韓味屋

營業中

休息中

今日去朋友屋企食飯，朋友話呢間好好食，所以特登叫外賣！其實價錢吾算太貴，同其他韓國餐廳價錢差吾多，不過冇諗過，韓味屋係超大份，一人定食完全食吾晒，我覺得可以2個人share 一個飯。韓式炒粉絲好食喎，好足料，又吾會太油，仲要係有火喉，又有蔬菜，例如紅羅白絲、木耳同生菜，不過牛肉就硬左小小！炸雞好大份喎！4個人都食吾晒！配埋韓式辣醬就好正！仲要吾算太多粉，不過可能因為外賣，所以有啲淋，我諗堂食會好食好多！不得不提係小菜，好食到爆，用嚟送飯都得呀！小菜製作認真，我最鐘意泡菜，小小辣，又爽脆，非常開胃！連呢個我吾鐘意食泡菜嘅人都食過吾停！其他小菜都好好食，我好欣賞呢間餐廳仲甘堅持，願意用心製作小菜！聽朋友講餐廳老闆仲要係韓國人，所以食物先甘地道

今日3人一同去食午餐，食物味道合理，份量大份，有韓式配菜任食，價錢唔算貴，55至70蚊一個lunch。食到最後，由於有一位友人食嘢都比較慢，我通常15分鐘左右會食完，佢用30分鐘左右。忽然，有個伯伯既職員，估計係老闆，行過黎，大大聲對住我地講，您地食完既，食唔晒同您地打包。之後我話我地未食完，佢就回應”但我見您已經停左口好耐。”我指住我朋友再解釋”但我朋友仲食緊”最後，嬲得濟，所以都走啦。如果受氣，我寧願食快餐店-.-

諗住同事介紹 就算食晏咁趕都坐叮叮去試 啲姐姐落單落一吓走一吓 問佢拎杯 明知見我地碗筷咩都無 都唔會一次過拎埋俾我地 要逐樣問 好啦 人多又迫都理解 冷氣又唔夠涼 食到一半出哂汗 都算 仲要飲熱紅棗水 真係多謝哂 臨走仲要俾個阿伯（唔知係咪老闆）無端端鬧我地霸住張枱咁耐都唔走 咩料呀？ 我地諗住飲多啖水就走 熱到咁我都唔想坐 俾佢咁一話 我以後都唔會黎 更加叫我啲朋友同事bad list佢 錯在 態度差 食物一般 碗筷唔乾淨一定要自己先洗一吓至好用

係北角返工，最喜歡食呢間韓國野。價錢合理，味道好，真係有韓國食既感覺。今日一行四人又來光顧。點完餐，侍應就拎咗湯同前菜比我地，係送既，個湯有少少辣辣地。前菜方面，最中意食個豆腐卜同泡菜，有少少辣又酸酸地，好開胃😋食哂之後仲有得再添加。到主菜啦，我地叫咗四樣野食。呢個海鮮辣豆腐湯係我最中意既，個湯底味道好好，少少辣又好野味，材料方面有幾隻蝦，蜆 ，魷魚，豆腐，雞蛋等等。蜆好新鮮，無沙。個湯㡳同海鮮辣豆腐湯差不多，牛肉同粉都好好味。同事叫咗呢個年糕水餃湯，一樣好足料。唔食辣就岩哂。不過食得有d趕，食完之後待應會比壓力食客，要快d交枱，唔坐得耐。

本人曾多次想光顧這小店但每次也是有八至十個人等候，直至最近開新分店在斜對面店鋪大了不少，雖然坐位狹窄仍乾淨企理，今晚終於試到。入座後，姐姐奉上一杯紅棗杞子茶及海帶胡椒湯，再上配菜，分別是泡菜，南瓜及醃菜，三款也好味。點了全州石煱拌飯，材料足味道好，熱騰騰，正。另外，招牌泡菜蒸餃子，饀料多及好味道，必再光顧，試試其他菜式。

環境：～座位與座位之間非常狹窄，手提袋及一切隨身品只能放在大腿上。行人路亦同樣狹小，繁忙時段侍應生送餐時要小心翼翼，眼見他們捧著石鍋湯送餐時，場面一步一驚心。～冷氣不足。服務：～午餐時段，全場滿座，侍應們都比較忙亂，沒有漏單已是萬幸。～等餐時間略長，等了大約15分鐘。食物：前菜3款：泡菜只有咸味、🆖醃蘿蔔酸酸甜甜又爽口、👍🏻菠菜味道及口感一般。🆗餐湯：海帶湯有強烈胡椒味，個人比較喜歡清淡的海帶湯。主菜：泡菜湯：內有年糕、豬肉、豆腐、泡菜、紅椒～豬肉太硬，湯底味道尚可。～白飯飯粒有軟有硬有生有熟，是我最討厭的，所以大大的扣分。後記：餐廳免費提供熱茶，帶有陣陣菊花香，味道清甜，但由於冷氣不足，沒辦法多喝兩口。😥😥😥

