雲桂香米線專門店

營業中

休息中

今日叫外賣，點知成碗麵送錯左，打電話落鋪頭，亞姐竟然叫我淨係食d米線，啲餸撥開佢😱，咩玩法？錢照收足！最後要求佢地換，竟然換黎一句「你咁鬼煩既」，再聽到佢地講「以後咪鬼送去依到」。🤷🏻‍♀️自己辦事不力，竟然可以倒轉槍頭，做亞姐係唔同啲！我作為一個消費者要好好反省下👍🏻***亞姐要收幾錢就幾錢，有野比你食已經叫好，咪要求咁多喇！香港人***

近排玩減肥主題，其實食呢間嘅米線有d肥、有d咸，不過真係好想食，軟弱嘅我同自己講，間唔中一餐啫，唔過份啦... 又俾個excuse自己放肆一餐我同老公次次必定叫 '腩肉+豬腸 小鍋米線' 。呢間餐廳辣度有好多級選擇，我唔係好食得辣，選小小小辣。腩肉、豬腸、湯底味道好濃郁，好開胃。我好鍾意食herbs, 芫荽係我其中一樣至愛，而呢間餐廳嘅米線有ok多芫荽，好食我份外開心。p.s. 湯底應該係點都有d味精，如果唔係冇咁濃郁，我地食完有口喝。通菜方面，我為左要低鹽，冇點腐乳醬，食到菜嘅原味，我覺得d菜麻麻地，唔知你唔夠新鮮定係煮得唔好，總之唔係咁好食。奶茶ok好飲，ok香滑。

雲桂香以前係荃灣，係其中一間出名既米線鋪可惜⋯⋯感覺無以前咁好食～米線偏幼，有啲淋湯底小辣，好似無辣咁腩肉似瘦肉唉⋯⋯整體性麻麻地～好失望只有豬軟骨比較好，因為夠淋

呀媽話荃灣呢間個湯底好鬼，記陪佢黎食下啦自己屎忽痕諗住咩都試下，就叫左熱拌薯粉食（其實旺角分店食過ok 的）黎到出曬事，無位嘅😣頂盡叫做有小小味精湯味，好失望！不過無可否認媽媽叫個酸辣咩餸都有嘅小小辣係幾好食同抵食對於鬼黎講啲米線比較淋，我鐘意食爽身彈牙粗身啲仲叫左口水雞同皮蛋都唔錯個汁都幾好啲雞又唔會''鞋''其實$4x又幾抵嘅皮蛋方面因爲自己唔太鐘意食落「那那地」個感覺所以試左一舊就停手了不食落啲汁同面嘅料都好足嘅

今晩去左荃灣食飯!去左我—直好評👍鍾情❤“雲桂香”之前—直未試過荃灣店。今日—試以後都吾會再食!!!我哎左碗腩肉+龍蝦春卷+海帶小鍋米線中辣！個湯keep到吾差腩肉四成肥（不過不失）春卷可以吾洗哎（—個字普通）海帶太過腥（好難入囗）😡佢碗麵🍜淋到槳曬!😱成碗麵即時零分變負分！（仲要我碗麵🍜遲過我女朋友，十分鐘！所以我更加嬲！遲左出。）因為遲左出攪到碗麵overcook 😡超想倒左佢！難食到一個點

今晚好夜先收工，路德圍好多食肆都收左，見到雲桂香未收就入去買個外賣，宵夜時間要等好耐先拎到個外賣，終於有得食，好開心咁拎個外賣返屋企～好可惜個外賣膠袋太薄，我未返到屋企個膠袋就就穿左（10分鐘都唔夠），個發泡膠盒跌左出黎，米線掉到一地都係，好彩閃得快，如果唔係就成身都係，咁我就冇得食～所以我評論唔到食物既質素，只係評論到佢個膠宵夜時間要等好耐個外賣袋太薄，好快就穿左，米線掉到一地都係，冇得食！以後都唔幫襯袋既質素～好差劣！好想問下有冇人試過好似我咁？我以後都唔再幫襯佢買外賣！

其實食開米線嘅雲桂香都唔需要點樣介紹，相信大部份香港人都認識，不過見悶悶地就寫下食評啦位於荃灣路德圍，呢度嘅米線譜大大話話都有五六間，成條街都主要係食粉麵，大部份都係經常滿座，當然你一間都唔例外啦長期爆棚！今日同朋友仔兩個人一齊落嚟食今日叫咗小窩米線揀咗竹笙，雖然唔係野生係種植嘅竹笙，總好過冇呀，野生好貴～海帶，鍾意佢係一條條幼，有啲會係海帶結個人就冇咁鍾意朋友仔梗係叫主打腩肉米線啦，最鍾意半肥瘦，好入味通常入得黎都會食佢嘅口水雞，我真係好鍾意食佢啲口水🐔，雖然佢好明顯唔係正宗川菜嗰隻口水雞味，但係佢啱我鍾意嘅口味，就算一個人我都叫一碟仲另外叫咗腐乳通菜，佢啲腐乳醬真係好好食呀，因為甜甜地鍾意囉😂

今天晚上行過荃灣與友人一行三人去到雲貴香米線，見不用排隊，便入去了，看了餐牌很多選擇邊叫了肥牛米線，友人叫了墨魚頭米線及豬扒米線肥牛米線很多肥牛，但叫了小辣，湯頭比較酸及不太辣，好像別家的米線更好，試了友人的墨魚頭，又幾好味喎，但豬扒米線比較乾身，不太好食

