韓日屋燒烤放題 (已結業)

今日同阿妹兩個人行旺角,阿妹想去兆萬食。其實我又想食日本野。佢又想食韓國野。故此入左呢間叫韓日屋餐廳進食啦。入到餐廳，侍應就俾左兩個前菜：一份芽菜，一份泡菜。本人唔好泡菜，就只只係食左芽菜。芽菜有少少麻油香。另外佢俾三款醬汁過我,分別係豆瓣醬、牛肉汁同燒汁。只係本人覺得點豆瓣醬有點怪。故此,無點過。點菜紙有9張；有壽司、炸物、燒肉同剌身，甜品同野飲就自己出去拎。炸物就叫左雞軟骨、軟殼蟹、炸蝦。雞軟骨就一碟上，份量唔算少但不太多。食落去唔太油。外面落左少少七味粉，變到雞軟骨更香。雞軟骨好爽口。炸蝦就炸粉好香脆,由於佢唔沾左太多炸粉，所以唔太漿住個口。燒肉方面：我叫左牛柳粒、帶子、菠蘿、雞串、蝦：個爐同出面有D分別，佢布張紙放落個爐度。一來方面佢清潔二來我地燒野唔會癡鑊，簡直win win雙羸。牛柳粒好淋而且好滑;本人燒帶子覺得落少少鹽,驟眼睇個帶子係咩都無落。如果咩都唔落，個帶子唔出鮮味。我就令到佢唔會太乾身同帶出個鮮味。刺身方面，我叫左好多三文魚。啲三文魚脂肪比例均勻。食落去無雪水，而且都好滑。師傅切三文魚塊都份列幾厚身。令到三文魚有啲口感。

我們一行六人去吃晚餐放題。服務員一開始說要等15-30分鐘才有位，問她可否快一點，她立即帶我們到最近出口的檯。雖然比較想坐裡面，但還是很滿意不用等。我們日式和韓式都選了，計加一後二百多一位，跟外面的晚餐放題差不多。食物種類很充足，有齊豬牛羊雞魚和貝殼類，全部可以自己烤，另外還有熟食和壽司可以點。甜品有雪糕，糯米糍和其他糕點。飲品除了大路的汽水和果汁，還有兩款啤酒。總括來說是滿意的。

上次同朋友一齊去食，我訂左位，去到有位呀姐同啲待應講“求其比個位佢地啦”超級冇禮貌，其實只係個呀姐態度較差，其他待應正常。之後我地點完野食，等左差吾多半個鐘，啲野食先嚟，明明啲野食又吾洗佢去煮，我吾明點解都要半個鐘。總結: 態度，禮貌差同上菜超慢經過呢次 我知道我以後都吾會再去呢間野度食

今日朋友話想食放題，但又想食韓燒。一次過滿足兩個願望，咁唯有就揀左呢間放題。坦白說，對瓊華中心樓上既食肆沒有太大好感。正所謂，中伏太多總有陰影。既然朋友叫到，試一次半次，最多咪無下次，怕什麼！😤個人黎講，我就唔係太鍾意食韓燒。尤其是現時極盛行嘅韓式燒烤（即係有爐邊蛋個D呢）。嗯度好明顯就係港式韓燒，好似以前細個食漢和個類韓燒咁。唔正宗又有咩問題，最緊要好食！個爐一黎就有張（隔油紙？？！）墊底，的確又真係無咁易整黑個鐵板，餐廳又可以唔使成日換鐵板而又方便到客人喎。呢D燒物無咩點食，反而我要推介呢間放題既熟食，有D誠意。韓式鮭魚炒粉絲唔好睇佢雜亂無章，粉絲條條入味，不會太乾，並帶有少少韓式辣醬味，而且又有很多鮭魚粒粒同蛋絲，味道十足。七味雞軟骨辣鮮炸起，食落唔覺用萬年油炸起。炸粉又唔太厚，灑上七味粉，有少少辣，脆卜卜，正！煎泡菜海鮮煎薄餅一客四塊，原來我以為係韓式泡菜煎餅黎，點知口味完全唔同。薄餅超薄又脆口，薄餅上既泡菜唔算太辣，食完一塊再食一塊，好快就清哂！最後甜品選擇唔少，想食cheese cake又得，雀巢杯裝雪糕、百福豆腐花及粒粒雪米糍全部都有，簡簡單單食個豆腐花及迷你蛋糕作結。

