韓舍 (已結業)

好食的，但系服務態度極差 明明未夠鐘仲嚟熄我過鍋 不停催 所以大家5想食到一肚氣 就要諗吓 。我6點25分到 就同我講如果再5入去就會cansel 用餐途中不斷系度收碟 完全不顧我地的感受

火鍋放題香港有好多不過要款式多 又新鮮真係要逐間試完先知旺角創興好多好野食今日黎試韓舍地方好乾淨企理佢中間有個好大既area比客人自己攞食材係自助餐形式有水果，糕點，火鍋料熟食，壽司橱，甜點雪糕應有盡有佢鍋底都有唔同級數今晚我選左個鴛鴦鍋有麻辣同蕃茄要讚佢任攞既火鍋料都有貝類而且仲好新鮮食左好多好好味壽司都係任叫任食唔好以為火鍋放題壽司就冇質素係岩岩相反拍得住出面壽司店整體黎講成餐一位$200有找性價比真係高

朋友介紹話呢間打邊爐韓舍好抵食，一於去試試。呢間是任食抵邊爐，可以選雞煲或養生鍋打邊爐。見天氣凍返少少，想食雞煲，就揀左個雞煲加任食打邊爐。仲可以每人加20蚊有刺身同壽司食。首先食左雞煲先，揀左少辣。d雞好香好滑，加上少少辣好好味。雞煲二人份量都好大份，食完都飽飽地。食完雞煲就食刺身，是用紙點的，刺身好鮮甜，最喜歡帶子。然後就加湯打邊爐，打邊爐野食要出去自己拎，都好多選擇。有丸，有蜆，魷魚，扇貝等等。該鋪仲有其他熱食選擇，簡直好似自助餐，真的好抵食。

態度差！叫我按讚Facebook主頁，按完讚有$10減免，讚完之後同我講埋單只收現金，我同佢講我無甘多現金係身，要比信用卡，佢話：甘$10減免會取消！下！我都幫你分享晒 按晒讚 你先同我講？都算啦 埋單果陣 用咩卡都好多限制！好垃圾！幾年前食真系好好！我好鐘意！估吾到而家變成甘😡

韓舍早排有改革，由韓燒餐廳改左做打邊爐，烤魚，唔同煲咁，變得多左好多選擇。 環境好好坐得好舒服。 我地叫左人參雞養生鍋，$228 衣加有半價，二人同行一人半價架! 員工話先食左人參雞先，原隻人參雞十分足料呀。湯底好濃郁，飲落好清香。 刺身方面，賣相好靚，加錢就可以任食刺身，叫左三文魚，帶子等等，味道都唔錯的。 打邊爐自助配料選擇好多，熟食亦可以自己拎, 最岩打邊爐時先食熟食呢。 甜品方面，有蛋糕雪糕等等，味道都唔錯。

預約了7.30，6位5大一小，海鮮煲。接待店員主動減小朋友價錢，態度良好，但進店時店員沒說限兩小時。事後店員答應讓他們進食至9.30但一長髮馬尾店員卻在9.18把整個煲取走，令整個原本良好的用膳感受大打折扣。

呢間餐廳記得三年前媽咪生日去過食過記得媽咪仲係特登想食係睇到報紙好多好評之後就去貿然一試，老實講嗰陣時就覺得一般啦，冇介紹講得咁好食同埋咁多選擇。但係估唔到轉型之後我仲有機會試到今次係一個好嘅體驗。去到啦咁餐廳度環境算幾大，咁一眼望落去就已經有唔同區域有唔同我選擇，我最難忘嘅事佢有熱嘅清酒飲，係未見過。一直都好想試下日本清酒🍶，好似會幾清新咁，又有自助章魚燒同埋自助格仔餅，好玩又好味。仲有特別嘅係佢仲有一啲涼拌小菜可以食，都係我好鍾意食嘅，有麻辣青瓜、雲耳、豬耳呢啲。超惹味，平時出去都一定會食同埋出邊食都唔係平。仲有自助攞打邊爐嘅材料都有好多款，有我鍾意食嘅龍蝦丸，佢呢度嘅龍蝦丸質素好高，真係好新鮮同埋係彈牙嘅，好難買到，出邊就算比貴價錢都未必買到呢種。餃子都有幾款又有牛蒡，好特別，其實係牛雜嗰啲。仲有新鮮嘅蜆可以揀，有大有細。我哋今次火鍋湯底係呢個養生鍋，材料已經有花膠紅棗等真材實料，湯底飲落去係非常之鮮甜，非常之好飲想一飲再飲非常滋補，再加埋新鮮嘅蜆肉落去，別具鮮味。而蔬菜呢就選擇比較少，如果可以多西洋菜或者其他一兩款蔬菜會更加豐富。而佢呢度啲肉類有羊肉牛肉豬肉仲係可以任攞，每一碟

