雲川 米線．紅薯粉 (富麗大廈)

營業中

休息中

今日想食麵類嘅野諗起好耐都冇去雲川2點前去到啱唔洗排隊我order咗拌麵加香茅豬扒同魚腐紅薯粉而兩個餸都好足料值得一提個辣肉醬幾好味就算本人唔食得好辣都可以接受另外我地再order咗兩個小食涼拌萵苣同手撕雞兩款都味道唔錯萵苣爽脆可以解下辣手撕雞偏重口味而男朋友就話今次細份量咗不過本人反而覺得係唔洗再點醬都好夠味而男朋友就order咗中辣金湯原來金湯係指麻加酸不過對我呢d食唔到辣嘅就真係幾辣不過值得一提個白蘿蔔煮得好出色而且係清甜冇渣

之前同事極度推介，今日終於有機會，經過呢度買外賣返公司同公司同事食，手撕雞超級入味，我再食咗個銀針粉，好耐冇食過銀針粉啦，毫不猶豫咁樣嗌咗銀針粉，銀針粉喺香港好少見入味

我今次叫咗麻辣小辣，麻味較重。湯底濃郁，有好多配料!!仲有肉碎添🤡大推豬頸肉呢個餸👍🏻，呢間嘅豬頸肉係切成薄條狀，焦脆焦香，同時食到少少油脂香。雞翼都大大隻㗎

呢間米線店一直都好出名，又有好多人推薦，而都係因為咁黎左試。我叫左羅白豬扒小酸辣米線，我朋友叫左豬頸肉中麻辣，另外仲叫左炸豬大腸同涼伴窝荀。食米線黎講，湯底係好重要﹐呢間係小窩米線既湯底，用豬骨黎煲，偏向濃味，而且比較咸，食完都係咁飲水配料方面呢間就做得好出色

#搞串個pantry近十年，#雲南米線 喺香港🇭🇰開到越來越多，無論係大型嘅連鎖店，定係只有一兩間嘅小店都好🧐，幾乎每一個人嘅屋企附近都會有一間。今日就去到#屯門 ，去試一間傳聞好好食嘅米線舖頭🍜。呢間舖頭雖然有幾間分店，但係所有分店都係喺屯門😂。呢間米線舖主要有米線、紅薯🥳，湯底就有豬骨湯、鮮魚湯、酸辣湯、酸麻金湯🍲。而我哋分別嗌咗兩碗米線，第一碗($55)係豬骨湯底+紅薯粉+豬頸肉+醬爆魚丸；第二碗($55)係鮮魚湯底+米線+豬大腸+煙鴨胸💕。豬骨湯底🌟🌟🌟🌟紅薯粉🌟🌟豬頸肉🌟🌟🌟🌟醬爆魚丸🌟湯底本身就唔辣，但係因為有辣肉碎嘅關係，所以都會有少少辣🌶️。湯底飲落比起其他米線舖淡味啲，無咁咸。紅薯粉就好彈牙，有咬口，但略嫌唔帶掛湯😋。豬頸肉就最出色！！店家將豬頸肉切到一條條咁，非常易入口，同時又唔會咬唔爛😊。而豬頸肉味道好濃郁，似加咗東南亞沙嗲串燒🔥嗰種醬，食落有少少甜甜地。醬爆魚丸就同福州魚丸嘅味道一模一樣，無乜特別😗。鮮魚湯底🌟🌟🌟🌟米線🌟🌟🌟🌟豬大腸🌟🌟煙鴨胸🌟🌟呢個湯底就唔辣，飲落有好重嘅魚味🐟，似真係有落炸魚頭去煲過🍜。米線非常滑，好夾個湯！豬大腸普普通通，同車仔麵店嗰啲無乜

