靠得住粥麵小館 (MOSTown新港城中心) (已結業)

這個美極海鮮炒飯冇得輸，夠大碟海鮮份量足，夠鑊氣又唔油膩，吃得出美極獨有鮮香味。 這個餐差不多同一時間把兩大碟食物及飲品也放在枱上，張枱較窄感覺好迫唔夠位放。熱奶茶水準高，夠熟夠香夠濃又夠滑，飲到好順喔。個餐跟公仔麵份量感覺較細份，但沙茶牛肉片數多，口感有牛肉質感，並不是那些被鬆肉粉醃到冇晒肉質。 個沙茶醬也調味得幾好，牛肉炒得又夠嫩滑。滑蛋夠嫩，份量足。 多士夠厚，表層烘得夠香脆，牛油另上方便自行加減牛油份量。

今天，我去了靠得住餐廳吃早餐。我點了一碗魚片粥及炒麵，還點了一杯熱奶茶。熱奶茶很好啊！喝過奶茶，精神為之一振！我很喜歡這兒的奶茶！這兒嘅早餐款式多，可以點吃粥配炒麵或炸油條，炸油條很好味！之前也來這邊吃過呢！味道不錯不錯！這兒環境衛生，冷氣適中，店員也見有禮。推介大家可以選擇來這兒吃早餐！

約咗朋友去馬鞍山比嘢佢，之後話係附近食埋飯，經過見到這間排曬隊原來是食粥的，朋友話哩間有好多分店架，咁就即刻排隊食啦！粥品有好多選擇仲可以加A, B, C, D嘅唔同小食，幾特別唔會限定要配邊樣。午市仲有套餐揀，大多數是菜飯類。朋友點了滑牛仔肉粥加炒麵。粥底好綿吃一口有米香，滑牛新鮮唔韌，唔會吃到梳打粉味。炒麵雖然唔太大碟，但勝在炒得夠乾身唔油膩。我點了豬潤魚腩粥加咸肉糭，豬潤色澤新鮮有好多件，而魚腩兩大塊超滑夠鮮味。咸肉糭正常大細，內裡有肥豬肉同咸蛋黃一隻，綠豆蓉蒸得夠腍。

今日和太太往馬鞍山新港城靠德住粥面小館食晚餐, 我們點了西芹炒帶子和開邊蒜蓉蝦, 兩款也是套餐配白飯。西芹炒帶子賣相吸引,帶子食落新鮮鮮甜, 帶子大大隻口感十足, 西芹炒得新鮮爽脆, 蔥段食落美味, 能帶出帶的惹味, 而個人認為腰果不夠香脆, 如脆一點則更佳；至於開邊蒜蓉蝦新鮮彈牙, 蝦肉食落啖啖肉, 蒜蓉惹味醒胃,醬油鮮甜美味,,粉絲吸收醬油和蒜蓉,食落醒胃, 送飯一流；白飯食落軟綿。餐廳座位舒適, 食物美味, 價錢合理, 份量十足, 我和太太食了一頓滿足晚餐。

上次吃過靠得住下午茶時段，份量足價錢唔貴，雖然要加一。 今日同朋友來most shopping ，就介紹朋友來吃一頓。鹹魚雞粒炒飯外形好在睇頭，看見條條蛋絲餡份量足，好吸引。不過炒飯不夠熱只是暖，䶢魚唔香冇䶢魚味道，似雞炒飯多一些。星州炒米色澤金黃色，又灑上芝麻，好似幾得。又有4隻大蝦，出面好少見。有些米粉麵條痴在一起冇炒散，味道偏辣及不均勻。薏米水加入大量薑茸㷛，味道同平時飲的有些分別。竹庶水原來意思是竹庶茅根水。

入坐就放一壺蘋果茶，我問要不要收茶錢，他說要收茶價，然後，問他拿多一壺滾水，他說：公司規定沒有一壺滾水，不要茶，是不可以要滾水，是十分奇怪的規矩，規矩是不能改變，如要只可給一杯水，成件事好不合邏輯。規矩是生的，不要這樣死板吧！改善麵款式只有一種麵選擇，去得多一兩次都會厭了，可以改一下多些選擇，米粉，河粉，粗麵，十年如一日，應該要迎合大眾要求，多其他揀選。口水雞會bad list佢，因為無肉的雞，全是1隻雞翼，1開2，無肉的雞腿，差到不得了。

呢間靠得住我食過早餐唔錯，而且平時要排隊先有得食，今次唔使排隊，就試試啦！玫瑰花茶，玫瑰花🌹味清新，唔會太嗆，易入口，飲開花茶既我覺得唔錯，$3個茶位客家梅菜扣肉茶飯，薄片扣肉夠入味，夠淋，加埋甜梅菜，醬汁甜甜鹹鹹好好送飯鹹魚雞粒炒飯，成個炒飯有鹹魚香，唔會太乾身，雞件滑，有埋菜無咁滯，如果無兩小塊鹹魚碎骨就完美啦午餐配有飲品，甘蔗水甜而無渣，豆漿味濃，夠大杯午市套餐都多選擇，仲有粥品、糉、炒麵

去到商場見到有靠得住，望見原來有下午茶，同午餐比較一下又平少少，就行一陣商場先再去。 點知一到下午茶時間，原來佢地有一班fans 也知道在排隊中，不過見到排隊人都好快入得去。 原來裏面有得搭枱，所以入得咁快。 不過坐位較窄有點迫，如果手揸住個大袋，就更坐得唔舒服。 一坐下來就送上壺蘋果紅茶，夠熱唔夠香，一人要收$3。 豬軟骨湯麵細細碗，兩大塊豬軟骨煮得好＂林＂，又入味好食。 配銀芽炒麵又夠大碟，味道夠不過就是炒得好乾，麵條食到有點硬。

