韓半島 (已結業)

相約七、八年無見既朋友飯聚 應該都傾多過食近近地係厚福街食 唔洗等等好耐就有位 我地3個人 叫左3道菜 份量剛好呢個五花腩 咸咸的 配隔離果d綠色/黃色醬 好醒胃 唔會太膩 不錯👍🏻呢個牛柳粒 牛肉有炒炒un 但份量都算多 紫菜包飯 為全晚飯聚做個完滿總結 不但包肚 其中三卷係炸過 外脆內軟 點埋隔離白色的BB醬 好惹味

今日朋友相約尖沙咀試食呢間韓式餐廳，看網上留言不錯，於是黎試一試！室內舒適度及食物質素也可以，但牛扒遍熟較硬，兩人枱遍少，叫咗個火煱加牛扒其餘食物只可遲一些再order, 食物賣相也不錯，味道也可以海鮮火煱，湯底味道不錯總括可以一試

.今次帶大家去食韓國嘢，諗住韓國嘢唔會衰得去邊，所以求其搵一間門面唔錯嘅餐廳試吓。.入到去睇到份Menu，我覺得會唔會太過有創意呢。基本上Menu上面所有嘅餐名我都睇唔明，例如有「升上神仙臺」，「秋天佛國寺幢竿支柱」。真係想講一句 - 零分重作。果兩個我都有叫到，今次主要係想講後者。.其實嗰個秋天乜乜乜個簡介係泡菜炒飯和海鮮鍋。雖然賣相幾好，但啲蝦有少少梅嘅感覺，青口食落口有啲乾。海鮮未到去變壞但係一定唔算係新鮮。再講埋個炒飯，泡菜味唔突出，飯嘅口感又麻麻。整體來講其實好失望。

之前朋友推薦過話呢間餐廳幾好食，去開尖沙咀就黎試下。因為係平日，所以客人唔多，唔洗等就有位，上菜速度都好快！佢做緊啲優惠係消費滿500蚊就送一款野食。我地嗌左個手工紫菜包飯，海鮮泡菜炒飯，冷麵，蜜糖芝士薯餅批，牛排粒同卡邦尼年糕。其實我地得3個人，仲要係女仔，但都全部食哂，因為啲野食實在係真心高質！！每款都有驚喜，好好味！呢個薯餅不得了，芝士味濃郁，外脆，內煙煙un un，好特別，淋上蜜糖之後，甜甜地，味道更豐富。中間仲夾雜住啲薯仔絲。而外邊就十分脆口，好香芝士味。雖然有啲油，但真係好好味。呢個個汁酸酸甜甜好開胃，不過啲牛有少少un。份量都好多！如果唔怕濟，絕對推介俾你地，卡邦尼忌簾汁好香濃，年糕亦好煙un。好好食！！前面幾舊係炸過既紫菜包飯，好脆但一啲都唔油膩。正常款既紫菜包飯饀料好夠味，亦多，正！有三隻大蝦同青口，賣相滿分，炒飯唔乾，泡菜令佢有少少辣，好惹味，仲有啲五花腩係入面，份量多，正。呢個冷麵好有驚喜，個汁酸酸地，好清新開胃。麵質軟身得黎好煙un！100分！

原本和朋友相約到厚福街食拉麵，但候位人數太多，就到處看看。然後在大廈下，有位韓國叔叔操不流利的廣東話介紹餐單，我們就決定嘗嘗鮮了。甫出𨋢門，餐廳環境寬敞舒適，且服務周到。我們點了碟蕎麥花開時（薯仔絲餅），排骨火鍋，和一碟五花腩忌廉意粉。味道不賴！這次雖然沒有點甜品，但可以留待下次去試！讚！

一行3人 book左位下午1點黎食生日lunch，點知到達餐廳嘅時候只有一枱客人！變相我地好似包左場咁😆雖然餐廳有set meal，但由於我地有唔同野想試，所以最終order左5款食物+1個甜品。仙巖村的秋天 — 冷面加上開胃酸甜汁；非常開胃 👍🏼👍🏼👍🏼纜車中觀賞麗水市 — 帶子蟶子加上少量鮮果 ；幾好味蕎麥花開時 — 一條條嘅薯仔整成pizza大小，上面舖上芝士 ，另配蜜糖，脆、咸、香中帶甜；邪惡但好味😈陽光與搜勝臺竊竊私語 — 炆牛骨+菇+薯蓉；超焾嘅牛骨肉，菇亦烤到好香，薯蓉都好味；好好味嘅一道菜！極力推薦！👍🏼👍🏼👍🏼👍🏼👍🏼風選米飯的母親在哪裡？— 最令人想笑嘅一個菜名！其實是Nachos，加上牛肉碎及芝士，另配莎莎醬及泡菜；中規中矩，同一般Nachos差不多，無甚驚喜。最後係要黎慶祝生日嘅甜品—檸檬批但唔知點解會食到有雞味😂除左呢樣咁有特色而又唔係人人接受到嘅味道外，個檸檬sorbet 都幾refreshing總括而言，係一間唔錯嘅餐廳！下次要再試埋其他菜～

