影片
營業時間
今日營業
11:00 - 22:00
星期一至日
11:00 - 22:00
*最後落單時間: 21:30
以上資料只供參考, 請與餐廳確認詳情
相關文章
香港上環店呢間響茶真係好飲到爆啊！作為一個超級鐘意食開心果嘅人，呢度簡直就係我嘅天堂啊！！佢哋個開心果脆脆真係正到冇得彈：開心果醬襯埋牛奶，底層仲有開心果碎碎，成杯野飲層次感十足！我強烈建議大家揀三分糖，呢個甜度飲落去最啱味，完全唔會話飲多兩啖就覺得膩，真係好飲到停唔到口，一啖接一啖咁飲落肚啊～再講下個紫薯芋泥鮮奶啵啵，簡直就可以當埋粥食啦，材料落得超級足，每一啖都食到滿滿嘅料，仲可以咬到紫薯粒添，邊個明瞭我嘅感受啊！我真係一試就愛上咗，成日都想再去買返杯飲啊！
繼續閱讀
本身以為呢一間舖頭係同太古某一間我都幾唔鍾意嘅台式飲品舖係同一間 但係今晚夜咗返屋企想嗌杯台式飲品 又冇乜舖頭開 所以就諗住俾多次機會佢試一次點知嗌完同飲咗一啖之後就發現完全唔同 原來我一直誤會咗佢地唔係同一間 呢間店掂好多～今晚我嗌咗杯芒果鮮奶茶同開心果脆脆我平時唔係好飲甜嘢 就算飲甜嘢都係嗌到極少糖或者無糖 響茶嘅嘢飲嗰種甜係好假嘅甜 係飲完落去都會覺得好舒服 唔會飲到個喉嚨唔舒服好彩俾我誤打誤撞發掘咗原來呢間響茶係咁好飲真係要多多支持呀💛
繼續閱讀
因為喺附近返工既原因，周不時食晏經過都會同啲同事買杯野飲下，每次買都一定見到部電視播左杯四季春D24榴連但每次問都話無貨，店員話因為季節限定所以唔係全年都有，不過今日終於買到黎試，$49一杯榴連黎講唔算太貴 個人認為中規中矩。製作當中已經聞到好香好重既榴連味，味道方面榴連味非常之出，飲落軟滑帶有小小茶香加上口感綿綿，真係唔錯👍🏼。美足不中既係今次榴連配搭原味奶蓋無太大驚喜，味道唔差，但無想像中咁夾，不過下次飲一定會試吓芝士奶蓋🤤
繼續閱讀
隔離茶水生意好真係唔係冇原因..老實講你收銀果位大帝（男）咁厭世咁唔想做不如搵過份工啦…買杯野飲啲態度唔講我以為欠左佢幾千萬咁…態度完全趕客..既然貴小店咁巴閉既話我都係返茶水算了…拜👋冇下次
繼續閱讀
聽朋友講味道不錯 所以黎試下 點知不止失望 直頭一肚火飲品味道一般 珍珠係硬的 最大問題是員工態度惡劣 下單講得比較慢 竟然反客人白眼加上極不耐煩表情根本完全不想做生意的態度 唔會再幫襯第二次
繼續閱讀