響葫蘆 燒物 . 居酒屋 (已結業)

第一次嚟呢間食放題,主要都係想食佢個團購賣点：原條蒲燒鳗魚!一開始先嚟個刺身,有三文魚、立魚、牡丹蝦、榮螺、帶子等等……我個人覺得牡丹蝦肉質夠鮮甜,又夠大隻,鐘意食生蝦嚟粉丝嚟講可以不断追加,帶子又滑,仲以為刺身食材都咁得,咁其他食品都應該唔差呱。叫咗個放題我必食既炸鷄軟骨佐啤酒啦,因為我只有2人食,都預咗份量少少哋,嚟到連同其他炸物一併用個碗仔奉上。芝麻鷄翼炸得唔係脆,個燒鷄皮可以一試,有少少脆!另外個賣点燒鳗鱼味道尚算合格,如果有一班朋友嚟食,個賣相應該幾壯觀,因為我得2人,所以一碟只有四小件。如果係鐘意食多類型既朋友應該會難滿足到佢哋,冇甜品、冇鍋類,天婦羅選擇少,炒菜類只有一款。總括嚟講我個人認為呢個食肆如果大家要求唔高都可以嚟食一次既。

半年前食響葫蘆真係驚為天人，刺身、熱食都好高質。今次見佢做團購，諗都唔諗，即買，仲叫埋親戚朋友食。點知中大伏。首先，冇左個好好味既鱈魚食，明明團購網話有的，我上次都有食。然係d刺身質素同上次比差好遠，冇三文魚腩。但都仲叫食得落口。火灸壽司既size全部係迷你版... 海膽手卷既海膽得弱弱一pat...熟食份量細到慘不忍到。牛肉粒得手指頭咁大、鰻魚切到細細，hea幾片俾你。最激氣係d炸物，油到濕pat pat，好得人驚。其實做到咁，不如唔好搞團購，自己做得唔gur，d客又食到一肚氣。

我們一行9人訂了這間。看見團購288。而家包加一225。諗住288既質素應該唔會點差掛。打去問。不用買直接給我們團購的價錢。訂了。去到。9個人要坐外面。無冷氣。先黎海膽手卷 - 份量少，唔新鮮。好難食刺身 - 三文魚好一般，算差。 蝦是唯一可以食的。 希靈魚叫50片黎10片。(9個人呀！)之後叫炸野。咩都放埋一碟上。亂七八糟。味道一般。到重點鰻魚任食。叫20份。黎20小片都無。一人都無一片。再叫80。服務員黑晒面話我地唔合理。食完先再叫。求其黎左3碟算。好我地好快食完再叫。又要等。8:15入座，9:30都未到先要埋單。一人都唔知有無食到3小片鰻魚。埋完單吹last order。食到火都黎。9個人根本未飽。焗住點其他野食。食完就走。以後都唔會再黎。收貴但係所有事都好差。食物，服務。食物種類超小。千祈唔好去試！！！

又食放題喇！今日嚟到，梗係要大擦一餐啦！唔好講咁多，即刻叫個刺身船先啦。我對刺身既要求就好簡單，就要夠新鮮，色水夠靚。呢度既　三文魚同蝦都新鮮甜美，帆立貝，吞拿魚都幾好。原條燒鰻魚就真係不得了，燒得香脆又熱辣辣原盅蒸紫薯仔，好得意係出面都未食過，軟綿綿又甜既紫薯最岩就係清蒸咁，甜味出晒黎飲品食物選擇都幾多，又唔會有漏單問題

團購上寫明有嘅嘢都無，有欺騙成份。買團購時話明有銀雪魚、牛舌、海老天婦羅都無，所有嘅食物都係縮水迷你版，原條鰻魚得四粒手指尾頭一節咁細，連羊鞍都得條骨。。。。。嘢飲無乜選擇另外，侍應服務態度有待改善絕對不會再去食

團購內容話有海膽和照燒銀雪魚，我同2個朋友訂左今晚去試，訂位時冇通知冇以上兩款主打食材，去到話海膽冇貨，而銀雪魚就冇做好內，我地3個即時無奈，但入左去都要食，羊架又冇貨，原條鰻魚就細條過隻食指又腥又梅，牛仔骨叫幾次4件，就比手指公咁大一舊骨比你，刺身一般貨色，重要切到又薄又細片得幾片咁比你，到2百幾放題又冇甜品，重要樣樣食物都冇，我已經食6至8點頭個輪都樣樣野冇，其實重貴左，lee個價格有好多放題食物多款好多，直頭覺得比人呃，做唔起團購就唔好做，咩都冇得食，又唔係平，介紹就介紹好多野食，去到咩都冇架

