面圓圓 (已結業)

一心去太子買至愛湯餃子點知～原來仲放緊農曆年假，未開市😩個肚咕咕聲，唯有喺附近換D嘢食啦～見到間新開嘅泰菜-《面圓圓》望落都幾企理，店員（?老闆娘）推介佢哋湯底有泰北地道風味，即管試吓叫咗一款湯麵同一款小食“泰式豬肉湯米粉”米粉幼細爽滑，份量都唔少喎，好似食極都仲有 😋魚蛋&豬肉丸彈牙 (今日無豬紅，改咗魚蛋)豬肉片都唔錯至於個湯底～～真係值得一讚👍🏻👍🏻湯底清甜，無味精就算飲晒成碗湯，之後都唔覺得口渴😌 “泰式炸蝦餅”雖然《面圓圓》嘅”泰式炸蝦餅”欠缺一層脆脆嘅麵包糠炸漿，不過蝦餅都炸得幾香口，而正正因為無嗰層脆脆嘅麵包糠炸漿，食起嚟唔怕整損口 🤪蝦餅調味適中，加埋唔太辣嘅泰色醬汁，絕配👍🏻今晚試嘅2款《面圓圓》菜式唔算好有驚喜，但用料紮實，亦都啱我口味，為呢一區食餃子以外提供多一個選擇！

冇得去泰國，非常掛住清新的泰國風味。前幾日行過太子，經過一間新開的泰國小食店，被門口的泰北菜Menu吸引了，叫了幾份小食及泰式奶茶，果然有驚喜 😋😋 老闆話汁醬都係自製，食得出有心機做。希望雖然疫情煞到，都可以吸引到泰國菜fans支持👍🏻下次經過會再去，試埋其他湯麵！