韓兄弟燒烤

營業中

休息中

8點入去 個場都8成滿可能位置唔好 隔離枱三個韓國男人食飯一路講一路勁大聲勁高音笑 🤦🏼‍♀️好令人頭痛因我地點炸雞前面兩台食燒肉 一路被焗住食成晚餐飯抽風系統都冇 單靠冷氣醬油炸雞幾入味芝士炸雞太喊雞肉唔Juicy炒年糕太硬身石頭鍋飯算係最好食了 起碼有飯蕉可一不可再當然啦 食客既質素你冇得選擇 但係 店員既服務態度你可以訓練架嘛成晚個店員除咗點菜之外 就好似啞既咁例如店員遞菜過嚟我話：你地呢度好攻鼻啊 好焗店員當聽唔到 粒聲唔出就連啲菜都係遞過嚟比我地自己放試枱的大佬啊 老土啲講句 今時今日咁嘅服務態度...

首先要多謝我既好朋友們同我預祝生日🥰， 帶我到紅磡崇潔街27及63號地下的韓兄弟燒烤吃生日飯。 入到店內差不多七成韓國人， 非常熱鬧🤩， 我們先點韓兄弟生魚片拼盤$1600（比目魚、 當季生魚、 鮑魚、 生蠔、海參、拌熟大章魚、 鐵板芝士粟米、 韓式燒餅、 燒秋刀魚、鮮辣魚湯）， 然後再加燒肉拼盤 ， 當然唔少得真露和啤酒。🤤首先有六款韓式泡菜，醃青瓜、醃蘿蔔、韓式泡菜、大豆芽和薯仔，每款都新鮮爽甜，酸酸辣辣夠晒醒胃。😚👍🏻比目魚刺身肉質細嫩潔白，味道鮮美， 非常好吃。 其他的刺身都很新鮮🤤， 另外欣賞鮮辣魚湯，鮮甜又香辣， 再加一個韓式拉麵， 非常完美。🥰韓兄弟燒烤是一間非常傳統又好味的韓式餐廳， 喜歡韓國菜的千祈唔好錯過。✌🏻

基本上係食過最好食嘅韓兆，好少嚟九龍呢邊所以行左九條街先搵到但係超級值得。佢每一樣嘢食都係超級地道嘅味道，而且個餐牌有好多普通韓兆舖頭搵唔到嘅，有去左韓國嘅感覺佢炸雞比起專門做炸雞嘅仲正。話說OpenRice要求寫夠200字先可以評分，所以我從來都唔寫食評，但係今次真係唔寫得叫咗海鮮豆腐辣湯，牛肉壽司，牛肋骨肉，五花肉，蒜蓉蜜糖炸雞。仲有間舖頭嘅裝修好有feel，員工係超級友善，提供我哋需要嘅所有嘢，燒盤都換左兩次

今日好想食韓國野，搵到這間好有韓國風的餐廳，聽聞是韓國人開，不過我又唔太肯定係未😅😅先點了熱熟的東西：🎈「泡菜湯」配上白飯，味道尚可，湯內有泡菜及幾粒豆腐🎈「芝士泡菜餅」芝士在泡菜餅上，但芝士唔夠味🎈「甜酸炸雞」外脆內暖，而且雞肉滑嫩🎈「韓式冷麵」由於上太多食物，未有趕得上，當食時已「章」住了，好彩提前已通知分辣上，最後我們自己加冰水及醬，再撈撈撈！食得再點了韓式燒肉：⭐️「牛肉眼扒」唔太厚但肉質相當唔錯👍🏻⭐️「牛肋骨肉」香濃調味料炸出來好野味，而且淋身👍🏻⭐️「豬軟骨」厚厚的爽脆👍🏻👍🏻👍🏻⭐️「生五花腩肉」 半肥瘦肉，包上生菜醬料，正備註：🩸點菜後好快上菜，建議食完再點🩸店內環境好有韓國時韓燒餐廳感

韓國兩兄弟打理的餐廳餐廳格局同韓國一模一樣•豬肉套餐 290HKD🥢五花腩, 梅頭, 特級豬頸肉最好食係厚切豬頸肉!!! 勁彈牙 超好食😋 有驚喜五花腩長度同燒烤網一樣長唔會太肥 肥瘦適中前菜可以refill但侍應比較忙可能會唔記得食物整體好食 食客大多數係韓國人 唔講以為自己去左旅行🧳

