雲川 米線．紅薯粉 (卓爾廣場)

營業中

休息中

21/10/2024📍雲川米線·紅薯粉話雲川係元屯天最出名嘅米線 應該冇人唔同意啦😗有成7間分店 揀左好耐食邊間先最authentic最後就揀左最就腳嘅卓爾廣場店 貪佢泊車方便🤣每個粉都跟一個餸 +$10多一個餸 我哋果日都幾肚餓 各自都嗌咗三個餸😌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨酸辣湯紅薯粉（$48） + 豬頸肉+鴨胸+生菜既然佢個店名都有紅薯粉 就試下佢紅薯粉都幾入味 係有紋果隻 有啲咬口但唔會太硬酸辣湯嗌左小辣🥵辣度啱啱好 夠惹味豬頸肉切到好細條 比較少見 充滿油脂 食落好好juicy 😋鴨胸就厚切 味道就普普通通成碗粉同餸都好多 認真扺食✨豬骨湯紅薯粉（$48）+香茅豬扒+醬爆魚丸+腐皮蝦卷豬骨湯雖然帶微微辣 但怕辣嘅🙍🏼‍♀️覺得完全冇難度湯底同酸辣湯一樣都有好多辣肉碎、芽菜豬扒應該有炸過 但無另上 所以浸到外皮有啲腍 雖然比較薄身 但豬扒本身都幾肥 所以都幾好食👍🏻醬爆魚丸幾有趣 入面嘅肉餡好多汁腐皮蝦卷都好食✨炸墨魚餅 ($30)啲肉好扎實 炸粉薄 點咗辣雞醬都幾好食✨炸魷魚鬚 好鍾意佢個炸粉有紫菜 真係好特別 紫菜味好香 同魷魚好夾😋魷魚鬚唔韌 好易咬 同樣都係配

呢間米線係屯門來講都好多人去吃，飯點去到幾乎坐滿，個人每次食米線必點食物，豬頸肉 雞翅 漁腐，加凍檸茶套餐，佢嘅湯底真係獨一無二，湯底濃郁，有陣時去到太多人就會搭台

屯門依間近幾年一直俾人追棒嘅米線舖，其實本人由細食到大，會經常食嘅一間餐廳，覺得佢比之前冇禁好味，現時嘅味道都好飄忽，唔知係咪多食嘅原因。今次叫左魚湯螺旋藻豬頸肉花枝丸米線，魚湯今日好濃郁，鮮甜，米線配上螺旋藻，絕配！可以問職員拎菜脯，暫時都免費，菜脯有少微辣，加後又是另一番風味。味道：3/5賣相 ：3/5環境：3/5服務：4/5★® 價位- $：3/5

基本上11點幾落去雲川舖頭入面得幾台客仲可以揀窗口卡位坐，差唔多到12點至12:30就開始多人。依家都轉晒手機落單，落完單之後基本5分鐘內都有飲品，平時米線都係食開香茅豬扒，今日就想試吓新嘢原來香辣牛腱都好好食。但係個牛腱真係好難，如果用譚仔嘅10小辣嚟去做比較，我覺得係辣過10小辣，如果食得辣嘅人應該覺得好正香茅豬扒都係好食肉夠腍，香茅味夠，雖然叫咗兩個餸兩個餸都係肉類，但係份量都好足夠。加埋杯熱飲熱華田

