霸嗎拉麵 (金巴利道)

營業中

休息中

湯底偏淡 冇咩特別而麵質一般 相對一蘭 一蘭好食好多！湯底又濃！見好多人推介 見冇咩人排隊所以就去試下 點知真係好一般 食過一次就夠 五會再去食 依個價錢真係寧願食其他都五選擇依一間！

是晚730係The One睇戲，所以想近近地搵間優質速食。霸嗎拉麵平時都見長長人龍，今晚時間太早未有人排隊，即管一試。一貫日式拉麵店裝修，菜單都係個幾樣，點餐紙可揀麵硬度、香油、蔥、荀等配料多寡，啱晒我D揀飲擇食既人。我地叫左2碗招牌拉麵同燒餃子其實我未去過廣島食拉麵，正唔正宗唔敢講，味道同麵質似大阪拉麵，湯底依舊香濃，杰杰地豐富膠原，但飲落就冇咁咸，份量大。舊燒豚半肉半肥膏，雖然肥膏都已經煮溶晒，但我都係唔敢食。雞拉麵係朋友點，試飲左啖湯，比豚拉麵清新，但我都係比較推薦豚拉麵。總括黎講不過不失，唔洗排隊就可以一試

見咁多人排隊，於是試一試。排左大概15分鐘就有位了。完全唔好食，雞湯拉麵湯底已經唔得，唔濃郁。 豬骨湯底又太喊除喊真心形容唔到其他事！不會再食簡直浪費左食一餐飯嘅quota！

非常失望！以為新店，排長龍，一定不錯吧～?! 排咗大約半個鐘，還算可以，因為需要排隊時落餐，所以一坐低，大約五分鐘就有得食，當拉麵到的時候，碗麵除了湯和麵係熱，其他包括配菜，蛋，豚肉等，所有都係凍的，$88-$93, 一碗拉麵，一D都唔好食，唔好味，如果未試的朋友，絶對可以慳番～，仲有今次感覺比OpenRice 的新店傑出獎被騙了～What an awful food! Just thinking that it should be great as there were so many people to line up outside. When the noodle came, all were cold except soup and noodle. Suggest not to try.

其實已吃過數次，到了現在才有時間寫食評。如標題，霸吧是我心目中頭三位的拉麵店，其次是周月和一蘭，其實跟我的點餐習慣有關。每次食拉麵也好，沾麵也好，我都會點軟麵/辣湯/加玉子。這一間除了以上三樣要求附合理想之外，還因爲叉燒好肥美，味道可口，跟別家的叉燒大不同，感覺有點像吃東玻肉一樣（是不是誇了點？🤔）但半肥瘦確實太好。另外嘗試點了小吃—炸雞粒，一點都不油，香脆可口。值得一試！不過值得一提的是店員並不細心留意到客人的需要，由於門外不用排隊，我們便入內等候店員安排座位，但居然站了幾分鐘都沒有人招待，這可是認真要檢討的問題。

我每次都系經過好多人排隊囖，跟著我朋友系深圳過來話試下，跟著入去叫左試下 ，環境其實可以的…但是拉麪的軟硬我都差不多囖，D湯系濃噶，不過好鹹，餃子同炸雞就一般般囖…我朋友話不知道點解甘多人排隊囖，可能我地口味清淡囖…

企在門外等位時，明明見倒裡面有客人已食完並離開，但伙計都個個當睇唔倒，無即刻去收枱，好奇怪！！叫咗一個湯拉麵，一個蔥油撈麵，拉麵都還可以，撈麵就勁咸，回家後口渴到死，証明好多味精😈 都唔會幫襯第二次 ，最搞笑我地未埋單，我朋友去咗洗手間，佢已安排人坐我朋友個位🙄