[🇭🇰香港- 紅磡].🔻"海鮮豆腐辣湯"個湯味道幾濃,個人覺得係暫時係香港食到最好嘅一間,豆腐滑,落足料,海鮮有蝦,蜆肉,仲有金菇,流心蛋,配飯一流;另外燒肉嘅質素都唔差喎,豬肉併盆有齊五花腩,豬頸肉同梅頭肉,最正係個厚切又彈牙嘅豬頸肉👍🏻.🔻🍽 韓兄弟燒烤📌 地址: 紅磡崇潔街27及63號地下.#tummysready #tummysreadytoeat #tummysreadyinhongkong #tummysreadyathunghom #tummysreadyforkorean #tummysreadyforbbq

約朋友食飯，因為朋友湊住小朋友，所以揀個近佢屋企又啱小朋友既地方食！我地7點到達，仲有好多檯，可以因為係星期一！店員安排左個角落頭俾我地坐一坐低就有6小碟任食！泡菜好啱我口味，唔會酸個薯仔又甜甜地！好味仲有個白蘿蔔片酸酸味味超正我地叫左個一半一半既炸雞！芝士味併蜜糖蒜蓉味，都幾好個旦同芝士粟米係任fill 小朋友好like, 我地fill 左3次肉類我地叫左一個豬肉套餐A 總共有3隻肉加埋400g, 一份豬皮，兩條牛肋骨肉，牛頸肉！個豬五花真係食韓必食！加蒜片一齊食！正牛肋骨腌得入味又唔會太硬！個牛頸肉燒完薄薄地，似食肥牛feel 而個豬皮燒時彈到阿媽都唔認得但食時煙煙韌韌！掂呀！must 食我地3大2小食到非常飽但成身都係燒肉味囉🤣🤣🤣

紅磡想找間韓國菜其實不容易，茶餐廳就好多，仲要韓國人打理的就再少d。來左崇潔街試下韓兄弟，前菜好好食，好想狂叫refill,但待應太忙都不好意思一直叫。叫左豬肉的套餐，份量都幾多。炸雞有好多味，簡左奶油同蜂蜜味，我就嫌佢係雞翼切開無咩肉同粉比較多，但味是不錯的。

驚見收銀機旁有隻可愛狗隻在休眼，像真度極高的招財狗呢，個肚仲識脹下縮、脹下縮下，似足正在呼吸，堅係可愛既。間中會在午市時段幫襯，真心對午飯時段特價餐提不起興趣，都有試過兩三次不同出品，質素味道都強差人意，都係放棄吧﹗見晚市餐牌顯示烤肉豬牛款色不是太多亦沒太花巧，基本韓烤。餐牌寫 10 人分限量供應？朋友估係 10 人份量，但售價只係 $88 蚊那有可能呢。攪盡腦汁，限量供應只賣 10 份麻？估死人咩。捍衞廣東話、捍衞繁體字，點解寫方便麵及米飯啊？大陸風格及語調，赤化香港非常不舒服。朋友仔問是否韓國是那樣稱呼呢？我從來未聽過。早飲早醉早訓覺，堅係早到六點半就開飯飲酒食晚飯。整晚只有幾檯食客幫襯，而且還有韓國少女、韓國少奶，連韓國阿豬媽都出動埋呢﹗似乎很受韓國民歡迎。侍應姐姐嬸嬸們都好熱情好健談，還耐心解釋前菜絕對不是任添任食架，都要視乎銷費多少。完全明白的，只係我一路以來的誤解啫。最具特色，別樹一格當然係韓式海鮮刺身﹗真係非常少機會食得到，當然係我目標啦。韓國 hite 生啤，清爽味道，酒味不苦不濃，淺嚐熱下身，邊飲邊吃最佳良伴﹗等中段先讓真露出場吧。魚板腍腍的少少甜搭少少咸，蘿蔔微弱的

新屋未正式入伙，仍在收拾中，所以繼續在家附近找吃。樓下的韓國餐廳都有好幾間，之前在晚市的時間看過餐牌，價錢貴得都沒意欲入去。今次就在午市時間去，並選擇了這間韓兄弟，可能是過了最繁忙的Lunch hour，餐廳都沒什麼人，很棒。點菜後就會有泡菜和芽菜為小菜，泡茶不算酸及辣，跟芽菜一樣都是偏淡的，雖然都沒有想是正宗或不正宗，但反正就算不上是好吃的泡菜…開始會有點懷疑主菜的質素。還有海帶湯，沒什麼期望，不過味道還可以。期後飲品都很快就來了，我點了米水，朋友點了桃汁。很有驚喜！Marvel crossover 這個米水品牌，所以有我喜歡的Iron Man 在罐上～米水細細罐的，很可愛。米水淡淡的，又帶點甜甜的，很不錯，底還有小小的粒粒米肉，加點咬口。朋友說桃汁也有點細桃肉呢。主菜來了！我點了砂鍋魷魚肉飯，賣上非常不錯！份量好似很多，還有隻荷包蛋呢！聽到裡面滋滋聲的，可見都有一定的熱度！很好！朋友點了砂鍋辣豬肉飯，也很足料及吸引。點精的荷包蛋，移開點點的紫菜碎，見蛋黃那麼生，拌飯一定會很好吃。蛋底下有很多的魷魚肉，天呀！真的是預計之外！聞上去也很棒。開始把所有材料撈勻，愈撈就愈覺得足料。蛋漿跟魷

