雲川百味

營業中

休息中

雲川百味今次介紹洪水橋呢間專食米線嘅「雲川百味」，記得一年前左右下午茶（1400-1730）無咁平，依家單餸$41起，加多一餸加$10，套餐加凍飲都只係加$3起！今次係第二次回訪比我覺得抵食咗好多，味道依然無變，要變就係我輪椅唔知點解無力上塊斜板，不停自己輪軚空轉，要向後衝前幾次先上到果一級！1.酸辣湯肥牛米線（中辣）$42+花枝丸$10+凍奶茶$3（10/10）呢碗米線份量好多，米線煮得彈牙唔會過淋，唔算好肥嘅肥牛有5塊，3粒花枝丸好彈牙，米線入面其他配料有芽菜同蔥等，中辣辣度比我覺得似小辣，好好食！凍奶茶：奶同茶比例啱啱好，好滑唔會好甜，好好飲2.香茅豬扒豬骨湯米線（微辣）$42+鴨胸$10+凍利賓納$3（10/10）呢碗米線份量好多，米線煮得彈牙唔會過淋，香茅豬扒切開有4條，鴨胸有6塊，米線入面其他配料有芽菜同蔥等，微辣辣度比我覺得唔係好辣，好好食！凍利賓納：正常，唔會好甜！3.炸墨魚餅$31（9/10）呢個炸墨魚餅炸得好脆，食到一粒粒墨魚粒，成塊墨魚餅幾彈牙，有6舊（切半），可以話係有3大塊！4.麻辣青瓜$25（9/10）青瓜好爽脆，唔算好麻辣，大約有30舊！2人總共價錢$16

我哋今次經過 #洪水橋 🚋，喺呢度搵嘢食😋，一定要嚟呢一區嘅名物🌟！我哋就揀咗呢一間米線舖🍜，呢度有好多唔同類型嘅湯底可以揀♨️。湯底嘅味道真係好香💕，聞到已經肚餓啦。🏅麻酸樂金湯米線(螺旋藻、豬頸肉)($54)酸菜味道好香濃👅，一入口酸嘅味道好出😆，之後再慢慢食到花椒嘅麻味出嚟🌶️，再配埋刺激嘅辣味😝，好惹味。而且米線真係好軟滑🍜。螺旋藻份量好多🌊，而且好清新爽口。豬頸肉🐷切成細條，啱啱好可以食到佢煎香咗嘅口感🍳，而且仲有油脂香味🤩，同埋蜜香味🍯。🐷豬骨湯米線(豬大腸、豬軟骨)($52)肉香味同油脂香味充滿咗個湯底🥳，加埋少少辣味🌶️，令到湯底好濃郁、好滿足💕。豬大腸嘅口感夠腍🐖，而且味道濃郁，啱晒鍾意食內臟嘅朋友😍。豬軟骨都煮得夠腍🫦，而且醬汁嘅味道好香，同湯底嘅味唔同😛，好特別。🦑脆皮花枝丸($31)炸得幾香💥，而且唔會有油膩嘅感覺👍🏻。食落口花枝嘅味道好濃郁🦑，點埋泰式辣醬🇹🇭夠香口。🐥椒鹽雞軟骨($32)份量好多😙，而且每一粒都夠香脆💕，唔會有粉嘅感覺，反而食落去有雞皮同埋油脂🐣嘅邪惡感覺，仲有脆口嘅雞軟骨🦴。可以點埋燒烤粉🔥，或者泰式辣醬，好食🤤。

