韓家韓國料理 (已結業)

做嘢工作壓力大，放工走去跑步。跑步是好想放棄，唯有一路跑一路諗跑完食乜好。炸雞呀炸雞呀🍗跑完有得食。之前去過呢間觀塘嘅韓式炸雞餐廳。食任食炸雞套餐，炸雞都juicy. 所以今次再嚟。由於都差唔多10點鐘，所以冇叫任食套餐。叫咗散嗌，分別叫咗1）醬油香蒜炸雞半份（有六件）2）牛肋骨湯1）醬油香蒜炸雞半份今次食，覺得冇上次咁好食，炸得唔夠脆比較濕身。唔知係唔係因為廚房趕住收工。都明白既，返左成日工都想早啲收工。但上次食真係好味嘅。2）牛肋骨湯佢唔係原條牛肋骨上而係牛肉粒上，味道都夠濃味但係唔夠淋，同expectation 有啲距離.因為本身我以為係會有原條牛肋骨。再加湯上配菜蘿蔔唔夠淋比較硬。（可能真係廚房剛收工）🤪🤪🤪 食完老闆走來問我地覺得個牛肋骨湯點樣， 夠唔夠味？我話比夠硬，都夠味。 老闆話佢今日賣咗好多會牛助骨湯，所以呢一水可能炆唔切。整體今次食覺得麻麻。可能真係太夜去食。不過我都會再嚟食，但就會簡任食嘅炸雞套餐$138😋

經過某app訂枱 星期三半價(不包套餐 飲品 甜品)約左7點半 7點20分到 等左陣就入到去7點半點完菜 等到8點先比碟前菜 8點半先上第1碟主菜 足足等左1個鐘先食到野 餓到傻☠☠講返野食 我地叫左個泡菜煎餅同鐵板炒辣雞泡菜煎餅味道ok 可以接受而個鐵板炒辣雞 我自己加左年糕同芝士上枱嗰下唔熱 個芝士已經凍左一舊野個汁好稀 好似水咁 個味唔辣偏甜食食下 發覺有d大舊既雞入面重要係唔熟 💀💀食左少少就冇再食 淨係食埋d年糕就算之後就算有半價 都唔會再黎食

喺一個風和日麗嘅中午，成班同事行行下，就行到嚟呢個商埸，然後有意無意咁，就入咗呢間韓食餐廳。見到個餐牌(應該係點餐紙先啱)上面D食物名稱，都真係幾韓國feel。全部都係韓式乜乜，或者泡菜乜乜咁。本來想食"炒辣雞配年糕"，但又怕會太辣，所以問店員可否少辣，但店員話無得揀，所以無叫到，心諗唔通並非即叫即煮，而係預先煮定曬，所以無得調整辣度？不過唔緊要，"韓式烤牛肉炒粉絲"都係我嘅至愛之一，一於揀牛肉炒粉絲啦。雖然我地一行6人，但全都選擇炒粉絲或"韓式烤牛肉飯"，再加一個"泡菜煎餅"試下。三樣食物嘅調味都中規中矩，無特別特出之處，當中嘅牛肉都全比較硬身，要用多少少牙力。三樣食物之中，牛肉炒粉絲質數係最差。除咗牛肉硬之外，粉絲嘅浸泡時間亦明顯唔夠。直程係半生熟，硬倔倔一餅，分都分唔開。真係想向店家反映，叫佢地再換過，無耐碟粉絲已經等咗廿幾卅分鐘先上倒枱，已經要食得好趕。試問一個打工仔嘅lunch time，又點可以容許再等多廿幾卅分鐘俾佢慢慢玩呢?所以就冒住食完會胃痛嘅危險，食咗小半碟就埋單走人。另外想建議一下，個炒粉絲嘅調味可以再濃多D。

是這樣的，在openrice上面搜索coupon，結果看到這家雞翅放題，號稱88任吃，我提前買了coupon，三人行，另一個人點了韓式火鍋，來到現場，店面不大，給店家展示了Qr code 。雞翅有很多種口味可以選擇，我點了傳統甜辣味，香濃芝士味以及醬油香蒜汁，店家號稱現炸，應該是真的，等了25分鐘才來，味道馬馬虎虎吧，畢竟我是貪便宜選的，還有類似披薩餅的韓國泡菜餅，味道我不喜歡，還有炒年糕，沙律，簡單來說88塊還是挺不錯的，喜歡吃雞的小夥伴可以來吃。另一位點了韓國火鍋表示味道還不錯，我沒試就不評價了

