韓米 (TKO Gateway東翼)

營業中

休息中

我個人都幾中意食韓國既紫菜包飯，因為覺得比較易入口同埋可能本身我都中意食壽司🤭一早都知呢度開左間韓國野但一直都未機會試，早幾日就特登買左番去試～我覺得價錢稍貴左少少，不過都幾足料🫢今次叫左牛肉紫菜卷，覺得還可以～如果價錢可以再平少少就最好

🌻韓式紫菜飯卷🐱小編都幾鍾意食韓國嘢，屋企附近有間叫  嘅外賣店，成日見到個飯卷都好想食，今日終於忍唔得住買左一條！正喎，細細條好足料，一個人食都好夠飽！每間韓國喇嘅泡菜都有自己店嘅特色，呢間都唔例外，佢嘅泡菜係唔算太酸，少少辣嘅一種，用黎做飯卷真係開胃！不過定價都唔平，要有錢先翻食！📍 韓米 (TKO Gateway東翼) (將軍澳)將軍澳坑口常寧路2號TKO Gateway東翼地下EF24號舖⚡️為食貓：😻😻😻⚡️氣氛貓：😹😹⚡️翻食貓：😸😸😸

最近開始做將軍澳街坊要不停搜羅附近高質外賣店好好彩比我揾到呢間店😚叫左個set 有韓式拌飯+2舊炸雞+湯+野飲個飯都幾高質蛋絲係比出面嘅好食 牛肉都唔係啲cheap cheap款算幾足料 米飯唔會煮得過淋👍🏻辣醬放埋左一邊嘅之後有兩大舊啖啖肉嘅炸雞正！個湯都好重胡椒味 而家冬天飲勁暖笠笠最後所有野清哂🥰 滿足～

第一次叫呢間晚餐外賣，諗住試吓韓國嘢，今次叫咗兩個套餐。外賣到咗打開一睇以為送漏咗嘢食，但原來唔係只係超級細份，份量少得誇張，食完之後我同太太要再煮麵食，真係賺到你盡。。唔會有下一次，除非當下午茶。

今日試咗一間韓國外賣店，佢哋嘅招牌菜牛肉拌飯、炒粉絲便當同煎餅組合，只係200蚊。我好鍾意食韓國嘢，所以好期待呢個外賣餐。首先講下韓式牛肉拌飯，佢嘅口味唔算太重，但又唔會太淡，剛剛好。牛肉好嫩好多汁，同埋佢哋用嘅蛋絲質量好好，有一種獨特嘅蛋香味，真係好出色。飯同牛肉拌埋一齊，食落好開胃，好滿足。然後係韓式炒粉絲，味道一般般，唔算太特別。最明顯嘅就係胡椒味好重，有啲人可能唔太鍾意。不過佢哋嘅特點係即叫即炒，所以炒粉絲都係熱辣辣嘅，食落好有口感，令人滿足。最後嚟講煎餅，呢個組合入面最貴。煎餅煎得香口，色澤金黃，好吸引人。不過有啲可惜嘅係韭菜炒得太耐，口感有啲硬，咬落去有啲困難。雖然有香味，但係有啲像嚼口香糖咁，有啲扣分。總括嚟講，呢間韓國外賣店嘅表現唔錯。牛肉拌飯口味剛剛好，加埋蛋絲更加豐富味道，真係好好食。炒粉絲雖然一般，但即叫即炒嘅熱辣辣口感好滿足。只係煎餅稍微有啲失望，韭菜炒得有啲太耐，希望佢哋可以改進。總體嚟講，我對呢次嘅食物體驗好滿意，值得一試。

同家中長老去行山，再陪屋企人去街市買餸，由坑口地鐵站出口，西翼行到東翼都係非常之方便，有蓋。買樽大泡菜番屋企煮豬肉豆腐泡菜湯。韓米的泡菜完全無防腐劑，食得安心。泡菜$38 一樽。泡菜爽脆，辣度適中。食過一次就番唔到轉頭的芝士牛肉紫菜卷$58 芝士溶化在口中，與牛肉好夾。午餐都好抵食，不過由$68 至$82 有湯及飲品，好豐富。另外想單買雞翼$42 四隻，新鮮炸起，另上辣汁，番到屋企仲保持脆卜卜，雞肉汁爆多。$10 豆芽放入一小圓盒。

