韓樂 (T Town North)

營業中

休息中

平時都幾鍾意食韓國菜👍🏻今次食連鎖集團「韓樂」😌見到餐牌，價錢十分親民！而且餐牌內容好豐富，有好多菜式選擇！我哋選擇嘅菜式如下：🌟野菜牛肉炒粉絲超級推介！粉絲炒得好入味！配料好多，牛肉，菜同埋菇都有大量！🌟韓國炸雞個甜酸醬好好味，好開胃😌炸雞嘅皮沒有厚粉！食得好滋味🌟芝士薯條睇相就知道芝士醬嘅份量超多😍真係超佛心出面好多店舖都只係倒少少芝士醬相反呢度係提供一大盤！！！而且仲要鐵板上，確保溫度，令到芝士醬不會太易變乾👍🏻👍🏻抵讚📍韓樂 天水圍T Town分店

韓國菜是香港🇭🇰人其中一個最喜歡的佳餚😋，加上韓風當道，見到就想試韓國🇰🇷菜。今次經開，希望食到地道的韓國料理🥘。食店位於天水圍t-town，地理位置方便，自開店後吸引不少食客🤤慕名而來。餐廳主打韓式菜，有多款🫶🏻傳統韓國美食，包括海鮮湯，炸雞，石鍋飯等等。不過特別的地方是餐廳提供多款飲品🥤，食飽飯後，適合一班朋友去傾計💬！最鍾意餐廳提供多款炸雞🍗，口味更不時推出限時優惠，超抵食🈵。

芝士雞蛋三文治麵包厚切，口感軟熟。雞蛋都厚煎，對比起配一塊芝士，份量唔夠😜，如果配兩塊芝士就好啦😆如果唔夠飽，可以加配其它食物，例如麥皮、通粉。熱朱古力大杯，多朱古力粉，味道好濃

不知所謂，垃圾餐廳一間。等左外賣30mins問收銀追下單，一句未出就算，吾問廚房。等多陣冇人理我拿住格B B車行入廚房追，先見到我個餐已經擺咗係度吾知幾耐，先話冇左我張number 單，頂佢，冇又吾出黎問，另一個職員仲叫我行開吾好阻住佢出餐，一句吾好意思都冇。睇吓呢間野 做得幾耐，冇下次。

放工夜咗，唔想煮飯，簡單食一d，其實連所店，無太大要求，味道都只係一向咁穩定。今日食咗一口石鍋黑椒牛，好香黑椒味，熱辣辣！另外叫咗韓式胡麻手撕雞飯，感覺就係白切雞撕咗🤣🤣🤣但味道可以的。

近排好興呢個泰式排骨山，咁啱經過見到呢間韓樂都有喎，決定試吓先～西冷牛扒配薯蓉💰HK$108西冷牛扒味道普普通通，食落比較多筋～醬爆辣椒排骨💰HK$88排骨份量超多，有成4-5舊，而且辣味好夠，好惹味！啲豬肉腍到好容易喺舊骨度甩出嚟～芒果雜果賓治💰跟餐+HK$13味道唔會太甜，幾清新～

今日同朋友諗住頹頹地食個lunch，就食韓樂，我叫咗咖哩雞飯賣相都OK嘅，份量都好足夠，但味道真係好一般，個飯膠膠地，似整好再加熱嘅飯…咖喱比較辣🥵比較適合中意食辣咖喱嘅朋友。最想講嘅係佢嘅檸檬茶！完全失去咗檸茶嘅精華，冇檸檬片嘅😥

外賣石頭鍋飯完全沒有石頭鍋的感覺仲衰過平時一般的白飯 我叫石頭鍋飯 你唔俾個鍋我唔緊要 你都煲下個飯丫啲粟米又唔熟 啲蔥仲好新鮮 成個飯根本就冇煮過大嗱嗱70幾蚊嘅外賣 仲差過買個燒味飯

今日唔知點解無啦啦，好早起身，六點幾起咗身，跟住就落街行下，非常之肚餓。平時有食下茶餐廳既早餐，但今日想食下唔同品牌餐廳既早餐試下有咩唔同，今次試下韓式風格，味道還可以😄。

