音樂人家 (已結業)

以前去過「音樂人」好鐘意個度既感覺，後來個度停業，真係有的失望。最近有朋友話佢\\\地轉佐個地方，就黎睇下啦。地點係山林道都好方便，雖然係二樓都無所謂啦，不過要入條小路先上有電梯，有的麻煩。出佐電梯就係餐\\\廳，門口有張好大既貼畫，簡單得黎又幾清楚介紹餐\\\廳經營意念。入到去就有人好親切咁招呼，睇清楚個度的燈光唔會太暗，好舒服。全場都係木制傢俬，真係好特別，無佐落地玻璃同海景，同以前個感覺完全不一樣，講真豪華就不及以前，但係好親切同埋舒服，比起以前完全唔同。我朋友話重鐘意依度添。其實除佐地方細的，無海景睇，個局格同以前類似，舞台加舞池，只係走比較溫馨舒適同家庭路線。仍然有歌手唱歌，中英文歌都有，仍然係好有水準。個晚無人跳舞，所以乜野歌都有得聽，好正。雖然的歌都係懷舊歌，但係舊歌真係好聽架，不聽不厭。有兩位年輕朋友就話未聽過的歌，不過都好鐘意。食野方面就同以前唔同晒，比較簡單好多，以焗飯、意粉為主。重有小菜可以叫。我地都係覺得西式襯的，叫佐個焗海鮮飯，焗吞拿魚意粉，一個咖喱雞，一共三個套餐\\\，套餐\\\包埋飲品一杯，仲有湯，送埋甜品都係每位88蚊，幾合理啦。的食物無乜特別，但係味

朋友介紹話有間好特別的cafe，佢知道我喜歡的幽靜地方，最怕嘈吵。地點在山林道好方便，我地四個人踏入餐廳己經好鐘意，佈置好有田園feel，雖然都係木頭傢俬，都好舒服，我地點左一個咖喱雞，一個咖喱角，一個焗海鮮飯，一個焗吞拿魚意粉，的咖喱有的甜，唔係好辣，可能係適合香港人啦，味道都好香，幾好。意粉就嫌軟左的，硬番少少更好，個海鮮飯就好正，料都夠多。飲品方面都幾多選擇，除左咖啡奶茶外，佢地介紹個工藝茶好好玩，一個欖咁既野，熱水一沖就變左一盤花咁既茶，味道重好好飲。重有各種花茶選擇，好過飲咖啡咁普通。特飲有十種選擇，朋友叫杯shirley temple 都算幾好啦。原來每晚都有歌星唱歌，中英文歌都有唱，重可以點唱，如果你喜歡舊歌就一定鐘意，好經典的歌，新歌就無乜啦。都好，可以聽番的唔同時代既歌，都幾得意呀！個度無乜野玩，但係同朋友聚聚，傾下偈就真係岩晒，以後我會再去，重會帶埋我老媽子去坐下，佢實會鐘意架！個晚四個人埋單都係三百幾唔駛四百蚊，消費合理。