有日心思思想食炸雞，咁我就搵下有咩地方有炸雞放題可以試下喇，一搵就搵到呢間韓家韓國料理。禁入openrice就見到佢地88蚊任食放題，咁我禁係即刻落訂第二日去試下。地鐵站去既地理位置比較偏但都算近地鐵，5分鐘路程左右。入到去同佢地講訂左openrice既炸雞放題佢就叫我坐底同幫我scan qr code再俾張紙我點餐。兩個人叫左三碟炸雞同一個泡菜煎餅，再拎埋openrice訂餐送既兩罐可樂。知道佢地賣得平都無預想幾好味，但第一碟既泡菜煎餅煎得唔錯，起碼唔會好水，有少少脆邊。之後黎左醬油味、辣味味同芝士辣味嘅炸雞，全部都係即叫即炸，醬油味同辣味都唔錯但芝士味就真係唔建議叫，同埋期待食到雞翼同雞腿嘅你可能要失望，畢竟價格比較平唔會有。服務正常，價格非常親民，食物水準正常偏上，但唯一唔滿意係服務費唔可以俾卡同八達通，只接受現金。

今日來到觀塘熟食市場附近的中海日升中心吃午餐🥣本來想吃譚仔，但是有很多人在等位，於是就走到商場的內部看看有什麼餐廳。在中海日升中心上電梯轉左，走到最入的時候看到一家韓國料理餐廳。由於等候人數不是太多，於是便和同事試試，等了15分鐘便有位。入座後店員便拿上三款前菜。一邊吃前菜一邊點午餐，我點了韓式烤雞肉飯及追加了甜辣炸雞及炸紫菜粉絲卷甜辣炸雞味道不錯，但炸紫菜粉絲卷有點炸過火，很硬。主菜等候時間較長，煮法及味道比較像家庭式炒雞，普普通通，正常的餐廳。

之前係openrice 見有間叫韓家嘅炸雞放題，$88任食90分鐘，超級抵，所以都忍唔住買左 中。因為佢coupon 上有寫住預早一日訂位，所以我都如常咁打去訂位，🙄但服務超差囉，打左三次比人cut足三次綫，仲要係下午4-5點時間打🤷🏻‍♀️咁唔理啦，照walk-in 睇下有冇位，企左係門口15分鐘都冇人理，叫極人都冇人望理講返食物，可能因為即炸，所以炸雞等候時間都好耐，我試左4隻味，最好味係醬油味其次柚子⋯其他都十分一般，如果雞塊本身有醃過會好好多，雞塊因質偏鞋，反而芝麻沙律都幾新鮮🥗

韓國炸雞熱潮未退打算再試不同店，選了觀塘區近地鐵站的小店，內里裝潢簡潔食物價錢便宜，還有單點及炸雞放題選擇。韓式雞蛋卷以多層雞蛋疊製，蛋卷八九成熟，入口柔順鬆軟，咬下層次分明具多重口感。嫩豆腐湯（牛）白滑柔軟的豆腐，入口豆香濃郁而無渣，味道帶泡菜的韓式微辣，加上生雞蛋拌入湯內，增加了蛋香及湯的滑度。鐵板春川雞加芝士加麵芝士濃厚黏在麵及雞上，麵較軟熟配上麻辣醬及芝士混吃。點菜時可選擇加芝士、麵或年糕，不同組合適合不同的人。炸雞（半份）醬油香蒜店家以特制炸粉包裹雞塊，炸起熱騰騰上桌。炸雞咬下炸粉與雞塊連成一體，雞塊嫩身，醬油香蒜味香濃，食慾大增。炸雞（半份）牛油蜜糖半份份量超多，牛油蜜糖口味會較香口，油脂香濃，雞肉香滑。

放工夜左，去中海昇中心睇睇有咩食，見到有間野叫韓家，一於去試吓先，環境吾太嘈播放著韓國至HIT 歌，座位都闊落，見到餐牌有好多選擇，仲有炸雞放題都幾抵，我地叫左個4人餐，可以食到好多不同野食，座底左服務員送來餐前小食有我喜愛芽菜、泡菜及薯仔。凱撒沙律生菜爽脆，有好多脆肉，芝士粉覆蓋著生菜仲有雞蛋好味，韓式飯卷必食，仲有韓式飯團波波幾好玩，泡菜煎餅質地少少脆,,味道酸酸少少辣辣點埋個甜豉油好味，別有一番風。韓式牛肋骨湯, 肉味唔算濃，有牛骨的香味完全滲透入個湯度，牛肋骨完全唔韌，飲完呢個湯好幸福有家嘅感覺，呢個湯堅要推介比大家。仲叫左個柚子蜜糖味炸雞，吾大舊一口咬落去外面脆脆，咬到雞肉有好多肉汁流出，柚子蜜糖引死人急不及待要消滅佢，想試其他口味，但已經飽飽，炸雞、牛肋骨湯我會再黎。

假期要返工，搵間特別餐廳食好嘢、對自己好啲喺觀塘$32下午茶包嘢飲韓國炸雞，相信都幾難搵到..分量唔算多但係超好食..熱騰騰的炸雞，愛吃辣的人可別錯過。配菜仲有年糕，沙律飲品份量少，一般般冇乜特別試埋佢個韓國八寶拌飯擺得幾靚，不過啲飯好凍..個人較為喜歡熱少少食韓國拌飯一定要記得韓式辣醬.講真句呢個價錢，唔可以挑剔..算有水準如果你自認是大胃王，可以選擇佢哋自助餐午餐任食炸雞，食到你死仲有其他配菜

