順德魚王海鮮酒家 (已結業)

呢度都幾難揾，響街度淨係見到個招牌唔見門口，原來要響大厦入口搭lift，鋪位都幾細只可以擺十零廿張檯，只做午、晚市。中午嚟到，仲未放工食晏，人未算多，12點半前埋單仲有優惠。食咗潮州粉果、沙律春卷、煎蘿蔔糕、雞粥、臘味滑雞蒸飯。所有點心即叫即做，沙律春卷同煎蘿蔔糕上檯時熱辣辣，熱到唔入得口，蘿蔔糕非常有水準，有蘿蔔味同埋夠實淨，粉果就好多餡料，雞粥D雞有鮮味，粥底都好「棉」又無落味精，臘味滑雞蒸飯就用蒸籠上，臘味有臘肉、臘腸同潤腸，香噴噴兼份量好夠。整体水準不俗，下次嚟要試埋佢D小菜至得。未到12點半已經坐滿,睇嚟真係有麘自然香,D客自然會揾上门駛乜靠門面。

一行5人, 叫左個餐$598白雪公主,,,鈔旦白,,幾滑,,重有帶子添,,鮮求其: 咩都有d咁囉,,虾, 帶子, 豆, 珊瑚旁..都ok話梅雞: 醬幾醒胃,,但隻雞本身無咩味龍蝦伊面: 唔錯,,伊面索哂d汁好夠味網油蘆筍魚卷: 或者係d鯪魚太足料? 唔係幾彈身,,加埋蘆筍,,每人都食左1/3就放左係度了粟米魚肚羹: 幾好飲,,但點解最遲先黎另外叫左桂花蓮子糕, 清清地,,都幾多蓮子香芒卷, 即係芒果糯米卷? 重有椰絲整體幾好食,,,不過一定要book位, ,因為個場唔係好大最奇怪係lift門一開,,旁邊就係我個位,,咁樣加枱,,好似唔係太好另外,,前菜果碟花生收$20, 茶介$8/位, 再加1

尋日一家人去book o左一圍o黎興祝母親節，12人，食物吾錯，用順德o既菜式，最鐘意食係抄鮮奶，個甜品火龍果糕幾好食，個老闆好好人，成日周圍問d食客d食物o既味道好吾好，仲送下果汁比d小朋友飲。

今日終於去咗試吓飲茶,五個人黎到被安排坐在一張入口的枱,d人出出入入都經過我地,其實唔係咁好!食物味道真係唔係太差,不過d碗碟唔係太乾淨,竟然有上手食完的漬同油,我依家有BB好危險架嘛!我地叫咗7個點心同1個粉面.1.鳯"找":我個人覺得出面酒樓的蒸法好味d.2.炸芋頭鮮蝦卷:好味!件芋頭好粉,隻蝦好爽!個皮又唔係太油,新鮮炸起點沙律醬一齊食,yummy!3.牛腸:夠大碟,d腸粉几好架,唔會太sticky,比其他酒樓好d.4.义燒飽:都係出面酒樓嗰d好食d.5.話梅豬手:好油,味道好濃,1碟6件都唔錯.6.蝦餃:四隻,我無食,不過爹地同老公都話唔錯.7.胡椒豬肚雞湯米線:好香胡椒味,雞好鮮甜,米線都好滑,好味!酒樓本身好細,好多人黎到都係好似熟客咁,同老細都有傾吓几句,老細都有過黎我地枱同我地sell吓晚飯的菜式．可能係新年關係，茶錢真係几貴，$10一位，如果晚飯仲要＄１２位再加酸菜$10碟(4人１碟),同外面的大酒樓差唔多，不過就無人地坐得咁好．埋單$210五個人，都唔算太貴．

做CD Rom 好耐第一次寫評語28/12 同班fans半年一次飯局揀呢度地方不大book 左七点 陸陸續續8点前已坐滿第一次黎呢到食7個大食積叫了很多很多野食:小食: 召鹽尤魚so 好多炸蒜伴碟好食香口伴冰凍藍妹一流; 沙薑雞脚 出面都食得到一般吾夠大隻; 炸鯪魚求大粒彈牙点蜆介食正; 煎藕餅釀上魚肉煎香甘脆爽口good;小菜: 話梅雞其實炸雞点話梅醬皮脆肉嫩好食但非强烈推介因外面洒樓不太難做全晚最貴$180 OK 魚咀入味香口魚云嫰滑仔熱住食yummy 可惜六件唔夠分encore 多一個好快清埋; 法式大腸豬大腸洗候乾淨用燒汁餵炆得入味最估佢\吾到用d好似老麥薯係薦底好味; 燒蚝有8 9隻幾好味可惜本地貨吾夠肥美但已經好好當然吾夠唐閣好食; 筍売魚一碟2條皮香肉滑調味豉油汁整得好味加上撒滿薑葱絲出奇好食; 焗魚腸味道幾好但嫌落得少陳皮吾夠甘香; 西蘭花帶子一般; 啫啫唐生菜惹味; 重有兩個三個餸吾記得; 送蕃薯糖水好薑味不俗; 叫多兩