係團購網見到，每位計番200幾蚊，所以去試一試，自問對服務無要求，係香港都慣左，但我覺得我幫緊佢打工咁，d態度悔氣到。全程對佢地感覺好唔舒服，至於食物，老實說第一盤刺身是ok的，有冰底夠凍，不過有心理準備食物黎得超慢，之後刺身亦hea上了。重點要來了，係團購/係食評見到嘅相片，實在差天共地，是我去錯地方了嗎？首先飲品得三兩種，無鱈魚，無4色飯等等，海膽手卷得兩粒海膽，鰻魚係bb，已鐵定會向相關部門反映，大家去之前要有心理準備呀相只有一張，店員放低後就影，原汁原味

第一次覺得伏到要專登註冊打篇評論。我係yahoo團購左兩位，每人$168，食今日8:15果round。一去到已經覺得服務態度唔係幾好，食左半個鐘都冇已經話要埋單，每人要俾多$57, total $401。我淨係覺得佢既魚生同蕃薯係好食，其餘既野，例如：得姆指咁大既南瓜天婦羅，話原條點知得4舊仔既鰻魚，兩條八爪魚。。。全部都俾我感覺好小家好計較同冇誠意，hea做。佢所謂既焦點菜式如香橙鱈魚，咩沙津係完全冇提供；而海膽手卷更不如好評中有4-5舊，而係一pat好唔新鮮好似醬咁既野，一啖就冇哂。總括黎講優點：-刺身尚算新鮮，不過冇好評中擺得咁靚-蒸籠蕃薯有gimmick, 夠熱夠軟-地方乾淨，收碟效率快缺點：-服務態度完全唔得，好似命令啲客咁-野食黎得慢-野食(除左魚生同蕃薯)完！全！同好評/團購介紹既相不符-野食選擇小，加冇甜品揀-食8:15~10:30，但9:30就last order~~~~~~~~~~~~~~~~~~~~~~~~~~~如果收成200頭一個人，真係完全唔值。我食過一間富X, $178加一，唔使400都好過佢，態度好，質素同選擇reasonable。所以呢間真係大伏，冇下次

團購，係，又係團購出事。我未食過咁細嚿嘅鰻魚，切到咁細（爭在未切絲），咪鬼比客食丫嘛，又要做放題又要咁小家。款呢絕對唔多囉！我第一次食放題係可以試哂啲款！刺身又唔新鮮！熟食只有多春魚同炸雞皮好少少。總括嚟講未食過咁差嘅放題！完！

與家人慶生，用yahoo團購百幾蚊，加埋服務費二百幾落樓一個人，算中價位。訂了位準時入場。說返食物，刺身件數多但切得比較細件，揚物炸得透冇油溢，爽脆。海膽手卷就太少海膽，飯帶酸幸好紫菜還脆，自加刺身內食都ok。總括而言，不買團購都可來食。

老板亦都係餐廳既主廚,樣樣野親力親為,食物既質素當然有有保證, 可惜餐廳既裝傷都偏簡單,無居酒屋既感覺,唯有靠食物搭救啦....就講一講幾款我鍾意食架啦香橙焗銀鱈魚 ，一向食開燒汁配燒銀鱈魚, 以為已經係銀鱈魚既最佳煮法, 但估唔到呢碟野癲覆了我既想法, 好refreshing既香橙酸酸甜甜,同銀鱈魚出奇地夾,而銀鱈魚亦都好嫩滑,好好食海膽手卷, 我好鐘意食海膽，見到佢有緊係即刻叫一個黎試下,每個手卷都有３大塊海膽，唔係一pat野咁, 所以睇到已經覺得好開胃, 海膽入口即溶,咸咸地又好鮮甜刺身盤,魚生擺到成朵花咁,勁靚,好有心思,仲要係俾魚腩既位置我地, 好肥美,入口即溶, 滿口都係油脂香, 其他刺身亦都好正, 帶子好鮮生,大大塊!炸雞翼, 呢款雞翼真係好岩我食, 佢唔係用吉到豬扒既炸粉, 而係用鷹粟粉?烤粉仲要落左鹽,食落又脆又咸香,好鍾意食!!係我細果時食過既味道, 第一次搵得返!而雞翼既肉唔會太肥,D肉都幾實淨,好味道!野飲方面,主要都係汽水,如果驚肥既人可以揀Watson's既雙效茶,去口中油膩一流