身邊總有朋友係好大食嘅，佢哋平時食飯都鍾意揀一啲任飲任食嘅自助餐形式，今次有位朋友推薦試下呢間嘅養生鍋再加刺身嘅自助餐，就嚟到旺角分店試吓除咗一般嘅火鍋湯底選擇，仲可以揀養生鍋或者宮廷海鮮鍋，只要加少少錢仲可以任食埋刺身火鍋嘅配料選擇好多，除咗有一般嘅丸類、腸仔、金菇、響鈴、牛柏葉、魷魚等等，仲有一啲比較少見嘅，例如牛膀、腸粉同年糕，可謂任君選擇，花多眼亂，每樣都嘗試餐廳仲提供一啲涼拌嘅小菜，例如皮蛋、蓮藕、雲耳等等，自己仲可以用十幾種唔同嘅醬汁一齊攪拌調味，呢種係其他餐廳比較少見嘅我哋仲試咗辛辣麵同埋炸魚皮，一齊放落去火鍋度好滋味，如果大家想食其他熱食，仲有菠蘿炒飯等等養生鍋嘅湯底同埋材料都好豐富，起碼有成隻雞一齊煲，裏面仲有好多花膠杞子，全部都係滋補養生嘅食材，食完之後唔會熱氣之外，仲覺得對身體有益，個湯底我哋試過一開始就咁飲，真係好足料嘅味道我自己就最鍾意任攞嘅牛肉羊肉同埋豬肉，每一件都色澤分明，好新鮮而且脂肪唔多，牛肉味夠濃，唔似出面一啲餐廳肥牛有好厚嘅脂肪，師傅會不斷切出嚟，有時仲要排隊搶住拎喜歡海鮮嘅朋友仲可以試吓蜆仔，一樣好新鮮，放去火鍋仲令個湯底更加鮮味食完火鍋仲可以出

元朗店很久前去過，今次來旺角這間。地方超大，走廊同時企兩人都不覺擠迫。裝潢又新正，還有電視睇！任食火鍋自助餐有幾款選擇，要了最普通$178。加$20還可以升級食刺身壽司。火鍋材料、熟食全部自取。款式不少。特別受歡迎當然少不了炒雪糕、綿花糖、章魚燒啦，又玩又食大人細路都歡喜。另一樣就是十二度風味。涼拌菜和醬汁任君選擇，撈到風生水起。但我怕撈到好難食，所以有偷偷看人家大多數選什麼的😆。人參雞湯、蟹皇蠔肉粥、豬腳薑都不能錯過。因為熟食都很有水準，所以我和朋友也懶得打邊爐了，所以火鍋那邊吃得少。湯底選了三鮮湯和蕃茄。爐中間那個位置發覺很好用，放會縮水的食材一定找得回😆。印象最深刻的食物是魷魚，超新鮮爽口。丸也粒粒彈牙，其他食材看落都不錯。這裏有得沖花茶。雪糕仲有Dreyer👍。店員動作快速和主動，加湯、執拾碗碟全不用叫，所以吃得暢快。價目表上用了＂酒店式＂三個字作宣傳。由環境到服務再到主角食材，我都感受到👍。

今日又系旺角食飯，今餐選擇韓舍因爲呢間有好多野食，可以打邊爐，又有刺身，壽司，熟食，甜品，雪糕等。有幾種湯底我地選擇養生鍋。養生鍋里有一隻雞，雞肉肉質嫩，湯底鮮甜又濃厚用料十足。蟹柳壽司好鮮甜又大大塊，壽司飯又軟熟，鰻魚卷又好味。三文魚，北寄貝，希靈魚，帶子等全部好新鮮，三文魚好肥美。有豬，羊，牛肉任食。火鍋配料有很多，有丸，腸仔，牛栢葉，蜆，午餐肉，魷魚等。又有好多蔬菜可以拎，放落湯底可以索晒湯的精華。冷盆汽水任飲熟食豬腳薑好夠味，豬腳夠淋蛋又好入味好香口。布甸又不會太甜好美味。

