韓樂 (海之戀商場)

營業中

休息中

逛完商場又到晚飯時段，經過這韓式餐廳，翻一翻門前擺放的餐牌，看看有什麼好吃的。石頭窩飯都不錯，食物照片又吸引，於是和家人入內進餐。餐廳的地用了藍白圖案地磚，感覺清新，用餐區也很大。安排卡位座，坐下又再仔細看看餐牌，決定吃什麼。我們點選了石頭窩飯，人蔘雞湯，薄餅和一些配菜，全都是一些較常見的韓式食品。溫泉蛋牛肉石頭窩飯珍珠飯，一大窩熱氣騰騰的飯放到檯上，另附上醬油和辣醬，可按自己的喜好加到飯內。飯中間有溫泉蛋，用筷子打散蛋液，汁液就滲入珍珠飯內，味更香。牛肉味也濃厚，肉質嫩口易吃。蔥花、紅蘿蔔粒、洋蔥粒也增添了食慾。吃到底又有一層飯焦，又香又脆。韓式食品我最喜歡涼菜，所以也點了香辣青瓜和銀魚仔。青瓜真的爽口極了，伴醬雖辣但也可接受。銀魚仔口感硬實，味道鹹鹹的，用來配合飯焦吃更好味。人蔘雞以前在韓國吃過，今晚我們也點了一份雪耳人蔘雞嚐嚐。窩內材料有雪耳，薏米，杞子，蓮子，人蔘也很多，雞有半隻，雞腿肉煮過仍嫩滑，但始終是雪藏雞，雞味較淡。雪耳的膠質入口滑滑，混和著淡淡的蔘味，湯底夠熱，如果天凍凍時吃會更滋味。年輕人喜歡吃薄餅，所以也點了一份手工薄餅過過口隠。餅的用料很普通，只有香草腸，煙肉，

熱辣辣石頭鍋飯，諗起又想食！😁呢間格局似港式餐廳，難得佢又有韓式石頭鍋飯，仲係幾十蚊就有交易，開心！😋😋🥰石鍋真係熱辣辣，要快快手搞下啲飯，否則變曬飯焦。🥄🥄🥄🔥🔥🔥飯面一半肉、一半配菜，再加隻温泉蛋，唔會太油膩，又唔會太齋。 醬汁有辣有唔辣自己加、自己話事。👍✌👌🤤我個人特別喜歡韓式配菜，所以另加一碟大豆芽，十蚊雞有交易！🤑撈勻佢就食得喇！Yummy Yummy ！😋😋😋

今早到海之戀商場韓樂食早餐,叫左炸魚柳個餐配豬肉腸,炒滑蛋同多士,仲有薯蓉同生菜鋪底,魚柳算脆,豬肉腸普通,成個早餐算中規中距,餐飲配熱檸水,環境同服務尚可以,埋單$41都可以接受

韓樂同意樂百份百其實有無關係架呢...我記憶中韓樂D野其實都唔錯叫做呢個價錢黎講算係唔錯~不過最念念不忙既其實係佢既凍檸茶呢樣野好基本但要整得好唔容易!!而且都大杯~個日食既粉絲...係粗粉絲個湯底係OK既不過粗粉絲令我有D驚訝朋友個石鍋飯都不過不失不過汁唔夠要問佢再拎

係海之戀入面嘅韓樂，每次都見到好多人係門口排隊😂今次見下午茶時間唔係好多人，唔洗等位，就入去試下! 餐廳比較人多所以比較嘈，而枱都好細，但食物方面就好大件，就算下午茶都好大份🥰人參雞煲 ($72)，有人參味同埋係用雞脾，所以食落去都唔會好"老"部隊鍋 ($40~)，呢個大家可以唔洗特登食，好普通嘅辛辣面加午餐肉…🤥柚子雞翼/4隻 ($35) ，呢個雞翼真係好好依，雞翼係炸過再加柚子醬，酸酸甜甜好開😍呢間餐廳人均$51-$70就食到韓國嘢食~ 都幾抵食嘅‼️