話說每個星期日夜晚🍄同男友會固定食雲川😆🫶🏻用某🐼同🏠🏠送apps嗌呢間外賣絕對唔少於50次，但因為「懶癌」發作卻從未堂食過🫣今次突然有興致出門散步，於是決定要親臨門店堂食😋🍜酸辣米線-小辣（$47➕$1豬頸肉➕$6凍檸樂）🍜麻辣米線-小辣（$47➕$1豬頸肉➕$6凍檸樂）米線套餐$47包一款餸，豬頸肉需要➕$1，另加一款餸➕$10。平過外賣好多啊啊啊～😭（興奮到喜極而泣）首先係蘑菇最愛嘅酸辣湯底，內有十足嘅肉碎、酸菜、芽菜同韭菜，濃郁開胃🤤sum左蔥花點綴，好有食慾！係掃碼點單時可揀米線口感係淋D定爽D，或根據個人喜好選擇是否需要蔥等配菜。蘑菇自己就鍾意爽身D嘅米線😋男友偏愛麻辣口味🤭總體黎講麻辣燙底嘅顏色淡過酸辣，更加香濃。‼️不得不提就係佢哋嘅招牌豬頸肉，每次都必食～口感外焦內腍，燒得岩岩好，浸左湯汁口感更佳👍🍖椒鹽雞軟骨黎食雲川點可以唔嗌佢哋嘅特色小食🤗其實之前食外賣個陣有嗌過，但送到黎嘅口感就欠佳。今次真係出乎意料好食，熱辣辣好香脆😍點埋我最鍾意嘅泰式辣醬，一口一粒停唔到🫶🏻🤤

昨晚聖誔節，我同朋友2個人8：30去到，成個場先得一半人坐，卡位都有3-4張吉枱，個四眼後生女侍應偏偏要安排我地坐走廊2人枱，我地又著大褸又拿住袋，問佢“可否坐卡位”，佢話只可以3-4人坐，我地再望左陣，諗住算啦照坐走廊，你公司規距，點知佢仲要好串咁加多句，“你咪坐囉！我一陣交唔到枱之麻！”果下冇同佢嘈，大家都肚餓，諗住快快食完走人算了。點知入坐冇幾分鐘，就有2，3個單人，就直接坐左2，3張卡位…佢9：30都收舖啦，8：30仲要聖誔節，你留啲卡位做乜？仲要唔俾我地2人坐，但單人你又照俾佢坐，果下真係嬲左，嘢食雖然ok, 但侍應（由其是這個後生四眼女侍應）真係態度好差！見我地女仔就恰我地，啲大男人又唔出聲。冇下次！！！

傳說中的屯門名物？豬頸肉酸辣米線/紅薯粉這間米線被列入了全港必食米線榜的頭幾位 終於去試試究竟有幾勵害😂其中豬頸肉更是它們家的名物（網上流傳的）抱住咗期待的心態去食🌝·酸辣湯紅薯粉 配豬頸肉豬頸肉切成很細條 但係份量都幾多味道係幾好味嘅～紅薯粉個人認為還可以的 軟硬度還可以脆皮花枝丸有6粒等待時間比較長！炸左嘅花枝丸 都很難會唔好吃喇！·至於講到依間係名物咁誇張 一定要去食嘅話就覺得未至於～正正常常嘅味道

平時叫開豬頸肉、香矛豬扒，呢排病病地都想食雲川。於是叫雙餸，韭菜餃、炸蝦春卷，同行友人叫豬扒+螺旋藻，大家就可以開心share～一杯熱華田，欣賞佢地華田足料，夠晒味，+$3轉一杯熱柚子茶，上茶速度正常

在屯門越開越多分店，但質素每況越下！這家分店算是雲川近期才新開的，今天才第一次到這家分店試試，質素同其他分店無得比！更加唔好講同建生或紅橋店比，食物完全唔係同一回事！魚湯味道無鮮味，豬骨湯好淡味，豬頸肉肉質好差，唔煙韌，又一啲都唔香。點解同一店名但質素可以差咁遠？我以後都唔會再嚟依間分店，寧願去遠啲到其他分店，建生、紅橋甚至美樂都唔想再到依間食。再加上依間分店店員態度係暫時遇到最麻麻的一次，更加唔想再嚟呀⋯⋯

首先，要講返酸麻金湯米線🌶️！湯底酸中帶麻，味道鮮爽又開胃！加埋彈牙滑嫩嘅米線，真係咁好味又有口感！一啖落去，真係嚐到嘅酸麻風味！🤤接著，就係配豬頸肉🐖啦！豬頸肉切得薄片，肉質鮮嫩多汁，入湯之後更加滋味！一啖落去，肉汁散發出嚟，令人回味無窮！同米線一齊食，真係咁滿足！😋最後，唔少得嘅螺旋藻🌿！螺旋藻富含營養，口感嚼勁，入湯之後更加豐富！一咬落去，螺旋藻嘅清香散發出嚟，令人愉悅又健康！同米線一齊食，真係絕配！🌟呢間人氣米線舖絕對值得一試！酸麻金湯米線鮮爽開胃，豬頸肉鮮嫩多汁，螺旋藻營養健康！如果你鍾意米線同埋酸辣湯，呢度絕對係一個好揀擇🍽️😍

