影片
以上資料只供參考, 請與餐廳確認詳情
想自殘一下，排一排毒的話，在家附近的雲貴川，絕對是我首選，因為地點就腳，在北帝街翠華對面，由家中步行只是五分鐘。以前就專程去荃灣老店，自土瓜灣店開了以後，便不用坐車去。我一向偏愛麻辣多過酸辣，中辣程度是極限，最喜歡豬潤，與腩肉，尤其是腩肉，辣度夠入味，配合充滿麻香的湯底，很爽的說，辣得痛快淋漓，吃得變成烈焰紅唇，極待撫慰，甚麼的柔情，慾望，統統迷失得徹底。出一身汗後，剩下乾涸美麗。第二天早上，大腸自然會識做。但是麻辣皮蛋是水準以下，不值得推薦，來到雲貴川，不要問，只要麻辣，信我，吃一碗試試。
繼續閱讀
家住九龍城，要搵平價的素食唔容易。晚餐間中會行去土瓜灣覓食，而雲貴川係其中一間會成日去嘅餐廳。多會叫比較健康嘅涼拌薯粉，走肉醬，加木耳絲，蘿蔔，腐竹等，要中辣。我唔係超級食得辣，覺得佢地嘅中辣同其他麵鋪比可能已經係大辣，食到噴火，傻笑，但係好過癮。最鍾意佢地蘿蔔夠入味，木耳絲夠爽，間唔中都心絲絲想去食！
繼續閱讀
上星期朋友介紹，去了位於土瓜灣的雲貴川風味。因為以前是在土瓜灣唸中學的，所以那天回到這個彷彿熟悉的小區，心情是不錯的，不過，這區的變化也蠻大的，以往熟悉的小店都不見了，但竟然在這店的對面，開了一間翠華茶餐廳！說回雲貴川的食物，是不錯的。朋友知道我是譚仔的常客，就說我一定要試一下他們的腩肉。我們先點了麻辣雞翼、皮蛋豆腐。嘩，我特別喜歡皮蛋豆腐，因為那汁甜甜的，雖然辣，不過那豉油是調得很香的。另外麻辣雞翼的麻辣是真夠麻的。小食這一點，合格了。至於米線，選擇有很多，有點像連鎖店雲桂香，不過雲桂香整體上的感覺髒了點，食物質素也一般。朋友雖然推介他們的腩肉，對，腩肉是不錯，那味調得還可以，不過我更喜歡的是辣豬耳！辣得超過癮，不過辣中仍有甜，那汁很吸引，雖然好辣，但舌頭回過氣來後，仍想挑戰一下。另外辣雞我也在其他朋友碗中要了一兩塊，辣得很特別，他們說是因為是以辣水來調味，所以就沒有那麼多油。湯底不如譚仔那麼清淡，不過說真的，譚仔不論是餸或湯底都偏清淡，主要是要突出那湯的味道吧！不過，也不如雲桂香那麼濃。雲貴川的湯底加入酸菜，那酸度比雲桂香的柔和，可能是因為自家醃製的。可惜店的位置不大方便，要不然我這麼愛吃米線，也會常常幫襯呢！
繼續閱讀
土瓜灣北帝街有多間專門食米線o既舖頭,可算競爭激烈雲貴川風味係一間連鎖店,除左土瓜灣外,荃灣及紅磡都有分店呢間開左大約兩年o既米線專門店,OpenRice 評分高達3.7之前o係網站以每張$23 o既價錢買左兩份米線餐 coupon,每張 coupon 可以換到一碗米線連兩款餸,一款特式小食及一杯凍/熱飲品由於午間繁忙時間多人幫襯,今次優惠只適用於 2:30pm 後雲貴川風味o既每碗米線湯底可自行選擇小、中、大或勁辣,今次團購優惠可以俾大家選擇小鍋(唔辣)、酸辣、麻辣或清湯米線平時每款餸係$4, 有成四十款可供選擇,我地今次優惠係每碗米線可以選兩款餸除左米線,仲有多款特式小食可供選擇,今次團購優惠可以選郊外油菜、麻辣皮蛋、涼拌青瓜或紅油拍青瓜我地一個要龍蝦丸及雞中翼麻辣米線,一個要豬潤及菜肉雲吞酸辣米線小食就選左麻辣皮蛋及紅油拍青瓜至於飲品要凍咖啡及凍檸茶龍蝦丸及雞中翼麻辣米線 $32米線夠滑及彈牙,唔會好易斷米線配左鮮肉碎、秘制酸菜、芽菜、及韭菜配料夠多,份量夠大,好足料,若果細食o既可以兩個人share 添 豬潤及菜肉雲吞酸辣米線 $32豬潤鮮美,冇臭味菜肉雲吞係米線專門店推介,自家製,雲吞多菜少肉本人選左小小辣o既酸辣米線,酸辣味道非常夾,酸菜夠酸,令人開胃麻辣皮蛋 $15本人食完皮蛋後飲檸檬茶,發覺有o的苦味若果單獨食皮蛋或者飲檸檬茶唔覺有乜野問題,但係兩樣野走埋一齊,就產生呢種化學作用紅油拍青瓜 $12青瓜好爽口,食落涼涼地又辣辣地飲品凍熱同價,我地要左一杯凍咖啡 $10, 一杯凍檸茶 $10呢餐真係好抵食,$23 就可以食得好飽雲貴川風味平時係冇套餐提供,所以我地食o既野原價係每人高達$57, 雲貴川風味做呢次團購十分有誠意,今次真係低於半價呢間米線專門店o既職員態度有禮,米線配料夠多,份量夠大,味道好,若果大家去開土瓜灣可以試下呢間米線專門店雖然 BabyBamboo 支持者唔o係呢區返工及居住,不過若果日後再有團購可能會再去喔
繼續閱讀
土瓜灣北帝街食肆就多，但真係好食呢，呢間係首選，幾乎曰日都食，佢D麻辣唔係好似其他的淨得麻冇辣或者得辣冇麻，佢係麻辣兼有，湯底又足料唔係一般得個味。配料都Ok多選擇但因為我成日食就覺得可以加多幾款。D阿姐又幾好人，好食果D會介紹你食。唯一要彈就係近窗邊的射燈太勁，坐一陣會好辛苦（不過呢個係香港餐廳既共通點）
繼續閱讀