🚇港鐵荃灣西站🌟海之戀分店雖然係連鎖店 但係第一次去炸餐廳比我想像中大 仲要有圓枱 好適合三五成群結伴去食野🌼温泉蛋 •牛肉•石頭鍋珍珠飯 ＄66- 配醬油麻香汁 ＆韓風香辣汁- menu 仲有提議 石頭鍋應該點樣食至好味 好細心喔！- 佔有醬汁ge 飯焦 真係好正🌼韓式豚肉野菜炒粉絲＄61- 粉絲炒得有點太濕但味道幾好- 材料都好足夠一片片腩肉🌼韓風香酥炸雞 ＄36- 上枱 嚇親我 份量極多好抵- 雖然香酥雞上枱時 唔太熱 但亦因為一早炸好 反而仲好脆

平時都唔會黎開荃灣，今日咁岩過開黎，雖然呢間餐廳依家周圍都開左分店，但見佢食物款式多，都係入左黎😄可能我地都算早，7點鬆小小。唔洗等位，行入去就有位呢排想食炸雞，呢到有得當小食咁叫一份細細地😄但係份量其實一d都唔細，有好多舊，咁下口癮既，呢個都係唔錯既選擇👍🏻👍🏻👍🏻石頭鍋飯，性價比都幾高，熱辣辣，食到未仲有小小既飯焦，都算係平靚正😂另外，仲叫左個韓式炒粉絲，味道正常，粉絲夠彈，原過食到尾，都有小小油

韓樂身處於海之戀呢個新建商場，價錢相當親民，下午茶連飲品3、40蚊有交易，唔收加一，實在無得要求太高，難怪成日都要等位。韓樂近年係咁開分店，說白了其實就係一間韓風茶餐廳，係幾有新鮮感，起碼有得食粉絲同韓式炸雞呢類係一般茶記比較難食到既食物。呢度既食物普遍都有個問題，就係太鹹。無論係牛肉湯粉絲定係牛肉炒粉絲都係過鹹，口味過重。鐘意清淡既人士應該未必岩食。再者，呢度飲品就算叫左少冰，都係一樣比好多冰。韓式炸雞就微辣，味道正常，炸粉略厚同雞皮多過雞肉，間唔中過下口癮都可以既。總括而言，特登過黎食就無必要喇，如果係附近諗唔到食咩，又想平平地坐得舒服既就可以一戰。

差!! 因為工作關係所以隔個星期六喺度買早餐. 價錢靜靜地加左都算. 野食D質素就越黎越差. 塊豬扒明顯用大量鬆肉粉去LAR到鬆晒, 然後又煎到勁燶. 連塊餐肉都煎到乾晒. 個薯蓉由以前又滑又香奶味, 到宜家變成只係一PAT無味薯蓉, 雖則未算得上係難食, 但就一D都唔好食囉. 最令我覺得唔掂嘅就係水吧出野飲. 我每次只飲齋啡, 已經寫明"不要奶", 但係每次返到公司打開杯野都係有奶. 真係唔會想再食佢

消費卷出左想揾個位食午飯真係好難好彩韓樂唔駛等太耐，10分鐘就有位了選擇多多，午餐和下午茶同樣可以選。🌈煙三文魚石頭鍋珍珠飯石頭鍋珍珠飯上枱熱辣辣， 配上兩個醬汁， 拌入飯食落有點點辣夠哂味底有微微飯焦香， 好香口🌈煙三文魚蟹籽蛋炒飯炒飯有好多葱粒， 食落相當香口， 蟹籽脆脆好有層次🌈牛肉豬骨濃湯烏冬豬骨濃湯好濃郁，烏冬好煙靱， 質感岩哂我，而牛肉有點點香點點辣， 食落唔會老，算好嫩juicy半熟蛋流蛋汁，好滋味

星期六，黃雨，冇乜地方去，是但食個午餐就算但是但得嚟⋯都冇理由咁難食😭😭 等位方面都算快⋯十分鐘就入到去！地方都好大！不過⋯⋯3個餐之中，炒粉絲勉強叫做最好食😅😅不過都好油😓😓😓冇味嘅⋯⋯⋯啲飯又硬！ 我去韓國好多次，可能我要求高，呢舊嘢完全沒有水準⋯⋯😮‍💨跟住個牛扒⋯最好食係啲瓜⋯⋯真係好好笑⋯😂咁大間餐廳，買點係韓式嘢⋯但竟然最好食係個翠玉瓜😅😅不過算啦⋯唔會再有下次🤭🤭🤭🤭🤭