此鋪好耐使二十年前係旺角通菜街已閞.午市賣粥.燒臘飯.雲吞麵.晚市抄少菜.午市我最喜歡食燒鵝飯太太最喜食薰提飯....晚市多數冇位要等位....小菜鑊氣夠.我有時間同埋太太.死黨再上去飲啤酒再食懷舊小菜.

雖然裝修頗殘舊, 但食物味道不錯!最值得一提, 就是話梅脆皮雞真好好味! 肉質好嫩, 好滑,雞炸得很脆, 隻雞有少少話梅味, 個醬汁最正, 話梅味好重!其他菜式:酥炸鯪魚球~ 差不多每檯都叫, 味道亦不錯!香橙菠蘿骨~ 麻麻地!好甜!魚腐什菜粉絲煲~ 魚腐少得可憐!差不多可以只稱為什菜粉絲煲!煎蓮藕餅~ 味道亦不錯!好香口!

母親節怕無位, 一早十時半便到, 原本想去恆豐中心, 剛出地鐵發現新選擇, 但大部分枱都被訂了, 只有六人坐四人枱, 义燒餐包好熱好正, 老闆介紹的奶皇酥則一般, 唔夠軟, 話梅燒雞好好味, 但好似只係醬汁分別, 燒雞都是平常的燒雞, 沒有特別處理, 另外, 枸杞豬潤魚片粥都好味, 很多豬潤, 蒸魚雲都好味但甜左少少, 其他的點心都可以, 不錯的選擇, 好過對面幾間酒樓,

3月2日晚1行5人來,叫咗:1)話梅燒雞(半隻)-好彩訂咗,否則售罄,所以建議訂檯時留埋-賣相幾好,有色澤,附上1碟清澈的sauce-隻雞仍好嫩滑,帶d話梅味。個sauce初時以為是淺色的生抽,蘸落先發現喺小"杰",帶小甜同輕輕的話梅味-不錯2)炸蜆芥鯪魚球(當晚特價菜)-有大約8粒-這款鯪魚球外面是沾了米粉碎去炸,所以脆口,內面d魚肉又熱又彈牙,足料-+蜆芥sauce,友人好欣賞,不俗3)魚腐浸莧菜/菠菜(唔記得咗咩菜)-魚腐呈三角形,幾飽滿-咬落去軟身,有d蛋香味,味道不濃不淡,適中-菜是幼身嗰種,連湯入口,濕濕地4)紫菜藕卷拼炒鮮奶-2者不過不失5)白飯x36)雪梨木瓜糖水(送)-友人全部覺得好甜,要加熱水溝淡佢,但我accept得到-間酒家面積好細,被安排坐在魚缸對出的1張檯,幾迫吓。分分鐘中環間翠華茶餐廳都大過佢因連大堂都無。衛生情況就not so good因洗碗時發現2隻還附著污垢-食物唔差,但個人還是喜歡銅鑼灣的順德xx火鍋酒家。但服務就肯定這裡好好多。2個經理好nice,好快手-最初落單時有另1道特價菜賣晒,我哋無再叫replacement因煎焗魽魚又無。食得咁上下,經

上星期約咗班fd今日出嚟敍吓，所以一早就打電話book枱，因為呢間順德魚王好快滿座，尤其是我哋一行12人，哈!唔打電話book枱都唔知，原來順德魚王已經搬咗去佐敦明珠廣場一字樓，好彩啫!敍餐菜單1.銀棯脆皮雞 皮脆肉嫩，秘制銀棯醬，味道新鮮醒胃2.紫菜蓮藕卷拌鮮奶 有創意，不失家鄉風味特色3.鮑魚汁百靈菇扒時蔬 唔講真係唔知，因為d百靈菇望落去，真係好似d鮑魚咁樣，味道仲好似真係食緊鮑魚咁，正!4.秋菊魚雲翅 以為係蛇羹，因為d菊花鋪晒係面頭，陣陣菊花清香撲鼻，滑滑的魚雲加埋魚翅，夠晒別出心栽5.順德煎焗魚咀 必食推介，因成日都賣晒，香脆可口，家鄉風味6.順德拼盆 有醉酒鴨舌.爽滑海哲.蜆肉脆卷.香煎藕餅 (據經理推介,務求令食客感到新鮮有趣,所以此拼盆會時常轉款)7.千絲萬縷球 原來係由順德名菜炸鯪魚球轉變而來，認真夠心思，外皮仲好脆，鯪魚肉又夠彈牙8.蒜香糖醋骨拼燒汁白鱔條 蒜香糖醋骨不肥膩，且有陣陣蒜香味道 燒汁白鱔條有日式口味，但又較日式鰻魚新鮮爽口仲有，呢度d侍應服務態度唔錯有講有笑，個經理仲好nice，總之就係好似去咗個朋友屋企食飯咁，good!