今次黎到尖沙咀，天呀又係排隊呀，因為今次係熱門拉麵店之一既霸嗎拉麵，我地無理由唔去食。標榜住廣島規模最大的拉麵連鎖店，但實力真係要試過先知，希望唔係宣傳策略名過於實啦。 店內環境其實唔錯，重點係佢既坐位有一定空間，我其實好怕同陌生人坐得好近甘食野。 價錢方面都係一舨市面上既拉麵價錢$80-100，見到仲有得選擇少油，幾好喎形合到香港人。 信州蘋果梳打HK$28 - 其實都因為見到係信州蘋果先要試下，因為信州蘋果係去日本長野必買既手信，而長野又名為信州。而飲品味道香甜又清香，有少少偏甜但可以接受。 羽根燒餃子 HK$35 - 餃子煎出薄薄既脆邊又唔太油，菜肉平圴，但個皮真係太過靭，口感似食緊一層膠面，有待改善。 雞叉燒味玉雞白湯拉麵HK$88 - 選擇了軟麵同少油。湯底有好濃既雞味，不過已經叫咗少油，但成碗都好多油份。雞肉同叉燒加埋一齊都幾創新，將雞扒燒成叉燒，而且叉燒有厚度，入口嫩滑不會覺得太肥。 直身幼麵應係使用自家製麵造出，麵條軟硬度同掛湯能力都屬中等。原隻溏心蛋，十分流心，而蛋香同醬油入味程度都正常，還可以。 招牌灸燒豚肉味玉拉麵HK$88 - 選擇了適

我order咗雞嘅拉麵(要軟麵).. 不過來到嘅麵一啲都唔軟......還有點硬 🙄 .... 覺得有啲唔professional...But個湯同蛋都ok 嘅... 係外面排咗30分鐘..一定要order咗先可以入去(但係冇menu...得張form..)入到去坐....等咗20分鐘先有野食..之後又比錯單...(啲麵又一啲都唔軟.....） service 不太友善...Side dish- 餃子同炸雞一般.. 可以唔食有啲失望...

接過小友放學，本來是要回去家附近隨便吃些東西後就去拿母親節蛋糕的，但小朋友忽道不想那麼快就回家，要想在這裡吃兼四圍走走。沒他符的爸爸就拖著他，由油蔴地走到尖沙咀....時間尚很早，只是十一時多左右，想去落腳的地方都還沒開。此時路經"霸嗎"，看不到平時的人龍，而且小友又是拉麵迷一個。問他要不要吃拉麵，他馬上點頭如搗蒜....事實上小弟對這裡沒有甚麼印象 (儘管之前有光顧過一次)，覺得其水準是絕對不值得要在門外花時間去排隊。不過如不用排而又想止止麵癮的話，那又另作別論....喵喵那張點餐紙，發現這裡竟是有子供套餐的。純日式拉麵舖內有這個，算是並不多....一小碗的豚肉叉燒麵加上杯橙汁，吃得小友津津有味.....小弟不喜歡這兒的並不是她的麵而是餃子，所以明知一大一小兩碗麵不夠飽，明智的都不會點多碟餃子而情願加碼叫多一百克乾麵好了....說回自己的灸燒豚肉玉子麵，豚肉是最好的 ---- 肉真的有炙燒的焦香之外又肥瘦均稱，瘦的部份不會很柴而肥的又滲出油脂香來；蛋亦很不錯，一咬底下蛋黃便尤如萬馬奔騰般湧出，弄至滿口甘甜；其他的麵甚至豚骨湯底相形之下就顯得普通平平無奇....食飽飽到門口埋單時，忽然

話說今晚係Happy Friday就緊係岀街食啦次次經過見親都排哂長龍 終於今日的起心肝就去排隊 排左成粒鐘肚都笠埋 真係食一次就夠😕***我同友人叫左兩碗拉麵同一碟餃子湯底濃郁入味 友人比較喜歡軟麵 但其實同適中冇太大分別 但個豚肉真係好硬麻麻地***雞叉燒香嫩軟滑 本人非常喜歡 湯底亦夠清淡 唔錯***

