順。越南牛肉粉

營業中

休息中

今日放工過咗嚟呢邊食下午茶，覺得呢度性價比好高，唔怪得下午茶時間都差唔多可以坐滿人👍🏻生牛肉牛丸河下午茶餐$68十分之足料，有好多塊牛肉同埋有起碼四粒牛丸👍🏻牛肉大大塊，牛肉味甚濃，唔會話太肥，牛丸質感好結實，彈牙爽口，食唔到有味精。湯底調味唔會話好鹹而且好惹味👍🏻出色之越式牛肉河👍🏻河內香茅燒春雞會白飯$66呢個真係好抵食，原隻燒春雞上碟，燒春雞個燒得脆脆地，肉質一啲都唔鞋口，而且仲十分juicy 👍🏻配埋個咖喱醬汁真係冇得輸👍🏻餐飲叫咗個越南老姜蜜，十分濃味，又加上一片青瓜，十分清新。

好運中心多咗好多新餐廳，所以今次又約表姐來沙田shopping 同食下午茶🥰 呢度2點就開始下午茶時段，啱晒我地食飽就去接放學😆🥢特色綜合牛肉湯金邊粉湯底還可以但牛骨味唔夠重，生牛肉係靚牛肉唔係肥牛，肉質很滑，好有牛味👍🏻 牛丸彈牙有口感👍🏻🥢河內蕃茄蟹檬粉湯底係香濃蕃茄味，配檬粉好夾好好味😋 配料有蟹肉、扎肉、蝦丸，非常足料，美味👍🏻🥢烤豬頸肉 （加購$38）利用香茅醃得很入味，肉烤得好香，無燶味👍🏻🥢越式春卷 （加購$22）很豐富的餡料，外脆內軟，但份量很少🍹香茅鮮橙茶 唔太有香味，但橙汁很重😜 已叫走甜都係比較甜，可能下次唔可以少冰😅🍹話梅咸柑桔水柑桔同話梅味都好夠，足料製作🤩

而家食越南野多個選擇發現有一人火鍋👇一人帽子火鍋(會安清湯)配料：牛肉鍋片、牛腩片、招牌牛丸，越南扎肉、蓮藕片、蘿蔔，唐生菜、越南粉。清湯最食到材料本身味道，我會先將白蘿蔔、蓮藕放入，滾耐d先食，其他都已經係熟，滾番熱就食得，牛腩片入味，招牌牛丸爆汁，所以叫多一次。越南粉想爽口滾一滾即夾上黎食。加配左:招牌牛丸同金邊粉薄荷青檸梳打（凍）食火鍋飲梳打最夾。酸辣鳳爪沙律入口比較辣嘅鳳爪(唔記得咗分辣)😜鳳爪大大隻，食落辣辣哋好滋味。

我今日去左沙田辦事，順道約同好友去位於沙田橫壆街1-15號好運中心商場3樓3007號舖的順。越南牛肉粉食下午茶餐。環境寬敞舒適。我點左下午茶餐香茅雞扒飯$50，配904（熱）越南老薑蜜；好友點左烤豬頸肉撈檬$52，配903（熱）越南香茅蜜。小食是S05 牛油果青蘋果沙律（細）$38，及106街頭蓮藕蝦餅（4件）$70，需要加一服務費。牛油果青蘋果沙律好清爽好食，蓮藕蝦餅煎得雙面香脆，蝦肉可口；雞扒煎得外脆肉嫩，好味又好食；烤豬頸肉好香口，好味！兩杯香蜜都好味道。

今日帶埋細細👶🏻去食越南粉呢間餐廳環境好好 坐位又夠寬敞 職員仲好好服務態度食物又唔錯整體覺得用餐頗愉快👍🏻會再幫襯今次我哋order咗🍴保寧雞絲扎肉湯河粉(全走)保寧雞絲好有雞肉味 湯底清甜河粉質感爽滑 唔會碎濕濕咁🍴生牛肉牛丸湯檬粉(全走)一上枱就見幾片生牛肉浸响熱湯上逐漸變熟 一熟透就即食 所以食得到而且份量都唔少 牛肉好嫩滑 👍🏻 牛丸彈牙又多汁😋🍴蓮藕蝦餅(2件)蓮藕好爽 蝦餅又彈牙🍴酸辣鳳爪沙律(輕盈)酸酸辣辣鳯瓜好醒胃🍹紫米乳酪沙冰🍹咸檸七(凍)順。越南牛肉粉 ( #沙田)📍沙田橫壆街1-15號好運中心3樓3007號舖