元朗都算美食多，呢日發現到有間食米線嘅店舖，雖然唔係市中心，但鄰近輕鐵站都算方便，喜歡米線湯麵之類嘅朋友就啱晒啦 ~店內裝修看似茶餐廳格局，地方比一般粉麵舖還要大，裝修明亮簡潔，睇落都唔錯。嚟睇下餐牌先，選擇都幾多，套餐粉或麵配一款餸 $46，湯底 : 豬骨、麻辣、鮮魚、蕃茄及麻酸樂金湯，可配米線、紅薯粉及麵  ;  餸都有三十幾款揀，又真係好多。除咗湯粉麵仲有炸醬飯、拌麵、特色小食及飲品。麻酸樂金湯紅薯粉  $64依碗湯底濃郁，味道酸酸地，亦飲到麻椒味，少少酸少少辣，好開胃，湯底有大量芽菜同肉碎。呢碗餸選咗蒜香雞扒、香茅豬扒、墨魚咀，煎得香脆嘅雞扒，加入蒜蓉更惹味，豬扒陣陣香茅味，肉質鮮嫩，墨魚咀食落脆脆，配合爽滑嘅紅薯粉，吸收左湯汁更好味。鮮魚湯米線   $62同樣都係揀左3款餸有香茅豬扒、雲吞、蘿蔔，湯底係鮮魚熬製而成，魚味清香鮮甜，米線爽滑，湯入面都係有好多芽菜，非常爽口，配搭煎得好香嘅豬扒，肉質軟嫩，大大粒雲吞，滿滿餡料嘅豬肉，食落鮮味，蘿蔔爽口冇渣，吸滿魚湯夠清甜。家鄉手撕雞    $41食手撕雞真係好方便，淨肉無骨。雞肉爽嫩，不乾身，沾滿辣油，食落唔會太辣，好惹味，配備芝

約個朋友出黎傾下偈，到左佢屋企附近的雲川百味，之前食過覺得佢湯底唔錯。是日下午四點黎到，終於唔使等位，呢度幾乎由朝到晚都一位難求😂⭐韮菜水餃墨魚餅酸辣湯米線朋友點了酸辣湯米線，要微辣，試左一啖佢碗湯底，微辣真係一啲都唔辣，酸酸地幾好味。水餃大大隻好飽滿，墨魚餅彈牙，整體不俗。⭐豬大腸蘿蔔麻酸樂金湯米線自己就要左金湯，呢款湯底帶麻同酸，叫左小辣剛剛好，湯底很鮮味😋餸方面叫左大腸蘿蔔，朋友戲稱做車仔麵😆大腸入味蘿蔔淋甜，實屬高質。⭐椒鹽雞軟骨仲加左份小食炸雞軟骨，喔喔脆口感好正，雖然望落係深色啲，但無炸過火㗎。⭐凍檸茶 & 凍檸賓檸茶走甜啱口味，朋友話好耐無飲過利賓納就叫左杯凍檸賓，沖得夠濃有誠意。坐到五點左右又開始爆場了，讓返張枱出黎先😆

朋友介紹話好食，近幾個月都食左三四次，質素保持住，試左佢麻辣湯底米線，麵質適中，最吸引係湯底屬偏濃，亦自己較為喜歡，推薦餸款：豬軟骨入味，豬頸肉，蒜香雞扒，墨魚餅仲有小朋友好中意食既炸饅頭加媡奶晚上繁忙時間可能等位，8:00後無咁多人，不過有次岩岩放低筷子拎野，枱上面小食都未食完，秒速過黎話收走？👽真係有啲趕客，重點果時有空枱並不是繁忙時間，並留意其他食客同樣對待。除咗小問題外，食物方面係值得推介黎食！

完全無見過一間咁離譜嘅餐廳我碗麵未食完，杯嘢又未飲完，繁忙時間，慢慢見到人多，就二話不說將我嘅食物轉成外賣人多可以叫我調去第二度坐，唔係咁樣趕客走囉同其他職員投訴，只係一直講唔好意思，都係唔會比返個位我 我明明見到有好多單人位冇人坐以後都唔會再幫襯呢間餐廳

#洪水橋 #雲川百味又去咗洪水橋食米線好掛住佢啲炸饅頭3隻都係$20 抵食😋叫咗個麻酸樂金湯米線包一個餸$44另外再叫多兩個餸分別係花枝丸、墨魚餅同豬軟骨，每款餸加$10個湯底好正😋😋😋啲餸好多好足料👍🏽👍🏽🤤花枝丸💕豬軟骨💕墨魚餅💕屋企人就叫咗個麻辣湯底，都係要咗三款餸，包括係墨魚咀牛柏葉同香辣腩肉，份量好足，煮得好好食😋飲品要咗凍咖啡同埋凍朱古力。呢間餐廳食物質素真係有返咁上下，所以成日特登過嚟食😋

