影片
港鐵黃大仙站 B3 出口, 步行約1分鐘
繼續閱讀
營業時間
*Last Order 21:00
星期一至日
11:30 - 21:30
以上資料只供參考, 請與餐廳確認詳情
相關文章
上次見到朋友響呢度食芝士鍋好吸引😍芝士控嘅我又點可以唔黎試吓呢😆黃大仙分店面積都幾大，餐廳好有氣氛，佈置好有復古韓國氣息，重有多個打卡位，而且仲有韓服體驗😮打開Menu食物真係超多選擇又多元化，趕得切最後一星期黎食佢哋個《韓國X嘆嘆聯乘》優惠，餐牌上指定三款食品有最低七折優惠，咁扺食一於叫哂三款黎食啦😋歡樂芝士鍋♨️必食之選👍🏻🌀芝士黑豚骨歡樂盤 $188鍋內有齊晒澎湃嘅三重芝士、味飯、牛油粟米爐邊蛋、韓式餃子、韓式前菜排骨醃得夠晒入味，用嚟沾拉絲芝士食真係好正😋食到咁上下，再加埋個有咸魚仔既味飯落半溶芝士度好鬼正呀🥰🌀生滾椰子雞煲個湯超濃椰子味，好清甜我飲咗好多😋雞件大大舊而且雞肉好滑溜，煲內都好重料有大量翠玉瓜，金菇，雜菇同蔬菜👍🏻健康之選🌀海南切雞養生蟲草花雞白湯麵個名好長🤣一上枱嚇一嚇，又係好大份量好足料，個海南雞肉滑嘟嘟，蟲草花雞白湯好好味吖😋我又係飲咗好多，而且飲完都唔會口渴👍🏻🌀草莓格仔餅雪糕球 $68當然唔少得甜品做ending啦😋格仔餅外脆內軟，做得相當唔錯，配埋香草雪糕球同草莓食😋大滿足吖！！
繼續閱讀
喺社交平台賣廣告見到，標題寫住正宗地道韓式料理，見價錢幾吸引，所以去咗食大伏！大伏！蜜糖炸雞🍗食到滿滿嘅化學蜜糖味，個醬食落好奇怪，偏甜肉鬆玉子燒超乾身，而且個玉子係一D蛋香味都冇，唔知食左咩豬肉炒粉絲豬肉少得可憐，好油，食到底嘅時候會見到一碗油，不過呢個係全日裏面最好食嘅一樣嘢年糕串個甜辣醬真係好奇怪，唔係正宗嘅味道，而且佢個腸仔係芝士腸嗰啲朋友甜品係一個維記雪米糍，code落單嗰陣隔離寫住備菜時間為20分鐘，一開頭幾期待，最後見到個侍應放咗兩粒雪米糍喺個枱度😹😹⋯⋯總結：望落去好多嘢食揀，真係食嘅時候大部份嘢食都偏伏，唔好有預期，佢最多係茶餐廳水準未去到正定韓式地道美食，但係公道講句係抵食嘅，都食得好飽
繼續閱讀
見成日賣廣告，約埋朋友一齊試食星期五晚市，算係幾多人幫襯但係唔需要等位食物選擇超多，唔係齋韓式但係我地盡量點返韓式食物調味都唔錯叫左個套餐，話有甜品，點知比個果盤仔佢有個打卡推介，話送甜品，又係果盤仔我地一頭霧水嘅時，又再比果盤仔其實間鋪應該係無甜品嘅店員可能都係臨時拉夫嚟嘅十問九唔知，但係都會盡量幫你嘅😅真係充滿驚喜嘅餐廳
繼續閱讀
同屋企人食下午茶，諗住未試過第一次嚟體驗，首先要讚吓餐廳嘅環境係有俾心機同埋食物質素唔錯，價錢亦都非常親民，餐廳是用手機落單的，落左兩個套餐一個係下午茶(凍飲加$3總共$61)一個係午餐($58)，手機明明見到係119，後尾有一杯柑桔凍飲飲品太耐想問一問侍應，因為食物都到咗一段時間食咗少少有啲口渴，期間咁啱留意櫃檯部機顯示多咗一杯紫薯熱奶家人問點解會咁，有個女侍應就同我老婆講話係我哋自己撳，係我哋自己撳冇得取消，爭論咗一陣，聽到隔籬枱有位客人話等咗好耐杯紫薯奶未到，咁我哋就意識到好大機會其實由頭到尾係員工係手動幫嗰位客人落單，點知落錯咗落我哋張單度，起初佢堅決拒絕取消杯飲品，後尾知道做錯咗也感受到不太情願地取消，期間嘅位女侍應從頭到尾冇過嚟解釋返，我想講就算係客人真的落錯咗都可以有禮貌地同客人講可以或者唔可以取消而唔係感覺覺得係錯咗就唔關佢哋事嘅感覺 ，其次check 嘅時候可以清楚先同客人講，因為客人反映意見一定係有原因，譬如落單嘅時間係咪唔同，唔好一開始就落晒閘話客人落錯單先，雖然而家手動QR code落單好方便，但係變相有時就變咗係員工有種推卸責任嘅感覺，服務真係麻麻，要有好大嘅進步空間，唔因為呢啲細節令到成間餐廳評價下降，我會覺得係非常可惜
繼續閱讀
諗住食個快飯。然後上堂，就想起這間，但係中了個大伏。點了個全日常餐。等了大約10分鐘只上了一個跟餐有一塊極細嘅煙鴨胸肉片和一啲沙律菜、熱檸水，杯檸水只有兩塊孤獨的檸檬。在杯內浮游，主菜的免治牛肉熱鍋飯，足足等了成20分鐘才上菜，不斷追單下，最後才上埋跟餐的所謂韓式炸雞，醬料勁失敗！本來無諗住有什麼期望。但係今晚廚房冧晒檔。目測間餐廳只有幾檯人來吃飯。上菜速度屬於龜速，要不斷催單才幫你追菜。真係無下次，難怪呢間嘢無乜人幫襯。雖然價錢不太貴，但係廚房與樓面不配合，香港的飲食業，真係唔好怪人北上。出品、招呼、上菜都麻麻地。無保持品質都係枉然。
繼續閱讀