韓家韓國料理 (已結業)

喺觀塘區lunch時間真係好難搵食，上到嚟見到等兩張枱，一於試吓先。我叫左滑蛋燒三層肉，先黎三小碟食住等，味道正常，份量多d更好。滑蛋炒得好香滑，如果無咁全熟，有d蛋漿撈飯重正，三層肉唔錯，但肥肉較多，油脂香口。而飯底撈左甜豉油汁，食下食下就成個飯食晒啦！

今次係小弟第二次寫食評，首先恭喜此店有幸成為我筆下食評既食店。此評論冇粗口，感覺用粗口都喺度讚緊佢先講重點字眼：我黎食90分鐘放題唔係等足90分鐘等食炸雞負分態度洗錢買氣受精華：我畀咗咁好耐性等你出野（等足差唔多成粒鐘），你就當我透明當我白痴仔咁。好有禮貌微笑住咁講一講話會唔會睇漏咗我張單，佢哋就話炸雞要炸好耐。。。（隔離枱仲遲過我哋點菜但係黎齊曬啲餸，當然包括炸雞）。。。之後又一分鐘都唔使就一次過呢三份炸雞（18件）。又話要炸好耐，咁我之前等緊啲咩。有心玩嘢。。。嗰個人送炸雞上嚟，態度極差，塊面黑曬，好似話你要食就食飽佢，食死你咁我本人實話實說，今日係2019年12月2號。之後有變好定係變壞都與我無關。正文開始：小弟係blog post果D地方見到人有推介就黎食下，依家食完感覺係。。洗錢買難受，價錢我一D唔介意，但佢哋嘅服務質素，上菜安排真係好唔掂。唔好以為黃店就會比多D耐性去等你既菜。（我都係因為黃店先去試下）此店任食係等食，係度我十分over100%強調，係等食。小弟入咗嚟就立即點菜點咗（3炸雞2沙律2杯嘢飲1年糕）。嘢飲五分鐘就嚟,沙律等15分鐘之後再一份年糕。再等20分鐘先至

今次係第二次幫襯啦一個月內～整體黎講係好食 價格合宜 三個人食好過兩個 因為唔洗搭台🤣 所以都坐得舒服二人餐好食牛油果沙律 麻醬豆腐沙律 推介！牛助湯好味道 唔食辣都食得但嫩豆腐湯就相對較辣 唔食得辣既就麻麻喇今次另外order左無骨炸雞 牛油蜜糖汁炸得好好 皮脆 夠熱 肉同皮分明 肉好嫩 唔硬唔乾 食落口層次分明 超級recommend!蛋餅就炒得好嫩 醬汁好夠 混埋韓式粉絲都好滿足呀！不過注意呀～如果星期六晚食 真係等得較耐平日晚上上菜速度都ok預留多少少時間呀如果大家想試試

攞位唔俾飛，淨係叫你出面等，有位又唔叫人入 。個樣唔憂做咁，排隊嗰陣前面後面都嫌安排差。諗住幫襯黃店，但最後因為等得太耐所以走咗。見人話幾好食諗住試下，真係十分失望

上次試左一次任食炸雞之後就無來過喇今日lunch來到，勁多人，我諗等左有15分鐘以上先有位。但最騎呢的係，佢有4人位，但唔俾我呢個排先的3個人入，而係都要問有無4人同兩個2人好喇，終於坐低左。落完order,好快上前菜。前菜有芽菜仔，薯仔同泡菜。最鍾意食佢的薯仔，但可惜無得refill我的伴飯第一個來，啲飯唔熱的，有啲硬我前菜的泡菜都係呢度入面落曬啲甜辣醬入去攪拌均勻，都幾好食的。我地仲追加左柚子蜜味炸雞(+18),差唔多食完先來。應該係要等多啲order，一次過整。好脆好嫩，啖啖肉最驚人的係杯餐飲，紅醋。其實唔係個醋有問題，應該係隻杯。勁大陣碗布味我諗間野要改善下啲衛生。

支持良心餐廳韓家八色伴飯 （配牛肉）$60伴飯可以配牛肉或者雜菜食素嘅朋友都可以揀👍🏻自己好中意咁多顏色嘅野食同埋佢嘅配菜味道都比較清淡 冇太多醃過唯獨係牛肉會味道濃少少 但都唔會太咸 味道適中 牛肉肥瘦適中 不過偏韌少少之後個飯應該就係溝左少少麻油 但唔多嘅重點係飯量超多🤩🤩 保守估計大概係2-3碗白飯 食哂真係好夠飽🤰🏻🤰🏻🤰🏻仲有跟餐叫咗杯紅醋飲 幾正幾好開胃😂唯一無咁好係因為員工有限所以要等比較耐所以去食要預多啲時間仲有附上埋店入面連儂牆～

好少去到餐廳，見到全部店員都係後生仔，但佢哋態度都幾好，而且呢度嘅食物都唔錯喎。試咗韓式炸雞、石頭鍋飯。前者失色少少，唔係好夠味。但石頭鍋飯味道好正宗，令人一口接一口。最緊要係價錢合理，尤其係用咗半價優惠，抵到唔信。

本人訂座時間7:30， 6:30早到，店員安排坐位，當時只有兩三台客，我們被安排最暗角靠牆非通風位置（餐廳佈置為黑色，暗角牆位較窄及黑），由於當時餐廳內多於2/3位置都是空置的，故要求店員更換外面坐位，而且員靠一邊坐兩人位，會盡快用餐，但店員拒絕，故沒有用餐 最終我們到了同一街道的韓國餐廳，有不錯的用餐體驗。 服務質素絕對跟食品質素睇齊，服務態度不好，好難選擇於該處用餐。

