順德公漁村河鮮酒家

營業中

休息中

今日同屋企人去咗食順徳菜，一入去已經好好招呼，見到周圍都唔少人，哈哈 我地簡咗b餐，剛剛好四個人食! 有五種菜式，大家都食到好飽！ 首先係蒜子生扣花錦鱔皇，口感特別之後係，蟲草花天麻燉魚頭湯，最喜歡的湯，太好渴了，女士可以湯多啲，滋補養顏家鄉煎釀三太公，名字十分可愛特色籠仔梅菜蒸菜心，菜不錯，幾新鮮秘制少林檀香骨，很入味，沒有肥肉，10分推薦

同屋企人食飯，緊係要搵d一家大細都岩食嫁啦。中菜就係最佳既選擇啦，今日我地就揀左順德菜，貪佢夠特色。佢個menu圖文並茂，睇唔明個菜名都可以睇圖片，岩哂老人家或者小朋友睇呀。中國人既第一道菜，就緊係飲湯先啦。呢個叫野生天麻蟲草花燉大魚頭湯。一飲落好大陣天麻味呀，蟲草花對身體好好，天麻對頭痛都好有幫助。呢個就係富貴煎釀三太公，聽個名好特別喎，原來係釀青椒。哇！一食落估唔到咁香咁惹味呀，青椒又夠辣，真係好正呀。呢個就係金牌污糟雞，一上枱已經聞到好香啦。d雞食落又滑又嫩，應該係因為錫紙鎖住肉汁，而且烹調時間岩岩好，真係超好味呀。最最最抵讚既係呢條魚呀，超大條但又好滑，佢既魚湯仲超清甜又夠味，飲多幾碗都唔夠呀。呢間餐廳又平又抵食，夠哂順德風味，下次都要再介紹朋友黎食呀。

朋友話行過呢間店好耐一直好想試自己一個又食唔到的咩於是乎就約多幾個人去食魚啦一坐底待應就放下呢三碟小碟上面個五粒叫銀漣酸酸地好開胃首先飲個蟲草花天麻燉魚頭湯先一飲就知道好足料夠火喉飲完個人出左身汗好舒服😌再黎就係太子成名脆皮咕咾肉呢個去到一定要叫皮脆肉嫩好快比我地清哂之後黎左呢個得獎銅盤蒸污糟雞雞好夠味而且十分嫩滑好有家鄉風味送飯一流再黎就黎呢個家鄉煎醸二叔公彈牙既魚肉加上藕片再配上釀青椒好有順德風味豉油亦配合得剛好最後餸菜係翅湯枱面山坑鯇魚條魚鮮嫩香口應該之前有煎過再用翅湯滾熟之後亦有加上生菜，節瓜，米線等配菜令到我有滿載而歸既感覺估唔到仲有最後既甜品甘就真係一頓好滿足既晚餐啦

順德人去食順德菜，至愛飲呢個蟲草花天麻燉魚頭湯，四個字：真材實料，亦夠火候，鍾意佢好濃藥材味，忍唔住連鷄腳都食埋，飲咗兩大碗。秘制少林檀香骨，啱晒喜歡食甜野嘅我，醬汁有D特別，肉質又幾淋易咬，D鮮菠蘿仲俾我清晒添。雲腿西蘭花帶子皇，帶子唔韌，水準可以啦。富貴煎釀三太公，我梗係最like 蓮藕啦，辣椒夠辣所以都好，至於棱魚球，一定好食，因為我果粒唔知俾邊個食埋。又有湯飲？哦，原來係特色翅湯枱面蒸山坑魭魚，哈哈，枱面蒸？原來似打邊爐咁，煮好九成，再上枱慢煮，果然係店內特色招牌菜，唔食得都睇得。D湯好甜，好少食淡水魚，😱😱😱條鯇魚好滑呀，我平時除咗刺身，唔係幾好食魚，不過食咗好多，差不多食完先發覺自己未點過蝶辣椒豉油😅我認為應該要帶屋企d老人家黎食，好有風味——味道。