時不時都會嚟食米線or紅薯粉！最愛食海帶，豬耳，豬脷反而豬頸肉麻麻，好"鞋"同雪味重，我叫左酸辣同掩蓋唔到陣味，雖然唔好食但畀左好多塊另外，魚肉春卷本來以為係似荃灣有間食魚春卷米線咁既魚春卷，但原來唔係，都好食就得4塊左右。另外，食辣一定加支豆漿價錢就偏貴，一個麵底都要26,28蚊，餸既選擇都多，價錢就6蚊,7蚊,12蚊。都係間唔中食，因為都貴，同荃灣都有好多平又好食既紅薯粉，不過佢勝在開到好夜，其他店通常2200就關門。啱哂我呢啲收工收好夜又未食飯既人

路德圍有好幾間米線，次次經過都見呢間好多人。之前第一次嚟食嗰陣，幾乎滿座，姐姐們好忙，忙到漏左我張單，不過因為米線好煙韌，有隔離雄記咁煙韌(會唔會來貨係同一間？)，所以今日encore。今次冇漏單，上得都好快，米線依然煙韌，湯底偏鹹，重麻辣味，我幾buy，適合我呢d重口味人士。豬扒另上，其貌不揚，但食落ok，腌得入味。d姐姐忙到躁底，有時會大聲互相呼喝，接受唔到佢哋嘈嘅人就唔好嚟。開左account幾年，終於的起心肝寫d野紀錄下，哈

住荃灣又愛米線，我竟然第一次來。是弟弟帶我來的。點了酸辣米線，另加炸雞亦。雞亦有肉汁，外脆內嫩，味道亦夠，高質。喝一口米線湯，酸酸辣辣是我的茶，不會過咸。而米線亦爽滑。多一個米線地了。

公眾假期的10:55am, 來到路德圍搵野食，點知成條街的餐廳都未開，有開左既又話跳制，搞到無野食，最後就來了雲桂香的總店！！ 當時店內只有3-4台客人，我地落左單之後，店內的人越來越多，差不多坐滿了。等了大約十幾分鐘，終於有得食！點知我的涼拌米線+炸醬竟有米線未熟，咬落去仲係硬的.... 叫店員來看，佢話幫我換過。我驚下碗都仲係咁，所以改番做小鍋米線算～米線好大碗！！硬度適中，湯底味道不錯，酸辣好開胃～而炸醬份量都幾多另外，店內最後差不多全部坐滿～大約50個客人吧，但是店面卻只有２位員工，包辦收銀、下單、送菜... 非常繁忙！！所以客人有咩需要都好難叫到店員來幫手～建議店主加聘人手，以提高服務質素!

今日又係同老公加我妹出去覓食嘅日子，因為要去力生商場買野所以就去左路德圖搵野食，突然間見到雲桂香就諗起好耐都冇食過米線所以就入去食下。我地每人叫左碗米線加一個小食。夫妻肺片：唔知點解佢加左d牛𦟌落去，似係夾硬搵野填滿佢咁，都唔係真正夫妻肺片，味道又唔夠辣，得個咸字。豬耳小鍋酸辣米線：湯底完全冇酸味，我叫左小辣係完全唔辣嘅。豬耳已經淋哂.....腩肉小鍋米線：腩肉比較少，瘦肉嘅部分比較多，味道都係一樣太咸。不過三十幾蚊黎講都算係咁了，不過下次未必會再黎，荃灣大把好食嘅米線，呢度嘅員工都係態度一般，會望到你當睇唔到，落單時我都叫左好耐先有人理我。

人在荃灣，大年初三，大部分好味出名既餐廳，都沒有開門，沒有選擇下，選了這間米線店。約8點半來到，餐廳爆滿，和店員說我們2位，店員向餐廳內大叫「有冇2位既座位？」，然後，跑進餐廳，感覺是為我們找位？等了2分鐘，餐廳陸續有人離開，開始出現吉位，有「後來」的客人不理三七二十一，便跑進餐廳，自行坐下，有幾個客人跑進去，店員還幫他揀位置。這時候，我心裡只有粗話，而沒有其他，是自行找位的嗎，為什麼不跟我說。沒有系統，沒有管理的餐廳，請善用紙張，mark低等位的客人，而不是讓有禮貌的客人受委屈。最後只好「學習沒禮貌」，自己衝進去，見位便坐。看看餐牌，價錢不貴，比較特別的是蟲草花雞肉湯米線，但心多多的我，最後選了雲桂米線，也是一般米線店的過橋套餐。雲桂米線 $46作為套餐，配料多，是必然的，有雞絲，魚腐，蟹柳，腐竹，火腿，木耳絲，冬菇，芽菜，酸菜，韮菜，蔥，和芫茜。每款配料也有3-4塊，份量算是不少了，湯底我點了小小辣，辣度和Tam仔的5小辣差不多，但這個湯底就比較咸。支製豆漿 $7加$7有支製豆漿，都算幾抵。這米線店，水準算中等，不過，也不失，但控制人流的差劣，實在讓我不敢再訪。

每次去荃灣都會想起米線，又平又正。今次都唔例外，又去食返個酸辣米線先腩肉加豬大腸 及 豬大腸加豬肚，我地都唔係好食得辣，只叫少少辣。酸辣度剛合心意，大大碗，食到飽飽