音樂人家 (已結業)

其實最近我地去左包場, 每人大約$131 倒,去到環境都幾好, 音響真係好好, 不過我去到時, 只見老細一個人, 從來睇番老細個的個人日誌先發現原來當日大廚放左假, 佢要一個人預備食物, 一個人收拾, 一個人睇場...其實論食物, 我個人真的覺得唔係好夠食, 我地大約三十個人, 有兩小盤意粉 , 一盤唔熟的糯米飯, 咖喱魚蛋, 菠羅, 腸仔, 現成的提子包, 蕃茄青瓜片, 一人兩雙雞翼...之後dessert 就有都唔錯的pudding, 還有一盤梳左少少風的芝士圈..其實我唔係攪手, 我都唔知有無野同menu 出入,所以不敢妄下定論論態度, 可能因為我地好多人不滿, 加上老細預備之前已經預備得好辛苦, 所以態度唔係咁好, 不過我都feel 到老細一黎憫自己, 二黎都真係唔開心ge, 不過對於顧客而言, 其實態度真係有待改善啊論音響, 因為小女子都懂小小音響, 真係好小啦..haha...其實音響真係幾好啊~ 順手回應之前有人講拍咪啦, 其實咪真係唔可以拍嫁~ 真係會壞嫁, 好質素的咪下下都要成千蚊支嫁...唔好亂拍啊!!至於d 歌, 我都應同真係想唱新歌可以去唱k, instead

首先多謝文達兄王先生包場。對於你的批評指責，我們想作出一些回應。平時包場最低消費$2400元（連加一）你們一共十六人，所以結帳時收了最低消費$2400元。食物說不上豐富，不過和預設的餐單相同。訂場時你們說好由下午六時半開始至十時半四小時，我們半小時前可以讓主辦單位set場，部份人員亦於六時十分前到場，由於主辦單位未到場，我們亦不知道晚會主題是什麼，到主辦人到場，告知想唱k，交給我們一張dvd，我們代為搐放之時，又有人要電腦選曲。我們不是k場，在這方面真的比較弱，大概浪費了十五分時間處理電腦。我們大部份客人使用場地的最大期望不是唱k，所以我們不會預先作出唱k準備。我們不強調我們歌曲最新（也不至於太舊），只強調我們音響最好，如果要唱k歌唱又新又專業，只有正式的k場做得到。可能是客人有個美麗的誤會，以為我們是ktv，才會令他們失望。飲品方面，如果你沒有飲過花茶，未必會接受花茶味道，當晚我們還提供了檸檬水和可樂、七喜，可樂七喜不是我們製造的，相信會令你滿意，如果有人認為我們的檸檬水太甜，那是代表原汁太濃，可以稀釋一些，多加點水就好，每個人口味不同，反而太淡可能是為了節省成本。其實我們還提供咖啡

一班人包場玩, 6:30-10:30pm. 包場2400+10%一晚, 包野食. 食物CHEAP到痺, 出海遊船河D野食都好過佢\.D野飲雖然任飲, 但係等於冇野飲, 佢\有可樂, 檸檬水, 桂花茶同水. 檸檬水=甜, 桂花茶=怪味, 水=正常. 所以99%朋友都只飲水, 無限refill水, 賺鬼死佢\.有個大舊阿叔態度奇差, 佢\可能係老板, 朋友6:30pm到, 我7pm到, 只見佢\係度搞機, 我地一班人打算包場唱歌, 但係7pm都未唱到. 到最後又唔補番半個鐘比我地, 聽朋友講, 佢\仲話我地唔早D上黎SET機. \"阿叔, 你交得個場出黎就SET好先交喇, 洗唔洗幫你拖埋地呀?\" 到10:30pm又話佢\好多野做, 趕我地走, 又話$500半個鐘. 後來得知佢\地一入去就已經同個大舊阿叔好唔妥, 我係搞手就真係拉大隊走(好似只係落左$300訂). 去NEWAY唱好鬼過, 食都好食過佢\.有人拍咪, 大舊阿叔就會話, 語氣奇差. 得閒無事又較細聲我地個VOL, 人地搞佢\部機就緊張到死. 若果係咁緊張D野咪米鬼租場比人喇. 一係講明整壞邊D野要賠幾多錢喇, 唔好成日MON住

好討厭的餐廳嘈吵不堪，事實上我地都好習慣講野好大聲。不過依度真係好幽靜，音樂聲同唱歌聲都唔會大聲，尤其是佢地揀的歌都好舒情，應該唔會嘈。昨晚慕名去食飯，聽講話情調氣氛都好好，大概有五檯人左右，都好細聲講野，配合現場的情歌，好正。服務值得一讚，睇得出係用心，好親切服務，同一般cafe真係唔同。一舉手就有人過來招呼，好難得。的食物幾好，以樓上cafe來說絕對是超班，選墿多味道都唔錯，當然唔好同大餐館啦。如果想平既梗係茶餐廳啦，講享受靜靜地食餐飯好重要，我地相當滿意。