今日好好彩 剛剛完咗午市時段個炸蝦卷即叫即整 睇住店員好均勻咁舖飯再慢慢炸蝦🍤 成個過程好治癒Roll好飽肚 勁足料配埋啲蔬菜好爽口夠晒開胃韓式炒粉絲即叫即炒～平時好驚好油膩 點知呢度又冇食落好乾爽又夠惹味同埋呢度用咗豬肉片～平時其他店嘅炒粉絲係素食 更加顯得店家嘅慷慨❣️牛肉拌飯係有令人開心嘅感覺有泡菜、炒冬菇、紫菜、翠玉瓜、芽菜、泡菜、雞蛋絲樣樣口感都齊集 韓式辣醬就on-side唔想要咁多唔好撈勻晒就可以最啱我口味嘅係牛肉啱係用牛五花食落啖啖肉唔會好油膩店長好nice~~仲介紹好多嘢我食～仲可以打卡贏獎品添！

TKO Gateway 翻新後加了好多小店、今晚冇煮飯試了這間韓國菜小店— 韓米。主打外賣飯卷、韓式拌飯、炒粉絲、仲有炸雞。韓式泡菜煎餅微辣、表面焦脆、煙煙郁郁作為小食也不錯小店提供炸雞套餐我地仲試左醬汁無骨雞、由於是即叫即炸、所以要預留少許等候時間。新鮮炸起賣相好吸引、外皮香脆、裡面肉質軟嫩保持juicy、蘸上韓式甜辣醬好滋味！一客8件$98 好抵食～韓式晚餐$78 起就有前菜、湯、無骨雞2件、主菜和飲品、一人前也很豐富。芝士牛肉紫菜卷賣相不錯、餡料豐富、每口也吃到爽脆的蘿蔔蔬菜絲和醬汁牛肉、味道挺好。魚糕湯足料、裡面有魚肉片、不過稍為偏鹹一點。跟餐包2件原味無骨雞還另送飲品、有多款韓國果汁茶品可選店子採開放式廚房設計、乾淨企理、可看著店員製作料理更放心。另外店主好客有禮貌、跟店員的有說有笑的互動滲透著有家庭式小店的和諧感。跟餐的炸雞原以紙袋盛著可能滑出、店主亦非常細心逐樣紮好、包裝絕不馬處～下次會再顧啊！

今日想吃點辣，在坑口閒逛時看到這家韓米，雪櫃放著多款韓式飯卷和飲品，晚市有提供套餐，價錢親民。泡菜煎餅內夾著青蔥，外層微焦、內層軟熟。煎餅的辣味是慢慢滲出來的，越吃越辣。芝士牛肉紫菜卷用上青瓜、紅蘿蔔、黃瓜、芝士、蛋絲和牛肉。滿滿的饀料口感充實。魚糕湯有數片魚糕，湯底鹹味較重。無骨雞炸過後，雞肉仍然好腍。亦可以蘸這款紅色醬汁，甜甜地跟雞塊頗夾個人最喜歡韓式炒粉絲，粉絲煙韌，黑椒令粉絲更惹味。配料有肉片、蛋絲、紅蘿蔔、木耳和洋蔥，推介可以點炒粉絲的套餐。韓式飲品方面，我們揀了梨汁和提子汁，甜道適中。

突然想食飯卷，甘岩見到呢間韓式小店。份量適中，有機會都想再食佢既飯卷🙂叫左3款主食，1款小食1:芝士牛肉紫菜卷 $58牛肉香軟，配菜爽口，同埋佢入面帶住一陣香味，呢款香味之前係出面食其他飯卷未遇過🥳令我一路食一路諗個個香味係邊個配菜流出，真係好吸引🤩2:炸蝦紫菜卷 $58呢款我平時係韓國店比較小見，因為佢係即叫即做，所以入口個炸蝦都仲係脆口，但唔會覺得油膩3: 泡菜炒飯 $55呢個飯好特別，表面鋪滿蛋絲同紫菜，可以中和到泡菜既辣同酸，飯粒分明，即叫即炒帶點微辣，唔食得辣都可以食到。4: 魚餅湯 $20之前去韓國好鐘意企係街邊食，呢到個味道同韓國好相近，如果魚餅再大塊d,甘就更加開心啦，食完泡菜炒餅再飲啖湯，湯底清爽，魚餅軟林又唔會食到好飽，但好滿足