最近搬左屋所以過左紅磡搵食，去左韓兄弟食lunch叫左個石頭鍋飯，揀左餐牌推介既辣豬肉飯，可惜一d 都唔辣，唔係因為我食得辣，係真係零個辣，不過豬肉幾好食既，可以再戰。仲有d 前菜有d 差，我最鐘意食既泡菜竟然唔辣又唔酸，接近冇味咁，好失望...呢個食物質素同價錢黎講，未必會再幫襯佢...🤦🏻‍♂️

之前見雜誌介紹而間韓國菜 所以今次同同事試試佢lunch set一去到就有韓國菜通常都會提供既前菜 有兩款。同茶水係自助既 要自己拎。午餐都算幾多選擇 有兩版我同兩個同事三個人就叫左三個餐3）豬肉飯+湯佢即整即上 重熱既 好好味，豬肉係五花腩 其實都有小小肥，不過唔太膩。有泡菜 同紫菜重有其他配料，辣辣地 幾好味，我比較鍾意食辣 所以要左韓式辣醬 加埋落去 甜甜辣辣同佢有飯焦幾正。但可能餐廳太忙 等到食完都唔記得比湯我地。22）冷麵份量都好多 但就比較辣，同佢d麵口感我麻麻 好硬 好難咬斷。味道都一般，如果想食 我就唔推薦啦聽聞而個炸雞餐係新出有4件炸雞 份量都ok ,炸得幾乾身幾脆。不過雞肉唔算多汁，還可以。同雞醬我覺得唔夠，食到一半就無曬。就甘炸雞配飯就有小小單調。

黎到紅磡就梗係搵一間連紅磡人都推介嘅韓國餐廳啦，今次就黎到韓兄弟👦🏻👦🏻呢間真係由2位真兄弟開嘅餐廳。餐廳佈置簡單、寬敞，好有韓國地道嘅感覺，而且餐廳仲不停播放住k-pop歌同MV ，好有韓國氣氛😂前菜有六款：醃蘿蔔、醃青瓜、韓式泡菜、大豆芽、薯仔、菜，款款都酸酸辣辣夠晒開胃，而且咬落新鮮爽甜。燉牛肋骨湯 + 米飯 ($88)湯底清香，牛肋骨燉到好腍，好有牛肉嘅香濃味，送飲一流👍🏻👍🏻👍🏻海鮮煎餅（$98）香脆可口，加埋獨特醬汁，食到停唔到口🤤醬油炸雞（$160）炸粉唔算好厚，雞肉多汁入味，去韓國餐廳係必點嘅食物！講到炸雞，當然唔少得酒啦！滿足嘅韓國之夜😌😌😌

崇潔街之中，韓兄弟係一向少去嘅餐廳，因為價錢頗貴，五十幾蚊食一個即食麵自問食唔起，唔係因為有美女請食飯埋單都唔會入去幫襯.再加上自己唔多識欣賞韓國菜同唔多食辣，望勻成個午餐餐牌都唔多啱心水，所以極極極少幫襯韓兄弟.入到去，四周環境比較暗，感覺上似酒吧卡啦ok多過似餐廳.點咗一個牛肉湯麵同凍湯蕎麥牛肉冷麵.我只係食咗個牛肉湯麵，湯底味唔似什麼特別淆制嘅湯底，似普通味精湯底多D，薄身牛肉份量偏少，慶幸味道唔錯，唔辣，偏甜，肉質唔乾身唔韌，攞返唔少分數.估計韓兄弟主打係晚飯韓燒，但價錢唔平走高檔路線，我哩D低等人都係放題韓燒任食任切啱我多D。

都唔知黎左幾多次 每次都好好招待 肉類好食 醬料足夠 我個人會叫佢比碟黑醋多蒜頭 配生菜包舊肉真係好食好夾唔會食膩 活章魚比目魚刺身新鮮好食 再配燒酒👍🏻👍🏻 以質素招待各方面 價錢個人覺得平過出面d 垃圾放題 值得推介 一家大細 男女老少 🥰🤗