同同事到鰂魚涌工作,選了這家韓味屋，這兒的裝橫很簡單，但跟韓國的小菜館很相似，用的餐具都好韓式。第一次試食，想不到吃午餐也有小吃附送。不但有泡菜/菠菜(?)/芽菜，而且有甜薯仔及南瓜，仲附送一碗海帶湯。最令我意想不到的是，他們的餸菜滿滿的一碟，牛肉也很大塊，非常值得一讚!味道還不賴。唯一美中不足的是，對胃口很好的女士及男士來說，他們的飯很少很少…如果他們可以無料添飯就好了~我們下次應該都會再光顧。

誤打誤撞行到黎韓味屋, 有驚喜!! 坐低後嬸嬸會遞上紫菜湯, 好味啊~ 然後就問想要咩前菜, 勁多款選擇, 而我就揀選左 #泡菜 #青瓜生菜 & #薯仔!#青瓜生菜 估唔到咁好味! 係食唔停口, 爽脆&調味又好, 所以Encore都係青瓜生菜~跟住我點既熱辣辣午餐就到啦 - 海鮮滑豆腐辣湯 (HK$68)湯底好好味呀, 令我覺得好似去左韓國一樣, 超懷念韓國口味! 海鮮都係蜆 蝦 魷魚等等, 而我最欣賞係隻蛋, 可以夾得到蛋黃成碗飯食晒!原來一條街有兩間韓味屋, 中午食飯呢間無位行去對面都易搵位d!

尼間韓味屋見佢開左間分店，應該係多人食先開吧，所以不防去試下去到見門口個牌掛住休息，以為無開，正想去另一分店時又見有人出來，原來個牌反轉左😐之後同朋友問問個櫃位，咁岩有兩個位就入左去坐。店內中午一點多黃金食飯時間好多人，滿晒座，連另一邊分店都有人排緊隊，真心好旺場。原本諗住開開心心同友人試新野，點知個店員態度十分惡劣，影響晒我食飯既心情。首先來到放左餐牌一陣就趕住叫我地落單，但我地未食過所以仲睇緊，店員已經吾耐煩走開左，之後問佢野傾兩句就走開，落單無十秒野都未問佢就行開左隔離位有湯但我地無，之後我叫另一位店員先斟番湯俾我地之後佢既lunchset餐牌明明寫住餐跟三個配菜，問一問果個職員又無禮貌話幾多個人都係跟三款配菜而不是每人三款但我地見到隔離位都吾係得一碟🙄🙄仲見到隔離可添配菜所以再叫職員加原來真係加得🙄🙄配菜店員等你落左單之後就隨機揀三款上菜，之後原來可以叫佢指定揀你想要既配菜。之後我叫店員另加既3款，所以試左6款。配菜來說比較愛吃薯仔同辣蘿蔔絲，其他一般般。落單叫左個《泡菜什錦拌麵》$63午餐來講算吾平，無包飲品，不過店內有自家紅棗水可以添加。而我滿心期待既午餐等左半個鐘都未上，

之前已經寫過一篇關於韓味屋的食評，上次的經驗是美滿的，得知店主喺附近再開多一間分店，於是過嚟再試多次睇下水準是否仍然咁好。新店的位置就在老店的斜對面，絕對唔會搵唔到，地方大很多。店內仲擺放了一個車仔檔，裏面盛載着好多前菜之前已經講過這裏的前菜是好好味的。今次就仲開心，因為可以去車仔檔揀自己中意既前菜，仲可以refill 一次最喜愛嘅係芽菜，蒜香菠菜和黑豆。好食到停唔到口野食方面我哋叫咗人蔘雞湯和牛肉炒粉絲。人蔘雞湯人蔘雞湯用熱鍋裝起，跟一碗白飯。雞湯香濃，感受到淡淡人蔘味，而且又不算太油膩，不過雞肉我就覺得實咗少少！牛肉炒粉絲牛肉炒粉絲就唔講得笑，分量大，如果是女孩子兩個都未必食得晒。粉絲炒得好香，條條分明，醬汁濃厚地包住每一條粉絲。這一碟炒粉絲對我們來說可以係香港的韓國餐廳中最好味的今晚食完仍然覺得水準依然，下次我哋一定要叫多幾個人一齊食，咁就可以再次試多次招牌菜例如南瓜炆牛肋條，石頭鍋飯等。

今日dinner揀左韓國野食 細細間似係家庭式經營 成日見有人係門口等位 前陣子擴充左多一間分店係隔離街 我地今次食既就係新店 一坐低就一人一杯紅棗杞子茶 一人一碗海帶湯 胡椒味好香 但少少似味精湯感覺 然後仲有前菜 如果唔食得辣可以同店員講 佢地會揀d唔辣既前菜比你 個人認為前菜個薯仔幾好食 甜甜地咁 哈哈 覺得前菜好食既話仲可以外賣買番屋企食架叫左個南瓜炆牛肋骨同海鮮炒粉絲 個牛肋骨好香！佢會跟埋白飯 個份量都幾多 牛肋骨煮到好林好入味 連羅白都好好食 因為味道夠又唔會起沙 好味道🤤🤤🤤送飯一流！反而個海鮮炒粉絲份量就無咁多 不過粉絲入口都Q彈同埋海鮮用料都算多 整體都幾好雖然餐廳座位較迫 但勝在價錢相宜 食物質素都唔錯 唔怪得之經常排晒長龍！希望水準同服務可以一路維持 咁先可以長做長有😌