韓閣 (新都城中心二期) (已結業)

3月14日不用煮飯，所以外出用膳。在商場的餐飲美食區，看到這店門的餐牌價格合理，款式又吸引，最終決定在此晚餐。平日晚市，此店也几乎滿座呢! 在內堂就座後，就要做最重要的事:點菜。  然後把餐具擺好，要有儀式感。 傳統甜辣味炸雞  久久未嚐過韓風炸雞了，就想來一客。選韓式甜辣醬最有韓式風味。     金黃炸雞帶著棗紅色甜辣醬，杰撻撻醬汁跟脆卜卜雞皮，好有口感。剛炸起的雞肉，隔著手套也感到其熱力。雞肉有底味，雞胸肉依然嫩滑，這炸雞合格了。 鐵板牛肉  薄片牛肉拌翠玉瓜和洋蔥，蒜蓉醬汁鹹中帶甜，熱辣辣上枱很惹味，好下飯! 咖哩雜菜豬仔骨    本以為是類似鳳爪排骨飯的排骨，原來係沾滿香料的baby rib分條烤焗後，再放在咖哩上。   可能炸雞甜辣醬辣度高，這盆咖哩相對不太辣了，反而咖哩的香料味很明顯。豬仔骨係肋骨，肉質先天無得輸。外層焦焦脆脆，中間的肋肉夾雜脂肪，有肉味也有香味，正。 不過，韓國金屬筷子難以夾取豬仔骨，既然炸雞奉送手套，順便用手來抓取豬肋條，直接咬!   咖哩豬仔骨，有口感也有手感呢! 泡菜餅 海鮮餅套餐加配的煎餅小食。  煎餅的粉漿較煙韌軟糯，配蝦仁魷魚很正常， 但夾著泡

寶琳街坊推薦咗一間性價比超高嘅韓國餐廳話好抵食又好食. 餐廳用紅磚做主題，牆上貼滿不同年代電影海報，燈光柔和，感覺懷舊好有風格. 餐廳提供多款韓式料理，唔止咁，仲竟然有客飯套餐，可以優惠加$15就有飲品同飯. 個價錢同食茶記或者連鎖快餐店差唔多，但係佢仲要坐得舒服又冇加一. 優惠價追加小食，大多數$30-40左右就食到啦. 前菜兩小碟都冇額外收費，好正. ⭐️鐵板泡菜五花腩片估唔到$78一人份嘅鐵板竟然會咁大份，熱辣辣上好過癮，超多泡菜洋蔥椰菜同埋五花腩，腩肉肥瘦又剛好，個醬汁辣辣地好惹味，撈飯食好滿足，不過一個人真係食唔晒呀. ⭐️牛骨蘿蔔湯個湯好足料，牛嘅份量唔少，仲有好多菜好鮮甜，蘿蔔入味夠腍. 食其他濃味菜式叫呢個清清地嘅湯就啱晒啦. ⭐️甜辣年糕腸仔串呢個好大串，炸得好好食，好有驚喜，年糕煙靭結實，腸仔Juicy. 下次一定要encore！⭐️一口牛油帶子細細粒一口一粒，炸得香口夠爽口彈牙好開胃.題外話，餐廳竟然有一啲港式嘅菜式好似羊腩煲咁又幾得意，下次都想去試吓. 咁多款式又平靚正，唔怪得咁多人去食啦. 今餐咁多嘢食都係三百零蚊咋. 我見佢仲有現金券可以買如果成日去嘅朋友都可以考慮

閒日晚餐時間都幾多人食～ 而且見到二人餐只係百幾蚊 幾抵就決定試下😋.｜客飯小菜二人餐 套餐包左兩款主菜 可加$15配飯 湯同野飲～ 可以免費揀紫菜飯 好正😜 海帶清湯就正正常常小菜叫左鍋仔燒汁炒豬頸肉同鐵板牛肉 份量好多同好多醬汁 撈飯一流🤭.｜紫菜肉鬆蛋卷套餐再加配既小食 兩件份量 兩個人唔怕食唔哂 又可以試多啲野😌超多肉鬆同紫菜係面 蛋卷又好厚😋.｜橙汁菠蘿梳打套餐用優惠價加配😆 酸酸甜甜既味道 唔會藥水或者太酸🫶🏻.｜炸蝦餅比較薄身 好香口 入面蝦肉好彈牙！🦐.｜香炒黑糖炸雞翼 第一次試黑糖炸雞翼 味道好食！但最驚喜係隻隻雞翼都好厚肉 仲要有6隻 好抵食👍🏻

