雲桂香米線專門店

營業中

休息中

米線專門店，開到通街都係。誰最正宗，不得而知。米線套餐勝在多選擇，酸辣或麻辣，多辣或少辣任君作主，同店員講就可，走配料亦得。今次叫了酸辣小鍋，另加豬軟骨。大大碗，都夠吃，略嫌豬軟骨太乾身。剛巧下午茶，加3元有一杯凍檸茶，算抵吃

之前已經試過太子分店覺得唔錯經過觀塘見到開咗新分店立即試一試豬軟骨炆得唔夠淋成條骨完全咬唔開同太子個間入口即溶嘅豬軟骨冇得比最重要係啲麵 食幾啖就食完走個陣好似冇食過野咁唯一可取係湯底唔錯 夠酸夠辣但係下次唔會再嚟

尋日夜晚冇飯食就去咗呢間店度買咗外賣，本來諗住食酸辣米線，但係天氣有啲熱所以食咗個涼拌米線。之前未食過呢一間，都冇抱特別大嘅期望，只係諗住試一試。跟住叫咗一個麻辣青瓜同一個涼拌米線食加腩肉炸醬，再加一杯凍菊花蜜。跟住返到屋企一打開個聽過，嚇一跳，全碗都係由浸住啲青瓜。不過同時間有好大浸麻辣味時湧出來，食落口好夠味而且好夠麻辣(覺得比某大米線連鎖店嘅更加好味)，個米線亦都真係涼嘅，唔會係暖嘅，米線裏面有啲酸菜同花生好好味,腩肉唔會太肥而且預先已經腌左非常之入味好好味。一定會再試

來幫襯係因為新開，而且大家都幾鐘意食米線。菜單其實都有唔少選擇，有小鍋米線，可選不同配料湯底，也有魚湯米線(成條魚另上)，仲有ｄ小吃！我一直都好想試红衫魚魚湯米線，哇！真係有成條紅衫魚㗎。個米線就有豆腐，津白，芫茜，味道清清地，但就唔係好覺得係魚湯囉！另外，我地點了一個蒜泥白肉，味道可以，但也較肥。朋友各叫了黃花魚魚湯米線、小鍋中辣米線、蟲草花鷄湯米線，平均來說大家都覺得ok。環境坐得比較密和窄，上菜也比預期耐！

影低果碗 紅衫魚米線係 店亞姐啱啱放低嘅湯比米線同配菜多好多 即係無料😱條魚係迷你裝 亞姐話 我哋要受 魚來貨貴咗我叫果碗仲要無咗荳腐配料 😡 超嬲咁咪你盤生意一定唔會蝕 😣蝕嘅係我哋哩啲客仔 😞咁我真係唔會再去喇 😒第一次經驗已經有心靈創傷😩比亞姐串 我唔食得辣 仲叫小小辣😰

見到門口無人等, 真係好好彩, 今日唔使等位 先至入去試下. 我都係點咗個少少辣嚟試下,  點知好似 中/大辣咁辣, 係入唔到口 辣到. 係又一川我都食細辣, 無理由 你個少少辣 係辣過人哋個 專業嘅細辣啩. 我要求厨房沖一沖  仲比亞姐串我唔食得辣  唔食得就咪叫喇  我啋佢都傻 已經好辣 又唔開冷氣 點食呀... 食熱嘢點可以咁對 食客㗎呢?   好喇, 亞姐比返碗嘢我時... 望咗一望 嘩都係紅色嘅, 好 再試 跟本就無沖到 仲好似仲辣咗...我成碗無食到就賣單走咗 嬲到爆! 

這間分店我試過3次，已目睹他人1次漏單，而本人亦試過1次。叫了食品，但店員沒有落單，而食客通常就當遲來的客人落的單都出了單才發覺。經過爭執後，店員才真正入單。我果次仲衰D，條懵婆仲以為我追餐，猛問我張單呢?我話落左單後無出單比我，要我講左幾次佢先明白，真笨。以此推測，D嬸嬸大部分是新人，無經驗，不熟悉工作流程。另外，我認同前一個食評。果日我食紅薯粉酸辣粉加豬扒，塊豬扒無呢味道，要酸辣湯底伴吃才有D味。其實塊扒最好以碟分開上，保持香脆程度。

估唔到雲桂香已經不知不覺開到成十幾間分店，發覺我只係幫襯過屯門嗰間，仲要係成兩年之前嘅事添，適逢佢喺公司附近開咗間分店，今日要嚟回味一下。嗌咗至愛嘅酸辣湯底，揀左小辣，餸就淨係揀咗一個餸要 豬扒，湯底夠哂酸辣味道，米線比較煙靭，不過個豬扒就無嚟味道，要用返個湯底去餸塊豬扒，變咗個湯底係餸，另外佢將成塊豬扒沐浴係個湯入面，本身煎到脆脆地身嘅豬扒俾啲湯浸淋哂啦。服務方面相信呢間舖請咗唔少新人，淨係見到收銀嗰位嬸嬸係咁教啲細嘅點樣落單，又話人落錯又盛，不過我見阿嬸嬸佢本身個反應都有啲遲緩。

觀塘新開，有鮮魚湯米線，等位已經勁耐，都照等，坐低就叫黃花魚米線，魚唔熟竟然掉落水焯熟，咩胃口都無哂 唔食就走；話鮮魚湯米線，係湯底係酸，完全唔係魚湯！十分失望！劣評！