順德公漁村河鮮酒家

營業中

休息中

順德人去食順德菜，至愛飲呢個蟲草花天麻燉魚頭湯，四個字：真材實料，亦夠火候，鍾意佢好濃藥材味，忍唔住連鷄腳都食埋，飲咗兩大碗。秘制少林檀香骨，啱晒喜歡食甜野嘅我，醬汁有D特別，肉質又幾淋易咬，D鮮菠蘿仲俾我清晒添。雲腿西蘭花帶子皇，帶子唔韌，水準可以啦。富貴煎釀三太公，我梗係最like 蓮藕啦，辣椒夠辣所以都好，至於棱魚球，一定好食，因為我果粒唔知俾邊個食埋。又有湯飲？哦，原來係特色翅湯枱面蒸山坑魭魚，哈哈，枱面蒸？原來似打邊爐咁，煮好九成，再上枱慢煮，果然係店內特色招牌菜，唔食得都睇得。D湯好甜，好少食淡水魚，😱😱😱條鯇魚好滑呀，我平時除咗刺身，唔係幾好食魚，不過食咗好多，差不多食完先發覺自己未點過蝶辣椒豉油😅我認為應該要帶屋企d老人家黎食，好有風味——味道。