順興茶餐廳

營業中

休息中

好耐無係大坑揾食，𠴱日行過鐵皮檔見有空位姐姐即刻開張枱俾我哋坐低同我地講食飯就去鋪頭買外賣車仔麵就用紙仔劃。我見大家東西都是紙盒上不過餐具就用傳統的。我地叫左兩碗車仔麵+凍檸茶少甜+凍奶茶走甜，食物同飲品都真係好好味超出左我的想像。凍檸茶少甜- 檸檬已篤，真係少甜但茶味仍然夠亦香茶底有用心凍奶茶走甜- 走甜茶都唔澀，奶亦滑魚蛋（正常有彈),牛丸（開半有少少肉汁）,魚皮餃(沒有煮穿),米粉（高級貨不是米白色是透明那種）午餐肉（認真煎）,鮮牛（沒用粉乸有牛味）,齋（正常冇油膉味,油麵（新鮮淺色好久沒有食到此狀態的油麵了十分開心兩碗都有生菜量正常而且新鮮，凍飲都無誇張多冰唔會兩啖就飲完。後巷都算明亮乾淨亦無臭味，整體感覺十分良好

今日陪阿媽去大坑觀音廟還神搞完一大輪已經2點就諗住喺附近搵間餐廳食嘢醫肚。最後喺2點27分入咗呢間餐廳留意到餐廳3點閂門，所以都諗住快快脆食完閃水。落單嗰陣店員表示好多嘢都賣晒水吧都收咗半個檔，所以熱飲凍飲有一啲都已無了最後大概係32分落單，食物好快已經喺40分嚟到。食嘅期間店員不停喺你張枱度拎嘢拎餐具拎辣椒油又周圍抹嘢俾人感覺係想你快啲走你阻住佢收工小妹嗌咗個豬扒飯，食完啲豬扒諗住飲啖野再食多兩啖飯嗰頭飲嘢嗰頭成碟飯問都冇問過我就已經俾人收咗我真係呆左自問都已經食得好快因為都知道餐廳就快收工但係收嘢之前問吓我都得啩？之後店員再嚟收碟阿媽同佢講岩先我碟飯未食完店員就話「唔好意思，咁使唔使俾返啖飯你？」態度好到加零一👍🏻另外小妹跟餐嗌咗杯熱朱古力杯嘢真係苦過弟弟似係淨係開咗啲朱古力粉冇加任何奶花奶糖就係一杯朱古力粉水飲咗兩啖真係飲不下去最後我哋喺52分離開餐廳。小妹冇影到相，因為真係趕到㩒電話嘅時間都冇。。完。

呢間茶餐廳嘅滑蛋飯好出名，今日終於黎試下！但係整體覺得平平無奇，去其他間茶餐廳食嘅滑蛋飯仲大碟好食😂都係試一次就好滑蛋三寶飯 ($72)三寶有牛肉、蝦仁、叉燒，但餸嘅份量唔係話好多，叉燒比較薄身，整體需要淋豉油先夠味滑蛋豬排飯($60)都幾多舊豬排，同埋豬排都好易入口，唔會乾唔會硬

滑蛋豬扒飯：豬扒都有好多件，而且餐廳俾咗甜豉油，同個飯嘅味道好夾，份量亦都好多，豬扒係秘製嘅豬扒，味道同埋口味都好好食，喺餐廳傳統嘅名物！忍唔住食完一啖又一啖呀！車仔麵：我哋叫咗腸粉，+$3，揀咗咖喱魷魚，豬紅，同埋豬大腸！三個餸都好好食，咖喱魷魚非常爽口，而且咖喱味非常香濃，鍾意食魷魚嘅朋友，真係不能錯過！豬大腸就好乾淨，食唔到任何異味，豬紅都幾入味！我哋就叫咗豆章，甜甜哋食完車仔麵再飲啖豆漿，都係一個唔錯嘅選擇！🤪

