雲海滙

營業中

休息中

早幾日約咗班friend去食呢間海達邨雲海匯，見佢乳鴨好似幾抵食咁。點知，一入門口就俾知客呼呼喝喝，仲將張「攞位飛」扔俾我。入到去坐低，等咗10分鐘都未有碗碟、點心紙，仲將普洱開錯咗香片。我係點心紙剔咗9款點心，竟然有4款點心無貨，侍應十分串嘴話我哋寫得唔清晰，要將每款點心圈起來佢先睇到，仲話「漏咗唔關我事！」食物質素好一般，乳鴨好瘦、無肉食。我哋嗌咗既腩仔飯等咗45分鐘都未到，然後催單，待應答我「燒緊」，再等多45分鐘後再催單，另一個侍應好惡咁話賣曬，又話廚房落場無其他嘢嗌。呢間嘢d服務真係超差，約friend、宴會唔好泥，你肯定會一肚氣。

佢開張之後都食過兩、三次，一直都覺得ok。不過上星期六去食翻，就發現質素直線下跌。南乳豬手完全無味，似白恰豬手；叉燒腸d粉皮勁厚；鴨絲炒飯d鴨絲只有幾條，似係食白飯；炸雙皮奶卷，都唔知食咗d咩，淨係食咗一口粉漿。員工勁黑面，態度勁差，賣曬都唔通知，要人白白坐係度等半個鐘，之後追單就話「唔係我入單，唔關我事」。唔怪得舊時要等位，現時餐廳都坐唔滿人。質素、服務兩樣都完全唔合格，貼錢買難受，大中伏，唔會再幫襯。

平日放假一於試下呢間新開咗一段時間嘅茶樓早市一至五係7-11:55am，茶位每人$8我哋大約十點幾到直接入去就有枱第一次食就梗係揀返早茶優惠叉燒腸上菜只係暖暖地食落個粉皮軟熟，叉燒都ok皮蛋瘦肉粥粥底不錯的好綿，料就太少，皮蛋都仲食到瘦肉就得幾條肉絲蝦餃都幾大粒同足料，食到原隻蝦係爽口嘅粉皮煙韌唔會太厚，但一籠只有兩粒蟹籽燒賣皇都係大大粒，食得出係鮮豬肉蝦爽口彈牙，冬菇味都出，不錯鮮竹牛肉球啖啖肉，食到新鮮牛肉味配香菜，口感不錯整體早市點心味道不錯，全部都熱辣辣呢度茶都幾香，平日也可再來假日要排長龍就可以食其他

店員態度極之差劣 我要搵部長 店員話自己好忙叫我自己去搵（西面語氣態度十分差) 經理一樣態度唔好 根本唔想理 佢話自己唔係部長 係經理 所以店員唔清楚 先叫客人自己去搵 （少少西） 一早要受氣 絕對唔會再去呢間野 😡😡😡

小編本身好鍾意食片皮鴨❤️，不過身邊朋友都唔係特別喜歡所以一個人又無咩機會去食。今次kkday 做緊外賣自取優惠，小編就可以出錢又出力，拎埋畀屋企人一齊享受下片皮鴨啦！🤩不過地方係有點偏遠，如果唔係住果條邨或附近的話。【 京式片皮鴨】$158/隻凡購買每隻片皮鴨包京式手工烤餅、京蔥條及青瓜條，內有說明書教你外賣返屋企點樣加返熱係最理想食法。小編買過2次，第一次半小時內返到屋企即食無特登加返熱依然好好味！第二次一個鐘先返到屋企，趕時間都無加返熱就發現有差距了，建議乖乖跟指示加熱方為最高享受！😋😋😋🧡追加小菜：【 川味口水雞】$28【 花膠燒豆腐】$28 小菜份量都比較細，不過呢個價錢都唔會奢求好多，至在有多幾道菜唔使煮餸。味道皆中規中矩！【 原隻鴨殼】$20見唔少評論都建議必買，因為個殼係有好多肉，可撇肉絲出黎炒下菜或切件煲粥，正呀😋分數：（10分滿分）味道：7.5價錢：8環境服務：7（以上評分只是小編個人口味而已）

剛開業叉燒好好味，最近食過2次都好差，又乾又硬，服務態度仲差左好多之前燒味哥哥好好笑容好禮貌，而家呢個同佢講要半肥瘦叉，佢扮聽唔到去飲茶見啲人都唔同晒，態度都不如之前嘅好，好掛住之前好nice 嘅姐姐

是次和家人第一次到這間酒樓喝下午茶。由於是平日下午，茶客不多，尚可自行選擇座位。食肆環境桌與桌之間擠迫，只用一塊膠板間隔，不舒適。食物質素是次點了兩個下午茶孖寶，另加一個肉骨茶，份量足夠二人，但不太好味。1. 金絲蛋散上桌時蛋散已經冷亦不鬆脆，伴碟糖漿非常少，不夠五條蛋散都能沾到。2.炸鮮奶上桌時點心微暖，味道不過不失。炸鮮奶比較少在下午茶餐單出現，可以一試。3. 菜蝦餃上桌時點子只是微暖。菜的份量比較多佔85％，蝦算大隻但無味。4. 紅油抄手上桌時是熱的，皮比較大塊而肉偏少，辣油尚可足夠沾到每一隻。5. 肉骨茶鮮竹卷上桌時熱的，肉骨茶香但鮮竹卷不算好食。肉骨茶有少少肉食，藥材味不錯，惟鮮竹卷太淋，一夾便散。服務下午茶時間為13：30-16：00，不知侍應是否趕落場，早早在15：30便開始在身邊過份擾攘，讓食客不能安坐進食。門口接待職員禮貌很差，對著兩位不能用「安心」app 的老人大聲呼喝，亦不讓老人填紙仔，好像趕客。