星期五晚的起心肝去排隊食霸嗎拉麵，八點鐘到達前面已經有廿幾人排緊隊，係窗口望入去個腦淨係諗住幾時先到我，排到差唔多就派落單紙俾我地，最後等左45分鐘終於入得去。我地order左兩個拉麵加一份餃子同一支完熟梅酒，分別係炙燒豚肉拉麵軟麵少油，雞叉燒味玉雞白湯拉麵適中少油，同埋羽根燒餃子。講左豚肉拉麵先，湯底係濃濃既醬油味，豚肉肥瘦適中，岩晒女仔食。拉麵要左軟麵，但食開勁淋麵既我黎講仲係覺得未夠軟。雞叉燒好柔軟，啖啖肉，湯底比起豚肉清淡好多。餃子得5粒，不過都夠香脆既，但餃子汁略嫌有點咸。感覺試過一次就夠，因為已經無咩青春可以咁浪費。

唔算係一個拉麵愛好者，因為唔太鐘意肥叉燒，加上近半年開始戒紅肉，所以知道呢間拉麵有雞叉燒就好開心，可以滿足下我嘅拉麵魂。聽講平時都排長龍，特登揀今日平日嘅下午茶時間先去 大概4點半入座，直入唔洗等位，食客不多，亦有好多吉位。一入到去就揀左辛辣炙雞叉燒拉麵，因為食得辣嘅關係，相信小辣我一定唔夠喉，但又唔想辣得濟會蓋過原本嘅味道，所以揀左中辣。因為碗麵唔包溏心蛋，所以另外加$10要一隻。午市(till 5pm)可以加$12有一客餃子或炸雞，好抵玩 想冇咁熱氣所以揀左餃子。等左大概5分鐘就上左碗麵，其實我揀左少油，但係依然係太多油… 習慣第一口係飲啖湯，中辣的確符合我口味 不過湯底唔夠濃郁，但我欣賞佢飲完食完唔會口渴 麵條軟硬適中，有2件炙過嘅雞叉燒，原來係厚切雞肉，食落唔鞋，是滿足的。擺埋隻蛋落碗麵，咬開係流心蛋黃，大概7分熟 覺得可以再生少少。餃子就普通啦～ 黎到的確熱辣辣，加點餃子汁同一味粉都幾吊到味，食落算juicy，但覺得如果肉汁再多d就更好。其實好想試埋個抹茶雪糕，不過已經飽左 下次同朋友黎再share啦～ 欣賞佢食完唔會口乾，同埋店員友善嘅態度。或者期望本身太高，雖

攞完passport, 醫肚，超近，轉個彎就到內外環境都幾靚，係把牛角扇有d怪，仲有好大風點左炙燒豚肉味玉拉麵見到有promotion, +$12有一客羽根燒餃子(5隻)餃子黎先，熱辣辣，卜卜脆，皮薄，但唔易爛，有少少韌度，入面菜肉有汁，好味湯底：有少許豬味，濃而不鹹，亦唔會話好膩，飲左好多啖都唔好喉嚨乾炙燒豚肉：比想像中淡味，覺得一般味玉：流心蛋，賣相一流，味道一般，淡醬油味，近乎冇拉麵揀左硬，同其他店比，冇咁硬，但都ok嘅，可能因為佢d麵較幼身，比d湯浸多陣就林d

慕名而來，六個人，所以也等了比較久，大約一個小時吧。日式拉麵店的格局，店面不大，菜單在排隊等候時已有服務員递上，有儿童套餐。面有軟硬选择，辣的程度也可以选，可以少油走葱和笋干，這些與一兰類似。不同的是一桌人一張单。當然环保些，不過有人點同一款面，而要求不同時，就要跟服務員讲清楚。桌面上调味料一應俱全。我們叫了鸡肉和猪肉拉麵，鸡肉拉麵口味偏淡，但油比猪肉拉麵多。猪肉拉麵口味偏咸。个人覺得总体口味不及一兰拉麵，當然价格相对一兰也便宜10%。