每當聚餐，最常遇到的問題是，吃中菜? 鋸扒? 韓式? 還是日式? 總是舉旗不定。是夜，就是一個崇日、一個崇韓聚在一起， 問到的是韓式? 還是日式? 得知韓日屋除了有韓燒外，亦有日式食物，雖另+$30點選日式放題，但價錢尚算合理，可謂同時滿足兩個人的慾望，不用想太多就來到這裡。一座下，侍應在燒烤爐上放上一張吸油紙，方便令食物不會黏底。旁邊有多張點餐紙，日式食物，如壽司、刺身、沙律、天婦羅、燒物等也有；韓式燒物則有肉類、蔬菜、海鮮等，選擇非常多。先來碟蟹子沙律，鋪上的蟹子確實足料，而沙律醬亦足，一併撈過後，美味可不錯。前菜小食的八爪魚及螺肉也不錯呢，其中螺肉非常爽口惹味，醬汁亦足。日式美食有壽司、刺身，點刺身會比較回本吧，雖選擇不及日本放題般多，但基本的三文魚、甜蝦、八爪魚、墨魚片、希靈魚、鯛魚等也有，刺身沒有雪味，新鮮度尚可。個人就較喜愛鯛魚，非常厚切，吃起來啖啖肉且鮮味。日式美食還有天婦羅，海老、多春魚、軟殼蟹等是小妹每次必點，多款之中，就較欣賞海老天婦羅，勝在所用的炸醬適量，吃起來不會只感受到厚厚的炸粉，而內裡的蝦軟腍，可謂外脆內軟。我們一邊吃，一邊爭取時間燒....韓燒就最怕怕

一開始有韓式前菜,辣酸度適中. 亦有日式前菜嘅八爪魚、螺肉，刺身新鮮,以為無日式刺身店的水準, 但估唔到唔錯, 給我們的分量比我們寫的多, 三文魚, 甜蝦新鮮, 花之戀好味. 食物種類多，有豬、牛、海鮮選擇，肉脂肪的分布平均,不會太肥. 各類肉, 牛肉有嚼勁,牛舌爽口彈牙,牛肋骨肉、牛仔骨的牛味頗濃, 芝士牛肉粒入口甘香, 排骨、豬肉、豬頸肉及豬扒的醃料入味.味道香濃,雞腎有咬口. 菠蘿好甜. 不過蔬菜就中規中距，點了茄子, 粟米,冬菇。飲品款式選擇種類非常多, 自助的，大量汽水雪糕任飲。甜品分cheese cake好味.燒爐有吸油紙, 心理上食完燒肉不太肥膩.抽風系統不錯, 沒有太大油煙味，店鋪乾淨,坐得舒服合適.有少少不好的地方, 如牛油金茹太油, 蜆有沙,帆立貝太小,雞翼,魷魚不太入味, 雞軟骨炸得有點過火和螺肉的韻色有點怪.不過, 總括價錢中等,食物質素和侍應服務ok,食得很飽. 