南昌站附近一直都沒咩酒樓揀，難得有間新開，同屋企人去試下。新裝修都幾舒服，空間感唔錯，唔會迫，樓底高啲聲唔會困晒喺度，食完唔會耳都聾。星期五晚市唔算多人，有啲優惠野揀，價錢正正常常。先揀左晚市特價5選1既欖菜骨，味道都幾好，有肉味，$58黎講都幾大碟，值得食。再叫多左嗰孖寶，例牌燒鵝加4隻蒸扇貝。燒鵝就麻麻，皮唔脆，唔夠熱，味道都算ok。蒸扇貝係幾大隻，帶沒咩鮮味，肉質有啲韌，但調味係ok既。最後加多個海味雜菜煲，呢嗰ok，都幾多菜，湯底調味幾好。呢間既味精算唔重手，因為食完唔係好口喝。

今日諗住加送斬料買樓下酒樓叉燒王，平時下午買飯盒質素一向都唔差，冇諗過夜晚買正價$70半斤叉燒皇啲質素會咁差，連我仔仔一打開望到啲叉燒嘅顏色都唔想食！我特登買俾阿仔食，點知比啲咁嘅垃圾我！有一次老公夜晚買燒腩仔又係咁，返到嚟盒燒肉散修修仲要唔係燒腩仔，成日賣埋啲垃圾俾客人，真係好激氣！😤😤😤以後一定唔會再幫襯呢間垃圾酒樓！😡😡😡

訂咗6:00枱6:00叫起片皮鴨 結果6:45先到 你到隻鴨只是有少少暖 叫佢哋幫我叮一叮翻熱 之後個侍應好嬲咁行埋來 話我唔擸佢偷咗啲鴨 但我從頭到尾只係覺得隻眼唔新鮮同埋凍 叫佢定番熱 我特登以正價堂食 無非都係想新鮮食啫 但係隻鴨完全冇肉汁仲要凍凍地真係有啲過分 有圖為證大家睇吓啦 同我兩個月前來食爭好遠好遠好遠好遠

端午節假期專程過嚟海達村新開酒樓飲茶🫖 用落地玻璃採光充足，我哋剛好坐窗邊可以望到出面平台草地🌿新裝修，坐得舒服！🔸鮮蝦菜苗餃蒸過龍搞到啲餃皮腍啤啤，但足料，味道唔錯！🔸煎釀虎皮椒尖椒釀魚肉真係絕配，食極都唔厭！🔸雪山叉燒包通常啲雪山叉燒包都係圓碌碌，但呢個好似光酥餅扁扁地，好搞笑😂表面沙沙質地， 叉燒餡料足，唯一缺點係唔夠熱，只係微暖。 🔸藥膳雞腳總共有4隻，隻隻都好腍好入味，食到藥材味同好容易骨肉分離，再飲埋個藥膳湯補一補，正！午市點心餐牌👀

見佢新開就同朋友一齊去試試，4個女仔點左四人餐， 有燒味拼盤，蒜蓉蒸大貝，菠蘿咕嚕肉，酸菜魚，海鮮雜菜煲， 一盅湯。碟碟都大大份， 盅湯大到每人可以3-4碗， 酸菜魚盆好似面盆咁大🤣！ 咁多餸都只係$688。 重點係味道唔錯！ 下次會再返去食

一早去訂母親節飯，分半席6個人同一席12個人，甘啱我哋8個人，去俾訂金訂位落8人，話餸菜會加份量俾我地，點知去到當日，話有樣餸做唔到8人，話減100蚊俾我。點知之後啲餸根本無加到8人份量，仲有餸只黎左6人份，但錢照收，成餐飯食到火都黎，我一個大肚婆仲要同佢餐廳經理理論，最後一度菜壽包只黎左6個，追佢漏左2個，話補俾我，等左好耐之後，話俾2個未蒸既我返去蒸，甘做咩叫我等甘耐，我之後無要到，但個經理好意思只扣我10蚊差價，收我甘多錢，成餐飯未試過成肚氣，做吾到，當初訂位個陣就吾好話可以加錢。永不光顧，野又難食👎🏻

早幾日係雲海滙訂左個4人餐外賣，早一日店長仲打電話提我記到時去攞外賣，服務貼心🥰當日早到左現場，梁店長立即麻煩廚師做比我😀因為係母親節關係，見到店長忙到不得了，仲好唔好意思咁走過黎同得我講，‘’唔好意思招呼唔到你今日，下次過黎試下飲茶‘’。 其實係我唔好意思，仲有煩佢攞呢樣，攞嗰樣。😆外賣到左後，仲好細心咁幫我用保鮮紙包好所有 有湯水既餸菜。 包好餸菜之後怕我重，仲幫我拎到𨋢口😅今時今日咁既服務態度👍真係好難得！

食物還可以燒味好食其他一般 但收銀找錯錢落錯單 唔耐煩堅持要佢重複訂單內容 才知落錯單 然後老羞成怒直指沒有我這麼聰明比我還要惡 其實佢做收銀如果唔識按電腦制應該接受training再唔係態度好點叫我等一等完全沒有問題但她這樣的態度使我不敢再光顧