星期五晚約左朋友聚餐，無訂位之下周圍都full左，去厚福街搵食睇下有冇餐廳有位，我地想食西餐，最後喺H8 樓下比一個派傳單嘅男人向我地介紹呢間韓x西fushion菜，佢係韓國人，不過唔知係咪老闆呢！睇傳單覺得ok就上去試下餐牌選擇唔算多，可能朋友唔喜歡太濃味之下更會少了選擇我地都見到個牛好似好食就叫左，好似有3款，$198/$218/$268。我地叫左中價位 $218 賣相幾好，不過4個人食就少左d囉😂😂要求5成，感覺都係7成三重芝士薯餅配蜜糖 $108呢個薯餅好有驚喜好好食呀！好脆！韓式飯卷$88，好一般，份量極少韓式牛柳沙律$88，好普通泡菜海鮮鍋$168，呢個係食左之前4樣野覺得唔夠飽再追加的！份量都ok 海鮮意粉$128，同餐牌圖片賣相差好多，完全唔一樣😂不過呢個意粉都好味嘅，但又係份量極少，係BB仔份量😭😭😭😭埋單$9xx @4個人總括黎講性價比好低，每碟份量都極少，對於我黎講完全係感覺空虛味道還可以，係得薯餅有驚喜同埋無限時餐廳真係罕有！我地都傾到11點先走～希望可以保持到無限時啦！！

在H8有好多餐廳選擇，揀咗呢間，係因為見佢樓下有個韓國人好落力咁推薦，咁就上咗去。睇完個menu，啲名好得意，有好多想食，不過因為價錢所限，所以主菜只揀咗以下兩款：1、一起玩樂於農樂（人蔘雞湯）2、我們家鄉的環形天橋（薯仔煎餅）人蔘雞湯就好飲，不過份量唔多，雞肉亦唔係特別滑。而薯仔煎餅就勁油膩，好邪惡！！！（但都係味道OK）要俾劣評係個甜品，同埋個服務🤭不停想趕我們走咁，係咁走過黎問加唔加食物，原來係想我們快啲食完然後讓張枱俾一枱大客（10人），所以唔算太愉快。

有朋友之前推介呢間晚飯吾錯，今次想去試下佢嘅午餐，餐廳係位於巷仔大廈嘅樓上鋪，有少少難搵。呢個係午餐menu，得呢張menu同一張特色飲品嘅menu，午餐無小食果d，選擇少左d。我叫左雞肉石鍋伴飯同韓式芝麻醬冷麵，等左大概7分鐘就有野食啦，餐牌上並無詳細寫明呢個係套餐有d咩，我以為淨係得個飯同麵，上枱嘅時候見到有6個前菜同伴碟都幾驚喜。呢個係雞肉石鍋伴飯，配料同味道都同普通嘅石鍋飯無咩分別，不過出面d石鍋伴飯一撈就見到個底成層油，但呢個又吾會好油，扺讚雞肉分量好多，配料同飯嘅比例剛剛好，都算扺食。前菜同伴碟方面，有海帶湯、沙律、炸紫菜粉絲卷、餃子一隻、芽菜、生果。海帶湯飲得出有味精，但我想特別讚下個沙律，沙津係用左柚子醋做醬汁，酸酸甜甜，好清新，好開胃。另外的韓式芝麻醬冷麵，為左方便進食，員店會將d麵剪開一半。話就話係「芝麻醬」，但係我覺得佢都係用左柚子醋黎伴冷麵。Anyway，我覺得柚子醋配冷麵感覺好清新，第一次試柚子醋已經愛上，強烈建議大家試下呢個「柚子醋冷麵」！環境方面，座位夠闊落，午餐時段都唔算太多人，坐得幾舒服。但係！員工態度有待改善我啱啱入到餐廳，得三枱客，佢安排左我地坐二