今日中午12點前到餐廳，未有人排隊，入到去望到起碼有4-5個位（雖然未執枱），心諗夠我兩個人坐啦，但收銀位姐姐叫我哋出翻去等。我心諗：『fine，明白你鋪面細，我出去等你執埋枱先』等左5分鐘左右，完全無人執過枱，我再問另一位員工，依然叫我等。我再等多10分鐘，只見呢段時間，佢哋只係不停出餐同接外賣電話，我哋就on_ _企係門口等左十幾分鐘。最後真係嬲嬲地，唔等直接走左。其實之前有食過一兩次佢個滑蛋叉燒，老實講只有average水準。但今日之後，直係no next time

五一期间去香港看五月天演唱会 之前就很想来这里尝尝滑蛋虾仁饭 确实很好吃 虾仁很大颗 浇上灵魂料汁味道更好 只是中午需要排队 服务态度也很不错 并没有出现之前担心的茶餐厅服务态度不好的现象

老婆出外公幹，尋晚凌晨機返到香港之後問佢最掛住香港啲咩野食，二話不說就係順興。於是一朝早落去食早餐，叫左好多人慕名而來既滑蛋菠蘿油。明明只係三樣野：皮脆鬆軟既菠蘿包，一磚冰凍既牛油，熱辣辣既滑蛋，點解可以咁夾？牛油未溶之前先食一啖，可以係口中同時感受到冰與火。而當牛油開始溶既時候，下面既滑蛋充分吸收左牛油既精華令到入口更滑。估唔到一個菠蘿油都可以有兩種食法!成日覺得大坑呢個地方不只充滿美食，仲好有人情味，下次再分享下我食左啲咩好野~

順興茶餐廳大坑呢間茶餐廳不嬲都因為佢踏實嘅味道而出名, 環境方面就冇乜特別㗎啦😂真係普通茶餐廳咁坐得逼少少, 但係食物簡單而又令人感到舒適, 有啲nostalgic for the old days 咁我哋當日遲咗到（~14:00），唔使排長龍但佢哋已經賣晒滑蛋叉燒飯😢所以我哋叫咗滑蛋蝦仁同豬扒飯————————————————感想:❆ 滑蛋蝦仁飯 $67係我喺香港最鍾意嘅其中一道菜, 大方既飯同蛋嘅份量,蝦仁又好大隻，❆ 滑蛋豬扒飯 $60餐廳嘅特別推介之一, 豬扒好嫩好多汁, 唔好唔記得淋上豉油令到口感更加豐富！如果唔想太鹹，可以用湯匙慢慢淋落啲飯。————————————————整體:✦ 價格: 4.6/5✦ 味道: 4.4/5✦ 服務: 3.9/5✦ 環境: 2.5/5✦ 再訪指數: 4.6/5順興茶餐廳地址: 大坑安庶庇街5號地舖營業時間: 星期二至日 07:00-15:00

順興@大坑🌟大坑一定識得呢一個蛋包飯，今日叫咗叉燒大蝦，餐廳即叫即做，上到嚟嘅時候熱辣辣，非常惹味，再加埋少少蔥花，整體配搭上做得非常好，再加埋餐廳自家製嘅豉油，簡直係錦上添花，令人食完一啖又一啖，我同朋友都幾鍾意食，下次嚟會試吓佢嘅豬扒蛋！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟

位於銅鑼灣大坑順興茶餐廳，其實佢好有舊式風味嘅茶檔👍🏻👍🏻我第一次嚟好多人都會食滑蛋叉燒飯、滑蛋豬扒飯但我比較想食車仔麵，因為一般傳統車仔麵而家都少見佢最特色亦都可以撈米、撈麵、撈腸粉👍🏻👍🏻我今次叫咗豬紅蘿蔔雞翼尖勁辣魚蛋撈米😆😆勁辣魚蛋真係要必食👍🏻👍🏻辣味十足可以唔需要再落辣椒油👍🏻豬紅同蘿蔔都超入味，佢嘅撈米係用豉油撈米比起出面用醬撈米好唔同唔會食到好鹹👍🏻👍🏻好味真係