與朋友相約食飯, 看open rice無意中搵到呢間"音樂人家", 看過以下大部份的評論都不錯, 一心與朋友兩人來試下. 想像與現實往往有點出入, 見到評論寫"浪漫好靜", 自己對這兒的環境都帶有點期望, 可能我地來到已是晚上9點, 全場只見一對情侶在一角、可能想形造暗一點的浪漫感覺; 但昏暗既燈光加少客人讓我有就收鋪的感覺, 第一印象不算太好。 靜, 真的夠靜, 可能今日無客, 所以都未見有人唱歌, 播歌唔算嘈, 桌與桌之間有很多空間, 唔會好擠迫, 最討好是一至兩張的木頭雙坐位搖椅服務那位人兄應該係想給人一種好親切好客的感覺, 給了我們餐牌後就俯身介紹他們的餐牌, 明白這是一番熱心, 但係我地想靜靜地討論下食乜都唔得, 有d壓迫感同好似催我地咁。食物款式只是cafe或茶記的食物, 見到真係有d後悔同想走. 落單後見到服務那位打電話, 不禁想"佢唔係叫外賣呀", 忍不住一問, 服務員男人a答, 廚房在街外, 不在這兒, 我地都疑惑, d食物送到黎咪凍哂, 服務員男人b (同時是唱歌那位) 走過來答, 廚房在樓上, 因為地方不夠大, 所以廚房在樓上, 並說邊到煮都好, 食物好食就得;

本人於9月21日打算預訂10月6日晚上吃dinner，但餐廳話已包場，於是改訂10月5日，佢話無問題。本人及太太於10月5日晚興致勃勃到達餐廳，居然包咗場,但又冇通知本人。本人感到非常失望，奉勸各位在訂位前，請三思!!

朋友話依度好特別，好似去左另一國家咁。咁就黎試下係點。地方好大無柱，座位唔多，我地五個人坐一張圓檯，都唔算好逼，的檯椅都係木既，可能無梳化咁舒服，不過又唔係坐成世無所謂啦。音樂聲唔會太大聲，後來重有人唱歌，好有情調。而家要聽人唱現場真係好少地方有架，重係唱得好好，都係我熟悉既歌曲，中西都有，歌名可能就講唔出黎，不過好熟旋律。個日人都幾多，大家都好靜咁聽歌，講野細細聲咁，好奇怪，所以我重以為去左外國。我地叫左兩個焗飯，兩個小菜同一個咖喱，好少樓上cafe有咁多選擇。的食物問心講都幾好，當然有唔會好食到點樣，起碼夠熱夠份量，用料又唔幾多咁就算合格啦。睇唔到佢地廚房，原來佢地廚房係樓上，落單就通知樓上送過黎，咁都幾好，個場唔會有油煙味。個餐包飲品，我地叫左2杯好好玩既工藝茶，重有三壺花茶，飲完重有免費加水，幾好服務。本來以為會睇到人跳社交舞，不過個日無人跳舞，真係可惜。香港幽靜餐廳好少，睇怕依度都幾另類，希望能夠保持啦，下次拍拖食飯都會再黎依度。

朋友生日，傻傻朋友很用心地找了這間Café，他形容這是間很高級和有"Live Band"的Café，所以我們都以為是聽Juzz的，但後來發覺和我們想像的有出入，一進去的感覺是不俗，有情調但很casual & home-feeling的~但當看到台上的一位上了年紀的女歌手在唱八十年代的歌，便知道我們選錯了地方...老闆很很很很熱情(or太熱情...)地招呼我們&和我們閒聊，他還介紹他們很出名的"肉醬意粉"&"三杯雞"不過，我們的一位朋友上完washroom後，竟然見到侍應正在把食物由發泡膠盒倒到碟上!後來我們還聽到老闆在電話中order食物!起初我們也半信半疑，但當見到侍應上的數碟焗飯是方形(不是在方形焗盤中)的時候，我們真的懷疑這些是否在外面買的-_-“…焗飯是不賴，但很出名的"肉醬意粉"卻很普通;"三杯雞"很像"口古嚕肉"(我們還以為漏了單);"咸魚雞粒豆腐煲"並無咸魚的香味，又淺色又淡，像一碗碎肉+碎豆腐，連夾也夾不起來;而且，我們赫然發現，原來老闆推介的、他們很出名的"炒雜菜"，竟然和媽媽的"烚雜菜"沒分別!不過"工藝茶"真的很賞心悅目~之前也見過，是

尖沙咀唔熟路，看到食評有笑無喊，有一試吧。入到去，有四台客，客人係靜既，斯文人，不過個佢唱歌播歌個speaker好大聲，尤其個位係正speaker下面，要講野都要"mar"大個喉嚨，達唔到舒服傾計的目的。本身佢音響係ok的。環境黑黑地，係有情調既，有千秋木椅坐，見到有情侶係果度談心，出面個台店左間店既三分一位置，明顯係為包場作準備。食物，我會俾喊臉!!! 奇怪，西餐廳格局，有意粉/焗飯(款式真係好似快餐店)，又有大排檔的干炒牛河/鹹魚雞粒炒飯/三杯雞呢d。真係crossover。九點半order了一個意粉，十點五先到。雖然話有花茶可以飲(叫set dinner $88 先有)者都會餓嘛。可憐叫了芝士焗肉醬意粉，我相信係用左半支地們茄汁炒出來的，甜到....朋友叫了白汁海鮮意粉，居然有鯪魚片??? 無錯，係魚蛋粉果d.....我同意呢度係有情調，但用一百蚊一位既價錢，可以去更好的地方，靜靜食一餐。例如杏花村的南歐房子。p.s. 服務員無前幾個食評講得咁好咁senitive，叫好耐先加水，叫他們又自顧自傾計.....