今日可以早少少離開公司，順利約咗住喺附近嘅朋友簡單食餐飯，跟住先再返學。於是，我就諗住食啲甜甜酸酸嘅嘢，感覺冇咁heavy~~😌·特色綜合牛肉湯金邊粉🐂份量好多，好多牛嘅部位同組合都有齊，連牛丸都有埋添～😉 個牛肉湯底幾好喎，牛肉味真係好出！不過可能牛嘅油脂多咗少少，所以油份比較重，平時慣咗健康飲食嘅我就未必食得好⋯🤔·扎肉蝦餅撈檬🦐撈檬底夠凍，扎肉蝦餅又夠熱辣辣～🔥🔥 有凍有熱嘅感覺幾特別～ 加埋醒胃嘅甜酸魚露就真係唔錯～成功幫助我嘅朋友，喺冇乜胃口嘅情況底下都食得落嘢～～·蒸粉包🇻🇳食親越南嘢我都會食呢樣，因為好鍾意嗰種粉皮包住好多餡嘅口感。咁我都覺得係足料嘅，同埋味道都恰到好處，唔算鹹～·薄荷青檸梳打（凍）清新嘅薄荷葉加青檸，有少少酸酸哋同埋梳打嘅氣，飲完凍冰冰嘅佢成個人爽晒！😎·話梅鹹柑桔水（凍）話梅就甜甜酸酸，鹹柑桔又係喎！😌成件事就變得好夾，凍飲就可以解埋嘢食嘅油膩感。😙

最近係沙田好運中心新開左間越南餐廳，趁放工經過就入去試下😋~🤩街頭香茅牛肉飯🐂(HKD 88)整碟飯嘅份量都唔𦆮，炒牛肉配上酸蘿蔔絲，再附上兩塊越南蒸蛋🥚，大食嘅我都覺得十分滿足。我係第一次食越南蒸蛋，所以對佢好有興趣。蒸蛋混合左粉絲，豬肉碎及木耳絲，當你咬落去，感受到蒸蛋軟綿口感嘅同時，又會食到木耳嘅清爽口味，十分有趣。炒牛肉中規中矩，調味恰好👌唔會好重手，唯一想挑剔係食落有啲油膩。🤩香茅豬扒湯粉（河粉）(HKD 72)河粉同牛肉飯一樣，份量都唔細。先講下佢嘅湯，味道正常，唔會飲完好口渴。而對個河粉有少少失望，因為食落略厭佢overcook。豬扒嘅份量幾令人滿足，厚度都有份咁上下，若果可以再軟嫩一啲就更高滿足🤤🤩菠蘿豬頸肉米紙卷 (HKD 65)每次去到越南餐廳我都會叫份米紙卷，因為佢可以令蔬菜更加好食🤣呢個米紙卷反而有啲驚喜，佢係用米紙包住一塊豬頸肉再包住蔬菜同菠蘿條。菠蘿嘅酸甜🍍同豬頸肉🐷嘅油脂十分夾，再加上色彩鮮艷嘅蔬菜，好睇又好食。～係沙田市中心來講呢間餐廳嘅cp值更加高，份量夠大，味道唔錯，價錢亦唔貴。我見到menu上仲有越式火鍋🍲同場都唔少人order左，會搵機會再來呢到

喺沙田好運中心嘅越南菜下午茶時段好抵食！而且野食都大份~-🥩街頭生牛肉湯粉 💰$56牛肉份量好多 而且每塊都超嫩滑😋河粉嘅份量都唔少 夠飽肚👍🏻呢個價錢實在太抵食!!-🍗串燒雞肉撈檬 💰$56有三串雞肉 雞肉肉質嫩滑 燒得惹味-🐥蒜蓉牛油雞翼(2件) 💰$28外層非常香脆 滿滿蒜蓉牛油香😍-🍧紫米乳酪沙冰 +💰$26乳酪味夠濃 唔會淡到似水另外仲有啲紫米可以咬下~-🥥椰汁珍多冰 +💰$12椰汁味夠濃 每一啖都口感豐富

Absolutely excellent grilled pork necks and lemongrass crispy chicken steaks on Vietnamese vermicelli noodles! The salads and herbs on the side were very fresh and served in large portion. It’s my second time to visit this restaurant, I’ve been to its Central branch and tried their pho in soup. This time we gotta try the dry mix noodles since Mrs Golden-tongued and me are both a fan of 撈檬！I’m sure my pork jowl is more handsome than yours! They were perfect, seared to just right, thickly cut yet