講既係在佐敦明珠廣場既分店.五位美女定期飯局, 由於有二位靚女要遲少少才夠, 三位在座靚女又好肚餓, 所以首先叫二個小食頂頂肚. 蜆介鯪魚球, 有炸米粉包住, 唔算好粉, 但肉質偏淋, 不是彈牙, 魚味也唔太出. 椒鹽多春魚, 香脆惹味, 連唔好多春魚既我也覺得唔錯.主菜叫左:1.糯米飯蟹煲–偏油but預左, 糯米飯算乾身, 但味道是飯還飯, 蟹還蟹.2.炒鱔絛–正, 爽鱔.3.豆醬炒西生菜–ok, 無乜特別.4.蒜蓉蒸聖子–三大條, 肉鮮, 墊底粉絲才是精髓.5.紫菜蓮偶卷併炒鮮奶- 蓮偶粒加上蝦膠(唔肯定是不是蝦膠), 都唔錯, 炒鮮奶有帶子粒and 松子, 似賽螃蟹.6.話梅燒雞–皮脆肉嫩, 話梅醬香甜, 不似坊間D燒鵝醬咁, 幾好.附送南瓜西米露, 唔濃, 偏淡, 西米淋到feel唔到, 不過送既無計lar.

今天一行十幾人去了順德魚王.地址是jordan mtr exit c, 明珠廣場一樓.點了很多很多小菜. 詳細不太記得了, 只是每碟都幾有水準, 而且唔貴.還有每人一隻大閘蟹.店員很友善. 很多人.推介推介.

星期二晚去了明珠廣場1字樓~順德魚王海鮮酒家, 四個女仔, 都叫左好多野食, SERVICE都好好, 成日有個經理走埋黎, SERVE我地, 但間酒樓真係好細, 一眼望曬, 不過D野食好好味, 我地叫左拆魚羹~ 清D, 唔SAND, D魚肉用九肚魚的, $78.00, 唔係咁抵芝士焗龍蝦+沙卜雞~孖寶套餐$168.00, 本身係脆皮唔知咩雞, 因為賣曬, 轉呢個俾我地, 個芝士焗龍蝦好多芝士, 好好味!個沙卜雞即係沙薑雞……普通啦!一柱撉天~呢個真係唔係好FIRM叫咩, 不過不失, 用露荀包住D蝦糕炸香, 唔係咁好食, D露荀好老…..都有成6舊咁多大良炒奶~好好味, 好滑, 必述蓮耦餅~我平時都唔鍾意食, 不過一上檯已經好香, 好好味咁, 爽爽地, 朋友話食到有芋頭香….朋友都落力推介!!再叫左3個白飯,. 另外, 見隔離檯叫煲仔菜, 應該都唔錯…….埋單每人$138

(12/11/05)我去的在彌敦道225號明珠廣場1樓,如果唔係看住張雜誌紙,都唔識找到來,很細的酒樓,穩藏著很多好味的點心。下午茶2:00開始,好抵食。客家梅菜腸,清清地,幾好。雪花金沙奶皇酥,雪花只是面頭少少椰絲,酥皮內奶皇唔軟,麻麻。枸杞豬潤粥,一定要推介,粥稀杰度好o岩,枸杞煲粥好入味,第一次試,原來是順德o野,好好味。冬菇芋絲春卷,原來芋絲是芋蓉,都好味呀。而服務,有個可能是經理啦,都幾好人架。埋單$63咋,好食得過。

成日黎食晏, 呢度d service好好, 老闆好nice, 但就幾難搵位, 因為佢地方不大, 故最好訂定. 佢d點心味道很好, 非一般行貨, 等別係鯪魚球和甜品椰絲芒果卷, 而且久不久會換款式. 各式麵飯也不錯, 特別是粥和砂窩雲吞雞米線, 非常抵食.小菜亦不貴, 款式亦多, 才30幾蚊起. 試過魽魚煲, 水蟹粥等, 幾有家鄉風味, 可以一試.