好失望既放題，係團購見到好似有幾多野咁又唔太貴就買左，六點零五分入到去，諗住即刻叫左海膽手卷黎食先，我以九秒九既速度迅速落單，點知轉個頭個待應話已經賣曬......有冇搞錯??五分鐘冇曬。好，咁我諗住食下其他野，但係團購見到既銀雪魚同櫻花魷魚係張點單紙上都冇。咁諗住叫兩條鰻魚黎食下啦，哇! 果兩條變左做兩格，真係未食過咁細既鰻魚，好失望...但都冇辦法，唯有繼續食，之後唔係漏單就係D貴少少既野冇曬，我黎食風? 刺身同其他野都普普通通，總之就係帶係興奮既心情而來，失望既身軀而走....

很久沒寫食評, 看似很平的團購、幾千的成團紀錄及這裡的食評, 結果中伏已回, 食物質素很一般, 種類比普通市面上日式放題少很多, 吃了不夠一小時已無聊地數一下6張點菜紙上的食物種類包括燒物、沙律、刺身、壽司及手卷等共只有72款, 很多重覆的種類如雞翼、軟殼蟹、牛肉、雞皮、雞軟骨等, 不知是否張價就貨還是環保不想浪費食材, 除壽司刺身外每樣都很的式, 鰻魚切出來比小指還細但味道可以、牛柳粒好似碎屍案咁、海膽手卷上的海膽份量比茶匙份量還少、軟款蟹手卷的軟殼蟹只有突出來可見份量、內裡全是飯及好淋身紫菜、可憐的日本蕃薯仔竟然是蒸出來、海膽很明顯不是身鮮貨、赤貝及帶子沒味道, 後來尾段因為冇野好食狂吃支豆送汽水, 另沒什麼值得影既食才及影相既心情所以沒拍下來!!講好的名菜香橙焗銀雪魚去了那裡? 團購相片與實物相差太遠, 唔怪得有POST曾說可向海關投訴貨不對辦真心希望這店用心經營, 不要為了做團購破壞自己的品牌, 眼見太多做團購的非連鎖店好快倒閉

～～～～～～～～請用小小時間睇，免得受氣又令到唔開心～～～～～～我地係雅虎團購到買既，買之前打電話問清問楚廣告寫到明任食海膽，原條鰻魚，咁就約左2016年11月13日8:15-10:30食，黎間野一開始入去時我地5個入去坐低果時都無咩問題發生，之後開始準備寫食Ｄ咩，佢地Ｄ wasabi有小小唔同出面其他地方D味，有小小怪咁都好啦，本身話任食既野，我去到海膽話已經無哂，之後鰻魚食左９點半左右又無埋，最令人火爆既人Ｄ服務態度差到，10:30完，9:30同我地講最後落單，咁我心諗你要我點落，落多定落少，之後成個鍾係到坐？之後佢地話係公司定既，咁我就叫佢搵經理同我地溝通，佢地職員同我講經理今日放假，我叫佢用公司電話打比經理等我同佢溝通，點知打都未打就同我講搵佢唔到，咁我諗你地決定唔到又要提早一個鍾前最後落單，我心諗我食咁多間未試過可以早一個鍾叫我地最後落單，仲要岩岩入坐海膽已經無哂，服務態度又差，價錢又貴，Ｄ野又唔係太多款同特別好食，我一生中食咁多間，最受氣，又最貴，最差係黎間，就算日後有免費抽獎抽中免費食我都唔會再去！！！

中學同學聚會班女話要食刺身，於是相約到響葫蘆，雖則L對生冷食品一般但食落特別係蝦同攜帶子都鮮甜，軟殼蟹手卷亦做得唔錯。飯既口感適中而蟹子沙律口感亦很清新。環境好坐得舒服，適合大班朋友一邊食一邊傾計。傾左成晚，派貼既派貼，湊住兩三個細路既大有人在，感到自己年紀真的不小了。