今日咁岩女女有興趣班，落堂之後順便接埋daddy放工，一齊去食埋晚飯🥰呢排好想食韓國嘢，於是就去咗韓閣食飯😆見到佢有小菜客飯套餐，兩款$142都幾抵食，可以加$15配埋飯、湯同飲品，仲有幾款小食可以加配天氣凍特別肚餓，我哋叫咗三款小菜，每樣小菜都幾大份，例湯係海帶湯，海帶份量好足料，我地分別叫左：🔸炸韓式小食籃（韓式餃子＋紫菜粉絲卷）兩款小食都係即炸，夠脆口，紫菜包住韓國粉絲，外脆內軟，餃子外脆內juicy，好香口🔸鍋仔燒汁炒豬頸肉豬頸肉都幾爽口，有鑊氣，有椰菜洋蔥等等嘅配菜，整體好夾，好好送飯👍🔸鐵板牛肉韓式咸甜既醬汁配牛肉味道好正😋有鑊氣之餘，牛肉火喉剛好唔會嚡，而且掛汁，又一個好岩送飯嘅餸😋🔸日式滑蛋炸雞件呢味餸同平時食到既日式滑蛋豬扒好相似，滑蛋用醬汁煮過，火候剛好，保持到嫩滑，炸雞亦大件又夠入味，小朋友好鍾意食呢味餸😋套餐配飯我地揀咗紫菜飯，小朋友超愛😝呢度都有小朋友啱食嘅選擇，室內環境佈置幾有心思，坐得舒服，下次爸爸收工再帶埋阿女過嚟食飯先😋

約了將軍澳的朋友星期日食午飯，記得食過這間餐廳的下午茶不錯，便訂了此試試佢其他食物。豬手（$98）豬手幾入味及肉質不錯，有肉汁及外皮也好味。客飯小菜：秘製酸辣餃子粉絲湯鍋（$87）幾大碗及另附兩大碟配茶，兩個人食也夠，很抵食。紫菜肉鬆蛋卷（2件）（$26）透過客飯餐加了這小食，熱辣辣好好食，蛋滑滑的、加埋紫菜同埋肉鬆喺面，又香口感又豐富，好好味。炸雞半份（$118）上次試了這間的炸雞不錯，今次便叫了芝士味試試。雞炸得剛好，香脆而不刮喉，芝士味也香濃好味，雞肉也不錯。服務幾好，坐位闊落，可好好談天聚舊，星期日不會催我們走，價錢合理，將軍澳食飯聚舊幾好的選擇。

新都城好多野食韓國菜呢度有好推介一坐低就有泡菜前菜好開胃之前食過個炸雞好juicy今次見到佢客飯小菜套餐有兩個餸加15蚊有飯有湯仲有野飲小菜有好多選擇，而且新鮮熱辣上檯今次叫左鍋仔燒汁炸豬頸肉雜菜炒牛柳粒豬頸肉同牛柳粒份量都好足味道韓式送飯好開心另外再加左魚糕片炒雜菜因為食過炸雞好食同朋友一齊食就翻兜佢既炸雞新出蜂蜜檸檬炸雞加埋檸檬蜂蜜甜甜酸酸一啲都唔膩半份有五大舊，而且啖啖肉外脆內juicy，值得encore

今日簡簡單單去食個客飯小菜 - 金菇肥牛湯鍋，覺得好溫暖好滿足肥牛湯充滿椰菜🥬洋蔥、豆腐，令到個湯底好甜，好健康嘅感覺，當然仲有肥牛啦每個客飯可升級加配$15，就可以有哂配韓閣味飯＋例湯＋冷熱飲品完全係一個豐富嘅午餐紫菜飯海帶湯另外再叫咗人蔘雞湯 加 原隻虎蝦x2全隻嫩雞、腹中塞入糯米、佐以紅棗、薑、蒜和人蔘長時間燉煮製成大大隻好嫩滑最重要係啲湯有人蔘味，熱辣辣飲落口好舒服天氣咁凍，當然就要飲返杯熱嘅嘢飲驅寒生薑蜜👍🏼人蔘茶👍🏼

星期日晚市用左外賣app叫呢間餐廳嘅外賣，叫左一個炸唐揚雞球芝士汁 石鍋炒飯。期待實物係好靚，好重芝士味，畢竟都要80蚊。結果送到黎外賣員係拎住生果透明膠袋，同街邊小食冇分別，成個感覺好cheap，起碼用紙袋裝住比人啦吓話？炸雞外皮有d燶，炸粉又厚，唯一好彩嘅係佢唔係用三色豆去炒，叫做有d蘿蔔絲、青瓜片、荳芽。但只有表面有少少芝士味，食左兩啖之後乜芝士味都冇，好失望。總結：用左$80求其填飽個肚，早知買M記算，冇下次，唔會再食呢間野嘅任何分店。

假日就在家附近#韓閣 食番餐#韓國菜 ，因韓閣食物種類多外，有料理、小食、炸雞、小菜套餐、湯麵…，價錢實惠又不收加一，好抵食架😉叫左個小菜客飯2人套餐，有海帶清湯同韓閣味飯，加$配了紫菜肉鬆蛋捲同魚皮炒雜菜，再點埋驅寒生薑蜜同埋凍檸茶。番茄🍅豬仔骨粉絲鍋，番茄湯香濃的，豬仔骨有5件煮得入味，配料還有椰菜、蘿蔔及粉絲，將香濃的湯拌入飯食很開胃。日式滑蛋炸雞件，炸雞不會炸到好燶，故咬落有點脆同柔軟感，調味亦剛好，滑蛋內有洋蔥同冬菇，蛋帶點甜味也不錯。食飽飯又有力氣逛街囉😉💃。