一向都知觀塘好多工廈都會發現好嘢食🤤 但估唔到今次呢間係中海日升中心入面😂 更估唔到係佢會開埋星期六日（因為係呢個位，多數都係平日lunch先會多人🤣）既然用app 訂位有discount 就試吓佢喇🤪 星期日晚飯時間有幾枱客，唔full，不過上菜速度竟然都係要等好耐 有點失望呢🥺——————————————————🥑🥗韓式牛油果沙律 $68呢個前菜係食到最後先來😅 好大兜！但菜種類唔多，都係普通嗰啲雜沙律菜🤨 特別想講吓 係兜嘢上面有勁多紫菜碎，但下面就有沙律醬，又咸又甜咁勁奇怪囉😥 真心唔推介大家叫😂-🔥🐤炸雞 跟沙律加$20覺得好hea的炸雞😂 我諗醬料都係現成買返來🧐 雖然都幾大舊，不過唔值得加錢食🤣-🥘🐷嫩豆腐湯配豬肉 $68應該係最正常嗰道餸😌 一來已經見到層辣油係面，唔係好食得辣嘅我即刻撇咗去😂 個湯明顯飲到有紅蘿蔔味❤ 豆腐都索哂湯味，豬肉份量都ok 兩個人都分別食到3-4塊🤣 辣辣地 幾開胃，仲有隻溫泉蛋送飯，一流🥰-🥢🍜水冷麵 $72呢個都係唔建議大家試😂 佢有白醋同芥辣俾你撈麵，但啲麵一pat pat，texture勁差😰 食落去都要花啲時間先咬得開🙄 不過就好大

係觀塘區好少發現韓式餐廳今次偶遇呢間小店價錢相當吸引 就試咗炸雞配韓式烤牛肉飯40蚊 一個外賣 自取餐 連 飲品份量好似好少 尤其係飯嘅比例但 當我一路食嘅時候 再配合 3件 炸雞又覺得 好充足 夠胞肚 炸雞幾好味 皮脆 肉嫩 夠 juicy配上柚子汁更令人開胃可惜 牛肉 overcook 到有d "鞋"嘥左 呢個價錢呢講 食物嘅質素唔差算是物超所值值得繼續支持

熱辣辣諗住求其搵間嘢買外賣翻屋企食經過中海日升有人派傳單見到韓菜誤打誤撞就幫襯咗呢間嘢～叫咗3飯1湯1小食～～～～～～～～～～～～～～～！～～～～～～～～～～～湊字數～另外一個飯係韓式烤豬飯～ 幾惹味

Lunch Time晏咗出嚟, 見呢間餐廳仲有位就入咗去。餐廳座位有啲迫, 而且有啲油煙味, first impression麻麻哋。Lunch set選擇大約8款, 每個set跟前菜飲品。同事見menu上有個叫韓家八色伴飯, 問侍應係咩配料, 個侍應答: 咪八隻色! 態度麻麻, 服務有待改善前菜係生菜絲、青瓜絲同薯蓉，飯前有少少菜食感覺唔錯。主食叫咗個韓式烤雞肉飯。份量方面肉都幾多, 但飯嘅size未必夠男食客。味道唔錯，配好多洋蔥。美中不足係伴碟嘅生菜絲可以再多啲。同事叫嘅泡菜豬肉飯都幾入味, 豬肉方面用豬腩肉, 有口感

係app 見到呢間餐廳6點半有半價就一於黎試下。點了3 樣野食.鐵板泡菜芝士炒飯 - 🤔 隻蛋外圍爛左，真係圖片只供參考...... 芝士份量都比較少， 泡菜飯味道ok有泡菜味的。（另外一提與食物無關，出菜見到比較大粒的職員拎住個飯傾左成分鐘計先拎過黎， 此方面可以改善下） 雞蛋芝士卷 - 雞蛋入面半熟，整得都ok, 但係食落唔覺有芝士。海鮮煎餅- 呢個比較失望， 見到個樣同平時唔一樣，份量比較少，但都要$7x ，而且海鮮唔多，主要係菜，食落都幾粉下，同飲菜薄餐差不多。總括黎講， 食物ok la, 但係呢個份量黎講就偏貴，如果無折大概3百幾蚊🤔唔太抵食。

聽講伏但食落唔伏既韓家，炸雞唔算嫩但都唔鞋，不過不失，生菜幾新鮮，難得銀包淨低$40都埋到單。下午茶去食真係好平，平午餐2,30蚊，又少人，waiter 淨係 serve 一兩枱，建議可以遲 lunch 既打工仔去食。#test_kwuntong______________________________🏠 韓家韓國料理📍觀塘駿業街56號中海日升中心1樓G號舖💸 32‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

我地成檯嘢食平均等半個鐘，有同事叫左冷麵，先落錯單，之後就是無盡等待，終於一個鐘後仲未等到冷麵的同事心灰意冷，憤怒離席，以後都唔會再黎，請有意黎嘅朋友千祈考慮清楚！特別仲要想食放題嘅朋友等到咁一定蝕到血本無歸侍應服務態度極差，激走自己d客仲藉口多多，講多兩句仲想嘈起上黎，你唔想開舖就快到返屋企喇！黎食餐飯仲要忍你黑面石頭鍋飯完全唔熱，醬汁係超市買，味道普通，我自己喺屋企都可以整到啦，可以係熱辣辣添，駛乜成舊水黎你呢度食！以後都唔會再黎！