影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
試試旺角新開小鬍子米線 必食藤椒湯底🤔？.⭐️藤椒湯底米線$35藤椒味突出 湯底有啲似酸菜魚幾惹味似得 配土豆粉唔錯⭐️豬軟骨$15 得2件有啲貴 煮得幾腍⭐️麻辣豬耳$11 口感爽彈 但份量還好.⭐️酸辣皇 酸辣湯$33默認有齊辣腩肉 辣豬肚絲 炸醬 腐竹個人唔係好鍾意佢哋腩肉🤔腩肉$11 肉質比較瘦 乾 滷水味肉茶葉蛋🤔豬肚絲$11 味道都係用返同一個滷水汁👍🏻炸醬$11 半肥瘦 肉粒咁重唔會好似譚仔一pat嘢（打文時見到 原來有條毛！？）.整體評價OK但旺角區暫時最鍾意係天星.#hkfunfoodrecord窮遊香港#hkfunfoodrecord_旺角.#雲貴川小鬍子 (西洋菜南街) (旺角)地址：旺角西洋菜南街103-109號地舖.⭐評分：味道：3.5/5環境：3/5服務：3/5 自己落單抵食：3/5.#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #米線 #米線關注組 #薯
繼續閱讀
今日喺太子想食米線，未食過呢間，就俾個機會佢試吓先。.呢度米線湯底有幾多選擇，除咗有基本嘅豬骨、酸辣、麻辣、番茄湯底外，仲有麻酸辣、重慶酸辣、藤椒、胡椒豬肚湯底，適合鍾意食辣嘅朋友嚟試吓。.我唔係太食得辣，叫咗酸辣湯底，小小辣。湯底真係幾酸，但就蓋過了我的「小小辣」辣度，食唔到有辣，可能要叫「小辣」以上先做到酸辣平衡。我老公食得辣，就叫咗藤椒湯底。老公讚湯底夠麻夠辣，但就無豬骨湯味，只飲到辣味。.我哋分別叫了5個餸：冬菇 — 共有4件，都入味、夠淋，但就比較薄、唔夠厚肉.麻辣腩肉 — 呢個好食，夠麻夠辣，又帶少少甜味，幾惹味.豬軟骨 —有2大件，都炆得幾淋幾入味，唔錯.蘿蔔 —有4件，煮到幾淋身，帶有少少甜味，無渣，都唔錯.豬大腸 — 份量唔少，但略嫌比較多肥膏較難咬得開.配菜有酸菜、芽菜、肉碎、韮菜，份量就比較少，就算我叫了多酸菜，份量都比平常少；不過米線就算幾多，食到好夠飽。
繼續閱讀
鍾意食米線嘅我哋，今日又去到旺角呢一區睇吓有咩好食嘅米線，今日朋友就揀咗呢一間！餐廳都唔算太多人，我哋直接Walk in都有位，價錢嚟講，我哋都覺得可以唔算太貴，同區嚟講係中價我覺得，餐廳嘅選擇亦都非常多，我今日就揀咗魚腐同埋雞肉兩個餸！餐廳嘅湯底非常濃郁，而且食到酸酸辣辣嘅味道，啱晒我嘅口味，而且佢嘅米線控制程度做得唔錯，唔會煮得太軟，入口都可以保持爽口彈牙嘅口感，雞肉就不過不失，我覺得不過勝在份量夠多！魚腐亦都爽口彈牙，夾埋米線食都幾好！整體質素覺得唔錯，鍾意食米線嘅朋友可以試一試！
繼續閱讀
衝突其實我都係可免則免出去食飯既話，同埋都唔會點寫食評既人！但今次真覺得好過份！係我去過甘多間餐廳食野最不受尊重既一次！我大約2點幾鐘到餐廳🍴當時拎住個蛋糕🎂滿心歡喜諗住比驚喜我朋友係餐廳食蛋糕。。可惜女店長聲稱：雪櫃無位。同埋雪櫃好污糟擺唔到我甘靚既蛋糕。加上要係度食無問題！我地無切餅費。不過要自己拎晒啲野走同唔會提供餐具😐⋯⋯甘我既然都嚟到啦朋友又已經坐低左叫左野食 食緊我都無辦法之下帶左個蛋糕入左去。都已經好失望！不過係呢個位無得怪間餐廳啲咩。去食之前無問清楚自己都有責任！令我覺得不受尊重既位唔係係呢度！而係當我地食完我地叫既野食之後叫其他店員收野（其他員工我自己覺得態度係正常。有問題既從來都係個店長）攞左幾隻匙羹開始食我地既蛋糕🎂！食完我地都好聽話有執好自己帶嚟既野諗住埋單走之際⋯⋯啊店長又出聲：叫我地抹番好晒匙羹🥄啲cream先好走。 。。。想問呢個係咩操作？叫個客清潔完啲匙羹先好走？使唔使我清潔埋自己食完嘅碗先埋單走佬啊？喺呢個位我完全諗唔明囉！同埋我覺得好唔受尊重！呢個我覺得係一個無理嘅要求！唔會有一個客人會接受到咁樣嘅溝通！之後我都出聲我話要我抹？仲要同我講話係！然後我再問佢點解要抹嘅？你哋唔係用洗碗機洗嘅咩？然後佢又答我：我哋唔包洗cream。。。想問下呢個又係咩回答？呢位所謂既店長仲衰過普通員工！真係接受唔到！食物再好食都無用。。衰係員工身上真係覺得可惜！最後。我地幾個嚟呢度食嘢嘅原因係餐廳好食！食物品質完全冇問題！不過咁樣嘅服務態度，我覺得真係要認真對待一下，如果唔係只會流失更多嘅客人。。以上就係我嚟呢間第一次食嘢嘅體驗，亦都係最後一次！感到好失望！
繼續閱讀
餐廳入面有一個女人同一個男人態度十分差，都仲未食完只係放一放低筷子同個朋友傾計，個女人已經趕住收走臺面既野食同野飲，好似想你快啲食完快啲走，咪阻住曬，但果段時間唔係繁忙時間，亦好多空臺。亦聽到呢個女人對住其他臺客既食客好差態度，覺得個食客無聽清楚佢講已經無曬九菜同芫荽，而聲大夾惡講野。另一個男人態度又係勁差，留低左個樽，距勁差態度要嗌返轉頭拎返走個樽，其實甘差態度都唔洗指意有多回頭客同做得長，就算兩個係老闆都唔係咁樣對食客，呢啲餐廳無要求要六星級好好服務態度，但至少唔應該甘樣對食客。
繼續閱讀