韓樂 (啟田商場)

營業中

休息中

上網查了一下，竟然開了很多分店，其他的未去過，但藍田這一間的用餐體驗極度之差☹️☹️☹️☹️☹️☹️先說衛生情況：地板上，座位上（不論椅子還是卡位）都有不少食物殘渣，而餐桌上還有油光，顯然擦桌面，搞衛生的不合格，非常污糟不衞生。之後食物質數：味道平平凡凡，薯條連皮炸，顏色很深，目測這油重用了好多日。牛排叫七成熟，結果是五成。再說服務態度：奇差無比，侍應都是內地大媽，可能是生活文化上的差距，給人的感覺極度不禮貌，對客人呼呼喝喝，當你叫服務員的時候，這些大嬸看到了也不會過來，可能因為不是自己生意的原因吧。最後我發現凡是雇用這類大媽的店舖都倒閉了，除非個人屬性比較特別👀，否則都應該不會再次惠顧。

今日喺嗰度食lunch，嗌咗個海鮮部隊麵，餐牌上面呢就寫住有自家製泡菜，海鮮，同埋年糕，咁好啦上到嚟,嗰個自家製泡菜原來其實係白菜,跟住啲年糕一條都未見過，可能溶喺啲湯度，同埋佢所講嘅芝士係成粒就咁擺落去仲要係未溶癡住咗落舊海鮮度，但係最過分嘅係佢連咁嘅一個公仔麵都可以煮唔熟，食落去都仲可以硬硬地，大佬啊咁嘅嘅嘢你同我講$50？🤷真係唔建議去食，圖文不符不特止又要難食，去過一次唔好再冇回頭

第一次新開去食晚餐嘅時候已經中哂伏個芝士炸雞，啲雞係凍嘅，跟住個三文魚石頭鍋飯呢冇味嘅，落晒汁都冇味。唔緊要，第二次食午餐，仲衰，個海鮮部隊鍋面真係犀利，你攞個扁嘅會裝湯麵都算啦，冇味嘅又係，嗌咗兩碗但好似就係用咗一包湯粉開兩碗咁，跟住又話有自家製嘅泡菜喺入面，去咗邊呀冇喎兩個都冇喎，定係你想講嗰啲好似未煮熟嘅白菜就係泡菜啊？杯咖啡又係唔知做緊咩嘅， 個感覺就好似我用完一杯沖完咖啡嘅樽裏面再裝返清水飲落去一樣。服務員態度差呢啲因人而異，至少我唔覺得員工需要喺人哋用膳緊嘅時候喺隔離大聲傾偈。其實唔係所有嘢整落去大大碗落多啲水落多啲汁就叫好㗎可唔可以改善一下？你公司旗下嘅已經係唔算好食但可以食得落口，但我估唔到你其他嘢係更加差。

頭round下午茶時段單P衝入去，款式多到有選擇困難，唯有出下貓目及下格離台點D野，封面與內容相乎。見有個‘‘部隊麵’’寫住選用辛辣麵，呢獲仲唔打佢真軍等幾時，順手叫左杯個樣幾攪笑既凍檸茶(成杯野係紫色既)，味道出奇Ok，麵黎啦，一望就知湯太多，一食！噢my god 個麵完全唔辛辣咩事？？？算啦，其實唔太差照食晒，埋單時忍住住問收銀係米廚房技術性失誤？佢話唔係，個麵本身設定係微辣，如果要辣D早揚聲(順帶一提，服務員由帶位寫野至跟我對答位人兄態度係滿分，good job)格晚帶兩大元老入去屍片round2，我呀媽就醒呀，識叫石頭飯，料上盛，堅過石堅，讚！我幫呀爸呢求其叫左個唔知咩意大利海鮮麵，6出黎既表現唔太似有$68咁高，好彩係佢自己話叫呢樣(唔係實比人話我坑爹😂)。到我啦，叫左個泡菜牛肉炒飯，唔...一般般啦，份量太少，飯太濕，還可以啦。韓樂各位同仁，藍田為你加油啦！

2021.08.15藍田最近的餐廳差唔多吃了一圈～最近見到這間韓國料理便想過來試下味每次經過都唔少人排隊今日星期六反而唔係咁多人😳因為下午茶時間麼❓十分鐘已經有位入去先發現原來裡面好大 好多位服務態度好好 好熱情❤️上菜好快我叫左一個陸軍部隊火鍋🍜（辛拉麵加芝士加火腿加午餐肉加糖心雞蛋🥚加兩片煙肉一條腸仔）湯底不會很辣 $48真係好抵食下午茶的石鍋牛肉拌飯貨真價實輕量版 不過不失 有一個小朋友最愛脆炸雞髀薯條🍟 $33夠曬誠意雞髀炸得又香又脆 好大一隻 小朋友吃得好滿足加兩杯凍檸茶一杯凍奶茶一份泡菜埋單$128 好抵

18/7/2021 兩位叫了兩份下午茶餐，韓風香酥炸雞配豬骨濃湯粉絲，另外一份配豬骨濃湯烏冬。豬骨濃湯粉絲或烏冬味道不錯，可惜炸雞味道太濃和味道太鹹，食後每人飲了1公升水才舒服一點😬希望廚房師傅注意炸雞的調味濃度🙏服務不錯👍店內環境不錯👍座位舒適度很好👍

星期六午飯時間，門口排曬隊，但分流入客安排得唔錯。坐低後，點餐反應快，態度好，跟住因為個人因素想調位，同事都好好服務即時幫手安排。講返嘢食，先叫咗個石鍋飯性價比高，不過個人嫌泡菜唔夠，加少少錢加咗個泡菜去撈另外仲點咗黑松露扁意粉，同事聽到點嗰時有猶豫，因為要揀走煙肉，佢即時話可以幫我走肉，細心。個意粉汁濃夠味，菇夠多，唔錯仲叫咗個炸薯條，香口夠脆，價抵，讚個裝修都幾特別，順便分享佢個貨櫃門牆，幾特別