早前入元朗搵朋友 帶我去食呢一間米線湯底揀咗豬骨湯同埋麻辣湯 都係微辣的豬骨湯底比較偏酸辣 麻辣湯底就係偏麻辣每人揀咗兩個餸 包括係豬扒雞扒豬軟骨同埋蝦卷 仲包熱飲見到有學生優惠添！個人最鍾意豬扒而朋友最鍾意雞扒～都是大大份，而且夠入味！另外叫了一個家鄉手撕雞 係有辣椒油的 都幾辣 但好中份！好飽#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar

暫時我最愛既屋邨米線小店❤️-第一次食既時候 其實唔係洪水橋呢間店，而係佢既老店"屯門龍門居"每次黎都一定要食呢到既「微辣多酸」米線💁🏻‍♀️個湯底夠晒濃郁，啲配菜都勁多（唔鍾意可以少啲㗎）-最推介就係豬頸肉，以及螺旋藻，呢2個配搭真係好MATCH!豬頸肉嘅醃料非常入味，再配埋佢個湯底米線，簡直係一流嘅絕配🥰🥰螺旋藻放喺個湯底度浸一浸再食，索晒d湯汁😛真係夠晒入味🤓-米線方面，面嘅質感非常彈牙，唔會因為浸得太耐而淋晒🤩成碗麵都大大碗，一定夠飽既-

以前成日周圍食米線見未食過呢間又幾鄰近輕鐵站 尚算方便就諗住去試吓食完仲去咗元朗國行咗個圈豬頸肉、蝦卷麻辣湯紅薯粉 $54 🙆🏿‍♀️微辣 淨辣肉碎豬頸肉係幼條形 好易入口煎香咗啲邊好脆口 浸咗湯就可以淋少少🤏🏻減低罪惡感 (其實都唔會理㗎啦😂)蝦卷主要質地似魚旦咁入而再有啲蝦肉口感幾好之外 都有彈牙嘅感覺而紅薯粉係幼嘅扭紋薯粉嗰款豬頸肉、花枝丸番茄湯紅薯粉 $54 🙆🏿‍♀️花枝丸都幾值得叫入面有粒粒 增加口感之餘食落更香脆皮豬大腸 $31 🙆🏿‍♀️推！一致認為外脆內軟除咗真係做到脆皮之外入面仲要夠肥又夠肉咬落去唔會好乾同埋亦有啲咬口凍檸茶 +$3 🙆🏿‍♀️少甜少冰凍奶茶 +$3 🙆🏿‍♀️少冰2杯飲品都正常發揮❎ 加一服務費

👉🏼我一向鐘意食紅薯粉呀，米線呀，仲要揀麻辣口味！雲川都有好幾間分店，前幾日過去呢間洪水橋店！呢間舖頭大好多，目測都坐到60幾人！唔錯😂嗌咗個兩餸魚腐加豬頸肉，麻辣紅薯粉！個魚腐入晒味，好好食，豬頸肉係切咗一條條，應該係炸過！所以唔似一大塊咁鞋，呢個一條條咁食係好食好多！如果有人去食雲川真係可以試吓叫豬頸肉，堅好食👍🏼🍜魚腐/豬頸肉/麻辣紅薯粉$54🌟🌟🌟🌟👉🏼我自己一個麵唔夠，所以都係叫多咗個小食，香脆蝦春卷又係可以推介，一碟有好多件，所以抵食，每條都炸得好脆！不過如果配喼汁再好食啲，但係跟個沙律都唔錯！呢度直頭喺元朗洪水橋輕鐵站，行過對面1分鐘就到！超方便🤩🥓香脆蝦春卷$33🌟🌟🌟🌟