朋友J 巳完全被韓劇所迷醉，每次食飯也以為自己「在韓國」，見面總也要去食炸雞、啤酒或韓燒；他早前在網上看到這間食店，裝修佈置也和韓國食店有幾分相似，而且價錢唔貴，我當然只有讚成的份兒啦。由油麻地地鐵站A2（碧街出口），經彌敦道向旺角方向行，右轉入登打士街，很快便見到西洋菜南街，直入就會見到兆萬中心，只是短短三分鐘路程，非常好找（家樂坊左斜對面就是了）。看過價錢，每位只是$169（另加一），再加$30更可享有剌身及壽司食品，真係非常抵食，我們當然選擇有剌身的$199 啦，但食物水準如何，會否中伏呢？食物未到，先看看四週裝修，牆身上掛有多張韓星的畫像，韓風味甚濃。抽風設備做得很好，就算之後越來越多食客，也不會太重油煙味，值得一讚！加了錢食刺身，當然不可蝕底，先點了一盤雜錦刺身；甫上桌便看到刺身色澤非常鮮紅明亮，原來在冰下置了一盞小紅燈；真是有心思又聰明的做法。刺身包括大蝦、帶子、希靈魚、三文魚、螺肉；各類魚貝也很有咬口，証明食材新鮮。味道中上，以仼食的水準來説，加$30 實在是非常值得的。海老天婦羅～ 外層炸得酥脆，蝦肉彈牙。多春魚天婦羅 ～ 多春魚炸得脆卜卜，挺美味，不坊一試。蕃薯天婦羅

第一次來吃，看到是新開張有優惠。星期一到四6：30—9：00入席，HKD169可以食到(有加一)。環境幾好幾乾淨，質素都唔錯。首推燒海鮮，例如生蠔帶子，都幾大粒。其次d薄切豬肉有：黑油豬肉，芥末豬肉，都係值得嘗試。另有人參雞湯，幾好味而且真係有d小人參系度。

朋友聽講呢度環境唔錯，又就腳，我諗只有後者係岩既。我地八個人訂左位，七點正直入，坐響最入既位置。位置上初初冇乜野，越食就越熱越焗。我地有人想食刺身，都係加$30啫，豪比佢。我見到喜愛既希靈魚，第一時間就夾入口，先唔講佢有冇希靈魚嗰種特別既味道，事實佢係乜味都冇，連醋味都冇，唔知擺左乜入口。其餘既野例如甜蝦係唔甜的，其他都賣相一般，無興趣食了。點野食，先講已煮既。天婦羅每件有85%係炸粉，炸雞塊都一樣，睇到啲油已經入哂裡面，深色兼油膩得很。炸物只有日式餃子ok，其餘一般。講紅肉，其實好睇煎野技巧，不過我好記得牛肋骨肉唔似牛肋骨肉。我好明白放題式既食肆裡面正常都唔會有靚食材，我只能夠比40/100分，因為連件菠蘿都會太生而食唔落口。甜品，唔講買返黎既產品，芝士蛋糕係ok的，糕點都可以，有款用杯仔裝既奶製品就唔好食了。總括黎講如果對食物品質無乜要求的話，價錢還可以。稍有要求的話，呢度就唔算係好選擇了。

咩意思？！Book左六點中但係朋友早到左 要佢地入埸先好失望表示唔會再黎呢間食黎到之後啲肉係無咩點腌過… 完全無汁無味有一種綠色汁嘅肉好難食唯一食得過係個七味雞軟骨點刺身…貨不對板…俾唔齊…質量中下等…只有三文魚食得落口…飲品甜品可以自取…完！

兆萬是放題的好地方, 因為成橦差不多也是不同的放題, 今次我就同我大食的相公來到這間韓日屋, 這間韓日屋也是主打韓式 (竟然有不同韓星的壁畫 ^^, 雖然有點怪怪的) 放題當然飲料甜品雪糕任食啦~ 我們今次食的是刺身燒烤放題 (HKD199), 比其他兆萬樓下幾層的放題, 好像平一點 先來個刺身先, 有三文魚, 油甘魚, 鮑片, 甜蝦, 螺..等, 整體上都新鮮 這個三文魚他他餅乾, 味道鮮味之餘, 加上鹹脆的餅乾, 有驚喜. 壽司相公就點了不同的壽司, 我就當然吃我喜愛的凡立貝壽司啦~ 加上點點的黑松露, 不錯的啊~ 天婦羅蝦有點微涼, 這是有點美中不足.. 韓燒當然有大量肉啦, 肉的種類還真多, 我地問職員數次也記不起, 不過最緊要是好吃就得啦~肉大大塊, 而肉粒都好厚肉, 肉汁也多, 正~ 除了有牛肉豬肉外, 當然有不同的串串類可以點的呢~ 也有成隻帶子可以燒, Yummy¬ 整體來說醃肉都好入味, 加上本身肉上也淋上不同的醬, 所以都有不同的風味啊