同朋友又到靠得住食，之前食過幾次，每次味道也保持到幾好味。 佢哋嘅下午茶餐組合都算係多種類選擇，可以揀麵粥粉麵飯之外，更可以有西多士雞翼公仔麵之類。 今次又是叫我喜歡的粥品，粥底煮得好綿，配料又多。 另外跟餐炒麵份量也多，吃完也會有飽肚感覺。 牛腩麵牛腩炆得十分稔，不過湯底過份超級濃郁，每一口肉及麵已被那濃湯味蓋了，味道得一個＂濃＂字。 腸粉質感幾好，奭滑有米香好味。 不過要加每位茶錢的蘋果茶，就非常淡冇蘋果香味。

靠得住應該很多人都去过，今日我們不太餓，一於入去食碗粥啦。我點了套餐，一碗豬潤魚腩粥配銀芽炒麵，另外一碗招牌雲吞撈麪配咸肉糭，再加一碟滷水雞翼。果然係連鎖，水準保持到， 粥底夠綿，魚腩鲜，豬潤夠滑，粥放耐咗，都不會很快變水👍，加上味道適中的炒麵，對胃口唔算大既朋友夠哂有突。雲吞裹的蝦夠鮮和爽口，麵也爽口彈牙，不錯，至於咸肉糭，餡料剛好，不算大多，也算豐富，味道偏淡，不知不覺，就食晒成隻啦。差點忘記了雞翼添，比較細隻，有少許老，滷汁還可以，24蚊3隻，就吾係幾抵囉。整體都不錯，它的賣點是粥，而粥好食，水準穩定，所以會再來。

在馬鞍山做完嘢已經1:50 pm，不如等下午茶，順便在這𥚃的商場行吓。見到靠得住有下午茶，好似幾抵，便入去幫襯。店舗裝修是典型連鎖店極局，座位濶度與大部分食肆一樣，OK 啦！下午茶選擇算多，有炒河丶炒飯丶粥丶麵...等, 價錢由$24蚊起， 幾抵。我叫了生菜魚滑粥配炒麵（$39-），計埋茶（蘋果紅茶每位$3-）及加一，$47 左右。銀芽炒麵先上，表面已見很多芽菜及韭菜，顏色不過濃，似乎唔錯。一食更是喜歡：麵炒得仍有脆口感覺，一D都唔咸，很香口! 👍🏻👍🏻👍🏻 加埋芽菜及韭菜，食落有唔同口感兼健康，好味。😋😋😋粥比午市套餐細少少，正合我心意。粥底好綿，不太重味精，最怕食粥之后一直口乾的感覺。魚滑雖然滑，量亦算多，但沒有魚的鮮味，有點可惜。整體而言，這個價錢有粥有麵，都算靠得住。若然想再經濟D，可同侍應講唔要紅茶，慳多3蚊。

有啲舒服， 唔想食粉麵太過飽， 所以走去靠得住食粥。估唔到平日的午飯時間，都要排隊，幸好5分鐘左右已經有位。原來除咗有粥和粉面的套餐外，還有碟頭炒麵炒飯等。點了一個皮蛋瘦肉粥，粥底綿滑，不會太稀，皮蛋份量也算多，瘦肉不是一件件，而是一條條絲，食得更方便又不會嚡，因為選擇了叫套餐，所以我揀了銀芽炒麵，麵條幼身，最愛配上甜醬，食落有小小脆口，可惜略嫌太油，可能是師傅怕黐底的原故。雖然要收每位$3的茶錢， 但就算一個人都是給一壺蘋果紅茶，所以都不覺得過分

同屋企人想食個簡單晚餐，諗唔到食咩，又見咁啱唔洗等位就去左靠得住。侍應姨姨服務態度好好，一坐低就上左壺蘋果茶。我地叫左每人一個小食同一個主食~兩樣辣嘅小食都好惹味👍🏻啲雞肉都唔錯碗粥好大碗，料都夠多。雖然我麻麻地豬潤，但試左一舊都唔覺腥😋雲呑麵有5粒雲呑，份量可能對男仔黎講會有少，但對我黎講就啱啱好啦。

最近都沒咩胃口，想清清地食碗麵或者粥粉麵算。知道平時靠得住有下午茶食，平時返工就食唔到下午茶，難得今日放假，就一於平平地食啦點知入座後至知，今日冇下午茶(下...今日先係年廿七....已經冇下午茶?!)再睇睇枱面餐牌，已經寫明年三十開始及新春期間設加二服務....真係好差，加一服務都算仲要加二服務...真係搶錢....仲有已經計埋你每位茶錢$3位由於冇下午茶，咁唯有食午市套餐啦。我自己叫咗碗雲吞麵，份量大小OK，雲吞都係皮薄餡靚嘅，大概有5粒雲吞左右，麵質彈牙。入到嚟，由冇咩胃口，但又見到抄麵都想食下，所以加配一份。HKD$40+$17老公就叫咗香菇滷水雞翼菜飯HKD$52幾有住家飯口感，雞翼鮮嫩，菜飯健康!加杯奶茶HKD$10總括嚟講，味道係OK嘅，環保都坐得舒服(我地3個人可以自己住卡座)，不過價錢服務費方面，真係貴咗D囉!

當我地落完order 後 電話中姐姐通知我地今日價錢同下午價錢有唔同後 （價錢差唔多相差一倍）我決定取消order 對方就馬上cut我線 我十分無奈 點解初七都要擺個初四返工樣出黎一