平時返工已經做外食一族🤪今日休息，一心諗住玩下煮飯仔，但真係好熱🥵拖到4點，最後都係落嚟食，今日第一餐今日食清清地😬鮮魚湯，今日仲食咗大片薑出嚟，唔怪之得唔腥啦🥳特登叫咗4個唔同餸😆豬頸肉必食，焦香🤤🤤🤤好鍾意❤️而且無油炸完又番炸嘅油益味👍韮菜餃都好正😊好飽滿，而且皮唔會話放一陣就爛豬軟骨好入味🥰佢唔係好將口果類，軟骨仲有少少口感，淋得嚟唔會話好漏😉豬大腸比較清淡嘅口味，但好彈牙炸云吞卜卜脆，泰式辣醬好開胃👍👍

洪水橋呢個美食沙漠，有米線食係一件好美好嘅事，不過，我更傾向食紅薯粉🥰。雲川百味 嘅米線一餸一般係44蚊包熱飲，加餸就每款十蚊，仲要上限四款。見落雨天涼涼地，食咗個豬頸肉無湯拌紅薯粉，跟餐附送熱檸水。晚餐嚟講，價錢好親民。店內座位多店員都多，原本諗住叫外賣，不過見出面落雨都係堂食算。豬頸肉切到幼條咁幾香口，薯粉上堆肉碎食到有少少論盡，碗底有少量湯汁去拌薯粉，味道唔會太咸，芽菜唔會太生，薯粉夠熱又夠彈牙。埋單俾現金，未見可以收八達通或者支付寶，如果收銀可以再方便d就好喇。

📍「雲川百味」- 元朗今次食食食之旅黎到元朗洪水橋😌聽講洪水橋有間唔錯嘅米線店，見佢又幾近屋企，就決定試試佢😎📷餐廳位於洪水橋輕鐵站附近，店鋪唔算大，典型米線店，不過都幾多餸可以揀🤣🍴墨魚咀+蒜香雞扒紅薯粉鮮魚湯💰HK$54✨推薦指數：7/10魚湯比較清晰，味道可以再濃啲，但係又唔會話有腥味或者太鹹，岩哂食得清嘅朋友仔🤗墨魚咀幾彈牙有咬口，味道偏淡😗蒜香雞扒好大塊，食落啖啖肉，而且味道好夠😝紅薯粉煙煙韌韌，唔會話太淋，而且份量都幾多，夠哂飽肚👍🏻🍴牛柏葉+香辣腩肉米線酸辣湯💰HK$54✨推薦指數：7/10酸辣湯味道較濃，有得揀唔同辣道，👦🏻揀左小辣，但覺得唔算太辣，怕辣既唔駛擔心😉見到人地啲小食叫牛柏葉好大舊好靚仔，所以都叫咗呢個餸😂不過可能浸完湯有啲縮水，上到嚟唔係好似小食咁大舊，不過都幾爽口😝腩肉唔會話太肥，瘦肉部分比較多，👦🏻👧🏻都中意😍米線正正常常，軟硬適中，份量都足夠😀🍴家鄉手撕雞💰HK$41✨推薦指數：7/10手撕雞份量好多好大份，小食嚟講性價比好高，而且味道好夠，唔會話太辣，但夠哂惹味😗雞肉唔會太肥或者骨太多，肉質係偏腍身😛

今天試了這間鄰近單車徑的米線店入去試試。6點多的平日，店舖已接近坐滿，還有不少人等外賣，相信這間小店已深得洪水橋居民的歡心。我們點了兩個米線，一個小食。我點的是魚湯米線，魚湯清爽鮮美。三個餸菜亦不錯，花知丸香口彈牙，豬大腸滷得非常入味，香茅豬扒手掌般大，配上蔥花，一個字正。加多3元配上一罐可樂，爽呀！我朋友點了麻酸樂金湯薯粉，湯底既麻又酸，恰到好處。朋友點了豬膶、墨魚餅和蝦卷。豬膶厚切彈牙，應該是用新鮮豬膶製成的。墨魚餅和蝦卷彈牙有咬口，配上金湯，令薯粉的層次提升不少。最後來的是椒鹽雞軟骨，上枱時熱騰騰，應該是剛剛炸起，配上小小辣椒和甜辣醬，甜甜辣辣，刺激味蕾。店舖平實，食物質素高，價錢非常實惠，兩個麵加一個小食，埋單都係160元左右。下次再路經洪水橋，一定再來！