中大伏，千祈唔好嘗試呢間的部隊鍋。韓國餐廳最基本的一道菜一定是部隊鍋吧，我很難想像部隊鍋都可以難食。自己在家煮都好簡單，不過是辣白菜+韓式辣醬，放入食材煮下即可。但昨日系呢間韓樂，叫咗個「陸軍部隊鍋」，真的讓人很震驚。忘記影相，有勇士不相信可以自己去試試看。湯底竟然可以無一絲辣白菜，無一點辣醬味道。純粹是辛辣麵即食麵的湯底，literally一模一樣。材料也無一絲新鮮食材，豆腐洋蔥蔬菜全部都無。只有餐肉腸仔煙肉+公仔麵就完。改名叫韓式餐蛋麵比較啱。

去左海之戀行街想搵間價位比較低僅次於快餐店的應該就係佢啦見佢幾多元化選擇入去試試佢┈┈┈┈┈┈┈┈┈┈┈┈┈┈┈┈𓋜 至尊香草海鮮薄餅 $74呢個pizza 真係不得了佢係成餐飯最遲先到既一樣面頭有幾粒八爪魚🐙仔同青口唔知係咪海鮮未隔好水個pizza 面都有d 水份留左喺度😅而個批邊好厚好韌 得食食下 覺得佢好似克力架/檸檬夾心餅𓋜芝士白汁煙肉焗西蘭花 $32白汁內既芝士味無乜不過焗西蘭花就正常發揮吧𓋜 韓風香酥炸雞 $38完全唔係想像中的韓式醬味道既果種佢係偏鹹味既醬而d雞粒都比較乾硬化𓋜 滋味雪耳·人蔘雞 $80賣相唔靚，放左去碗之後先記得影雞肉質感都似即食韓國包裝人蔘雞不過都有蔘同雪耳既其實𓋜 凍特濃即磨咖啡 晚市特飲+$10正常發揮既即磨咖啡𓋜 蜜桃梳打 晚市特飲+$10

韓樂之前成日食，變返工時飯堂🤣🤣後期水准差左同唔穩定，都好耐無去了。。呢次同朋友去食😋😋不過佢呢間水准同煮法，有時都唔同。。例如有些餐本身無芫茜，會突然落😞😂😂.野菌豚肉炒讚岐烏冬好味道：⭐️⭐️⭐️⭐️呢個的醬汁好好味，都帶有少少甜甜的，有點像照燒汁味道😁.一口炸雞湯粉絲好味道： ⭐️⭐️⭐️⭐️呢個都係個人鍾意揀的餐之一，唯一風險係。。試過炸雞唔熟😖😖😖甜辣炸雞醬好正。。唯一缺點係好多時炸雞都唔熱，甚至剛好和暖溫度。。但個湯粉絲都好正！！👍🏻😋.韓樂的炸脾好好食，炸的恰到好處，而且醃製都好入味，好juicy 同嫩滑d 肉😋😋👍🏻.呢次試下新出野飲。。個人覺得兩杯都一般～黃： 芒果蘆薈雪碧 （飲落去唔睇餐牌，唔係好知自己飲緊咩，芒果味度唔明顯😂）紫：蝶豆花檸檬茶 (已經少冰，但無咩檸檬味）........最後都係覺得應該叫返凍檸茶最好飲😂🙈.

禮拜六冇局單騎匹馬去荃灣見到呢間好多人趁熱鬧入去試一下價錢算親民，同我屋企樓下差不多但坐得舒服，唔會逼夾夾叫咗個炸雞豚骨湯烏冬湯底唔錯但稍偏鹹，烏冬頗彈牙有咬口，流心蛋入口既化炸雞脆漿頗厚，有些細塊的只得一片雞皮，還有唔多夠熱，所以有些硬，下次唔會再喺度食雞用即磨咖啡做凍啡，比一般茶餐廳好好多☺️