上個禮拜同老豆做節, 老豆發板話要去佐敦嘅順德公食, 原先以為只係一間普通酒家, 不過試完先知係好嘢! 先講餐廳格局, 依度一入黎已經俾我一種懷舊嘅菜館feel, 聽老豆講間嘢好有歷史, 係佢個年代已經好出名咁話。我地唔係咁識叫嘢, 所以就問左侍應, 睇佢有咩介紹, 佢最後幫我地發板, 寫左四樣嘢, 我當時即刻問, 我地有三個人會唔會唔夠食, 佢就笑笑口話驚我地食唔哂就真。果然, 啲嘢食一黎, 我就知連白飯都可以唔駛叫啦。四樣嘢除左一樣係正常size之外, 其餘真係好大件頭! 第一道菜係煎釀三太公, 三太公包括有魚丸, 魚肉釀蓮藕同釀青椒, 每樣都煮得好香口, 好好味, 特別係藕餅, 簡直冇得彈! 第二道菜係西蘭花帶子皇, 剩係睇帶子嘅份量同size都知和味啦, 每人至少分到兩三隻, 道菜煮得火喉十足, 帶子炒到有少少金黃色, 勁野味! 之後再黎嘅係秘製骨, 成個大鍋上, 上枱嘅時候有果種好似食緊鐵板餐嘅咋咋聲, 骨食落好入味, 熱辣辣且有少少食甜骨嘅感覺, 其他配菜亦都因為吸左啲醬汁, 所以特別好味。。。正當我地努力將枱上面嘅嘢食清得七七八八嘅時候, 最嚇人嘅時刻來臨啦, 侍應同我地

傳統嘅河鮮酒家已經唔多，喺佐敦偉晴街呢度，可以話係佐敦嘅馳名美食之一。呢度唔收茶錢真係好好啊，已經好少有茶飲既茶樓係唔收茶錢，而且枱上面仲有啲令人食完好開胃嘅酸欖，真係有呢款野食嘅餐廳都買少見少。我哋食咗四人餐裏面嘅咕嚕肉，呢度嘅咕嚕肉同出邊嘅餐廳有啲唔同，因為佢嘅雞件全部好大塊，唔會加好多麵粉去炸，加上有好足料嘅三色椒，炒得好香好脆，三色椒嘅水份鎖得好緊，每一舊都好新鮮，成碟餸都好光鮮，色澤亮麗。另外仲叫咗佢哋呢度嘅金牌得獎作品污糟雞，本身想睇下佢究竟有幾污糟，哈哈！反而同我想像嘅差別好大，佢裏面用咗好香嘅榨菜，一揭開錫紙有好香嘅燴雞味，裏面仲有好多大蒜同大葱，口感好辛。最後待應頓時將我哋塊枱布拎走，變身成為食魚嘅火鍋煲，成條魚放入湯裏面，仲可以加薯粉米線，真係好吸引。魚夠晒新鮮睇住佢喺魚缸拎出嚟，仲有專人幫我地分埋魚，零舍體貼就佢叫我地小心啲骨，因為都幾多。每人約＄300，還可接受。

今日好大雨，求其都搵咗間睇落去好傳統嘅河鮮餐館食飯，我同朋友們成身濕晒，不過見到呢度啲嘢食應該都唔錯，所以心情頓時變好。我問咗經理，經理建議我哋喺呢一度點四人餐，因為我哋有四個人，有幾款仲係佢哋嘅招牌餸同埋得獎菜式添，咁就真係要試吓啦。順帶一提呢度免收茶介，所以都幾抵食。由於我哋四個都係女仔，第一個湯就啱晒我哋，佢哋叫個湯做女人美容神器，因為裏邊有好豐富嘅藥材，有紅棗當歸等等，佢哋話佢哋真係足料煲足咁多個鐘，仲有靚仔經理幫我地上湯添！裏邊有個好大嘅魚頭，魚有好豐富嘅蛋白質，飲落去嘅時候覺得好補身，而且啱啱濕過身，飲落去就更加溫暖。最後我哋仲每人飲咗兩碗，太好味了，又無味精好少有，個胃好似已經填滿左一半！之後仲試咗呢度嘅手打鮻魚球釀青椒，平時我都好鍾意喺茶樓點尖椒，呢個青椒富有好豐富嘅魚肉係中間做餡料，唔會似普通茶樓有時魚肉同青椒分得好開，會甩出嚟。每人一隻，岩岩好，而且呢一度仲有炸過嘅鮻魚球，好香口，仲有蜆蚧醬點添。我哋傾吓傾吓就過咗成個夜晚，差唔多最後一台先走，好不愉快。