應約朋友 (試食食家)，開始聽個餐廳名 以為是吃韓燒。原來是港式自助火鍋。環境整潔 地下乾淨 當天我們早去 未見好多人發現還有自助炒雪糕 同自助棉花機 有得吃有得玩。還有不少熟食，有湯有粥，有西式甜品，有日本壽司，又有生果，花茶，汽水，酒精飲料。是日有🦀粥，都足料，自己略略嫌唔夠熱。可能有其他客人打開咗個蓋太耐。打邊爐料也有很多選擇，喜歡有好多款蔬菜🥬，肉類豬牛羊雞一應俱全。材料新鮮，份量合宜。調味醬料，玩12道風味撈起。甜酸甘辣咸，舌尖可同時一次過享受我們選了兩款不同湯底雙煱設計特別。下邊是三鮮+茄蕃湯底茄蕃湯底清而不淡。中間是三鮮，唔知係咪容量少第一／二轉的湯底略嫌鹹了少少。兩個人吃得非常飽。

記得以前韓舍好正，有焼肉，有D炸雞炸薯餅雞翼甜品放題，次次都排長龍冇位。今次上到黎，今非昔比，轉曬玩法，雞煲/烤魚火鍋加所謂洒店放題，係菠蘿炒飯，豬腳薑，煎三文魚，甜品得啫喱同D毫不吸引嘅吾知咩奶。揀左個養生煱228每位，吾見得好食。結果我食左D丸同辛辣麵，係我食過最貴嘅丸麵。我從來未試過放題冇食甜品，要食公仔麵飽。一心諗住整個格餅，整左六分鐘以上仲要粉味，超難食，爆谷又苦，食壽司仲要額外每位加二十，太後悔的一餐

呢排天氣又涼返少少，所以同老婆屋企人一齊去打個邊邊先，之前去過韓舍食過都唔錯，它係旺角鬧市之中既創興廣場，我地之後上到店舖裡面的座位都夠多，我們坐下便先點了個鴛鴦鍋，豬骨和麻辣，湯底我就要講到佢個麻辣湯底真係好好食，好重麻辣味，落咩料落去都好好食，假如鍾意麻辣的朋友，呢個必選。豬骨湯底對比麻辣就會比較清D，咁岩我地有小朋友同老人家，這個都不錯。除了刺身係劃，其它飲品、甜品、雪糕、火鍋配料、熟食等都是出面任取，我地坐底了叫了湯底之後，就梗係行個圈睇下有咩唔同，飲品款式勁多，呢間店舖都算係多選擇。熱盤好似buffet咁，有人參雞湯、蟹皇蠔肉粥、泰式紅咖喱荔枝鴨，人參雞湯不錯，藥材味都好重，雞肉又嫩滑。刺身係張紙劃的，之後我地點左個幾款刺身，有象拔蚌、北寄貝、帶子、中拖羅，刺身非常新鮮，尤其估不到有中拖羅可以任劃任食。不錯不錯!!熟食冷盤有雲耳、青瓜、牛肚、豬腸等比我們自己可以夾。火鍋配料主打緊係要有肥牛、豬肉、羊肉啦，豬肉比我們想像中出色，滾出來常軟淋，不錯不錯。

年幾前同班朋友慶祝生日嚟過一次，嗰一次就如佢地YouTube 片介紹一樣，將海鮮放落一整個鍋內，嗰次食時我地幾個都覺得幾特別。今次係為咗慶祝細佬生日亦特意帶媽媽去試佢地未試過呢種形式嘅海鮮鍋，亦send 咗後YouTube 片比佢地睇，睇完都話正喎！！一去到門口侍應就問我要咩湯底（我心諗可能係食完海鮮鍋後用嚟打邊爐）因上次一鍋時無問過我地要咩湯底，應該係食海鮮鍋時指定咗，而我地5個女仔食嗰時已經比個海鮮鍋填包咗個肚，無再食其他）最後來咗一盤海鮮同一個2邊湯底嘅鍋. 我問過侍應，原本佢地上年9月已經轉咗用普通邊爐鍋了。我覺得如果你一心嚟只係為咗打邊爐食海鮮係可以一試，因為佢嘅海鮮都算新鮮，蕃茄湯底超濃！但如果你係為咗佢段*片* 吸引而來，我建議可以另尋............， 我真心覺得好失望

呢排天氣時熱時冷，同朋友決定黎韓舍打邊爐。上次記得呢到有好多唔同種類的火鍋，烤魚，雞煲，打邊爐都有，於是同朋友試下新出的人參雞養生鍋$228，可以加錢食埋刺身，日式壽司同小食架。衣加原來仲有做優惠，2人同行一人仲再半價，十分抵食呀。雞湯十分濃郁，味道超好。打邊爐落料好入味架。打邊爐料自取，亦好多款。刺身都好新鮮呀，三文魚好厚切，帶子亦有鮮味。飲品係自助形式。仲有蘋果tart, 燉蛋，味道都好好。甜品都係自助，仲有唔少jelly, 布丁，種類好多。