一直會追捧的屯門名米線店，久唔久就會食一次。但之前食過一次，覺得比以前無咁好食之後，近來已經比之前食少左。不過，雲川既豬頸肉同豬扒都係好食既，所以都會久唔久想食一次。今次食完後，又都係覺得以前好食D，可能要再去尋覓另一間好食米線店了。豬頸肉魚湯薯粉豬頸肉好有味，肉質爽爽的，再加上清而有味的魚湯，真不錯👍適合不喜愛辣的人試試豬扒螺旋藻酸辣湯薯粉豬扒味道好好，每次黎都必食，再配上螺旋藻夠晒飽肚，酸辣湯都不錯，但以前味道濃好多，食左好幾次都搵唔返以前既味道😭豬頸肉薯粉豬骨湯湯味有少少辣味，唔食得辣，但又想味濃D既就可以試呢款湯啦

差不多3點去到，要撳飛等入座（眼見仲有少許空位亦無人等位），叫咗飛無人帶位都算，男侍應叫我自己搵位坐，既然係咁你叫飛嚟做咩？不過直接比人入去坐啦🙃比個QR Code我掃，唔知點解掃極都掃唔到個網頁出嚟，我就舉手叫人幫我落單。有個呀姐經過，我都未出聲就叫我落單掃碼🙃我話我掃唔到，可唔可以幫我落單？呀姐就話你用微信掃咪得！我話我無微信（無用十世）。呀姐話你用wifi啦，唔得我再叫人幫你落！我心諗我第一句已經講咗我掃唔到，關wifi咩事？最後個呀姐先叫個男侍應嚟幫我落單。落單態度又係差到一個點，個男侍應行埋嚟已經黑晒面，我講咗我想要啲咩，佢又要我跟足次序，先講咩湯底，再講麵、辣度、餸等等。其實哥仔，我都係叫一個餸嘅米線，係咪咁難記？態度差到咁，幾好食都無用啦。再講湯底一樣係味精湯，雲x香好食過呢間，我洗受你氣?放心一定無下次。

入開黎屯門上堂，作為米線控既我，點可以唔黎試下屯門米線名物，試完之後真心覺得好好味👍🏻今次叫左小麻辣豬骨湯米線，餸叫左豬頸肉同羅白湯底飲落好舒服，完全唔係味精湯既感覺，小辣岩岩好，豬頸肉好正，燒到小小脆好簡口，比較薄身，味道係甜甜地，配埋個米線岩岩好，至於個羅白不得了，好甜好入味👍🏻👍🏻呢兩樣餸都係必點！

本來諗住快快趣叫個外賣，等左25分鐘都未有，其他遲好多黎嘅都已經拎哂外賣，要走去問佢先即刻整，好心佢留意下邊d單出左邊d單未出啦，d單唔係跟號碼順序出，管理極差，已經用電腦入單架啦，結果比佢人手漏單，差評

因為今日落雨唔想出街就叫左雲川外賣米線有分到湯嚟到啲麵都唔會冧晒仲keep到口感👍🏻👍🏻👍🏻次次食親雲川都會叫豬頸肉燒得唔太乾，唔太肥又香口惹味😋😋今次加埋竹笙好吸湯汁入味都好正❗️❗️小食就揀左涼拌萵筍絲，好爽口仲有兩盒胡麻醬分開上我個人覺得份量都算多，廿幾蚊好抵食😊😊屯門米線黎講雲川都係我心目中頭幾位🥰🥰🥰麻辣湯底夠麻又唔會太鹹好推薦要試吓豬頸肉🫰🏻🫰🏻🫰🏻