朋友約嚟食飯，先發現到嚟間咁打得嘅餐館。入嚟幾有傳統家鄉菜感覺，直望已見到個金牌，更覺堅野一坐底除左開壷茶之外，仲有啲好「脆」小食。 脆梅⋯ 酸酸甜甜，超好食！停唔到口天麻蟲草花燉魚頭好鐘意飲藥材湯，甘香鮮甜，識食，一定要食煲湯雞腳，吸收哂所有精華，簡直一流。蜆芥鯪魚球配鑲虎皮尖椒對鯪魚肉有點抗拒，但呢個都一定要食，口感煙韌，而且鯪魚鑲尖椒，辣辣地超好味。神級美味咕嚕肉我呢生人食過無數次咕嚕肉，但呢個咕嚕肉係我一生而來食過最好食。咕嚕肉層皮好似冰糖葫蘆咁脆呀⋯⋯ 太神啦，內裡肉鮮嫩，配上好似芝士般咁有張力酸甜汁，單係呢個餸可以叫兩碗白飯。污糟雞超好味雞，諗番起細個鄉下食蒸雞⋯ 超有雞味！魚翅湯煮鯇魚呢個湯一定要飲！鯇魚鮮滑⋯ 黃金糕煙韌，有棷汁清香

飯前有個很特別的開胃菜，「銀鏈」 連皮食， 酸酸甜甜... 有啲似橋頭蟲草花天麻燉魚頭湯味很重， 感覺很補身， 特別岩女仕😏眼見湯渣好重料，不妨食埋隻雞腳，很入味👍🏻👍🏻太子成名脆皮咕嚕肉非叫不可嘅一道餸，很少有機會識到一啲超薄，超脆既皮，大大舊肥瘦均勻適中既豬肉，配合佢哋獨家嘅秘製醬汁得獎銅盤蒸污糟雞食雞最緊要嫩滑，除左滑仲好入味，味道亦唔會好喊👍🏻👍🏻👍🏻家鄉煎釀二叔公煎釀尖椒雖然有好多地方都有得食，今次我主力就講煎釀蓮藕，蓮藕好爽口，配合中間嘅肉餅，味道啱啱好...一般來說，出面我食過好多間，大多數都偏向好鹹，一定要叫碗白飯送...但係呢間你可以就咁食，可以留肚食更加多嘅餸👍🏻👍🏻翅湯枱面山坑鯇魚除咗食呢條魚，個湯都可以飲埋，鮮甜嘅魚湯，再配合左一啲胡椒，好味有益，食完條魚，仲可以加一啲蔬菜，唔少得嘅係要另外加個米線， 因為呢個魚湯再配合米線真係不得了食完飯當然唔少得甜品，熱辣辣嘅雙皮奶，有好香濃嘅奶味...奶製品愛好者，一定要叫呢個甜品

同朋友行到附近又唔知吃咩好見到有個套餐$1280 4位用就決定坐底吃坐底無耐就黎左蟲草花天麻燉魚頭湯呢個魚頭湯就用左半邊魚頭煲味道幾好味愛飲魚湯的就唔好錯過了呢碟叫順德煎釀二叔公唔太岩我口味好油甘多味我超中意呢味太子成名脆皮咕嚕肉嘩無得頂咬落好鬆化好多肉唔似出面的又硬又多粉唔怪得全場好多人都叫呢味菜聽聞呢碟係佢哋好出名的銅盤污糟雞吃落味道唔錯原先吃到呢度心諗份量甘少的4個人吃都唔飽最後果道會唔會都唔夠吃？點知翅湯山抗魚一上桌好驚訝甘大條魚翅湯底加魚的味道好好味呀清洗呢條魚我地4個人都好飽了其實呢個唐山菜就遲左黎因為催左2次待應就2次都未來之後同經理再講經理就快手快腳比左我地下次吃飯直接叫經理仲好呢個4人餐份量真係好足夠

今日約左幾個舊同學食飯，有其中一位推薦去食順德菜，於是就去左佐敦的順德公魚村河鮮酒家食晚餐。我地四個人叫左個四人套餐，價錢唔算貴，環境都幾寬敞。首先上嚟嘅係順德煎釀二叔公，雖然係有啲油，不過都幾鮮味，作為第一道菜，引下啲口水分泌都唔錯。之後呢個湯就真係要極力推介，一定要試，好飲到不得了，份量都足，我地四個人每人飲左一至兩碗湯渣都好足料，可以見到有幾款唔同嘅藥材，同枱嘅舊同學連藥渣都唔放過呢度咕嚕肉同出面食到嘅好唔一樣，出面嗰啲好多時會炸到勁乾，呢度嘅咬落去表層鬆化，不過入面係軟同有肉汁，正！呢個係污糟雞，睇落去都唔係好污糟，不過食落去就好好味！最後一道菜，今日嘅主打，枱面魚，條魚味鮮甜，魚湯係翅底湯，另外會附有唐生菜，索左啲魚味同湯汁，好好味！總括而言，今晚呢餐大家都食到好滿足，下次會再嚟

