韓食工廠 (已結業)

知道新蒲崗好多好野食，但係奈何返工地點唔喺正新蒲崗，所以搵野食都唔太易今日咁啱想食韓國野，openrice到呢間韓食工廠就去試試~ 果然名乎其實都真係工廠咁，前鋪後廚房，無得堂食，只可以外賣，就叫左個午餐便當試試佢~$57便當內容都幾豐富，有半盒韓式炒粉絲，三件炸雞，兩件芝士蛋卷，四款口味kimbap (相入面係偷食左舊先影)見到佢蛋卷同kimbap係一早已經入左盒，炸雞同粉絲就叫先放盒。要讚嘅係個炸雞，估唔到係偏熱嘅，上面辣醬唔算太辣，肉質還可以。kimbap包得唔夠實，筷子夾起上嚟好容易會鬆散，四款味有蟹柳、吞拿魚、牛油果、cream cheese魚乾 (應該係)，我重口味啲覺得cream cheese魚乾最唔錯。粉絲無特別，但係已經放涼左嘅溫度。芝士蛋卷偏鹹，我重口味都覺得鹹，咁佢應該真係調味重手左。$57便當有多元化野食都真係幾唔錯，另外+$5可以換到韓式飲品。見鋪頭有一大鋪係擺滿韓式小菜，唔知係唔係小菜先係佢地主打呢，下次可以一試~

經過見佢清楚標明10oz ,16oz ,26oz 配菜的價錢、便叫了個16oz 的魷魚試試、點知魷魚只裝滿6成、返去再磅、只係得9.5oz,心有不金、便打電話去店鋪問下、那位店長說16oz 只係表示個器皿的容量、不代表食物本身的重量、由於魷魚價錢貴、只係可以裝得6-7成滿！又說一早已經叫老板改叫大中細、叫我參考韓國街都是咁叫、旦問題係人地叫大中細都一定會裝滿、不是只得那6成滿、豈不是違反商品說明條例？那位老板會否參考韓國街以gram計、明碼實價地做生意？！

剪完髮諗住去麻雀館條街買外賣酸菜魚點知門口成堆人等緊位同等外賣見到隔離有間新開嘅韓式外賣店有好多唔同種類嘅泡菜售賣好似去咗尖沙咀韓國街的小食店屋企人又肚餓所以馬上轉軚包裝整齊，好企理可能始終舊區收費比較便宜食飽一家五口都係$400左右韓式脆豬腩肉，鬆脆香口，老人家10分讚賞，配合韓式辣醬同生菜包埋一齊十分滋味，可惜店家未有旋片辣椒提供，唔係就完美喇韓式一口炸雞鬆脆多汁店家好細心醬料分開俾我，以免影響外賣炸雞嘅脆皮，不過略嫌唔夠甜韓式飯卷起初想買牛肉味，點知已經售罄，店員姐姐推介我食牛油果飯卷，口感味道出奇地夾，後悔冇買多一條炒粉絲分量十足不過俾小朋友食晒，我只係食咗一啖😅順帶一提有韓式超市的各種醬菜現場售賣，質素跟尖沙咀韓國街的差不多買了醃魷魚、蘿蔔乾送飯一流

經過錦榮街時，發現開了一間韓式外賣店，是區內少有的韓式食肆。店舖在當眼處放置韓式配菜/漬物，以跟據配菜的重量標售價錢，店內還有飯盒、豬手、飯卷等選擇。本人本身喜好飯卷，但所喜好款式已賣完，因此再看一次menu有何選擇。當中看到在韓式豬腩片雜菜飯上標註星星，而且表示「超值」，故一試無妨。回家發現職員給我的食物份量的確驚人，只需$48，已包括韓式豬腩片雜菜、白飯加蛋，再另上韓式泡菜、大豆芽、麻油菠菜。難怪會標示「超值」韓式豬腩片雜菜份量頗多，以韓式辣醬炒青椒 、紅椒 、洋蔥 、高麗菜 、冬菇 、腩肉，醬汁頗多較重口味，腩肉較肥，另有慷慨份量的白飯及半生蛋拌飯。配菜份量亦慷慨，味道與一般韓式餐廳水準差不多。總括而言，小店出品味道還好，但以食物份量、價錢、誠意，算是頗高性價比，下次會再試其他！

昨晚我準備在「新蒲崗」光顧享用晚飯之前，在「錦榮街」旁邊光顧了一間只有外賣自取，而沒有提供堂食的韓國菜食店，食店的名稱叫做「韓食工廠」。由於「韓食工廠」沒有提供堂食，所以就算知道「韓食工廠」在製作和售賣「韓國炸雞」食品，但是我擔心長時間等候小巴返回「西貢」，會令「韓國炸雞」的外層炸皮變腍，所以最後沒有購買「韓國炸雞」。相反地，我最後只在「韓食工廠」裡面購買了一盒「小」份量版本「韓國泡菜」，打算食完晚飯，返回「西貢」享用「韓國泡菜」當作宵夜算數。我發現「韓食工廠」廚房製作的「韓國泡菜」實際製成品本身的味道頗辣，辣得來甚至有少許令我嘴唇感覺有點麻痹的感覺。而且我發現「韓食工廠」「韓國泡菜」除了有辣味之外，還夾雜少許來自「醋」，令人有開胃感覺的酸味。不過「韓食工廠」「韓國泡菜」有分大、中、小三個不同份量版本，中、小版本「韓國泡菜」售價都是在港幣二、三十元左右而已，偶爾購買了一小盒「韓國泡菜」，回家慢慢享用也是未嘗不可的一回事。