗自己帶出街飲嘅熱水再將牛筋及麵清洗一次，先可以將牛筋麵食晒，因為唔想嘥嘢，希望店舖日後可以改善啦！

係旺角想食碗麵都過$40，反而呢間粉麵鋪$22大大一碗真係好抵食。由學生時代$12食到依家$22一碗，陪住我長大的雲吞麵是日叫咗牛丸雲吞米粉，牛丸好香，係潮式手打牛丸，同本地果啲唔一樣每隻雲吞麵有一隻蝦，但唔係預期好大，包埋啲肉，肉都淹得幾香。米粉係粗身的，好大碗，食唔晒😙加咗腩汁更加好味另外男友叫了四寶河粉；魚片好白好彈牙，魚蛋夠大粒；魚皮餃佢話好香又夠入味河粉係粗身河粉，同樣好夠咬口，其實真係好抵食！

一到新年各餐廳會漲價我明白，但寫在店內也就只有兩三張紙， 寫了一律會漲價三元， 但在那紙上我們看到的「茶，食水會照為原價」的字都十分細，不仔細閱讀其實是看不清楚。但就在我們點餐的時候服務生問我們要不要飲品並沒有提醒連茶，水都要以正價出售（16元）。 最後我們買了兩杯茶一杯咖啡，價錢合起來比我們要食的一碗粉還要貴！ 最後我哋埋單嗰陣同個服務生講咗聲話下次可唔可以提一提野飲之前講聲新年期間水同埋茶會係依原價16蚊。 但係個服務生淨係同我哋講佢話「我聽唔明你哋講乜嘢」同「依家係新年間間店都係咁㗎啦」「 我返個咁耐工聲都沙埋，好攰㗎啦」跟住就叫我哋走。我明白新年期間，間間店個個服務生都係會好辛苦，但我唔明嘅係點解連提醒一句嘢個服務生都會話聽唔明同埋叫我哋走。 順帶一提佢全程個樣都係黑面，一啲態度都冇！不值去！

今日午餐時候，和同事來到這間麵店，這間麵店是我第一次光顧，我叫左一碗牛腩河和一碟油菜，食到最後一口時，竟然見到隻完整無缺曱甴😡😡😡😡😡，我立刻同職員投訴，職員態度總覺得無問題，佢比我反應係食市有曱甴有咩奇😓😓，雖然最後佢無收我碗麵錢，但唔好覺得唔收錢就可以叫d客食曱甴😡😡😡😡😡，食市有甲甴唔奇，但比客人食就好奇。一點唔好意思都沒有。😓😓請改善食品衛生和職員態度。呢種態度和很差衛生環境食市，而家真好難生存。

天氣咁熱🌞，行行街點都入下啲鋪頭，嘆陣冷氣先啦。路過見到大大隻字寫住$20碗，咁抵😲？係真唔係呀？ 都行到黎，就一於試下啦！見到menu，其實得兩款麵係$20，不過其實都唔貴，價錢平民。😃既然係比$20吸引入黎，自然要嗌返$20野啦！嗌左個手打魚蛋河粉，一碗麵入面有3粒魚蛋同3塊魚片，咁既價錢真係冇得輸👍！自家手打既魚蛋，係真係feel到有魚味🐟同幾彈牙，但鹹左少少。不過湯底有輸蝕，太淡味，記得一定要嗌加腩汁😛！咁既價錢有咁既貨色，真係唔可以再話啲咩。月尾可以一試😶。