坦白講好食嘅中餐香港並唔多， 那怕去到酒店高級中餐廳， 都係好睇唔好食。但係大熱天時又唔想去大排檔， 要喺餐廳仲要有間房涼住冷氣，但係又有大排檔風味嘅餐廳真係唔多， 重點推介 咕嚕肉排骨， 乞衣雞，黃金糕, 同父母來食一流， 唔會畀父母詐型話貴。話說之前去過"龍王"食， 真心搞笑！又貴又入唔到口， 而家市面上好多過份吹噓嘅中餐廳， 反而道道地地嘅中餐廳唔到， 香港啲租咁貴， 講真留得返低幾餐廳， 一係就用嘅貨勁checp唔好食, 一係好快就整唔住執咗笠, 真材實料又可以有咁多年嘅餐廳真係得返唔到!

本人從來沒有寫食評習慣，但為免再有人幫襯這黑舖真係唔寫唔得。菜的味道係沒有大問題但他的做生意手法完全係劏客又hard sell。打電話訂枱時職員已經主動推介几款菜式問你洗唔洗預留當中有鱔煲，所以我地留左，但原來餐牌上沒有標明價錢，只有話以兩計算。另外我們一坐底侍應已經不定叫你去魚缸睇魚，然後佢係魚缸前面推介一條巳劏開嘅鯽魚話可以兩食，當我問價錢時侍應嘗試逃避問題，我再問多次佢先諗左陣然後話$500斤，一條街市買到的鯽魚要$500斤我已經知唔對路所以就拒絕。返埋枱再睇餐牌問佢有咩推介，佢就推介左餐牌上冇嘅鯪魚肉釀全魚，問佢幾＄佢話三佰幾，佢係咁話係好出名所以叫左，其實最後只係一條滿滿的鯪魚肉。最後四餸一湯一甜品埋單要二千幾蚊，普通個鱔煲$6xx佢話24兩，但重來冇比我地睇過條鱔有幾大，食嘅時候只有七八嚿。其實貴唔緊要，討厭佢做生意唔老實，唔怪得成晚只有四五枱食客。

公司有位嗜魚的大叔同事，對食魚很有要求。他說魚養得唔恰當，有泥味；魚蒸的時間唔岩，魚的肉質會被破壞。他說去了很多餐廳，食到的魚也不合格，但他獨愛一間餐廳的魚 — 順德公。聽名字就是一個順德人開的餐廳，我不知道順德人是否對食魚很講究，但我相信那位嗜魚同事，就拉佢衫尾出發食靚魚。等了半小時，期待已久的「靚魚」終於上菜。果真是跟平時我食開的魚有分別。賣相方面，這裡的魚肉較白，魚皮銀色閃閃發光，肉質很硊，口感好極了！難怪全院滿座，很吃力才找到位子開餐。「食魚」重點當然是魚，但花雖美也要有綠葉扶持，這裡的豉油汁、梅菜和蔥花味道超好！令鯇魚生色不少，白飯也美味無比。這間店我只幫襯過一次，因為太難搵位了，而且蒸魚需時，對趕頭趕命的打工仔來說，半小時等菜太奢侈了。

同事請食飯，選了佐敦的順德公河鮮酒家，據聞開業已久，食物質素不錯。一行20人先後到達，坐了兩圍。店員熱情招待。在一片熱鬧的氣氛之中，跟隨店員走到魚缸前落單。她極力推介龍蝦，用蛋白蒸鮮味一流。以為這裡是吃河鮮，沒理由花＄1800點龍蝦，兩枱便要＄3600。「太貴了，還是點河鮮吧。」店員推介油浸冧哥、龍吐珠鯪魚球、蟶子王，再點些其他的，加上同事一早預訂了天麻鱔頭湯和雙皮奶。食物是不錯的，不過埋單時看到每枱＄5000幾的賬單，實在嚇了一跳。未免太誇張了吧。餐牌上都是以両做單位。鱔煲每両＄26，結果單是鱔煲已要＄900。那條油浸完很鬆脆但沒有魚味，大家都懷疑是不新鮮才炸的冧哥更是誇張。幾鮮甜的鯪魚還可接受。其他每碟計的，價錢正常。請師傅給我們再量一次魚的重量，其實無補於事。魚都吃完了，大魚細魚隨他挑。擾攘一輪，店員給我們全單9折。要不是劏客，何不堅持？建議大家落單時要看著他稱魚的重量和問清楚價錢，無謂引起不必要的爭駁，臨尾才掃興。