雲桂香米線專門店

營業中

休息中

23.05.2021今日屋企人出去食，中午淨低我一個，當然又要搵食，最鍾意試新餐廳！😋今次揀咗雲桂香（海麗花園），見到有「蟲草花雞湯米粉」，酒味雞湯底配上蟲草花、生菜同雞肉。雞湯一打開蓋，已經聞到香香雞味，無乜酒味，應該好快揮發晒，但米粉索哂香濃湯底味，好正呀；蟲草花雖然無乜特別味，但有咬口；起初擔心雞肉會鞋，但估唔到咁鮮甜，好味，有埋生菜，實在不錯呀！大食積嘅我再加埋冬菇/黑木耳/牛肉/日本鱈魚豆腐，哈哈！牛肉辣辣地，口感有啲似辣味牛肉乾，幾特別；日本鱈魚豆腐專登找食物紙袋盛載，層皮少少脆，我好喜歡呀；其他冬菇/黑木耳都好味呀。仲要好貪心加左兩份芥蘭，份量唔算少，當然食哂，好甜好爽脆，但下次可以少啲鼓油同蠔油。今次呢間雲桂香，估唔到咁好味，下次可以encore!😋午餐：冬菇/黑木耳/牛肉/日本鱈魚豆腐/蟲草花雞湯米粉、芥蘭兩個半碗、凍檸茶走甜少冰#叫Deliveroo$150有八折

雲字頭既米線周街都係，呢條街都有兩間。今日就入去呢間裝修較新淨，坐得比較鬆動既。餐板上有好多選擇，每款湯底有描述話你知有乜料，亦可以選擇辣定唔辣，辣又由微辣到大辣，仼君選擇。揀完辣可以揀餸。仲有小食可以揀。叫左兩個米線一個小食炸醬米線、熱撈腩肉米線同炸鮮竹龍蝦卷。炸蝦卷炸出黎熱辣辣，少少脆，內心又夠熱，食落夠香口，浸埋落個米線湯到又係另一番滋味。炸醬米線係一個錯誤嘅叫法，因為炸醬冇分開上，溶晒落個湯度。下次會留意呢個技術上既問題。😂😂值得一提既係個腩肉，唔係_仔個啲連埋層肥肉，雖然係一片片嘅肉，但係食落去有幾軟琳琳，完全冇好難咬開嘅感覺。炸蝦卷同腩肉總對係令我回頭既一個原因。

行街經過 #雲桂香米線專門店，入去幫襯吓，見到餐牌有米線、紅薯粉同埋水晶粉3款種類嘅麵底選擇，另可配搭自己喜愛辣🌶️嘅程度，由唔辣、微辣到勁辣都有。🥢蟲草花雞湯米線🐔🍜揀咗小辣🌶️，味道唔算辣，紅薯粉麵底口感煙韌，雞湯有少許酒香，雞肉嫩滑，其他配料有蟲草花及生菜，味道幾好。🥢港式米線🍜配以濃郁嘅胡椒湯，配料有芽菜、腐竹、韮菜，另加錢配搭三款配料有豬大腸、鮮竹龍蝦卷好彈牙、雲吞幾大粒，味道幾好。雲桂香米線專門店@yugu_noodle📍屯門良德街海麗花園08B-09號地下

平時午餐見屯門海麗店那間雲桂香都多人食，今日放工行過，人流唔多就決定賣外賣返屋企食。由落單到拿走，都幾快手。叫左一個倉魚米線，個人真係好鍾意成條魚上的感覺，好滿足～本身擔心條魚拿返去會唔會變得唔好味，原來又ok 喎，仲暖暖地（懶得滯無再加熱），肉質唔會散，味道不錯～米線份量好足夠，我係食唔曬，下次可能要叫少米線，個湯都好鮮味，唔錯～另外，叫左份秘製豬頸肉，好味丫，咬落肉質彈牙，配埋酸甜醬，無得彈～如果係堂食，應該會更新鮮更正。

平時去新墟成日食雲桂香，而家喺建生開咗方便我過去食😍，新開環境好大好舒服。食雲貴香都最鍾意食小鍋米線最鍾意食豬軟骨🤤。今次試咗新嘢，平時冇叫過佢哋嘅蟲草花雞湯米線。蟲草花雞湯米線湯底清甜，係平時飲雞湯嘅味道。如果可以在濃味返少少就正啦，雞嘅份量都好多肉質唔會鞋。小鍋米線小辣叫咗豬頸肉同腩肉，份量好夠。豬頸肉同腩肉都好入味👌🏻👌🏻。小辣唔會好辣，下次挑戰下食中辣先😆另外仲單叫咗個通菜😋😋，通菜跟埋腐乳醬食真係絕配

今日約咗人哋喺呢度屋苑交收點知記錯咗時間 諗住食啲嘢hea住等時間到 見到呢間餐廳位置好寬敞座位又夠多好適合我 喺呢度見到有原條魚嘅米線都好心動想試下 不過又想試下佢嘅秘製醬汁拌麵所以就試咗呢個水晶粉配咗牛腩同埋豬軟骨 店員問下揀唔揀埋小食 見到魚肉春捲（我嘅至愛之一）價錢都唔貴就決定叫埋試下春捲熱辣辣炸起外皮夠脆卜卜 內裡餡料充足 一客有八件 食落去好香口又夠脆 食緊春捲之際米線就嚟啦嘩 淨係見到上面啲料已經覺得會好飽除咗一般會見到嘅肉醬同花生之外佢仲跟埋榨菜酸菜 食起嚟又多咗一重口感同味道 佢嘅醬汁都好惹味唔知係咪因為加咗醋都特別開胃 少少辣但係又唔會好多紅油嗰種辣 不過紅薯粉嘅份量都真係幾多所以我都食唔曬佢呢隻醬汁喺出面米線店比較少食到 幾印象深刻至於材料牛腩同埋豬軟骨 個人覺得豬軟骨比較有水準 牛腩好似周圍都差唔多 但係呢度嘅豬軟骨煮得特別林而且食落嘅醬汁味道都好啱我口味題外話呢度嘅員工都好友善 通常米線店啲姐姐都預咗佢冇乜服務 點知呢度嘅好有禮貌 呢間餐廳仲有自助水區唔一定要嗌嘢飲 不過我都係揀左杯柑桔蜜過下口癮

米線關注組嘅成員又來啦！今次去咗屯門既雲桂香由湯米線到涼拌都有選擇真係好多，比較特別嘅係佢仲有先魚湯米線成條魚上！我就試翻最人氣嘅小鍋米線🍜 $46入邊有芽菜酸菜韭菜蔥同埋芫荽仲有少少肉碎我就叫咗中辣 雖然見到個湯底好紅但其實都唔算太辣加咗兩個餸金菇菜同冬菇冬菇雖然個size偏細但係就好入味 金菇菜份量就好多啦 米香之餘仲10分煙韌麻辣雲耳 $20唔算太辣我覺得個麻味可以再重啲 不過啲雲耳都好爽口食得咁重口味梗係要嗌返杯凍檸樂fresh翻下啦📍雲桂香米線專門店 (屯門)屯門良德街12號海麗花園08B-09號地鋪