大坑一直都食肆林立，唔少人都會特登入呢捐窿捐罅搵美食，今次同朋友仔去到順興茶餐廳食午餐，點知太晏入到去，如菠蘿油同大部分車仔麵既餸都售罄，淨係得返滑蛋豬同牛揀，就連熱飲都停止供應！🥢滑蛋豬扒飯🥢滑蛋牛肉飯滑蛋飯絕對係順興名物之一，大大碟份量慷慨，熱辣辣既炒蛋呈半熟狀態，係上面鋪上炸至金黃色既豬扒，再撒一啲蔥花，入口好滑溜同充滿蛋香味🍳豬扒醃過後好鬆軟，切得細件好易入口。牛肉經梳打粉醃製後好軟腍，但無乜肉味，下次要早啲到叫返叉燒！雖然無好華麗既擺盤，但色澤同香氣已經叫人垂涎三尺。最精髓係個兜甜豉油🫶🏻加入辣椒油同麻油，然後逐少逐少咁撈飯食，達至畫龍點睛之效果。簡簡單單既食材好有港式味道又夠地道！📍順興茶餐廳 大坑安庶庇街5號地舖

睇食評黎大坑試食，早上未夠10:00前來，參考咗其他食評後決定呢間。有早餐餐牌，亦有車仔麵，兩樣都有試。魚柳餐，都係普通無乜特別，份量比一般少，連凍飲差不多$50。車仔麵好似係$42/2餸麵，個別餸要$15（豬腸，牛腩，魷魚等），叫咗一碗5餸撈米，成為$80。豬紅個味整得幾好，魷魚都夠厚身，豬腸唔夠淋，蘿蔔無揸，齋正常。鴛鴦走及茶走夠熱唔太甜唔太漏口，唔錯。鮮油多最驚喜，牛油鋪滿多士內，十分香脆。唯一好奇，堂食飲品，餐廳會用外賣杯上，令人懷疑，飲品係其他餐廳送過嚟！😅1份魚柳餐配凍飲，1份5餸車仔麵餐配熱飲，2件多士+1杯熱飲，成為$187，到此一遊，試過就算。

This is one of the dishes that we love in HK. It’s simple yet very comforting. We love how generous they are with the toppings and the size of the smooth silky egg.We came a bit late (1:30pm) and they already ran out of the char siu egg rice 🥲.We ordered the pork chop egg rice and the shrimp rice instead. The pork chops are tender and moist. The shrimps are huge, glossy like a crystal and meat is crispy!Don’t forget to pour the soy sauce to enhance the flavour! If you don’t want it to be too sal

事實上前身係同源品車仔麵同一家庭經營 之後分家了 這裏名物除了招牌滑蛋叉燒飯和滑蛋菠蘿油外 也可以吃到車仔撈麵 🍜但真的要早點去 試過早上11點多到的時候不用排就可以 但如果晚點到午餐時間的話 基本上很多餐牌上的都賣完了 甚至連熱飲也沒有了 只有凍飲 (應該是沒有熱飲杯吧😓) 而且會一直聽到店員在大聲叫嚷着 哪樣東西又賣完了 試過一點多到的時候已只剩下幾樣車仔餸😶‍🌫️很多人推薦撈腸粉 因為較喜歡公仔麵的關係先試這個 點了三餸車仔撈公仔麵 蘿蔔清甜 咖喱魷魚惹味 午餐肉也是煎過 夠邪惡 除了本身自家製的豉油外 記得也配辣汁或腩汁😋另外想推薦的是茶走 個人認為比附近著名的炳記更好飲 午餐時間基本上大坑幾間著名的茶餐廳都在排隊 大部份也只營業到三點多 所以想食的話真的要早點到 不過下次應該會去源品也試試 

睇到openrice介紹既滑蛋菠蘿油慕名而去的…星期日12點幾去到排隊，排隊果陣無任何食物售罄/落單限制提示。坐落位先知果陣無麵包賣、無得叫熱飲，只限凍飲+$3🫨 杯野飲重要應該係隔離店賣既，用既都係外賣杯，奶茶唔滑唔香，唔好飲。唔緊要，滑蛋叉燒飯都好出名，一於試試啦！ 一食覺得同普通茶記既味道差不多，如果要排隊的話完全唔值，會嘥晒自己時間…劃重點：1. 態度差（如果硬要比較，牛奶公司既叔叔比順興更有人情味，至少食到舊茶檔感覺）2. 無麵包唔講，無熱飲唔講，落單先話無無咩，焗你+$3叫凍飲3. 滑蛋叉燒味道一般唔，值得嘥時間排隊唔會再去