與三五好友一同來到這韓式餐廳地方闊落，絕對係可以談天說地的好地方侍應生都是韓國人來的！望住餐牌，我們幾位已經對住別出心裁的菜名高談闊論團心線絃玩<游>戲，正字刑警又要發現到，係<遊戲>唔係<游戲>🙊 漢拏生態林下雪天，好重芝士味，份量啱啱好，我地五個人，一人少少，如果得兩個人食，就太多太膩。升上神仙臺，就係五花腩啦，佢係好食嘅但就無咩特別，其他地方都食到🤔達句伐的觀燈祝祭，原來達句伐燈會真係一個韓國傳統文化慶典，長知識！另外一提，依個餸係香蒜大蝦沙律。仙巖村的秋天，係由蕎麥麵配上芝麻醬的冷麵，好吃蕎麥花開時，係薯仔切絲煎餅加上蜂蜜製作而成，香脆可口，食完一口又一口，停不了der 身處於濟州世界貝殼博物館，則係韓式海鮮火鍋，辛口湯底叫滿一定金額 餐廳送的三文魚點解送嘅菜式都可以咁精美甜品拼盤一次過滿足哂所有嘅願望share最啱!!總括來說，每道菜都食出廚師的心思，很好的水平，而且價錢合宜，值得推薦一下

星期六晚和朋友到韓半島食飯，六時到達，還不多人，安排了角落的梳化位，所以我兩人都有梳化坐，都幾舒服。餐牌上每種食物的名字都很特別，感覺新穎。1. 海鮮薯仔煎餅: 其實是薯絲煎餅，餡料包括蝦，魷魚和青椒，比較乾身和薄，若混入薯蓉，會厚身啲，口感豐富啲和沒有那麼乾身。2. 特色雞肉卷: 以真空低溫烹調的煎雞肉卷配火腿和特製果醬，雞肉幾嫩，不過混入的芝士我卻不太喜歡，雞肉卷上面的果醬就幾開胃。3. 韓式煎牛扒: 我們點了七成熟，上枱的時候侍應告訴我們牛扒下的黑色板是熱的，我們當時正吃著海鮮薯仔煎餅，完成手上的1/6塊便隨即吃牛扒，一切開見到差不多全熟，牛扒亦比較"鞋"，有點失望。另外背景音樂比較大聲，傾偈都要講得大聲啲。

Booked table here and no need for a wait, haaa. But it's not easy to find this restaurant But luckily the food is nice here.Every dishes are named in some special phrase which describing the places, funny, though I didn't see it seriously, lol If just look at the name, can't think of what's it.Kimchi paella with Seafood in Koreanstyle is with some exotic feel, ha, the seafood is fine, the shrimp is quite big, but clams just so-so.My lover here is Pan-fried shredded Potato pancake with 3 kind of

又到 Lunch time，今日換換口味，去了韓半島食set lunch。話說，我本來想去米芝蓮推介的阿利水，但估不到阿利水已結業，反而韓半島仍然健在😁其實，這2間韓式料理我都有吃過，個人覺得阿利水好味些，但又貴些，會不會這就是結業原因？說回食物，今次點了-韓式炒辣豬肉+冰藍檸檬汽水。套餐包沙拉，小食3款，湯和水果。沙律菜爽脆，小食的芥菜幾啱食，另一款小食的餃子一般，第三款小食的腸仔紅椒雞髀菇就不錯吃。湯有點咸，主菜不辣，是一般的韓式料理的味道，不難吃但沒驚喜。在炎熱的天氣飲杯冰藍汽水就幾正，看着也透心涼。環境是舒適的，夠闊落，想舒服地坐下來休息，是個不錯的選擇。

和朋友一行三人第一次來這間韓菜小店，訂了位八點，但因為一直無人埋單（食完繼續坐唔願走），幾乎等了近一小時才入座。坐在電梯旁等又侷幸好三人傾傾講講時間也過得快。老闆也識做，因為等得太耐，送我們一人一杯飲品我們點了五款食物，食物名字很特別，上菜速度很快而且食物質素好高五款食物包括（特別名字忘記了）：1）著名豬腩肉-份量足，入味，軟硬適中唔肥膩2）芝士蜜糖煎餅-超級好食，芝士味香，餅脆，配蜜糖汁夾到不得了3）泡菜小丸子- 辣嘅菜式，但係味道好好，四條串燒好好味又特別4）紫菜卷-份量很足，外脆內軟。唔錯！5）特式芝麻醬蕎麥冷麵- 麵條煙韌，唔會太凍， 芝麻醬汁好好味除了訂位都要等外，餐廳環境，上菜速度，食物份量味道，服務全部都好好！ 仍是值得再來

間中去行遠D去"搵啖食",尖沙咀韓國街大部份既韓食店都差不多食過,今次有朋友話呢間由韓國人主埋既餐廳卻不是位於韓國街,一入去都係簡約裝修,一行八人入坐,即叫個Lunch set先,石煱飯較為新式,未係最傳統既風味,但對於返左半日工既人黎講,真係超豐富同飽,加埋前菜,確係到晚飯時間先會餓