位於將軍澳新都城既韓閣係一間韓國餐廳。係寶林地鐵站行幾分鐘就到，十分方便。餐廳既裝修風格偏向韓式小酒館既風格，空間雖然唔大但一D都唔感覺到侷促。食物方面，今次試左以三重芝士鐵板泡菜五花腩為主菜既歡樂盤（$198），當中配菜包括紫菜飯，芝士粟米蛋、泡菜同菠蘿，淨係望住d芝士拉絲都已經令人食指大動😋歡樂盤既分量已經足夠兩個人食，但都忍唔住叫多半份蜂蜜牛油炸雞（轉雞中翼）（$118）,熱辣辣既炸雞配一罐可樂真係大滿足💕其實餐廳仲有幾款特色真露Cocktail，相信假日同朋友黎又係另一種享受🤭💰$200 for one (Dinner)📍HKG 韓閣 (新都城中心二期) 地址：將軍澳寶林欣景路8號新都城中心二期1樓1015號舖

星期日4個人黎食午市，因為冇乜人，所以好快入座，可以買openrice卷$170當$200用，慳$30，即買即用，而且炸雞相同價錢可以揀不同口味，同其他炸雞店唔同，係好既，。個茶餐都ok，有炸雞，飯同野飲，飯細但咁既價錢ok啦，野飲唔指定就會變湯。唔好既係我地到食完全餐都冇人serve 我地水，另外上手用既紙巾又唔執，而我地叫既冷麵麵同牛肉都太硬，就算浸耐的都只係好返少少，從未試過咁唔好食既，而且貌似經理既就企係我地旁邊，扮聽唔到我地不滿，理都冇理，服務真係唔滿意。

新都城中心隱藏左一間小店, 主打平民化韓國料理💫今日好早就肚餓, 六點半就去搵野食! 門外就無乜人等, 但店內都已經坐左幾檯客!..餐牌基乎涵蓋晒所有類別嘅韓國料理, 炸雞, 人參湯, 飯卷, 炸醬麵, 泡菜煎餅都有🍽️全部都唔算貴! 睇落性價比都幾高👍🏻..【醬爆黑豚豬仔骨鍋】HK$138鍋內好多支豬仔骨🐷🥘肉質鮮嫩, 用秘製醬汁煮到入晒味❤️‍🔥湯底清甜🤤果啲蘿蔔真係精華所在!!!!..【牛肉雜菜飯卷】HK$58食韓國嘢點可以唔食飯卷, 入面包咗好多新鮮蔬菜🍚🌯用料好豐富, 牛肉份量都好多..【芝士泡菜煎餅】HK$88🧀芝士舖滿整塊煎餅, 煎餅邊脆, 泡菜又唔會過酸, 仲保持到煙煙靭靭口感唔會煎到乾晒👍🏻..總括而言黎講係一間性價比高嘅韓式餐廳, 食物質素唔錯, 鍾意韓國菜真係可以一試💫°°°°°°°°°°°°°°°°°°°°°°°°°°°°°°韓閣 @korean_loft_cafe📍 將軍澳欣景路8號新都城中心2期

本身今日想食韓國嘢，就諗住黎食呢間。等咗20分鐘攞咗個外賣，我買咗豬肉泡菜湯，但冇諗過68蚊嘅豬肉泡菜湯入邊係冇泡菜，得普通大白菜，湯底仲要唔夠味。好失望，真係冇下次

因為店舖位置不算起眼，之前未嚟過，多數去Hungry Korea, 今年下半年來過一次後，已是第N次重來。牛骨蘿蔔湯 加泡麵牛骨鬆軟，蘿蔔清甜，正常發揮。醬爆黑豚豬肉骨鍋 香濃骨鍋，個人每次必食之選。最出色係個湯，加麵係絕配。芝士香草薯條正常水平芝士岩漿炒飯芝士層厚厚蓋差炒飯，提醒要快吃，溶在一起吃，不然，等太久芝士部份變凍變硬，同飯粒分開。青檸柚子蜜蜜桃冰茶荔枝梳打人手不算多，但效率高，有禮貌，放心，不會受氣。

同朋友加埋4個人食 有個肥既女人員工比左張好細既卡位我地坐 叫完野食後上左一小部分野已經唔係好夠位擺 果陣個場都好吉 見有空枱淨就要求換張大小小既枱 個肥女人態度好差仲比說話我地聽 仲話「點會擺唔到野呀係你地放得唔好咋嘛」 但明明啲菜未上齊仲有大概一半未上已經冇咩位 唔明點解仲要受佢氣 跟住換枱後仲不斷西口西面 又串 又要受氣 埋單果陣仲比說話我地聽 明明一間野食又唔差既餐廳就因為一個員工既態度 影衰哂成間野 呢間野已blacklist以後唔會再食了 唔想比錢買難受