放工約左朋友食飯朋友介紹食呢間韓家試下啦，韓式烤豬肉配生菜， 豬肉炒得好好味，連埋洋蔥配合埋生菜好新鮮包住食，所有油膩嘅感覺都冇晒，好細心生菜剪開一半比個LIKE 你。韓式雞蛋卷 ，雞蛋夠厚身，夠大份，好有蛋味，中間夾有紅蘿蔔粒及菜，蛋唔會太老，食落有種好軟綿綿的感覺，食完好幸福晒。另有炒粉絲雞蛋卷選擇，不過怕飽無揀到。仲叫左人參雞鍋，個湯好香雞肉好滑有年糕, 年糕入面有芝士好特別好味，有加埋個烏冬，烏冬幼身好軟糯。泡菜煎餅質地軟少少辣，要點甜豉油一齊食幾好味。韓式牛肋骨湯，個湯好香甜甜地湯頭唔算太濃有牛骨的香味，牛肋骨好易咬，超正！ 無骨韓式炸雞我地叫左半份牛油蜜糖味同半份醬油香蒜味，份量都好夠食，牛油蜜糖味好香外皮酥脆感，口感層次豐富輕輕嚼一口肉汁飛濺出來，而醬油香蒜味，好香香蒜味好野味，令炸雞更好味喔，炸雞做得好出色。

前排去咗觀塘呢間食店試炸雞，真係好失望😕全部餸都唔夠熱🤷🏻‍♂️韓式無骨半份炸雞啲炸雞外皮脆但係有啲硬，不過都算抵食夾大件，但叫咗兩種味嘅炸雞-牛油蜜糖同醬油香蒜，啲味都好似一樣味道咁🤦🏻‍♂️辣炒魷魚冇乜特別，熱的話應該會好食 d嘅～鹽燒三層肉配生菜嘅肉又乾又韌，又唔夠味，勁後悔點咗呢個餸。牛勒骨湯配白飯，牛仔骨夠嫩，但成個湯都好清淡，配白飯略嫌唔夠味。唯一覺得驚喜嘅居然係作為配菜嘅薯仔同泡菜都好好味～

沉晚去觀塘行街女朋友話想食韓國野我諗諗下就話不如去呢間韓家試下因為啱啱先收完佢張傳單黎好似幾抵食咁入到去間餐廳唔算大座位都唔多但都尚算寬敞舒服望一望個menu比我地見到個勁筍放題「韓家炸雞任食」138包一杯野飲包沙律仲要有成六款口味真係想起都興奮因為我同女友都唔食得辣所以就叫左四款口味唔辣既炸雞另外再叫多個水冷麵四款口味入面我同女友都比較喜歡柚子蜜糖汁甜得黎同炸雞又好夾順帶一提佢個炸雞質素唔錯外脆內嫩滿滿肉汁野飲方面我叫左個紅棗蜜梳打好香同埋入面真係有好多紅棗肉而我女友就叫左個熱清淨園紅醋酸酸甜甜都幾開胃另外佢個水冷麵都幾高水準碗麵夠味夠凍夠爽連埋爽脆青瓜絲同水梨絲一齊食簡直一流

1) 豬肉豆腐鍋肉份量很少 而且偏肥 不好吃豆腐和湯也普普通通2) 紅棗蜜飲品反而不錯3) 伴碟賣相不討好味道也普通.還是要到韓國才找到好吃的韓式食物😂.另外 侍應的態度和技巧也有待改善上菜時拿著食物 大聲問 “邊個係豬? 邊個係牛?”聽起來讓人有點不舒服

最近經常都要去觀塘做嘢，夜晚都唔知食咩好，突然諗返起之前食過一間韓式餐廳，突然好想返尋味，放工之後就同佢朋友去咗食。雜菜炒粉絲我一向都好鍾意食炒粉絲，可以選擇唔同配料用嚟炒，例如牛肉、或者雜菜等。由於我哋今日想食多啲菜，所以叫咗雜菜炒粉絲，估唔到都相當有驚喜，雖然冇用入手，仍然相當夠鑊氣，我同女朋友三扒兩撥就已經食晒啦～韓式牛肋骨湯配白飯雖然之前都食過，女朋友話想回味一下，估唔到質素仍然保持得幾好，湯底好有牛味，牛肋骨好易分離，易咬開，我哋最鍾意就係將白飯全部到晒落放到，變成方塊飲食，正！韓式炸醬麵我鍾意呢隻炸醬，比較結身，但食落甜甜地，仲有配埋太陽蛋，令到我覺得幾新奇。