特色綜合牛肉湯河粉🐮🍜下午茶呢個份量實在係超值🤭😍有齊生牛肉、牛腩片、牛肉丸，份量都唔少！我最鍾意嘅就係生牛肉，口感好滑牛味都好香濃👍🏻👍🏻香茅豬扒湯檬粉🐷大大份嘅香茅豬扒，外層焦香，啖啖肉又帶有淡淡嘅香茅味😊湯底都好清甜！春卷外皮脆卜卜，內餡都好豐富，入面夾住紅蘿蔔，食落口唔會好膩，仲好香口😍牛油雞翼🧈🐓牛油雞翼炸至金黃色，仲有啲蒜粒，食落仲有濃濃嘅牛油香味🤭🥰真係好惹味！話梅鹹柑桔水🍊酸中帶鹹，鹹中帶甜，好清爽🤭老薑蜜🫚🍯薑味都好夠，芳香濃郁，同時帶點微辣，我幾鍾意飲🥰🎀餐廳舒適寬敞，店員服務態度幾友善👍🏻上菜速度都好快！下午茶餐真係好抵食，所以都有好多人排隊😌😬🌟 順•越南牛肉粉📍 沙田橫壆街1-15號好運中心3樓3007號舖

有時想食的經濟實惠一啲，就會揀一啲小店食。呢間越南菜午市有套餐，包基本飲品。我揀咗香茅豬扒湯金邊粉$72。豬扒大大塊，預先幫你切好容易啲食。充滿香茅味同蔥味。金邊粉的口感綿密，唔會太濃味。另外揀咗河內番茄蟹檬粉$86。蕃茄湯底酸酸甜甜好開胃，加上蟹肉鮮味，味道唔錯。餐飲方面，揀咗熱話梅咸柑桔水和熱青檸紅茶。熱話梅咸柑桔水酸酸甜甜，熱青檸紅茶茶味香濃。套餐可以優惠價加購唔同嘅小食。我就加$22揀咗春卷。春卷外皮酥脆，內裡包著新鮮的蔬菜和肉，係一道必試嘅小食。

今日過嚟試左呢個越南餐廳廳，非常之有驚喜，推介大家黎一試👍🏻餐廳環境好，坐位坐得好舒適，服務員態度都幾好，有禮貌👍🏻生牛肉牛丸湯河粉$62性價比高的一碗河粉，牛肉牛丸份量好多，好足料。牛丸非常新鮮，雖然有厚度但一啲都唔韌，有口感之餘也有濃濃牛肉鮮味！牛丸爆汁，唔係味精嘢👍🏻河粉質感爽口彈牙，總括來說本人比滿分煲仔咖喱牛腩配米飯$63除咗牛肉河出色，咖哩都做得唔錯，呢度真心足料，好多件牛腩，而且炆得好淋好入味越式傳統街頭法包$56法包外脆內軟，係十分之鬆軟，內裡夾有札肉，又有甘筍蘿蔔青瓜絲，10分惹味，值得一試👍🏻

下午茶餐嘅［越式香茅豬扒撈檬］，同午餐一樣咁大碗！件豬扒好大塊😍！食越南嘢，我必定要吃檬粉，鍾意那個酸酸甜甜嘅醬汁nuoc cham，每次都必定要落超多！件豬扒🐷都唔錯，煎到面頭夠乾身，內裡 juicy但唔會油淋淋，同埋都夠入味😋。春卷香脆，內裡足料，用醬汁nuoc cham沾春卷都係超好味😋😋 鍾意佢配生菜🥬＆青瓜🥒，可以卷住食，另一番風味。天氣熱，冇乜胃口，最好就是食呢啲～點少得越南嘅滴漏咖啡，香濃又有練奶香甜細滑。

期待已久呢間越南餐館開張啦～下午茶嚟試吓先以花烏彩畫木系裝修，成個環境都好舒服恍似度假一樣街頭生牛肉湯河$56湯頭熬煮清甜，半生熟牛肉鮮味有嚼勁，表面舖上九層塔、芽菜同埋生洋蔥，少量蔥蔥，都幾大碗。串燒雞肉撈檬 $56雞肉串燒，上枱個樣好吸引，好香，俺得剛好啲沙嗲口感唔錯，彩色繽紛嘅蔬菜伴檬粉清清哋加酸汁撈起來好開胃。跟餐小食街頭蓮藕蝦餅$32藕餅夾住厚厚蝦膠，炸得爽甜彈牙馬拉盞炒通菜$36幼嫩通菜好惹味，爽脆鹹香～話梅鹹柑桔水，潤喉嚨～香茅鮮橙茶用香茅棍搞一搞，茶濃帶橙香

今日出咗去新城市行街， 行完就去咗好運中心附近搵野食，經過見到d 間餐廳新開， 人流都算多， 食物賣相又唔錯， 就入咗去試下.餐廳環境舒適， 衞生乾淨， 職員安排我坐梳化椅， 位置寬躺，職員都有禮貌同helpful. , 上菜好快，整體感覺幾好.生牛肉湯河粉： 生牛肉新鮮， 份量算多， 又唔鞋口, 湯底唔會好咸👍👍濟沅蒸粉包： 皮薄， 多饀， 大份夾抵食，沾埋個醬汁－齊食， 好味越南滴漏咖啡： 推介， 咖啡味濃， 叫完等佢慢慢滴， 食飽就可以飲， 時間剛剛好