今次為左尋找世一米線，不惜放假走到大西北屯門試下地頭蟲雲川米線。點解話佢係地頭蟲，原因係雲川係米線界黎講好受歡迎，所以開左5間分店，但5間分店全部都開係屯門，名符其實係屯門地頭蟲米線。因為過左午飯時間，所以好彩唔駛排隊就食到。其實我每次揀食店前，都會做定Research，究竟呢一間值唔值得去，如果值得，應該要揀咩菜式或餸菜。而今次就叫左呢度最出名的豬頸肉，另外試一間麵店有無做得好，就會揀最普通的餸菜，通常我都會揀蘿白，睇下整成點。米線送上後，發覺湯底的顏色比較鮮艷，同以往食開雲南米線的湯底唔同。試飲一啖後，發覺好有驚喜，除左顏色唔同外，味道都係與眾不同。係麻辣的湯底上充滿豬骨味，唔會好刺激到你喉嚨，令到你飲個湯時會好舒服，會繼續想飲落去。呢個感覺係之前食過麻辣米線上搵唔到的，難怪咁受歡迎!餸菜方面，豬頸肉望落去有少少乾，但食落去外脆而內軟。反而蘿白有些瑕疵，雖然做到無渣，但我稍為覺得蘿白芯未夠入味，如果再炆耐D或者切細塊些會更加好。總體而言，食完之後終於明白點解可以係同一區不斷開分店。雲川米線，絕對係我Top 3之選!

全港人氣爆燈米線舖之一🍜今次介紹嘅係喺米線關注組大熱嘅雲川🔥🔥首先緊係要講吓主角🍲米線爽口超掛湯湯底非常特別除左酸辣味仲有陣沙嗲味🥘豬頸肉好足料條條燒到夠晒脆口😋呢間永遠係我米線排行榜第一🥹🥹🥇平民指數：🌟🌟🌟好味指數：🌟🌟🌟🌟🌟———————————————————-雲川分店地址：屯門盈豐商場地下A27屯門井財街富麗大廈地下F號舖屯門地下2D 鋪貝爾特酒店營業時間：1000-2000#米線 #米線關注組 #小鍋米線 #香港美食 #屯門美食 #屯門 #hkig #hkfood #hkfoodie #hongkong #hkfoodblogger #hkfoodlover

傳聞中屯門最好吃嘅米線等位時間0分鐘12:15去到餐廳 好好彩唔洗等位 已經見到餐廳幾乎做滿餐廳有餐牌但係提供QRcode落單手機menu 簡單易明 容易操作酸麻金湯小窩米線 走蔥走韭菜 來到先發現無最愛肉碎 問過職員原來無得回來加單，其實都幾愕然因為完全無提示米線軟硬適中 都幾掛湯 湯頭味道 酸麻失衡 酸味佔7成 剩下的是辣味 完全無麻味 湯亦好重姜味 越食越熱配菜剩下芽菜 好孤單跟餸叫了最出名豬頸肉 份量多 味道普通朋友多次光顧都覺得今次豬頸肉偏硬 無肉味小吃 脆皮豬大腸脆皮豬大腸的口感非常獨特，腸皮烤得酥脆，大腸則鮮嫩多汁，兩者搭配在一起非常美味。可惜係大腸完去無調味 浪費曬試過就算

下午茶 豬頸肉麻辣小辣😋😋加凍檸茶$45 下午茶因為應該就係平咗喺杯凍飲幫襯過虹橋呢間幾次 覺得好似冇之前咁好食🥲🥲小辣辣到好似BB辣咁 唔夠辣冇咩麻味 （下次會試吓中辣）豬頸肉水準差唔多 都幾好食！煎到外面脆脆地 外脆內軟好食 份量夠多 食到最後都仲有！但米線有d失望 🍲🍜🍜米線偏琳 彈性一般 個人覺得還好 如果煙靭啲會好啲對湯底好失望 冇之前食過咁香

米線控又出動尋找好味米線，吃過雲川就明白點解佢排名咁高。第一件事記得 scan qr code 落柯打，因為會平 $2 架！佢都好多湯底，除了平時的豬骨，酸辣麻辣，仲有魚湯金湯，朋友試魚湯連湯都飲晒，我就試麻辣小辣，湯底好香又唔太辣。餸方面，豬肉類先後排：豬頸肉、腩肉、豬排。螺旋藻，豬潤、腐皮蝦卷都好味。整體黎講係好唔錯，若果 T 仔同雲川兩間揀，應該一定會揀後者😆若果講抵食就都可以，兩餸$55 有嘢飲，再$10一個餸咁上。

