影片
營業時間
星期一至日
10:30 - 20:30
以上資料只供參考, 請與餐廳確認詳情
呢間位於荃灣的小店係特別在只做外賣同係工廠大廈入面好似工場咁今次試咗麻辣雞煲配送豆腐海帶湯同埋豬扒煎蛋飯如果鍾意重口味嘅就好啱因為味道偏濃的雞煲不錯 可以試試再配兩支冰凍無糖烏龍茶
繼續閱讀
一到放lunch既時間，食野就好多人，早幾日我friend話附近工業大廈有間唔錯既lunch box 可以試下，橫掂lunch 日日都要食家啦，咁我地就試試啦！見到佢Menu款式都幾多，中西都有，又有意粉又有咖喱又有飯，咁我哋就一人叫左一個餐，原來都跟埋嘢飲喎！🍛金牌咖喱雞扒飯佢個咖喱走東南亞路線，好香，但係唔係辣嗰種，有椰汁味，雞扒都煎得香。🍱豬扒蔥油煎蛋飯我成日覺得蔥油同雞好夾，但係原來佢同豬扒都好襯，豬扒比雞扒更加好食😋🥤涼茶唔會太甜，有時返左半日工，飲啲清熱嘅嘢，醒醒神都幾好😄
繼續閱讀
#cassiegotsuenwan-今日咁岩要去一去荃灣做野，但係因為好趕，所以好快係網上搵下有咩外賣店，發現到有依間「青蔥小館」嘅外賣店，主打新派港式菜同亞洲菜。重點係黃店，之前有支持社運同罷市，推介大家一齊支持下。💪🏿-佢係各大外賣平台都有得訂，或者上去華力工業中心攞都得，不過係工業大廈，可能會有少少難搵，但好近南豐紗廠，係附近嘅商户可以光顧。我自己今次揀左香煎咖哩豬扒飯同雞髀蔥油煎蛋飯。飲品就揀左凍豆漿同涷無糖烏龍茶。🤓-落左單之後，10分鐘後已經收到外賣，超快手熱辣辣，岩哂快食一族！隻雞髀肉好嫩，唔會煮過龍。個咖哩汁好開胃，件豬扒又好大塊，好正！絕對有茶餐廳級數，價錢仲平過茶餐廳，又唔洗lunch出街迫。😎-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 青蔥小館 (荃灣)📍 荃灣青山道459-469號華力工業中心5樓R號舖-
繼續閱讀
我於9月9日透過網上外賣平台訂購7個午餐，到送餐時間時，只見外籍外送員送來隨餐附送的其中5杯飲品，外送員表示餐廳只給他這一袋飲品，沒有食物，也叫我們自己聯絡餐廳問清楚，之後就走了，事後，網上外賣平台 app上亦顯示訂單已送達，我們無法再聯絡外送員。我立即致電（58036256）到餐廳，告知他我們的情況，但接電話的男士態度極為惡劣，對我們破口大罵。該男士指這是網上外賣平台的問題，我們不應該找他，亦在通話中不斷說我們要求他再聯絡網上外賣平台 安排外送員再次送餐 是蠻不講理、打橫嚟講。他亦指出，我們透過外賣app下單，佢地無錢賺，所以亦不會就是次事件負責。他亦指出親眼看見外送員將原本跟兩袋食物綁在一起的飲品拆走，但指自己並無任何責任要提醒外送員該連同兩袋食物一起提取。該名大聲夾惡的男士更指類似事件不指發生一次，與他們餐廳無任何關係，亦不會作出任何處理。通話過程中，該男士不停大聲呼喝，亦完全沒有給予任何空間讓我們說話，態度極差！事後我聯絡到網上外賣平台的客戶服務員，客戶服務員說：如果訂單的外賣多於兩大袋，的確會安排兩位外送員分別送到目的地，但前題是要 **店家/外送員向網上外賣平台提出**。客戶服務員亦說，我的訂單中，並沒有看見店家/外送員要求多委派一位外送員送餐。——————————————————————這次的極不愉快經歷明顯是跟餐廳的安排有關，但該名男士不但推卸責任，更一開始就大大聲鬧人，極無禮貌！既然類似事件不是第一次發生，他憑甚麼一接電話就大發脾氣！我無飯食 係咪應該我發脾氣先？這樣的服務態度，真的令人十分卻步，以後也不會再光顧。
繼續閱讀
作為新開張既專做外賣嘅小店佢地餐牌既款式都算多元化有「蔥油煎蛋系列」、「西式意粉系列」「金牌咖喱系列」、「港式滋味系列」第一次試就打算叫個飯同意粉試試金牌咖喱雞扒飯 ($65)咖喱算有濃香亦足夠撈飯食而且幾惹味雞扒厚薄適中啖啖肉煎香至金黃不過略嫌未解凍得晒有進步空間意式雞扒雜菌汁意粉($60)磨菇汁有少少似KFC皇牌蘑菇飯既汁有唔少雜菌粒增加口感同樣醬汁份量唔少亦足夠掛面意粉係我中意既扁意粉份量都夠多既自家製涼茶比罐裝汽水黎得清甜健康．原來佢哋連港式茶記既每日常餐都有做有牛肉麵、湯米線、手工麵、雙拼粉麵配炒蛋多士價錢就由$55 - $60不等鍾意食傳統港式茶餐廳常餐既可以試試
繼續閱讀