今晚我們去咗旺角西洋菜南街嘅「雲吞皇麵食」食晚飯！我們叫咗招牌手打魚蛋河粉嘅魚蛋比較腍身，唔係好彈牙，食落味道亦比較腥，而河粉嘅麵質都幾軟滑！手打牛丸粗麵嘅牛丸都幾爽口彈牙，牛肉嘅味道都算香濃，而粗麵嘅麵質就相當爽滑彈牙！潮洲四寶丸米粉嘅魚皮餃一咬落去就感覺非常油膩，入面嘅餡料亦唔係好新鮮，墨魚丸都幾爽脆彈牙！狀元及第粥同香滑魚腩粥嘅粥底煲得都幾綿，材料份量都幾多，而且都幾新鮮！招牌叉燒飯係今晚眾多樣嘢之中，令我們最失望嘅，因叉燒完全唔覺得有蜜汁嘅味道，肉質亦比較硬實，而米飯就非常腍身，食落感覺好似「一pat pat」嘅軟飯咁，真係令我們覺得超級失望！

喺太子冇目標地揾食，見到呢間門口寫住$21/碗，裝修就係普通嘅雲吞麵店，粉麵店咁嘅樣，應該d野食唔會難食睇睇餐牌：普普通通食個麵，$21~23就1餐餐牌後面係酸辣系列同飲品驚中伏，所以叫左個招牌手打魚蛋麵，腩汁，因為如果寫住招牌都唔好食就好大鑊魚片：有魚味，少許彈牙嘅口感魚蛋：有魚味，唔算有彈牙嘅口感麵：生麵，冇梘水味，麵質爽口彈牙腩汁湯底：唔覺有腩汁味，純粹加左d色令個湯底冇咁清總結：抗通漲價錢，下午茶份量，味道一般

Terrible!!! Don't even deserve a star. Found it on google map and thought should be good. At the entrance, we (a group of 12) were usher in. The price for dried wanton noodles is hkd $5 extra, comparing to soup type. All soup type orders automatically became dried type when served even if we ordered soup type. Shop owner ignore our complaint and just leave the noodles on our tables and leave. He spoke to his staff in Cantonese to just walk away from us and he thought we do not understand their l

 I was planning to visit capital cafe but this shop's menu kinda caught my eyes We were lucky to get a table right away since the shop was pretty crowded.  They took orders quite fast and we only have to wait a few minutes for the noodles though. My beef slices noodle soup (35hkd) was awesome  the beef giblets noodle soup (35hkd) was soft but a bit fat still tasted good anyway. Ice milk tea was for 10hkd I think, tissues are for 3hkd a pack Will visit again if I have the chance. It is quite c

看完醫生便來吃個午飯，然後便一個人上山影相。這間麵店14:00便有下午茶餐，以現在的物價來說是很平，味道也不是很差，也算不錯了。******************************來了剛好14:00，便要了個下午茶餐。雲吞牛腩米粉配凍檸茶，原價是HKD22，雙拼要多加HKD5，所以這個麵餐是HKD27。牛腩味較清淡，雲吞就很好吃，米粉也不少，也很飽肚的。

今天午飯來吃碗麵，這次吃了腐皮卷酸辣粉又很好吃。******************************來了腐皮卷酸辣粉，配一杯凍檸茶HKD28。加HKD5可以要魚皮，魚皮就一般，有點硬。腐皮卷酸辣粉，腐皮卷真的很好吃，辣味要了少辣，不算很辣，也不錯，這餐真抵食。

這店的麵食超便宜, 一碗只售HK19, 雙拼則加5元.  HK24.  許多食肆一碗也不只這價錢.既然那麽便宜, 便點了雙拼鳳城水餃牛丸河.  超大碗!  河粉是幼切的, 有水餃三大顆. 牛丸二粒.  河粉一點也不滑, 非常粗鞋, 偏硬, 也不會吸湯.  所謂的鳳城水餃也只是木耳和豬肉包成的, 一般的蝦. 竹荀和冬菇一切欠奉. 而牛丸也則像牛筋丸, 不彈牙也不爽口, 但不過不失.喝一口湯, 當然沒有大地魚味, 有點辣, 像下了不少胡椒粉.但一看價錢, 只可歎句: 將貨就價! 如只想填飽肚子的話, 也是一個選擇.