呢間係屯門好出名，食開佢地分店，今次試下呢間。坐座比較迫，同要搭枱。不過呢間味道無咁好同餸比較少，唔夠喉。而豬大腸就太韌，同無味，好似食香口膠咁。不過豬頸肉就好好食，仲有少少炭香味！紅薯粉都係必食，口感煙韌仲好索汁，好食！

大大話話我都食咗10幾次雲川，佢嘅所有嘢都好啱我口味，曾經係我嘅首選。仲會專登搭個幾鐘頭車入嚟食。今日放假，專登去朝聖，結果大失所望。我叫咗豬腸，腩肉豬潤中麻辣爽米，腩肉係小小鞋，唔係之前入口即溶咁，亦都唔算好入味。豬潤同豬腸仍然係幾食嘅。個湯係微暖唔熱嘅，叫咗中辣，個辣度等如譚仔三小辣🫠忍唔住叫佢俾多啲辣俾我哋，然後佢就俾咗一份茶記嘅辣椒油同我哋講加咗落去個味道係一樣嘅。朋友叫咗螺旋藻豬潤墨魚頭小辣淋米個小辣顏色同我個中辣係一樣，都係冇辣味的。個墨魚頭唔爽之餘仲要無味🫨而且我哋嚴重懷疑佢個米線供應商係轉左。只能夠講佢以前係一個好Outstanding 嘅米線而家喺變咗一個你俾緊一個唔平嘅價錢食一個好普通嘅米線。今日食嘅質素絕對唔係一時失手可以造成的。

🙈五一黃金周唔同遊客迫，反方向入屯門試米線。呢間雲川間唔示都有人係米線關注組大讚，咁遠由港島區入黎非常期待😚🐧湯頭唔油非常討好，聽講小辣小麻有啲淡所以叫左中麻中辣🌶。個麻辣度係其他米線舖嘅小辣level大家可以留意番。辣椒渣唔會過多好加分，但係個酸味似係狂落陳醋而成，所以人工味出較重🐷豬頸肉係必點，醃得好入味烤得好香🌼一個餸10蚊睇落幾貴下，但係佢分量比起其他舖多，食極都有😂味道😋😋😋環境💐💐💐💐服務🍄🍄🍄🍄值得黎試但唔需要特登黎🌾

米線係我其中一樣食極都唔會厭嘅正餐🤪🤪雖然已經搬左去另一區住 但每次返大西北都係必食既店！米線關注組都會成日提起既一間暫時只有屯門區專屬 已經開到街知巷聞屯門牛牛冇可能冇聽過佢個名 仲要有好幾間分店～唔食得太辣 所以叫咗酸辣湯微辣 好惹味 酸度岩岩好🥴睇介紹必點嘅豬頸肉 果然好味 肉質爽口 外皮脆 米線質地岩岩好唔會太硬太淋👍另外叫咗鹽酥雞 個人覺得可以唔使點醬都夠味 反而配泰式辣醬唔太夾😆幾時先會衝出屯門區 唔想隔咁耐先食到😭😭

事關我唔係屯門人，唔係成日食到，今次係第3次食，就叫左個酸辣豬扒米線，上次食金湯好似好味啲，呢個酸辣個味有少少怪咁，不過食得耐又ok，接受到，但金湯真係好食好多。除左米線叫左2個餸，一個係竹筍同炸豬大腸，炸豬大腸真係好好好好味，除左自己本身都鐘意豬大腸外，佢炸得係外脆內軟，竹筍就同出面差唔多咁，事關係我朋友愛所以叫。另外，呢到唔同既係好似成個餐係包埋野飲但個價錢就比出面貴少少，可能因為包埋野飲關係。唔係成日去屯門，下次入黎都會再食嫁。