看了評語,幾日前去了此處dinner。店內氣氛相當不錯, 幽靜而不會太暗,佈置優雅,一向很喜歡木的桌椅...老闆和另外兩個女生都很nice, 食物都有水準, 不比一些連鎖西餐廳遜色...老闆自彈自唱都是重點之一~不過星期六整晚也只有十個客人左右, 希望生意會再好一點吧~ 使這個雅致的地方能經營下去~

幾個朋友想聚聚，諗下去間靜d既餐廳，有朋友就介紹喱度，話好有氣氛咁。四個人book左檯，睇下個餐牌都幾多野食，有中有西，不過就無扒食。我地叫左兩個小菜，鹹魚雞粒豆腐煲同埋咕嚕班球，兩個焗野，一個係焗石班飯，一個焗雞扒意粉，都幾好喎，雖然無乜特色，不過味道幾好，又夠熱，份量好大碟，普通人一定夠食，特大食個d就唔包啦。餐附中湯，個日係粉葛赤小豆豬骨湯，幾夠火候有的阿媽湯既感覺，每日仲有一杯飲品，我地叫左兩個花茶，原來係一壺上，飲完重好好咁幫我地加水，服務真係夠周到，兩杯特飲（要加十蚊）不過好大杯，味道夠晒濃，唔會水橫橫咁，都抵啦。最特別的是全場客人都唔會好嘈，本來隔離檯都幾大聲講野，服務人員細聲同佢講請佢地細聲的，咁全場都幾好氣氛，最鐘意有人唱歌，唱得好好，原來老闆係舊日名歌星，唔怪得唱得咁好啦。佢唱完重會落黎同客傾偈，好友善。我地都認為依間cafe真係好用心，同一般樓上cafe唔同，不過要幫襯最好先電話訂座，因為成日都有包場，我一定會再黎幫襯，你都一定要試一試，包唔會失望。

好有氣氛的一間店!!木台到又放了candle!!唔會太嘈!!員工超nice, 而且有歌聽!!又可以點唱!!仲有千秋椅坐!超正!!d野食都ok~~~果日我同bf黎celebrate生日~佢都好開心丫~

朋友介紹, 就來一試大家叫中菜, 可以一齊食,感覺好似去左大排檔咁,但係環境就好好多!!!!不果最差係我地得左成個鐘,啲餸都未黎,真係想餓死人,一問之下,原來其中一個廚師休息,但係都唔洗咁耐卦,好似好唔專業咁啲野食味道都唔錯既,比起一般Cafe黎講,都可以話係水平之上,不過份量就無大排檔咁大碟,女仔就會夠~~~個老闆中段會自彈自唱,都幾特別,估唔到佢\把聲咁得~~佢\仲極力推介啲花茶比我地, 但係老實講,味道一般,試過一次,都唔會想再飲~~~或者我對茶唔太好吧~~~張椅雖然好有田園Feel,但係要坐咁耐,就會唔舒服,又細張,真係肥人都坐唔落~~~如果係食環境,都OK,但係咁既價錢,其實巳經可以食到好多好野~~~

我下面個位兄台manofman,基本上寫曬我想曬的野.不過我也有點補充,樓面方面只見一個男人和女仔.但我覺得他們服務態度真係顧客為先,非常親切友善,又會推介什麼東西你食你飲,我從沒有見過有餐廳有如此好的服務,真的一讚!其實我來吃的目的,知道有飯吃外,還有鋼琴伴奏和真人演唱,於是便到此一遊.鋼琴伴奏方面,那位演奏大哥,不算用心去彈,d音成日彈錯,要改善.不過佢都會主動去下台,問你有什麼歌想點,當然你所點的歌他可能很少彈的話,他都會盡力去彈...而真人演唱方面:起初我和女友向那位男仕應落單後,我再多口問他:請問這裏是否有人演唱呀?他說:是呀，不過要讓演奏大哥決定．當時我心想：由他唱？？（凸眼）不過最後演唱當然不是他，是另有他人．（這個由你們自己去探究呀！）廁所的牆上佈滿了猫狗的海報，很特別！簡單講：情侶們非去不可的地方！！

講真而家想靜靜局局同朋友食餐飯都幾難，除非好貴個隻啦。依度真係好幽靜，佈置好有田園感覺，座位設計得好特別，唔會好密集，好多空間，所以話拍拖最正。收費套餐$88，都幾好食的野，又夠份量。重有現場情歌聽，情侶真係要試下啦！不過最好訂座先，因為成日都有包場，小心摸門釘。