這家韓米我記得在幾年前疫情時在屯門買過外賣，就是炸雞二人餐跟家人分享，當時還覺得質素不錯，沒想到現在已經開到香港的另一端：將軍澳今次我刻意選了不同的餐點，便當🍱跟拌飯🍚就在TKO Gateway直走的位置，老闆娘超友善，手腳也快出品🐖🍚豬肉拌飯套餐$78材料豐富，除了醃製豬肉之外，還有玉子蛋絲， 豆芽菜，紫菜，泡菜，冬菇絲，翠玉瓜，然而最重要的當然是韓式豆瓣醬！小辣微甜，這拌飯超開胃，而且材料極豐富，豬肉的甜跟泡菜的酸辣存在感很強，豆芽菜跟翠玉瓜令拌飯更清新然後豆瓣醬把他們聯繫在一起，相當出色套餐跟湯+米漿湯裏面有兩塊韓式魚糕，微辣開胃，令人聯想起韓國路邊攤米漿裏面真的有米粒，既像飲品又像甜品🍱牛肉便當$68牛肉的份量很多，當中加入了洋蔥令甜味昇華炸紫菜粉絲是韓國小食的重要一員，不會太濃味，口味適中辣蘿蔔相當惹味，加進白飯中同吃，很快便K.O.了一整碗白飯！飯量也很多呢！飽肚十分

今日叫咗個韓國年糕同韓國煎餅加蘿蔔小菜total $128左右🫠🫠🫠年糕份量超級小，收$62真係唔會再幫襯🥹🥹🥹🥹🥹🥹🥹🥹圖文不符🥵 真係食完$128嘅午餐都要再買嘢食，太過分了，食物味道一般，但係呢個價錢個份量太小咯 我以為自己嗌咗兒童餐

呢排煲晒套好hit嘅韓劇，劇中女主角好鐘意食紫菜包飯，令到我都好想食！嚟到位於坑口商場有間韓式外賣店，下午都幾好生意，好受學生歡迎。食物選擇多之餘，個價錢都好合理。仲有lunch set供應，包湯同飲品。芝士豬肉紫菜卷（$58）- 比我想像之中大份。個豬肉帶小小辣令的卷更惹味。裡面嘅蛋絲勁豐富！韓式牛肉拌飯（$58）- 好多料，有蛋絲、牛肉、紫菜、泡菜、翠肉瓜、芽菜，加埋韓式辣醬更惹味。仲有勁多飯，分兩餐食都得。韓式炒粉絲（$48）- 估唔到係即叫即炒，熱辣辣超好食。仲有炒香咗有芽菜同菠菜就更美味。

友人上來我家傾計，原來諗住親自下廚，但忙於趕功課，只好簡簡單單煲嗰湯，焗嗰翠肉瓜，其餘就食外賣吧！係TKO Gateway 嘅Foodland有好多熟食外賣店，一入門口就見到呢間韓國店，枱上放滿紫菜卷，饀料滿滿，吸引咗我！係外賣店，但地方都唔細，開放式廚房，睇到店員現場即製，好新鮮！選擇都唔少，有飯類、泡菜、紫菜卷飯、韓式便當、韓式小食、炸物、炸物套餐、韓式無骨雞、飲品、二人套餐和派對套餐。即炒韓式炒粉絲（$48）熱辣辣，粉絲加咗豬肉片、紅蘿蔔絲、蔥、木耳、洋蔥絲等拌炒，面頭仲舖滿蛋絲，夠豐富。豬肉片有咬口又入味；粉絲炒得乾食，唔會油淋淋，煮得入味，好食!紫菜卷飯都有幾款饀料選擇，知友人喜歡蝦，就要咗炸蝦紫菜卷飯（$58），一卷有八件，件件都捲滿清爽的生菜絲、紅蘿蔔絲、綿綿的白飯和肉厚嘅炸蝦，香脆爽牙，捲埋一齊食，口感和味道都正！樽裝醬油蓮藕（$48）賣相幾可愛！平時食韓國菜都好喜歡呢款小吃，但就好少見到有樽裝外賣。蓮藕片浸在醬油中，爽脆入味，味道較甜，係韓國的正宗口味，岩我！

呢間小食店係近排新開我見都多人排隊幫襯！咁梗係要試吓佢啦韓米係無堂食 主攻外賣！鋪面好開揚 睇到晒入面煮食狀況所有野都算乾淨整齊！客人都食得安心今次我哋叫咗炸雞、炒年糕、紫菜包飯炸雞非常出色 抵食！拎到返屋企 隔咗段時間炸雞皮依然鬆脆肉質仲keep到有暖笠笠肉汁而且份量充足！抵讚！員工仲要好細心分汁上等啲雞皮唔會擺到淋晒霉晒非常細心！不過如果夾硬要彈嘅話就係因為佢order後即炸所以要現場等差唔多20分鐘先有得拎紫菜包飯款式好多！可以自己揀配料 加唔加芝士？而且味道好好有香濃麻油味好接近韓國食嗰啲至於炒年糕就比較平庸個汁係好味嘅！但係個價錢同外賣個份量就唔太抵喇不過係會回頭再幫襯下次一於再試試其他小食先