呢排暑假，阿J的表弟仔成日都會約我出街，今日同佢去完旺角買電腦產品，表弟仔突然間話我就快生日，不如今晚請我食飯，真有心，我話阿J 今晚有約，不如改晩？表弟仔蠱蠱惑惑咁答我："其實我好想食韓燒，但你知喇，J表姐一向唔太鍾意食大油煙及濃味食物，所以..." 哈哈，呢個小朋友，跟住話已經諗好今晚同我去邊間食...表弟仔想去的是位於旺角兆萬中心的韓日屋，佢話聽朋友仔講呢度又扺食又幾好味，重要係任叫任食，好，難得小朋友有自己主意，今晚一於俾佢話事。這裡的兩小時任叫任食收費為每位$169，若然有興趣食埋刺身就另加$30，為食的表弟仔當然舉腳贊成。食物紙有條理地分門別類，刺身，壽司，熟食，不同種類韓燒的肉類，全部清楚分開，並以中、英及韓文對照，抵讚。先叫刺身，有大路的三文魚、鯛魚、希靈魚、八爪魚及甜蝦，亦有表弟仔喜歡的鮑魚片及馬刀貝，以這價錢又韓燒又刺身，老實說我並沒有多大期望，但無論賣相及味道都俾到驚喜我，全都沒有雪味，表弟仔大啖大啖食得不亦樂乎。跟住到熟食，天婦羅蝦及多春魚體型巨大，炸醬雖有點過厚，但好在不會太油膩，上枱時亦熱辣辣。而我最喜歡這道韓式鮭魚炒粉絲，炒得惹味的粉絲略帶微辣，鮭魚的份量

今日一行四人去食下呢間，見咁多正皮以為無伏點知伏到狗咁首先講下個環境先！抽氣扇見五到，起到吸煙咁！！😡😡成場煙咁濟第二，天花果邊既管係咁滳晒水咁叫人又無人理！仲有d水係有點黃黃地白白地！第三，d配菜醬汁放左勁耐！一去到台就見到有，食左一淡泡菜就快都黎！好五新鮮無咩味之後講下食物啦！叫左小小三文魚，三文魚五多新鮮(小弟做過日本餐廳)甜蝦普通其他都麻麻地！最食得過咪人參雞湯同雪米池！但其實人參雞黎講同出面食比既話最多比6分！雪米池其實點食都五伏，所以呢間野睇落選擇多但實際無咩好值得食既野！要食就食其他啦！199 加一咁既價錢食呢個真係比我揀多次我都五會再食囉！

食物同服務態度超級差囉！雞就好L咸，牛就冇味道，翅身又唔新鮮，雞軟骨又冇口感，羊肉就得啲根！我諗除左佢叫啲雪糕/飲品（外賣）係入得口⋯其他個啲真係唔係人食囉⋯簡直係垃圾！侍應又唔汁枱，十問九唔應，叫佢拎野又冇左件事⋯邊食邊小😡如果以200價錢去衡量就係好L7唔抵囉！

真系interesting既餐廳，作為服務員真系吾知咩係客人至上？！我真係好想講粗口囉。一個大媽對我地成班人態度真係「好好」，我地係黎食野唔係受氣OK？！十個人準備使千幾蚊黎光顧你間舖，叫我地逼埋一張台食野？！你都真係搞笑既，叫你幫我地加多一張都唔比。ok 忍你啦，我地分開坐分開買單 唔要你地d咩優惠政策，你同我特登分開散我地 五比我地一家人坐埋一齊！哦，我地客比錢黎享受服務就連想坐埋d都係無得話事既？！果時根本就無咩客！得一兩個客係度！都話左只係食一個幾鐘。咁都同我地玩野！大媽，你唔想間舖攢錢都唔係咁啊嘛。呢間舖服務真係好cheap囉！