作為天水圍嘅街坊，搜羅個商場抵食下午茶係我嘅職責😚😚今次去咗T town 既韓樂，相比起其他餐廳，佢算係非常之受歡迎！下午茶時間都需要排隊，但係好快就有位置！價錢都算係性價比比較高，40幾蚊一個餐連埋嘢飲！另外可以加$12叫個柚子雞翼小食韓式牛肉湯粉絲佢嘅味道呢似係出前一丁嘅湯底，粉絲呢就係韓國粉絲，份量都係比較多，如果鍾意食濃味啲呢個都係幾好嘅選擇，佢入邊仲會有菠菜同埋溫泉蛋韓式牛肉伴飯有少少失望，以為佢會係平時食嘅石頭鍋飯，但係牛肉味道都唔錯

打風落樓下買定乾糧，見到韓樂有開咁就入去食個下午茶。😋叫左一個韓式八爪魚🐙🐙🐙炒年糕同埋一個芝士🧀🧀肉醬焗飯。雖然係下午茶但碟炒年糕比我想像中多，仲要都有幾多八爪魚😍😍不過我以為韓式係會辣味紅紅地色咁，但最後個味道都係類似港式醬炒。味道正正常常，可以一試。另外個芝士肉醬焗飯就係細細碟但熱🔥辣辣上枱味道都係正常範圍🙂🙂呢間餐廳飲凍檸茶係無檸檬片既，已經用左檸檬汁。適合唔中意篤檸檬既朋友🧑‍🤝‍🧑🤭🤭

咁嘅價錢算係咁啦不話值得點平嘅係下午茶嘅魷魚年糕都好大份+魚柳都好大條 新鮮即炸 熱辣辣卜卜脆其他焗飯就一般啦 不過太細碟 唔會飽咁嘅價錢真係無咩好挑剔嘅服務員態度都ok

外賣自取系統稱1926可取，結果要在門口不停等待，眼見比我遲叫的，亦可取，要到我詢問職員，幫我跟進才過幾分鐘有職員在內處理（遠望），最後比預訂時間多20分鍾才有，真的很失望，而回到家，感覺明顯是放置了一定時間，更失望

頌富尋食✌晚市時段黎到T town，貨幣三家之後最尾都系決定試下呢間裝修風格勁似冰室嘅韓國料理（事因睇過both Google map同openrice間嘢風評好似都不算太好，無奈真系好想食韓國嘢😂😂🤣一於試下佢）入到餐廳之後人不算多，環境都算乾淨企理嘅👍 ohhh同埋佢好似每日都有唔同嘅特選優惠套餐，不過就唔記得影翻低同朋友糾結咗一陣之後，兩個都選咗八爪魚石頭鍋飯（齋睇相係配菜比較豐富嘅🤣🤣同埋天時gum熱食八爪魚都應該比較fresh唔會太滯😙😙），不過見到冇得免費加配嘢飲都冇再另外點（未知正餐咩味謹慎d先🫡掃qr code落單之後，隔咗大概10分鐘就上到飯，兩種醬係分開上嘅，分別係醬油麻香汁同埋韓風香辣汁，我只落咗韓風香辣汁嘅🤔🤔撈埋d配料好夾，食落有滋有味，調味剛剛好，不算太辣，有埋飯焦~不過d飯嘅口感就不太合我心意，不算煙韌（個人喜歡有嚼頭geh嘢，朋友則覺得無傷大雅朋友就兩款汁都落晒，小小辣之餘又幾fresh，別有一番風味😋不過埋單時發現收銀後門有自助熱水吧🥹🥹😭😭，同埋冇加一服務費，68蚊算係無功無過嘅選擇了~ 路過又想食韓料嘅人不妨一實試🤔

外賣，之前買過覺得唔太乾淨，試過食完肚唔舒服，已經好耐冇嗌，今次再叫，第一啖已經食到蛋殼小事繼續食，但食到尾聲先見到有蟲…碗麵本身好多蒜蓉芝麻，差啲就睇唔出係蟲…本身想打電話去講，但諗講完都無補於事…我諗都冇下次，唔敢再食